الاستشارات الهاتفيه .. مقترح لمؤسسة حمد الطبيه

[الوان]

الاستشارات الهاتفيه .. مقترح لمؤسسة حمد الطبيه

*

كم مره يمر علينا يوم نحتاج لإستشارة طبيب

سؤال بسيط

بدون ما ناخذ موعد ... او نروح لدكتور خاص .. و للأسف البعض يدور الحل على النت

بدل هذا كله ... لو تتوفر خدمة الاستشارات الهاتفية

يعني الواحد يشل السماعة و يدق رقم موحد

و بعدين يختار شيبي .. باطنية - اسنان - عظام - نساء ... الخ

و يرد عليه طبيب يجاوب على سؤاله

شرايكم في الفكره يا جماعه؟؟؟؟؟؟؟؟؟

[روح الاطلس]

فكرة طيبة

لكنها خيالية اقرب من الواقع

لان الدكاترة في حمد يالله ملحقين على المرضى والمؤتمرات والندوات واوارق البحث والخ

ومع ندرة عدد الاطباء في حمد صعب يتطبق هالشي

اللي اعرفه في بريطانيا موجود خدمات من هالنوع تقدر تخلص امورك احيانا بالهاتف

تتصل على الطواري ويعلمونك اش تسوي في بعض الحالات وانت بنفسك تكون المسعف

تاخذ نتيجة تحاليلك بالهاتف بدل العنوة

احنا لو سوينا تحليل دم بسيط للحديد مثلا مايعطونا النتيجة لازم نطق مشوار وناخذه

انا اقول الخيار هذا ممكن يكون موجود في حالة يكون الخط بفلوس وعلى المتصل تنحسب فاتورة الاتصال والمبالغ اللي تتجمع من الاتصالات ( بسعر رمزي طبعا ) تكون من صالح الطبيب

اذا اصلا اطبائنا ما يعترفون بشيء اسمه ايميل ولا يردون على االايميلات

في احد المرات دخلت على طبيب بعد انتظار دام اربع ساعات وانا عندي قصة مرضية طويلة والطبيب مستعجل ماقعد مع الا نص دقيقة ويبي يكتب لي ادوية ومع السلامة

قلت له لو مستعجل عطني ايميلك وبرسل لك الحالة واقراها وقت فراغك واكيد بتوصل لتشخيص قال اوكية

وعطاني الايميل الرسمي التابع لمؤسسة حمد وارسلت له ( هالكلام من ثلاث سنوات ) ولين اليوم ماوصل رد منه


بينما لما اجرب واراسل اي طبيب حتى لو في جونز هوبكنز ولا مايو كلينك ولا لندن يردون علي خلال يومين كأقصى حد !!!!

استغرب الصراحة هل هم فاضيين مثلا؟؟؟ اكيد لا
لكن مايهملون اي استسفسار ويشتغلون بذمة وضمير

على عكس الطبيب العربي اللي كل همه كم بيقبض اخر الشهر لا تطوير لا تثقيف للذات لا قراءة لا اطلاع ومعلوماته قديمة وغير متواصل مع المنظمات والهيئات العالمية ويتابع كل جديد

وهالشي لمسته مع كثير من الدكاترة لما اقابلهم ولما اناقشهم بمعلومات عندي

يستغربون على بالهم انه تخصصي في الطب !!
ببساطة لاني اقرأ اكثر مما يقرأون :)

[انا حره]

هم الحين انت عندهم يشخلونك شخال ماعرفو يشخصون حالتك بالتلفون تتوقع يعرفووووون

[وحيد-الشوق]

هم الحين انت عندهم يشخلونك شخال ماعرفو يشخصون حالتك بالتلفون تتوقع يعرفووووون

هههههههههههههههههههههههههههه اي والله :nice:

مستشفى مخزي ويفشل

[القناعة كنز]

فكرة طيبة

لكنها خيالية اقرب من الواقع

لان الدكاترة في حمد يالله ملحقين على المرضى والمؤتمرات والندوات واوارق البحث والخ

ومع ندرة عدد الاطباء في حمد صعب يتطبق هالشي

اللي اعرفه في بريطانيا موجود خدمات من هالنوع تقدر تخلص امورك احيانا بالهاتف

تتصل على الطواري ويعلمونك اش تسوي في بعض الحالات وانت بنفسك تكون المسعف

تاخذ نتيجة تحاليلك بالهاتف بدل العنوة

احنا لو سوينا تحليل دم بسيط للحديد مثلا مايعطونا النتيجة لازم نطق مشوار وناخذه

انا اقول الخيار هذا ممكن يكون موجود في حالة يكون الخط بفلوس وعلى المتصل تنحسب فاتورة الاتصال والمبالغ اللي تتجمع من الاتصالات ( بسعر رمزي طبعا ) تكون من صالح الطبيب

اذا اصلا اطبائنا ما يعترفون بشيء اسمه ايميل ولا يردون على االايميلات

في احد المرات دخلت على طبيب بعد انتظار دام اربع ساعات وانا عندي قصة مرضية طويلة والطبيب مستعجل ماقعد مع الا نص دقيقة ويبي يكتب لي ادوية ومع السلامة

قلت له لو مستعجل عطني ايميلك وبرسل لك الحالة واقراها وقت فراغك واكيد بتوصل لتشخيص قال اوكية

وعطاني الايميل الرسمي التابع لمؤسسة حمد وارسلت له ( هالكلام من ثلاث سنوات ) ولين اليوم ماوصل رد منه


بينما لما اجرب واراسل اي طبيب حتى لو في جونز هوبكنز ولا مايو كلينك ولا لندن يردون علي خلال يومين كأقصى حد !!!!

استغرب الصراحة هل هم فاضيين مثلا؟؟؟ اكيد لا
لكن مايهملون اي استسفسار ويشتغلون بذمة وضمير

على عكس الطبيب العربي اللي كل همه كم بيقبض اخر الشهر لا تطوير لا تثقيف للذات لا قراءة لا اطلاع ومعلوماته قديمة وغير متواصل مع المنظمات والهيئات العالمية ويتابع كل جديد

وهالشي لمسته مع كثير من الدكاترة لما اقابلهم ولما اناقشهم بمعلومات عندي

يستغربون على بالهم انه تخصصي في الطب !!
ببساطة لاني اقرأ اكثر مما يقرأون :)

:):):):):)

ماشالله تبارك الله اول مرة ادري ان اللي ينسخ ويلزق من قوقل او غيره بتكون معلوماته اكثر من اللي دخل كلية الطب بمافيها محاضرات وكتب وفحص مرضى وامتحانات وكرف لمدة سبع سنين
وعقب التخرج ملزوم على هالطبيب اللي اتشوف ثقافته اقل من ثقافتك العبقرية لازم يجيب شهاده التخصص في المجال اللي يختاره فهو اما يسافر برع(امريكا وكندا والمانيا ) يكمل تخصصه ويرجع استشاري عقب كم سنه او انه يقعد ببلاده ينضم لبرنامج تدريبي للزماله العربيه ويدخل بعدها امتحانات عشان يصير اختصاصي في مجاله
الطبيب لازم يحضر مؤتمرات ويسوي ويحضر محاضرات بالقسم نفسه وهذي يسمونه cme عليه تقريبا 40 درجة بالسنة ياثر على ترقيته لو ماجابها
المستشفى موفرة للاطبا مواقع طبيه لمجلات طبية عالمية ومواقع ثانيه طبية يقرا معلومات منها عشان يسوي ابديت حق نفسه ومعلوماته ومب بس يقرا لازم يسوي برزنتاشن للقروب حقه او حتى القسم اللي هو فيه من هالمجلة الطبية
وبالمحاضرات اللي يسويها القسم احيانا يستعرضون الحاله الغريبه اللي مرت على الطبيب والقروب اللي معاه عشان باقي اطباء القسم يستفيدون منها
بسالك اخوي او اختي دام انك شايف هالاطبا اغبيا ومتاخرين ومايثقفون نفسهم ليش انت واللي مثلك من عباقرة المنتدى مادخلتوا الطب يمكن بعلمكم وعبقريتكم تنقذون اهل قطر من مقصب حمد العام ومن القصاصيب اللي فيه
ويمكن على يدكم الكريمة تصير قطر وجهة عالمية للمرضى من شتى بقاع العالم :)
واذا انتوا كبار وايد وراحت عليكم ممكن تدخلون عيالكم كليات الطب لان ابن الوز عوام يعني اكيد عيالكم عباقرة مثلكم

[خزامئ]

الخدمة موجودة في مركز طواري الاطفال السد من سنتين موجودة
وانا جربتها ممتازة

[بلوتنيوم]

الاطباء مش ملاحقين المرضى الى عندهم
ويادوب قادرين يحققون الحد الادنى من الرعاية
فما بالك بعد تقول لهم ردوا على التلفون :omen2:

[ضوى]

الحمد لله عندي اطباء لكل شئ واستشيرهم وقت الحاجة :)

[عزيزوف]

بالتلفون اتوقع على طول بيقولج اخذي بندول وارقدي

وبعدها بتسمعين صوت القطار طوط طوط طوط هههههههههههه

[بلوتنيوم]

الحمد لله عندي اطباء لكل شئ واستشيرهم وقت الحاجة :)

ممكن نسخة من اللستة
وبندعي لك من هنية لين البحر الاحمر:tease:

[بلوتنيوم]

بالتلفون اتوقع على طول بيقولج اخذي بندول وارقدي

وبعدها بتسمعين صوت القطار طوط طوط طوط هههههههههههه

ههههههههههههه
مسكين هالبنادول
لو يدري المخترع انه بيكون علاج لكل مرض
كان حصل جائزة نوبل وبولتيرز والاوسكار :omen2:

[ضوى]

ممكن نسخة من اللستة
وبندعي لك من هنية لين البحر الاحمر:tease:



:(:(:(:(:(:(


مايصير تدعي لي بدون ماعطيك اللستة :(

[ضوى]

الخدمة موجودة في مركز طواري الاطفال السد من سنتين موجودة
وانا جربتها ممتازة

بالفعل ممتازة هالخدمة :)


الله يعطيهم الف عافية

وعلى فكرة يقدر اي شخص يتصل على طواري حمد ويطلب غرفة الفحص ويكلم اي طبيب مناوب موجود ويشرح له الحالة وراح يقوله اذا حالته تستدعي الحضور للطواري او الاكتفاء بنوع معين من العلاج

[£عبدالعزيز£]

مافي دكتور بيرضى يشخص مرض بمجرد الوصف بالتلفون

لانه هالسوالف مافيها توقعات وشرح بالتلفون !!

[الرويـس]

:(
شتوزعون ؟
عطونا الله يعطيكم

[ضوى]

مافي دكتور بيرضى يشخص مرض بمجرد الوصف بالتلفون

لانه هالسوالف مافيها توقعات وشرح بالتلفون !!


اخوي السالفة مش سالفة تشخيص ، انت تشرح الحالة بالضبط للطبيب عالتلفون ، طبعا هو راح تكون له اسئلة معينة كل واحد حسب تخصصه الطبي طبعا ، وساعتها راح يشوف حالتك تحتمل الانتظار ومراجعة الطبيب وعمل التحاليل اللازمة ، او ضرورة مراجعة الطوارئ بشكل عاجل ، وهالاشياء يقدر يكتشفها الطبيب بحكم تجاربه وخبراته في التعامل مع الحالات المماثلة

[بلوتنيوم]

:(:(:(:(:(:(


مايصير تدعي لي بدون ماعطيك اللستة :(

ندعي لك يالدوحة بالجية والروحة :omen2:
خلاص ندعي لك بالحد الادنى :tease:


مافي دكتور بيرضى يشخص مرض بمجرد الوصف بالتلفون

لانه هالسوالف مافيها توقعات وشرح بالتلفون !!

اتوقع هالرد فيه من الصحة الكثير
عمر التلفون مايعطي التشخيص الصحيح



:(
شتوزعون ؟
عطونا الله يعطيكم

دعاء يوم الجمعة
قدم طلب عند الرزبشوزن:omen2:

[روح الاطلس]

ردي على الاخت الفاضلة القناعة كنز

لا يالغالية انا ما استقي معلوماتي من اي مكان ولا من قوقل كوبي بيست مثل ماتفضلتي


انا اعرف مواقع المجلات الطبية والمواقع المعتمدة

فيه الله يسلمج منظمات متخصصة لامراض معينة وفيها اشخاص متخصصين للرد على الاستفسارات
وخاصة بأمريكا

وانا مشتركة فيها ويراسلوني بكل المستجدات

وممكن اتفضل واضرب لج بعض الامثلة

قديما كان يعتبر المريض بـالـ MVP
يستحسن له اخذ مضاد حيوي تحسباً لأي Infection
قبل اجراء اي معالجة للاسنان

وبعدين نزلت الـ AHA بعد دراسات وابحاث منذ فترة قريبة انه لا حاجة ابدا لاستخدام المضاد وناقشت اطباء في الموضوع وماكان عندهم خبر !
ومرة طبيب اخر كنت اناقشه في دراسة منشورة عن مرض معين وطلعت معلوماته قديمة ولما قلت له قال ابي اشوف الموقع او وين الدراسة منشورة ودخل قوقل وبحث عن الموضوع قدامي وتأكد بنفسه وقال ايه الموضوع توه نازل ما امداني اعرف عنه
وحاول يرقع السالفة بمبررات

ولا احد ينكر سواء من طبيب او مريض انه لازال اطبائنا العرب متأخرين عن العالم والبعض لازال يمارس طرق قديمة في العلاج والتشخيص
احد الاطباء الله يسامحه في مستشفى حمد عشان يكشف عن الـ reflux في الكلى لازال يعتمد طريقة الاشعة بالصبغة !! وماوصل لعلمه ان اليورودايناميك هو اللي يكشف الارتجاع بدون الحاجة للصبغة ومضاعفاتها وهي اصلا باتت طريقة قديمة!! ممكن رد على هالحالة ؟!!
وطبيب آخر مو حافظ اسم الـ antibiotic الي ينعطى في حالة وجود fungs من نوع Candida !! مع انه نوع مشهور ومعروف وطلع كتاب من الدرج ويدور اسم العلاج ! وهذه كلها ليست قصص من وحي الخيال بل انا شاهد عيان :)


وعندي امثلة كثيرة ودقيقة جدااا وحصلت لي شخصيا لكن ما احب اذكرها هنا وتدل على جهل كثير من الاطباء

واعيد واكرر اطبائنا العرب لا يقرأون لا يقرأون ويجهلون حتى اساليب التعامل مع المرضى ولا يعرفون من اخلاقيات المهنة الا اسمها ( فئة كبيرة منهم للاسف )

وجربنا التعامل مع العرب والاجانب فرق شاسع بين اخلاقيات هذا واخلاقيات ذاك
رغم ان العرب درسوا وتعلموا على ايديهم لكن عادوا كما هم !

[رجل الجزيرة]

الاستشارات الهاتفيه .. مقترح لمؤسسة حمد الطبيه

*

كم مره يمر علينا يوم نحتاج لإستشارة طبيب

سؤال بسيط

بدون ما ناخذ موعد ... او نروح لدكتور خاص .. و للأسف البعض يدور الحل على النت

بدل هذا كله ... لو تتوفر خدمة الاستشارات الهاتفية

يعني الواحد يشل السماعة و يدق رقم موحد

و بعدين يختار شيبي .. باطنية - اسنان - عظام - نساء ... الخ

و يرد عليه طبيب يجاوب على سؤاله

شرايكم في الفكره يا جماعه؟؟؟؟؟؟؟؟؟

حاليا في التطوير بعدما خلصوا من مستشفى النساء ما شاء الله تبارك تقول فندق 5 نجوم والحين شغالين في مستشفى الرميلة وأخيرا مستشقى حمد بس يبغي له وقت.

[القناعة كنز]

ردي على الاخت الفاضلة القناعة كنز

لا يالغالية انا ما استقي معلوماتي من اي مكان ولا من قوقل كوبي بيست مثل ماتفضلتي
اسمحي لي اختي انتي اتشخصين للاعضاء من قوقل تنسخين وتلزقين تبين اعطيج امثله من ردودج بالمنتدى
عضوة سالت عن عرج اخضر بريولها وقالت انه صار له 3 شهور وركزي في المده معاي 3 شهوروعقب قالت ان الطبيب قال لها هذي جلطة ومع انه كلمه جلطه تحمل معاني كثيره بس انتي رحتي عند قوقل نسختي موضوع عن الجلطه الوريديه العميقه deep venous thrombosis وحطيتي لها العلاج القنبله اللي هو ادوية تخثر مع ان الجلطة الوريدية العميقه مستحيل تقعد ايام مب شهور لان هالجلطه ببساطه لو ماتعالجت بسرعه ممكن تروح للرئه
عضوة ثانيه قالت انها حامل ومعاها حراره والاطبا شخصوا لها انها حمى روماتيزميه بعد شهر قمتي انتي على طول مسكتي كلمه حمى روماتيزميه وفكرتيها rheumatic feverوقمتي سبيتي الاطبا انهم متاخرين وشلون مايعرفون يشخصون الحمى الروماتيزميه وان انتي اللي مب طبيبه عرفتي التشخيص وان من اعراضه الم المفاصل المتنقل والحمدلله المريضه نفسها عقب اكدت ان مرضها اسمه adult still disease يعني تشخيصج وشتمج للاطبا اللي سميتهم متاخرين طلع مب بمحله

عضو ثالث يسال عن امراض النوم قمت قلت له عن الدكتور عبدالعزيز الهاشمي طبعا انا ماسالته عن اعراضه بس قلت له يروح لعبدالعزيز هو متخصص بامراض النوم وبيشوف حالته تستدعي انه يتابعه ويسوي له sleep study والا لا
قمتي دخلتي وعطتيه الحل القنبله قلتي له خل طبيب الاعصاب يشوفك ويطلب لك sleep study
مع ان طبيب الاعصاب ماله علاقه ومايسوي هالstudy الا طبيب الامراض الصدريةمثل الدكتور عبدالعزيز
انا اعرف مواقع المجلات الطبية والمواقع المعتمدة

فيه الله يسلمج منظمات متخصصة لامراض معينة وفيها اشخاص متخصصين للرد على الاستفسارات
وخاصة بأمريكا

وانا مشتركة فيها ويراسلوني بكل المستجدات
حلو اشتركي بالمجلات عشان تثقفين عمرج وتتناقشين مع اطبائج لين زرتيهم وتفهمين اللي يسوونه لكن مب عشان تشخصين الامراض ونتي مب طبيبه
وممكن اتفضل واضرب لج بعض الامثلة

قديما كان يعتبر المريض بـالـ mvp
يستحسن له اخذ مضاد حيوي تحسباً لأي infection
قبل اجراء اي معالجة للاسنان

وبعدين نزلت الـ aha بعد دراسات وابحاث منذ فترة قريبة انه لا حاجة ابدا لاستخدام المضاد وناقشت اطباء في الموضوع وماكان عندهم خبر !
مادري حسستيني ان احنا بموزمبيق من هالكلام وخلني افترض ان هالاطبا كلهم ماوصلت لهم هالguidelines for infective prophylactic in mvp
شبيصير يعني لو عطوج ابره وحده قبل اي dental procedure ونتي مثلا عندج mvp

الامريكان خايفين من حساسية المضاد ومن مقاومه البكتريا للمضاد واذا ماصارت هالاشيا هل بتكون معضله لو عطوج الابرة


ومرة طبيب اخر كنت اناقشه في دراسة منشورة عن مرض معين وطلعت معلوماته قديمة ولما قلت له قال ابي اشوف الموقع او وين الدراسة منشورة ودخل قوقل وبحث عن الموضوع قدامي وتأكد بنفسه وقال ايه الموضوع توه نازل ما امداني اعرف عنه
وحاول يرقع السالفة بمبررات
بعد بنشكرج انج انقذتي مرضى مستشفى حمد اللي يتابعون مع هالطبيب المتاخر وعلمتيه باخر الابحاثولا احد ينكر سواء من طبيب او مريض انه لازال اطبائنا العرب متأخرين عن العالم والبعض لازال يمارس طرق قديمة في العلاج والتشخيص
احد الاطباء الله يسامحه في مستشفى حمد عشان يكشف عن الـ reflux في الكلى لازال يعتمد طريقة الاشعة بالصبغة !! وماوصل لعلمه ان اليورودايناميك هو اللي يكشف الارتجاع بدون الحاجة للصبغة ومضاعفاتها وهي اصلا باتت طريقة قديمة!! ممكن رد على هالحالة ؟!!
هذي الكلام ممكن يرد عليج طبيب مسالك بوليه مب انا بس لما اكتشفتي هالقصاب المتاخر اللي مايعرف شي بالطب انه للحين يستخدم الصبغه هل كان اليورديناميك موجود بالمستشفى يومها وهل هو متدرب عليه
وسواء استخدم الصبغه والا اليوروديناميك المهم نطلع بتشخيص صحيح
وطبيب آخر مو حافظ اسم الـ antibiotic الي ينعطى في حالة وجود fungs من نوع candida !! مع انه نوع مشهور ومعروف وطلع كتاب من الدرج ويدور اسم العلاج ! وهذه كلها ليست قصص من وحي الخيال بل انا شاهد عيان :)
طبيب نسى اسم او جرعه دوا حكمتي عليه انه متاخر هههه
اختي ترى هالكتب الصغيره اللي تنحط بالجيب هذي الفوها عشان تذكر الطبيب لو نسى لان الطبيب بشر ممكن ينسى مب مهم احفظ اسم الدوا او احفظ الجرعه بس المهم اعرف شلون اطلعها
حتى الاطبا الاجانب بجيوبهم هالكتب الصغيره تذكرهم فيه كتب ادويه وفيه كتب خاصه للطبيب المناوب شلون يتصرف او يشخص الحاله يعني مجرد تذكير
لاتتوقعين الطبيب عقله كمبيوتر يتذكر كل شي بس المهم يعرف شلون يطلع المعلومه بالوقت المناسب
وعلى هالطاري من كم سنة كنت قاعده بعياده مع طبيب اجنبي زائر كان يشوف مريض قطري المهم المريض سال سؤال قام هالاجنبي طلع الpcp يدور جواب للسؤال
عاد شوفي المريض القطري ماعيب على الطبيب الاجنبي وقال شلون طبيب ماعنده رد سريع على اجابتي الا بالعكس استانس و قال لي ليش ماتسوون مثله بس اتوقع لو الطبيب عربي كان هالمريض القطري رايه بيكون مثلج انه هالطبيب مايعرف شي وقاعد يدور المعلومه
وعندي امثلة كثيرة ودقيقة جدااا وحصلت لي شخصيا لكن ما احب اذكرها هنا وتدل على جهل كثير من الاطباء

واعيد واكرر اطبائنا العرب لا يقرأون لا يقرأون ويجهلون حتى اساليب التعامل مع المرضى ولا يعرفون من اخلاقيات المهنة الا اسمها ( فئة كبيرة منهم للاسف )

وجربنا التعامل مع العرب والاجانب فرق شاسع بين اخلاقيات هذا واخلاقيات ذاك
رغم ان العرب درسوا وتعلموا على ايديهم لكن عادوا كما هم !

دامج قارنتي الطبيب العربي بالاجنبي ياليت بالمرة تقارنين المريض الاجنبي بالمريض العربي وخاصه القطري
مريض اجنبي تشرحين له عن المرض وعن الدوا يقوم بكل ادب يشكرج على اهتمامج نفس الشي سويتيه مع مريضه قطريه فهمتج غلط وراحت تشتكي عليج
مريضه يوقف قلبها وهي منومه يروح لها الطبيب المناوب يبي يسوي لها cpr ويلقى هجوم عنيف وضرب من اهل المريضه بحجه انتوا اللي موتوها تتوقعين هالمريضه لو ماتت بلندن والا امريكا هالاهل قدروا يرفعون عيونهم بالطبيب الاجنبي مب بس يرفعون ايدهم


مريض قطري شايب دخل العنايه المركزة واستقرت حالته وكان لازم ينتقل للعنايه العاديه بس مافي غرفه خاصه وقتها الموجود غرفه عامه المهم بالليل كان لازم يدخل من الطواريء مريض ثاني حالته غير مستقرة ويحتاج ادويه لازم تنوخذ بالعنايه المركزة وينحط عليه المونيتور وماكان فيه سرير فاضي ابد قلت خلاص هالشايب حالته مستقرة لازم ينتقل للعنايه العاديه حتى لو بغرفه عامه بس مؤقت ورحت بكل ادب وشرحت لولده الشاب انه محتاجين للغرفه بسبب المونيتور قام بكل عصبية رد علي اني شلون اشيل قطري من غرفة خاصه عشان احط فيها اجنبي شفتي شلون تفكيرهم بس يبون غرفه خاصه مايفكر ان هذي عنايه مركزة وان هالمريض حالته خطيره لازم مونيتور تتوقعين هالنوعيه اللي مايميز عنايه عاديه عن عنايه مركزة شلون تتفاهمين معاه ولو شديتي اكثر معاه ممكن يرفع العقال عليج

بالعيادات حطوا لهم ارقام وكل واحد يدخل بدوره لين ولع الرقم لكن مازال بعض الناس يفتح العياده وبداخلها مريض للحين ماخلص بدون احترام لخصوصيه هالمريض او يقعد يضرب باب العياده كل شوي اذا كان مسكر مع انه ماوصل دوره ليش لانه يبي يدخل بسرعه وان عنده شغل مستعيل

ومواقف كثيرة انشوفها بس بعد ماعمم اكيد شفنا مرضى قطريين قمة الادب والاحترام


اخر الكلام اختي اللي بقوله سواء الطبيب تطور والا لا معظم اهل قطر مايثقون بعلاج اطبا مستشفى حمد ولاتقولين بس هالفتره من وعينا عالدنيا وهم يسمون مستشفى حمد مقصب حمد

[@north_star@]

الواحد يروح المستشفيات وما يعطونه ويه شحال لو على التلفون ......وفعلا اقتارح جيد ويا ريت لو يطبق لانه بيخفف زحمة مالها داعي