ܔْاܔْفطيمــ تبحث عن الاجهاض ܔْށ [الأرشيف] - منتديات شبكة الأسهم القطرية

شاهيناز

13-10-2010, 09:41 PM

فطيم فتاة قطريه تجد مثيل لها في اكثر الاسر فهي اخت ام زوجه صديقه زميله عمل وجاره.......... لكن هل فكرت يوم في فطيم في مشاعرها ,, هل كنت يوم اداة من ادوات التحطيم لفطيم دون ان تشعر اقرء قصه فطيم الي تبحث عن الاجهاض دون جدوى..

زارتني زميلتي في العمل وهي في حاله عصبيه تعودت ماتزورني الا اذا نفسيتها تحتاج لفضفضه

جلست وهي تهتز من العصبيه
قلت لها خير ان شاءالله يا فطيم وش السالفه

نظرت لي وقالت انا اعيش في ماساه مايعلمها الا الله
قلت لاتحاتين احنا معاك امري بس
قالت بقولك ماساتي وقولي لي الحل
انا حامل من زمان بس مافي امل للولادة
قلت متى تزوجتي لايكون تزوجتي زواجات ها الايام سري ومسيار واخواتهم
قالت سمعي وخلي عنك تعليقاتك
من كم يوم رحت افصل عبايه قالت لي الي تاخذ المقاسات بصغر المقاسات لان بعد الولاده بينقص وزنك
وجه حزيين

رحت مره لصيدليه اشتري دوا قالت لي الصيدلانيية مانصحك تاخذين الدوا يشوه الجنين ..وجه باكي

حبييت اصبغ شعري في الصالون قالت لي وحده اختي باسئلك سمعت ان الصبغه تضر الجنين هذي اول مره تصبغيين وانتي حامل
وجه بائس

قولي وش يكون موقفك لو انتي مريتي بها المواقف

ماعرفت وش ارد عليها؟؟؟

طلعت كلاقسي وكلته بسرعه الريح
قالت لي لاتستغربين اذا عصبت وتضايقت لازم اكل حلو
وهذي سبب مشكلتك رديت عليها

قالت انا دورت لقيت ان الحل جراحي ياربط تحويل معده شفط دهون وش تنصحيني فيه
قلت لها لازم تسئلين الي مجربيين وتشوفيين الافضل
بس انا افضل الرجييم والرياضه
قالت ايه بس بيطول حملي ابي اجهض بسرعه مليت وتعبت من نظرة الناس لي...

بعد ايام

رحت لها المكتب لقيت صحن المكسرات وهي تكسر
قلت وش صار في ماساتك
قالت قصدك حملي للشحوم
خلاص مافكر في العمليات كل ماسئلت حد خوفني الي في غيبوبه والي في رميله من اشهر تعاني من ربط العمليه والي الشفط خرب جلدها
بلاوي يا وخيتي الله يشافيهم
بس خلاص مافي الا الحل الي قلتي عليه ومشوار الالف كيلو بمشيه لين اتخلص من الشحوم

ومرت اسابيع
وكل ماسئلتها متى بدايه الرجيم والرياضه تقول الاسبوع الجاي
وكان الاسبوع الجاي مابيجي

اخيرا

محد يحس بماساه صاحبات الاوزان الثقيله
والمشكله ان الكثيرات مستسلمات لحالتهم والبعض
يمزح وينكت قبل ماحد يقول عنه شي
والبعض يستغلهم في اغرائهم بمنتجات سريعه لحل مشكلتهم
وتكون لها نتائج كارثيه
الله يطلف بحالهم

اوبس

**هـتــــــان**

13-10-2010, 09:44 PM

النار ماتحرق الا رجل واطيها :) اوبس

فيزيائية

13-10-2010, 11:57 PM

الامر يبيله عزيمة وارادة قوية
اما انها (تبغي ) و(تحلم) و(تتمنى)
وهي فاتحة حلجها وهااات يا اكل بلا حركة ولا شغل فلا تحلم ..
انما الصبر بالتصبر والحلم بالتحلم ...
في كل شي مب بس وزن نبي نجهضه !!

نورالهدى

14-10-2010, 12:01 AM

الله المعين

فلتة زمانها

14-10-2010, 12:08 AM

الله يعينها
بس هي غلطانه تسكت عن نفسها المفروض انها مجرد ماتحس وزنها
زاد عن المعدل المثالي تتصرف وتتدارك الامر بس عقب ما اصابتها سمنه مفرطه
اهني الحل صعب شوي ويبيله عزم واراده وتحمل مع بعض الاعراض الجانبيه

طارق

14-10-2010, 12:39 AM

في برنامج في اسباير اسمه انتي جميله
موجه للنساء البدينات لتنزيل الوزن , ارجو ان تسألي عنه , وبكره بحطلكم الرقم لأني نعسان الحين

المرأه القطريه البدينه تعاني اكثر من البدين القطري بسبب
1-
صعوبه الحصول على ملابس الرياضه للنساء البدينات في قطر ( الآن متوافر التفصيل )
2- عدم وجود منشئات رياضيه كافيه للمرأه القطريه في كل مناطق الدوله
3- العقليه القديمه عند البعض في منع بناته من الرياضه
4- عدم وجود دعم نفسي لها من المنزل والأصدقاء
5- عاداتنا الأجتماعيه الغذائيه اللتي تشجع على النهم الشديد
6- عدم توافر برك سباحه او شواطئ مخصصه للنساء في قطر ( السباحه افضل رياضه لمن يعانون الزياده في الوزن )
7 - انطوائيه المرأه البدينه القطريه في المنزل , بسبب التعرض للتحرش من قبل المعاكسين , واذا لم تعطي وجه يتم جرحها بالكلام ’ الذي يزيد من انطوائيتها
8- تعرضها للأستغلال العاطفي والمادي من أشباه الرجال ’ الذين يستغلون الفراغ العاطفي فيها و الرغبه في القبول من الجنس الآخر .

وهناك حل آخر خاصه للموظفات اللاتي عندهم معاش
في مصحات في التشيك , متخصص في علاج البدانه , توفر السكن والدعم الطبي والتمارين الراياضيه
مثل
مصح الثيرمال
مصح الريشموند
والآن في مصحات أرخص في البوسنه والهيرسك بنظام اسلامي , يكثر بها الكويتيون والسعوديوون

انا عمري ماشفت مرأه تعاني من زياده الوزن سطحيه او غير اجتماعيه
اكثرهن فيهم نضوج وحسن تعامل
اتمنى محد يستعمل هالموضوع عشان ينغز ويجرح في النساء الخ الخ

الله يوفق الجميع
اخوكم طارق

شمعة الدوحه

14-10-2010, 12:58 AM

الله يكون بعونها

ذكرتني باختي مع انها موب متينه وايد

بس والله خايفه تتأزم حالتها

اذا ننصحها تصارخ علينا وشلكم خص

المشكله ماعندها اراده وماتقعد بدون ماتاكل

هالشي يبيله اراده قويه علشان تحرم نفسها من اشياء تحبها

يعطيج الف عافيه شاهي :nice:

تغلبية

14-10-2010, 01:01 AM

موضوع مميز شاهي :)

كانت معنا زميلتنا من ذوات الوزن الثقيل جداً .. لدرجة ان كرسي المكتب صغير عليها ..
وكنا احنا زميلاتها نداريها ونخاف على مشاعرها ما اتحسس من هذا الحمل المزمن للاثقال .. وخاصة انها كانت حلوة في صغرها وكيوت :)

من خلال سوالفنا الصباحية المس كثيراً من معاناتها الصامته ..
الكرسي صغير جداً عليها .. ويضايقها في القعدة .. وياخذ لها وقت على ما "تنفرج" اياديه مع الايام .. ويتوسع !
ما تروح ولا تجي .. من البيت للشغل ومن الشغل للبيت !
ما تلقى ملابس مقاسها ! واذا خيطت بتكون الموديلات سادة او بموديل خفيف لان الموديلات الجديدة بتكون دفشة عليها !
ما تلقى صنادل واحيانا تاخذ الصنادل الرجالية عشان تكون مريحة لها !
ما اتحب حد يمشي وراها .. ! اتحسس حتى احنا ياربعها ! وتكون مضطربة شوي لين توصل من مكتبها للسيارة عشان محد يلاحظ وزنها وهل اذا هي زادت في وزنها !
وطبعاً .. أمرالزواج مفروغ منه .. وعايشة على الاحلام فقط !!!!!

اعرض هالمظاهر ... لاني اتعاطف جداً مع النساء السمينات جداً ..
هناك سمنة لها حلول بسيطة وهناك من السمنة حلولها صعبه وجراحية !

الشاهد ..

ان هناك هدف جزئي وهدف شامل على الاقل يكون عندها .. وهما الاستمتاع بالحياة ومباهجها .. وان تعيش المراة كيانها بكل مافيها .. تستمتع بانوثتها وجمالها .. ورشاقتها اذا قدرت .. ويكون لها طموح تحاول اتحققه مرة وحدة -على الاقل- في حياتها
وهو انها تشوف خصرها ضامر!

QtrGate

14-10-2010, 03:26 AM

نعم اختي او اخي

انا اعاني من السمنه والحمدلله تم
تحويلها الى السمنة البسيطة
وبأذن الله بعد شهرين بيكون الوزن المثالي وهو 75

وهذا كله يجب ان يصبح بعد ارادة قوية
وجدولة مثل جدوى لمشروع

ولاكن جدولة وحسابات للنفس
وكتابة كل مايأتي من السمنة من رأي الناس بي و رأيي بنفسي و الامراض التي ستصيبني وكل ماهو ضار لي

وكتابة في ورقة اخرى كل ما اريد ان افعله بعد ان اوصل للوزن المثالي

كلعب الكرة مع الشباب والجري ولبس الجنز والملابس الكشخة وحصوصا الاحساس بحب الذات

ويجب ان تعود نفسك كل شهر بتقليل الاكل قليل جدا

وتحسب لمدة سنة كاملة

وانا بدأت من بداية هذه السنه وفقدت 15كيلو والباقي 5 كيلو

من 95 الى 75

ودعواتكم لي بالنجاح في هذا والاستمرار ان شاء الله

صراحتاً تعبت نفسياً من هذا الرجيم الطويل ولاكنه سهل جداً

والي عنده خلطة او شيئ لفقدان 5كيلو فقط يكلمني

طارق

14-10-2010, 05:11 AM

أتمنى تغيير العنوان الى مثلا
بدانه المرأه القطريه , المشاكل والحلول؟
عشان العنوان مبهم ,وراح يشاركون به الكثير للنصيحه

غزلان

14-10-2010, 05:21 AM

الله يكون في عونها

المهم توفر الأراده وكل الأمور بتتسهل

كازانوفا

14-10-2010, 10:37 AM

في اراده بيتكون النتائج مرضيه ما في
خليها تروح تكمل صحن المكسرات للسنه الجايه

بـــــــنت النوخـّــــذه

14-10-2010, 11:30 AM

اي صح الصبغات وهالخرابيط كلها اتأثر بالجنين 00صراحه فطيم اصدمتني حبكت الصبغه يعني واهي حامل :omen2: تقدر اتغير اللوك بطرق صحيه سليمه ^_^ بعيد عن تقليد فلانه وعلانه 0000000

المهم بالنسبه للاطنان الي متراكمه في الجسم ترى في ناس بنيتهم الجسميه جذيه (متان) ولو اتلاحظون بعضهم على متنهم ريلهم من تحت ضعيفه (انا قلت من تحت) يعني شكل الجسم متوارث:omen2:00

اعرف وحده متينه حيل ماشاء الله بس المتن لايق عليها متناسق يعني اعتقد اقدرت تبهر الناس باناقتها يعني المسئله اهي مسئله قناعه وذكاء في لفت الانظار 00لدرجه ولا وحده تجرأت اتقول لها ضعفي لانها عطت المتن نكهه

ولكن تدرون ياجماعه والله مافي اهم من الصحه 000 الله يرحم ايام سميرة توفيق ككككك كانو يضربون فيها المثل في متنها (شمحووووطه اشحلوها<<<كلامهم )* وطموح كل شاب قطري ذيج الحزه:taunt:

إلا سؤال بريئ جدا " هل بضنكم بترجع موضه الوزن الثقيل نفس قبل ؟؟
ويلا الاهم ياجماعه الصحه الصحه الصحه

الصريحه

14-10-2010, 11:34 AM

الحمد لله قال قال ابي اجهض
استغفر الله زين الموضوع طلع شيء غير
الله يهديها بس

بنت السندباد

14-10-2010, 01:19 PM

واذا افتكروها حامل !!! لازم يكون عندها ثقة في نفسها وترد عليهم , انا كنت دبدوبة
واكثر من مرة انسألت هالسؤال , انتي حامل ؟
ارد بكل ثقة : انا موش متزوجة وابتسم بعد :) , لين الله عانني وخفيت .
يا جماعة ترى الرضى عن الذات شيء مهم جدا للأنسان ,
وانصح فطيم انها تشوف نفسها في المرآة وتبتسم ابتسامة الرضى
وعقبها ان شاء الله رب العالمين بيرشدها للطريقة الصحيحة
للتخلص من الشحوم .

طارق

14-10-2010, 01:25 PM

عنوان الموضوع مخربط و غير واضح
يحتاج تغير
بدايه الموضوع أجهاظ ونهايته كلام عن البدانه

شاهيناز

14-10-2010, 01:41 PM

النار ماتحرق الا رجل واطيها :) اوبس

هلا فيك اختي هتان

بس بعد لازم نحس فيهم

الله المعين

هلا فيك اختي نور الهدي
الله يعين الجميع

الله يعينها
بس هي غلطانه تسكت عن نفسها المفروض انها مجرد ماتحس وزنها
زاد عن المعدل المثالي تتصرف وتتدارك الامر بس عقب ما اصابتها سمنه مفرطه
اهني الحل صعب شوي ويبيله عزم واراده وتحمل مع بعض الاعراض الجانبيه

هلا فيك اختي فلته زمانها
السمنه لها اخطار كثيره هم يعرفون بس للاسف كل يوم يقلون بكره
الرجيم وبكره مايجي

وتسلمون على المرور الحلو

شاهيناز

14-10-2010, 01:46 PM

الامر يبيله عزيمة وارادة قوية
اما انها (تبغي ) و(تحلم) و(تتمنى)
وهي فاتحة حلجها وهااات يا اكل بلا حركة ولا شغل فلا تحلم ..
انما الصبر بالتصبر والحلم بالتحلم ...
في كل شي مب بس وزن نبي نجهضه !!

اختي ام نونيه هلا فيك

المشكله الاراده تحتاج لحد يشجعها ويوفق معاها لكن الانسان ضعيف وخاصه عند الاكل

في برنامج في اسباير اسمه انتي جميله
موجه للنساء البدينات لتنزيل الوزن , ارجو ان تسألي عنه , وبكره بحطلكم الرقم لأني نعسان الحين

المرأه القطريه البدينه تعاني اكثر من البدين القطري بسبب
1-
صعوبه الحصول على ملابس الرياضه للنساء البدينات في قطر ( الآن متوافر التفصيل )
2- عدم وجود منشئات رياضيه كافيه للمرأه القطريه في كل مناطق الدوله
3- العقليه القديمه عند البعض في منع بناته من الرياضه
4- عدم وجود دعم نفسي لها من المنزل والأصدقاء
5- عاداتنا الأجتماعيه الغذائيه اللتي تشجع على النهم الشديد
6- عدم توافر برك سباحه او شواطئ مخصصه للنساء في قطر ( السباحه افضل رياضه لمن يعانون الزياده في الوزن )
7 - انطوائيه المرأه البدينه القطريه في المنزل , بسبب التعرض للتحرش من قبل المعاكسين , واذا لم تعطي وجه يتم جرحها بالكلام ’ الذي يزيد من انطوائيتها
8- تعرضها للأستغلال العاطفي والمادي من أشباه الرجال ’ الذين يستغلون الفراغ العاطفي فيها و الرغبه في القبول من الجنس الآخر .

وهناك حل آخر خاصه للموظفات اللاتي عندهم معاش
في مصحات في التشيك , متخصص في علاج البدانه , توفر السكن والدعم الطبي والتمارين الراياضيه
مثل
مصح الثيرمال
مصح الريشموند
والآن في مصحات أرخص في البوسنه والهيرسك بنظام اسلامي , يكثر بها الكويتيون والسعوديوون

انا عمري ماشفت مرأه تعاني من زياده الوزن سطحيه او غير اجتماعيه
اكثرهن فيهم نضوج وحسن تعامل
اتمنى محد يستعمل هالموضوع عشان ينغز ويجرح في النساء الخ الخ

الله يوفق الجميع
اخوكم طارق

اخي طارق هلا فيك
بالنسبه للعنوان القصد منه الكثير لما يشوف ذوات الاوزان الثقيله يضن انها حامل
لكن محتوى الموضوع عن البدانه ومب شرط العنوان يكون واضح

بالنبسه لبرنامج اسباير للاسف القليل الي يعرف فيه واسباير ماتسوق لنفسها
ولا تعلم عن البرامج الي عندها الي يروح يروح بالصدفه

الله يكون بعونها

ذكرتني باختي مع انها موب متينه وايد

بس والله خايفه تتأزم حالتها

اذا ننصحها تصارخ علينا وشلكم خص

المشكله ماعندها اراده وماتقعد بدون ماتاكل

هالشي يبيله اراده قويه علشان تحرم نفسها من اشياء تحبها

يعطيج الف عافيه شاهي :nice:

شمعه دوحتنا هلا فيك

الله يخلي لك اختك شجعيها على الاكل الصحي والرياضه قبل مايتطور الامر
لان اذا نست نفسها بعدين تكون كارثه

وتسلمون على المرور الحلو

شاهيناز

14-10-2010, 02:17 PM

موضوع مميز شاهي :)

كانت معنا زميلتنا من ذوات الوزن الثقيل جداً .. لدرجة ان كرسي المكتب صغير عليها ..
وكنا احنا زميلاتها نداريها ونخاف على مشاعرها ما اتحسس من هذا الحمل المزمن للاثقال .. وخاصة انها كانت حلوة في صغرها وكيوت :)

من خلال سوالفنا الصباحية المس كثيراً من معاناتها الصامته ..
الكرسي صغير جداً عليها .. ويضايقها في القعدة .. وياخذ لها وقت على ما "تنفرج" اياديه مع الايام .. ويتوسع !
ما تروح ولا تجي .. من البيت للشغل ومن الشغل للبيت !
ما تلقى ملابس مقاسها ! واذا خيطت بتكون الموديلات سادة او بموديل خفيف لان الموديلات الجديدة بتكون دفشة عليها !
ما تلقى صنادل واحيانا تاخذ الصنادل الرجالية عشان تكون مريحة لها !
ما اتحب حد يمشي وراها .. ! اتحسس حتى احنا ياربعها ! وتكون مضطربة شوي لين توصل من مكتبها للسيارة عشان محد يلاحظ وزنها وهل اذا هي زادت في وزنها !
وطبعاً .. أمرالزواج مفروغ منه .. وعايشة على الاحلام فقط !!!!!

اعرض هالمظاهر ... لاني اتعاطف جداً مع النساء السمينات جداً ..
هناك سمنة لها حلول بسيطة وهناك من السمنة حلولها صعبه وجراحية !

الشاهد ..

ان هناك هدف جزئي وهدف شامل على الاقل يكون عندها .. وهما الاستمتاع بالحياة ومباهجها .. وان تعيش المراة كيانها بكل مافيها .. تستمتع بانوثتها وجمالها .. ورشاقتها اذا قدرت .. ويكون لها طموح تحاول اتحققه مرة وحدة -على الاقل- في حياتها
وهو انها تشوف خصرها ضامر!

هلا فيك اختي تغلبيه

تسلمين على الاضافه القيمه
انا افكر ليش مايكون في جمعيات تعني بالاوزان الثقيله مثل جمعيه السكر وذوي الاحتياجات الخاصه
لان السمنه عندتا في قطر منتشره بين كل الاعمار والسبب اسلوب الحياة الخطئ والوراثه
والله يلطف بحالهم يارب
نعم اختي او اخي

انا اعاني من السمنه والحمدلله تم
تحويلها الى السمنة البسيطة
وبأذن الله بعد شهرين بيكون الوزن المثالي وهو 75

وهذا كله يجب ان يصبح بعد ارادة قوية
وجدولة مثل جدوى لمشروع

ولاكن جدولة وحسابات للنفس
وكتابة كل مايأتي من السمنة من رأي الناس بي و رأيي بنفسي و الامراض التي ستصيبني وكل ماهو ضار لي

وكتابة في ورقة اخرى كل ما اريد ان افعله بعد ان اوصل للوزن المثالي

كلعب الكرة مع الشباب والجري ولبس الجنز والملابس الكشخة وحصوصا الاحساس بحب الذات

ويجب ان تعود نفسك كل شهر بتقليل الاكل قليل جدا

وتحسب لمدة سنة كاملة

وانا بدأت من بداية هذه السنه وفقدت 15كيلو والباقي 5 كيلو

من 95 الى 75

ودعواتكم لي بالنجاح في هذا والاستمرار ان شاء الله

صراحتاً تعبت نفسياً من هذا الرجيم الطويل ولاكنه سهل جداً

والي عنده خلطة او شيئ لفقدان 5كيلو فقط يكلمني

هلا فيك اخوي
مشاءالله برانامج حلو
الاحلى وجود الاراده بعدين تقدر تكتب تجربتك في كتابه مثل تركي الدخيل

السمنه سهل التغلب عليها لو اردنا

الله يكون في عونها

المهم توفر الأراده وكل الأمور بتتسهل

هلا فيك اختي غزلان

ويكون في عون الجميع
الاراده مب شي هين تحتاج لدعم من المقربيين
وتسلمون على المرور الحلو

شاهيناز

14-10-2010, 02:26 PM

اي صح الصبغات وهالخرابيط كلها اتأثر بالجنين 00صراحه فطيم اصدمتني حبكت الصبغه يعني واهي حامل :omen2: تقدر اتغير اللوك بطرق صحيه سليمه ^_^ بعيد عن تقليد فلانه وعلانه 0000000

المهم بالنسبه للاطنان الي متراكمه في الجسم ترى في ناس بنيتهم الجسميه جذيه (متان) ولو اتلاحظون بعضهم على متنهم ريلهم من تحت ضعيفه (انا قلت من تحت) يعني شكل الجسم متوارث:omen2:00

اعرف وحده متينه حيل ماشاء الله بس المتن لايق عليها متناسق يعني اعتقد اقدرت تبهر الناس باناقتها يعني المسئله اهي مسئله قناعه وذكاء في لفت الانظار 00لدرجه ولا وحده تجرأت اتقول لها ضعفي لانها عطت المتن نكهه

ولكن تدرون ياجماعه والله مافي اهم من الصحه 000 الله يرحم ايام سميرة توفيق ككككك كانو يضربون فيها المثل في متنها (شمحووووطه اشحلوها<<<كلامهم )* وطموح كل شاب قطري ذيج الحزه:taunt:

إلا سؤال بريئ جدا " هل بضنكم بترجع موضه الوزن الثقيل نفس قبل ؟؟
ويلا الاهم ياجماعه الصحه الصحه الصحه

بنت النوخذه
هلا فيك

يازين مشاركتك بس اهم شئ سميره توفيق كانو الشياب يحبونها
بس الحين تغير الوقت الحين زمن عارضات الازياء والفيديو كليب

بس اهم شي الصحه لان السمنه مضره بالصحه
والصبغه مضره بالجنين في اول اشهر الحمل

الحمد لله قال قال ابي اجهض
استغفر الله زين الموضوع طلع شيء غير
الله يهديها بس

هلا فيك اختي الصريحه
العنوان للجذب الجميع للقراءة

واذا افتكروها حامل !!! لازم يكون عندها ثقة في نفسها وترد عليهم , انا كنت دبدوبة
واكثر من مرة انسألت هالسؤال , انتي حامل ؟
ارد بكل ثقة : انا موش متزوجة وابتسم بعد :) , لين الله عانني وخفيت .
يا جماعة ترى الرضى عن الذات شيء مهم جدا للأنسان ,
وانصح فطيم انها تشوف نفسها في المرآة وتبتسم ابتسامة الرضى
وعقبها ان شاء الله رب العالمين بيرشدها للطريقة الصحيحة
للتخلص من الشحوم .

بنت السندباد هلا فيك

مشاءالله قلتي شي مهم اهم شئ الثقه
لانسان لازم يحب نفسه بس بعد يحاول للافضل عشان صحته مب ارضاء الاخريين
المشكله البعض مايراعي مشاعر الاخرييين
وتسلمون على المرور الحلو

شاهيناز

14-10-2010, 02:28 PM

في اراده بيتكون النتائج مرضيه ما في
خليها تروح تكمل صحن المكسرات للسنه الجايه

هلا فيك كازانوفا

هي مب مقصره لازالت المكسرات والشوكولا مستمره
لان ياست انها تضعف في يوم

وتسلمين على المرور الحلو

مشتاقة لقطر

14-10-2010, 03:04 PM

الله يعينهم والله

لازم كلمةتنبيه لهم يمكن تحرجهم بس بتغير حياتهم هالكلمة

طارق

15-10-2010, 07:28 AM

شاهيناز طرحت موضوع مميز ب فكره حلوه
الا وهي
جمعيه لمكافحه السمنه أسوه ب جمعيه مكافحه السكر
وممكن يخلونهم جمعيه وحده لأن السكر مرتبط بالبدانه وبالعكس

وأضن جد فكره مميزه و ليست صعبه التنفيذ

مع التحيه
اخوج طارق 3اشهور عطوني باند عشانج ياظالمه

الأصيلة

15-10-2010, 10:43 AM

بما إنها صديقتك يا شاهيناز
انصحك بأن تداومي على نصحها باستمرار ...
فـ لتخفف من الأكل وتاخذ دورات في الراشد عن الإرادة ووسيلة تقويتها...
ولا تسوي رجيم بس تخفف ومع الأيام رح تتعود...
فالدكتور الكويتي جمال الملا يقول وزنه كان 150 ك
ومع التخفيف فقط ( 6 وجبات يوميه بدل الـ 3 )
نزل في سنة كامله 75 ك والحين مرتاح ..
عنده برنامج ياليت تتطلع عليه ...
فخلها تستفيد من تجارب الآخرين...
ولازم تعرف إن البدانه تؤثر على الصحة أكثر من الجمال...

شكرا يا شاهيناز على الموضوع...

شاهيناز

15-10-2010, 01:55 PM

الله يعينهم والله

لازم كلمةتنبيه لهم يمكن تحرجهم بس بتغير حياتهم هالكلمة

هلا فيك اختي مشتاقه لقطر

ان شاءالله دوم نشوف مواضيع عن السمنه واضرارها يمكن تساعد الاخرين

شاهيناز طرحت موضوع مميز ب فكره حلوه
الا وهي
جمعيه لمكافحه السمنه أسوه ب جمعيه مكافحه السكر
وممكن يخلونهم جمعيه وحده لأن السكر مرتبط بالبدانه وبالعكس

وأضن جد فكره مميزه و ليست صعبه التنفيذ

مع التحيه
اخوج طارق 3اشهور عطوني باند عشانج ياظالمه

هلا فيك اخي طارق
محتاجين للجمعيه لانها مهمه لذوي الاوزان الثقيله وخاصه من الاطفال
لان ماشوف في برامج مجديه لهم غير محلات تتستفيد من معاناتهم واسعارهم غاليه
بس هم يحاولون غير المستشفيات الخاصه الي تروج لعمليات في ناس فقدو حياتهم بسببها
بما إنها صديقتك يا شاهيناز
انصحك بأن تداومي على نصحها باستمرار ...
فـ لتخفف من الأكل وتاخذ دورات في الراشد عن الإرادة ووسيلة تقويتها...
ولا تسوي رجيم بس تخفف ومع الأيام رح تتعود...
فالدكتور الكويتي جمال الملا يقول وزنه كان 150 ك
ومع التخفيف فقط ( 6 وجبات يوميه بدل الـ 3 )
نزل في سنة كامله 75 ك والحين مرتاح ..
عنده برنامج ياليت تتطلع عليه ...
فخلها تستفيد من تجارب الآخرين...
ولازم تعرف إن البدانه تؤثر على الصحة أكثر من الجمال...

شكرا يا شاهيناز على الموضوع...

اختي الاصيله هلا فيك
دوم احاول اقدم النصيحه بس مافي فايده لان الموضوع اسلوب حياه وتفكير يحتاج لغير
بس من الي يعرف اسلوب الي يدخل فيه لعقليه ذوي الاوزان الزايده لكي يستطيع فيه ان يغير مسارهم الي الطريق السليم الموضوع يحتاج لتوجيه من ناس مدربين على ذلك

وتسلمون على المرور الحلو