المساعد الشخصي الرقمي

مشاهدة النسخة كاملة : استفسار؟ احنا المحالات على البند صج بيرجعونا


جنون قطر
13-10-2010, 09:51 PM
للأسف سمعت أن أحنا المحالات على البند لمركزي راح يرجعونا مره ثانيه خاطري أعرف هذا الكلام صحيح والا لاء لأن أحنا متعودين على القرارات المتخبطه وبالنسبه لغيابنا طول الفتره الي راحت اشلون راح ينحسب في حالة اذا رجعونا مع اني ما أتخيل أني أرجع لمعتقلات المدارس المستقله والله أني كنت حاسه أني قاعده في مستعمره مش مدرسه .:weeping:
sendarala
13-10-2010, 10:06 PM
الله يعينكم

والله سمعنا مثل ما سمعتي


بس ان شاء الله يكون الخبر كذب

وان شاء الله يفتحون لنا المجال واحالتنا للبند بدل ما احنا قاعدين في هذه المعتقلات مثل ما قلتي
شموع قطريه
13-10-2010, 10:18 PM
لا ماراح يرجعونج لاتحاتين هم بروحهم مبتلشين في الاعداد اللي حولوهم على مدرسة الاخلاص تبينهم يرجعون اللي عطوهم البند .. حبيبتي ريحي بالج وتهني في وقتج ولا تخربين وناستج بالقلق اللي ماله داعي دام انهم عطوج بند مايقدرون يرجعونج انبسطي واستانسي ولا تصدقين كل شي ينقال عن المجلس الاغبى ..
ANONYMOUS
13-10-2010, 10:24 PM
الظاهر الناس حسدوكم
الخير كله
13-10-2010, 10:27 PM
اي بيرجعونكم





يارب علشان اعيالنا يتعلمون صح
شمس المغيب
13-10-2010, 10:29 PM
لا ماراح يرجعونج لاتحاتين هم بروحهم مبتلشين في الاعداد اللي حولوهم على مدرسة الاخلاص تبينهم يرجعون اللي عطوهم البند ..
حبيبتي ريحي بالج وتهني في وقتج ولا تخربين وناستج بالقلق اللي ماله داعي دام انهم عطوج بند مايقدرون يرجعونج انبسطي واستانسي ولا تصدقين كل شي ينقال عن المجلس الاغبى ..

الله يسمع منج واحنا نتمى انهم مايرجعونا..
حرقوا قلبوا الله يهديهم:weeping:
المخباط
13-10-2010, 11:10 PM
omenعلى قولة انونومس حسدوكم
ترى المجلس الاعلى راصد جوائز على كل راس يتم اقتناصة من المبندات مركزيا
فالقطوا حذركم ولا حد يروح المجمعات او الاماكن العامة:telephone: تراني حذرتكم
والكلام لأختي اللي تتهدد على البرج للسوآل عن مخصصاتها
شموع قطريه
13-10-2010, 11:16 PM
omenعلى قولة انونومس حسدوكم
ترى المجلس الاعلى راصد جوائز على كل راس يتم اقتناصة من المبندات مركزيا
فالقطوا حذركم ولا حد يروح المجمعات او الاماكن العامة:telephone: تراني حذرتكم
والكلام لأختي اللي تتهدد على البرج للسوآل عن مخصصاتها

خل يقربون صوبي :strong3::strong3::strong3::fight::fight::strong
yosif1
13-10-2010, 11:16 PM
المحالين على البند المركزي ينقسمون الى ثلاث فئات

الاولى : خدم اكثر من 15 سنة يتم احالتهم على التقاعد والدولة تدفع لصندوق التقاعد فرق سنوات العمل.

الفئة الثانية : التي عملت اكثر من 9 سنوات يتم اعطائم فرصة للعمل في احد الوزرات

مع منحة فترة سنة لايجاد وظيفة

الفائة الثالثة : اقل من 5 سنوات عمل يتم عرض عليهم وظيفة وفي حالة الرفض يوقف الراتب

ويفصل من البند المركزي

هذا والعلم عند الله
التيما
14-10-2010, 12:55 AM
بيرجعونكم .. لازم ترجعون يا جماعه والله لازم .. بسنا نسمح حكي نسوان وكلام من هنا وهنا .. وكيا بات هي .. بسنا خلص .. نبي نسمع شلونج واخبارج وشمسويه ..
حتى بناتنا ماعاد يفهمون حرام والله بذمتكم يا جماعة .. كلنا نتعب ولا زلنا بس صابرين مو عشان هالمجلس والله عشان عيالنا .. جربوا المستقله وافهموا شيسوون وشيهببون بتعرفون ان عيالنا محتاجين لكم .. مدرسين ومدرسات ماعندهم ذمه ولا ضمير .. والله اني سمعت مدرسة مقيمة تقول عن طالبة طز عنها مافهمت وانا مالي !! اااه يا قلبي كنت بحذفها باللاب اللي قدامي بس عهده مب حقي .. وغيرها اكثر شوفه عيوني وسمع اذوني ..

الله يسامح من تخلى عن عيالنا ..
ANONYMOUS
14-10-2010, 01:36 AM
المحالين على البند المركزي ينقسمون الى ثلاث فئات

الاولى : خدم اكثر من 15 سنة يتم احالتهم على التقاعد والدولة تدفع لصندوق التقاعد فرق سنوات العمل.

الفئة الثانية : التي عملت اكثر من 9 سنوات يتم اعطائم فرصة للعمل في احد الوزرات

مع منحة فترة سنة لايجاد وظيفة

الفائة الثالثة : اقل من 5 سنوات عمل يتم عرض عليهم وظيفة وفي حالة الرفض يوقف الراتب

ويفصل من البند المركزي

هذا والعلم عند الله



عندي اختي من فئة بين 5 سنين و 9 سنين..

شاللي بيصير لهم هل هالفئه
الأصيلة
14-10-2010, 01:46 AM
ليكون المجلس الأعلى غير رايه بسبب ما كتب هنا في المنتدى...
لكن لازم الوحده منكم تتأقلم مع الوضع الحالي وتقنع نفسها...
ومايصير نلعن ونسب طول اليوم وندب الحظ ...
الصبر مفتاح الفرج وتجديد النية يجدد النشاط والهمة..
وعيال قطر أولى أن القطريين يدرسونهم وليس الأجانب...
Stranger Man
14-10-2010, 02:51 AM
إن شاء الله احتمال الاسبوع القادم ستصل لوزارة العمل كشوفات بأسماء المحالين للبند من المجلس الاعلى للتعليم للنظر بأمرهم

اختي لاتخافي امورنا بإذن الله خالصة

وفقكِ الله
جنون قطر
14-10-2010, 06:18 AM
بيرجعونكم .. لازم ترجعون يا جماعه والله لازم .. بسنا نسمح حكي نسوان وكلام من هنا وهنا .. وكيا بات هي .. بسنا خلص .. نبي نسمع شلونج واخبارج وشمسويه ..
حتى بناتنا ماعاد يفهمون حرام والله بذمتكم يا جماعة .. كلنا نتعب ولا زلنا بس صابرين مو عشان هالمجلس والله عشان عيالنا .. جربوا المستقله وافهموا شيسوون وشيهببون بتعرفون ان عيالنا محتاجين لكم .. مدرسين ومدرسات ماعندهم ذمه ولا ضمير .. والله اني سمعت مدرسة مقيمة تقول عن طالبة طز عنها مافهمت وانا مالي !! اااه يا قلبي كنت بحذفها باللاب اللي قدامي بس عهده مب حقي .. وغيرها اكثر شوفه عيوني وسمع اذوني ..

الله يسامح من تخلى عن عيالنا ..

والله يا أختي أن قلوبنا عورتنا لان أحنا تركنا الطالبات بس والله احنا الحين في زمن الاجانب يعني المديرات القطريات عازينهم ورازينهم اكثر منا فما قدرنا نستحمل الوضع.
الـقـاسـي
14-10-2010, 07:07 AM
لاحول ولاقوة الا بالله المدرسين صارو يشردون من المدارس واول يعطون ويتعبون من قلب والحين يبوون الفكة وبعد بيحملونهم الغلط مراح يحملونة المجلس الاعلى لضياع التعليم للاسف
zaboot
14-10-2010, 09:35 PM
إن شاء الله احتمال الاسبوع القادم ستصل لوزارة العمل كشوفات بأسماء المحالين للبند من المجلس الاعلى للتعليم للنظر بأمرهم

اختي لاتخافي امورنا بإذن الله خالصة

وفقكِ الله

أي أسبوع قادم الله يبارك فيك اليوم تم الاتصال في بعض المحالين للبند المركزي وقالولهم ارجعوا داوموا في مدارسكم السابقة يوم الأحد القادم

ما في بند مركزي خلاص
مشعل 111
14-10-2010, 09:38 PM
الله يعينكم والله

بعد ماكانت هالوظيفه من احسن الوظايف صارت العكس
جنون قطر
14-10-2010, 09:51 PM
للأسف اليوم رحت المجلس وقالوا ارجعوا مدارسكم مجلس الوزراء ما وافقوا على البند
القطو السمين
14-10-2010, 11:39 PM
للأسف اليوم رحت المجلس وقالوا ارجعوا مدارسكم مجلس الوزراء ما وافقوا على البند

بغيت استفسر هل انتي من المحاليين على مدرسة الاخلاص ؟ وهل انتي ادارية او مدرسة ؟ وكم سنوات الخبرة؟ وشكرا لكي اختي :shy:
PARIS
15-10-2010, 12:04 AM
حسبي الله ونعم الوكيل هناك ناس محتاجين للراتب حولوهم على مايسمى بالبند المركزي منهم محتاجين للراتب من المطلقات وغيرهم ومنهم عليهم التزامات ماليه ... الله يفرج عليهم ...
**هـتــــــان**
15-10-2010, 12:13 AM
معليه لاتزعلون ترى العدل في الظلم حق ..ولازم ترجعون حالكم حالنا اشمعنى احنا التخصصات العلميه ماوافقوا لنا نطلع بند فمن كثر مانروح للوزير اتوقع يردونكم سوري بس العدل واجب ..:( دفاعنا عن حقنا ي البند شكلهم بيرجعون الغالبيه بس والله مهب احنا السبب اهم توهقوا فينا ويبون يسكتونا فقاموا يقولون لنا بنرجعهم خلاص معاد فيه بند :weeping:
تربوي
15-10-2010, 01:21 AM
حسب علمي لا يوجد بند مركزي وكل الوعود غير صادقة طبعا نتحدث عن الافواج الاخيرة فقط

ولذلك الاخوان يحاولون التملص من الموضوع لتحويل الموظفين الى التقاعد بمسمى البند وهذا غير صحيح حسب القانون ونصيحة اذا طلب منك توقيع اي اوراق تخص التقاعد لا تقبلين لأن هذا ليس في صالحك
ان كانوا هم لا يريدونكم فهم من يتحمل اعباء هذا القرار وليس الموظف

هذه مداخلة سريعة فقط

والله يوفق الجميع
القطو السمين
15-10-2010, 11:06 AM
بغيت استفسر هل انتي من المحاليين على مدرسة الاخلاص ؟ وهل انتي ادارية او مدرسة ؟ وكم سنوات الخبرة؟ وشكرا لكي اختي :shy:

ارجو الرد
كاروهات
15-10-2010, 12:20 PM
للأسف سمعت أن أحنا المحالات على البند لمركزي راح يرجعونا مره ثانيه خاطري أعرف هذا الكلام صحيح والا لاء لأن أحنا متعودين على القرارات المتخبطه وبالنسبه لغيابنا طول الفتره الي راحت اشلون راح ينحسب في حالة اذا رجعونا مع اني ما أتخيل أني أرجع لمعتقلات المدارس المستقله والله أني كنت حاسه أني قاعده في مستعمره مش مدرسه .:weeping:

أمين يارب الله يسمع منج ان شاء الله يكون الخبر صحيح
عشان الكل يرجع ويخدم بلده قطر
:anger1: