استفسار عن حضانات التالية: بيزي بيز المرخيه بيتي با وليتل شيربس

[لبتونه]

استفسار عن حضانات التالية: بيزي بيز المرخيه بيتي با وليتل شيربس

السلام عليكم



امهات بليز ساعدوني من عنده معلومات او خلفيه عن حضانه ليتل شيربس بالدفنه

ابي جميع تفاصيل



الاسعار الاستاف اجنبي عربي دوام من كم الى كم تعامل مع الاطفال يقبلون من سن كم الى كم



ونفس الاسئله حق حضانه بيزي بيز بالمرخيه


ونفس الاسئله لحضانه بيتي با

[بوحارب]

أن شاء الله الأعضاء يفيدونك

[الـقـاسـي]

ياليت اللي عندة معلومات مايحرمنا منها لتعم الفائدة على الجميع

[همر]

بيزي بيز بيتي با شيربس ؟!! :eek5: وانا عبالي عادل امام يهلوس يوم يقول شييييييربخ !! اثاريه يعدد اسامي حضانات..

اعوذ بالله من غضب الله .. هذي اسامي.. كله ولا حضانة سانت بيكاديللي مادري ميكافيللي مادري ناني مكفي اللي في الدفنه.. كلها ايام ونشوف حضانة اليسوع وعليها صليب...


سوري الشيخه .. خذتني الحماسه.. :shy:

مادري عن الحضانات اللي قلتي عنهم بس ممكن ارشح وحده رابعه؟ ولو ان السؤال موجه للامهات بس المشكله في لقافة الاباء..

شوفي حضانة كنجدوم كندرجاردن اللي على دوار مركز المعارض مجربه واللي فيها مسلمات ومنقبات بعد وتعليمهم زين .. بس الاسعار شوي :weeping: ورانا بنيان..

[الســـهم]

هلا اختي لبتونه ..

جربت ولا زلت مع حضانة بيزي بيزي اللي في حزم المرخية , دخلت بنتي ( الله يحفظها ) عندهم من عمرها سنه تقريبا ، والحمدلله انها تأقلمت مع الاجواء بسرعة و بدت تكتسب مهارات ومع الوقت تطورت مهاراتها والحمدلله , والحضانة بشكل عام نظيفة والستاف اللي فيها ودودين من المديرة ياسمين لاصغر عاملة ..

بس الملاحظه اني اول مابديت معاهم كان التسجيل 5 ايام في الاسبوع بقيمة 1800 ريال والحين صار بـ 2000 ريال ..

وانا حاضر لأي استفسار ..

[همر]

بس الملاحظه اني اول مابديت معاهم كان التسجيل 5 ايام في الاسبوع بقيمة 1800 ريال والحين صار بـ 2000 ريال ..

.

في الاسبوع ؟!! :eek5:

[الســـهم]

في الاسبوع ؟!! :eek5:

ههههههههه ..

لا لا اخوي همر ، شهريا يالغالي ، بس تتكلم عن زيادة كل فصل بـ 5% تقريبا يعني لي وين بيوصلون مادري ؟

[مررايم]

اختي انا بنتي في حضانة بيتي با والصراااحه حضانه رائعه بمعني الكلمة من حيث الاستف والنظافه والنيرسات الموجودين عندهم والاهتمام بالطفل من التعليم والاكل المفيد ...وهم عندهم مطبخ بالحضانة يعني الطفل ماتحاتيه ياكل ريوق والضحي والظهر الغداء والاكل عن طريق اخصائية تغذية وانا عندي بنتي من عمرها 2.9 شهور وهي فيها لين الحين واااايد مرتاحه ومستاااانسه من الحضانه والسعر في الشهر 2250 هذا من الساعه6.30 الى 2 الظهر وعندهم لين العصر وعندهم لين المغرب بس انا ما احتاج ...والصراااحه مافيه اماكن تخيلوا حضانه وعلى الويتنج

[لبتونه]

مشكوووووووووووووورين ماقصرتوا

اختي مرايم وااااااااايد غاليه حضانه بيتي يا تطلع ب3كورسات عشرين الف توووومج


ممكن استفسار عن ليتيل شيربس و بيزي بيز


جزااااااااااكم الله خير