المساعد الشخصي الرقمي

مشاهدة النسخة كاملة : لين متى يا أشغـال ؟؟؟


أم غانم
14-10-2010, 09:35 AM
السلام عليكم ورحمة الله ..


شخباركم جميع ..


هذا أول موضوع لي في القسم " بخصوص أشغال " الله لايوفقهم إن شاء الله

والله من القهر الواحد الصراحه يتكلم ويدعي عليهم ؟

في الذمة هذي حالة أنتوا تشوفونها ؟ الواحد يطلع من بيته اليوم الشارع مافية شي ؟


يرجع ثاني يوم مسكر ؟ وألف تحويلة وتحويلة ؟


عندكم اليوم " ألسد " صوب إشارات المانع والوعب .. أمس الصبح طالعه دوامي مافية شي


اليوم يسكرونه ؟ العالم اللي رايحه دواماتها إشذنبها تتأخر ولا اللي موصلة عيالها المدرسة


تبون تسكرون الشوارع سكروها فالليل ؟ إشتغلوا أيام الأجازات ؟ وينهم في إجازة الصيف

ورمضان وغيرة ..

العمال يداومون مع المدارس ؟ ولا شسالفة ؟ طول اليوم نايمين ,, ويشتغلون هالوقت


الصبح طالعه من البيت 7 و دوامي أساسا 8 ؟ أوصل 9:15 ؟؟ في الذمة من يرضى


المرة الجاية بنوصل 10 ولا 11 بسبة الزحمة وغثاهم ؟ إذا اليوم الدوامات سمحوا لنا نتأخر


باجر مابيسمحون والله إني ترددت ألف مرة في الدرب إني أرد البيت ولا أداوم هالوقت الصراحه


جربنا نختصر وندخل في دواعيس وفرجان نفس الحالة ؟ في كل مكان حفرة وتحويلة ومطب


لو يدورون غاز ولا بترول والماس وذهب من زمان لقوا ؟

والله العظيم الواحد صج لاعت جبدة .. سوء تخطيط ؟ تخلف ؟ جهل .. مانعرف شنقول عنه ..
khaldoon
14-10-2010, 09:52 AM
الله يكون في العون....صراحه باين عليج انج وايد مقهوره

والله الاعمال علشان تنجز بسرعه لابد انها تتم في الاماكن الحيويه خلال 24 ساعه عن طريق نظام المناوبات و الشفتات
أم غانم
14-10-2010, 09:59 AM
الله يعين الجميع .. والله يا أخوي مب قهر وبس ؟ لآنه شي يرفع الضغط إنك تكون في وسط الشارع وفجاة العمال يسكرونه ؟ بدون سابق أنذار أو شي ..

وهالحركات منهم دايما تصير .. مب أول مرة .. على الأقل تكون خدمة مسجات أو في الجرايد أو موقعهم الرسمي

الله لايهينهم ..


أي شفتات وهم مايشتغلون شارع من رمضان للحين ماتغير فية شي ؟
م. عبدالعزيز
14-10-2010, 10:03 AM
المفروض هيئة الاشغال العامه تسوي خدمه اسمها خدمه المسجات ، ومفتوحه للسكان على الاقل

اذا فيه تحويله تطرش مسج الطريق الفلاني مغلق وو ... علشاان الواحد يسوي حسابه .. ما ادري كم بتكلف هالخدمه؟؟
مناحي السادس عشر
14-10-2010, 10:05 AM
خلج ايجابيه
دام تدعين عليهم الله لايوفقهم
قولي يارب ان الله يوفقهم ويسهل عليهم
واطلعي بدري شوي ام غانم
يعني اللي اشوفه من انجاز مشاريع عملاقه والله شي الواحد يفخر فيه
بس لازم حبه حبه مب بيوم وليله الشارع يخلص
مباني تزال مجاري تتعدل اشياء واجد عشان بس ينجز شارع
الشارع مش مشروع بسيط وتعال سوه لا لا لا ....
وسعي الخاطر وابتسمي اليوم الخميس واجازه يومين احلى منهم مافيه بعد اسبووووع طوووويل :)
مرتبش
14-10-2010, 10:20 AM
الله كريم

من الاجدى الاعلان مسبقا عن الشوارع التي سيتم اغلاقها ..الاشغال عملت هالشي بعض المرات (مؤخرا عندما اغلقت شارع حمد الكبير وشارع المنتزة قبله) .. اليوم في الجريدة اعلنوا افتتاح التقاطع سيتم غدا..نلتمس لهم العذر وان شاء الله التقاطع تطور بعد الاغلاق !
Rider
14-10-2010, 10:22 AM
اختي ام غانم انتي تقولين الله لا يوفقهم بصراحة انتي عميتي الكل يعني فيه موظفين مالهم ذنب كان اولى تقولين الله يهديهم تقولين الي في خاطرج ترى اختي الكل يعاني مب انتي بروحج لكن ماتقول الا الشكوى لله
النائب
14-10-2010, 10:26 AM
خلج ايجابيه
دام تدعين عليهم الله لايوفقهم
قولي يارب ان الله يوفقهم ويسهل عليهم
واطلعي بدري شوي ام غانم
يعني اللي اشوفه من انجاز مشاريع عملاقه والله شي الواحد يفخر فيه
بس لازم حبه حبه مب بيوم وليله الشارع يخلص
مباني تزال مجاري تتعدل اشياء واجد عشان بس ينجز شارع
الشارع مش مشروع بسيط وتعال سوه لا لا لا ....
وسعي الخاطر وابتسمي اليوم الخميس واجازه يومين احلى منهم مافيه بعد اسبووووع طوووويل :)

مناحي السادس عشر فعلا إسم على مسمى
والمفروض على ردك وفهمك للمشاريع تكون السادس والعشرون
يااخى اي مشاريع عملاقه تتكلم عنها الله يهديك وينور بصيرتك بأتكلم عن الشارع إللي فوق النفق قبل الإدعاء العام سابقا فوق دوار السودان إنت تعرف كم سار له وهل تعرف كم طوله ياأخى للعلم سار له 4 سنوات وطوله 300 متر وإنت تقول مشاريع عملاقه إحنا مانتكلم عن مشروع طريق الشمال او جسور أو انفاق نحن نتكلم عن 300 متر ولا فيه جبال ولا أنهار أرض سمردحيه مثل كفك وتأخذ مشاريعا كل هالوقت .
في الدول الاخرى ومنها المملكة السعودية والإمارات تعمل طرق مئات الكيلو مترات وفيها عوامل طبيعية مثل الجبال والرمال ( طعوس ) والمشروع ماتعدي عليه السنه .رح شف الأنفاق في جبل كرى وجبال سوده وعسير وتعرف المشاريع صح . مو بجسر قيمته مليار مايشتغل فيه إلاكم بنغالي وكم هندي مايدرون هم يبنون جسر ولا مدرسه .
مناحي السادس عشر
14-10-2010, 10:30 AM
مناحي السادس عشر فعلا إسم على مسمى
والمفروض على ردك وفهمك للمشاريع تكون السادس والعشرون
يااخى اي مشاريع عملاقه تتكلم عنها الله يهديك وينور بصيرتك بأتكلم عن الشارع إللي فوق النفق قبل الإدعاء العام سابقا فوق دوار السودان إنت تعرف كم سار له وهل تعرف كم طوله ياأخى للعلم سار له 4 سنوات وطوله 300 متر وإنت تقول مشاريع عملاقه إحنا مانتكلم عن مشروع طريق الشمال او جسور أو انفاق نحن نتكلم عن 300 متر ولا فيه جبال ولا أنهار أرض سمردحيه مثل كفك وتأخذ مشاريعا كل هالوقت .
في الدول الاخرى ومنها المملكة السعودية والإمارات تعمل طرق مئات الكيلو مترات وفيها عوامل طبيعية مثل الجبال والرمال ( طعوس ) والمشروع ماتعدي عليه السنه .رح شف الأنفاق في جبل كرى وجبال سوده وعسير وتعرف المشاريع صح . مو بجسر قيمته مليار مايشتغل فيه إلاكم بنغالي وكم هندي مايدرون هم يبنون جسر ولا مدرسه .


يا ابن الحلال
قلنا خلنا ايجابيين
وانا رسميا اتنازل لك للفهم اللوجستي وادارة المشاريع العملاقه اخوي النائب
واترك لك الفهم لكي تتفاهم معاه يا حبيب قلبي :)
درع الوطن
14-10-2010, 10:34 AM
خلج ايجابيه
دام تدعين عليهم الله لايوفقهم
قولي يارب ان الله يوفقهم ويسهل عليهم
واطلعي بدري شوي ام غانم
يعني اللي اشوفه من انجاز مشاريع عملاقه والله شي الواحد يفخر فيه
بس لازم حبه حبه مب بيوم وليله الشارع يخلص
مباني تزال مجاري تتعدل اشياء واجد عشان بس ينجز شارع
الشارع مش مشروع بسيط وتعال سوه لا لا لا ....
وسعي الخاطر وابتسمي اليوم الخميس واجازه يومين احلى منهم مافيه بعد اسبووووع طوووويل :)

بصراحه أنا اشوف أنه فيه تأخير على الفاضي والمليان
والمشاريع اللي تاخذ 4 شهور في البلدان المجاوره تاخذ 3 سنين عندنا
الموضوع مش موضوع تفائل .. الموضوع موضوع شغل وإخلاص من قبل الهيئه والمقاولين
والله شي يقهر لما تشوف شارع وش زينه وش حلوه .. ثاني يوم إلا مكسرينه ولاعبين فيه لعبه
ولا يخلص إلا بعد كم سنه ....

ممكن تقول لي أقصر مده زمنيه خلص فيها أي مشروع من مشاريع البنيه التحتيه؟؟؟؟؟؟
لا .. وياليته إذا خلص يكون مضبوط على حسب المواصفات ... بلاش نكذب على بعض
أشغال فيها مشاكل كثيره .. وأهمها هروب الكوادر الوطنيه منها ... ليش؟؟؟؟؟

إحترامي
المزمجرر
14-10-2010, 10:37 AM
مناحي السادس عشر فعلا إسم على مسمى
والمفروض على ردك وفهمك للمشاريع تكون السادس والعشرون
يااخى اي مشاريع عملاقه تتكلم عنها الله يهديك وينور بصيرتك بأتكلم عن الشارع إللي فوق النفق قبل الإدعاء العام سابقا فوق دوار السودان إنت تعرف كم سار له وهل تعرف كم طوله ياأخى للعلم سار له 4 سنوات وطوله 300 متر وإنت تقول مشاريع عملاقه إحنا مانتكلم عن مشروع طريق الشمال او جسور أو انفاق نحن نتكلم عن 300 متر ولا فيه جبال ولا أنهار أرض سمردحيه مثل كفك وتأخذ مشاريعا كل هالوقت .
في الدول الاخرى ومنها المملكة السعودية والإمارات تعمل طرق مئات الكيلو مترات وفيها عوامل طبيعية مثل الجبال والرمال ( طعوس ) والمشروع ماتعدي عليه السنه .رح شف الأنفاق في جبل كرى وجبال سوده وعسير وتعرف المشاريع صح . مو بجسر قيمته مليار مايشتغل فيه إلاكم بنغالي وكم هندي مايدرون هم يبنون جسر ولا مدرسه .

المشكلة ان المسؤول المخطأ يطلع في التلفزيون والجرايد وجميع وسائل الاعلام

ويعترف ويقول اني انا السبب وانا المخطأ

وفي نفس الوقت تلقاه مازال على نفس الوظيفة ونفس المنصب ويمكن يترقى

المفروض ان المسؤول اللي تكثر أخطاءه أو يتسبب بخطأ كبير

يشيلونه ويشوفون اللي اصلح منه

بس للأسف هم ماشين على المثل اللي يقول ( من أمن العقوبة أساء الأدب )
مناحي السادس عشر
14-10-2010, 10:38 AM
بصراحه أنا اشوف أنه فيه تأخير على الفاضي والمليان
والمشاريع اللي تاخذ 4 شهور في البلدان المجاوره تاخذ 3 سنين عندنا
الموضوع مش موضوع تفائل .. الموضوع موضوع شغل وإخلاص من قبل الهيئه والمقاولين
والله شي يقهر لما تشوف شارع وش زينه وش حلوه .. ثاني يوم إلا مكسرينه ولاعبين فيه لعبه
ولا يخلص إلا بعد كم سنه ....

ممكن تقول لي أقصر مده زمنيه خلص فيها أي مشروع من مشاريع البنيه التحتيه؟؟؟؟؟؟
لا .. وياليته إذا خلص يكون مضبوط على حسب المواصفات ... بلاش نكذب على بعض
أشغال فيها مشاكل كثيره .. وأهمها هروب الكوادر الوطنيه منها ... ليش؟؟؟؟؟

إحترامي


احترامك مقبول عيني

بس يا شباب انا قلت تفاااااااااااااااااااااااااااؤل
وقلت حبه حبه
انا معكم صح فيه تاخير بس وش بيدنا نسوي غير التفااااااااااااؤل
أم غانم
14-10-2010, 10:42 AM
يا أخوي مناحي .. الله يعطيك العافية على تجاوبك : )

الله لايوفقهم مب معناته كلهم ولا هم شخصياً


تقدر تقول شغلهم اللي لعوزونا فيه ؟

لكن في الذمة .. هل اللي يسونه شي عدل ؟ وينهم الأيام اللي أحنا فيها مانداوم
أيام الأجازات وغيرة .. والله العظيم صرنا نتلعوز .. وكذا مرة الواحد يمسك أعصابة لكن مايقدر ..

تخيل أنت في نص الشارع ماشي ؟ يوقفك العامل لف الجهة الثانية ؟

دوامي في الكورنيش ؟ ليش أطلع من ألف تحويلة وتحويلة .. السد والنصر والوعب وغيرة ؟
هم مب خسرانين شي ؟ إذا بلغونا نرتب أمورنا على الأقل
أطلع قبل دوامي بساعه ساعه ونص مايخالف ؟ لكن بساعتين أو 3 .. هذا مب منطق أشوفة ؟
طيب فية طرق بديلة ؟

مافية طريق ماجربته ؟ ولاشارع أو ممر .. حتى الريان القديم ومدينة خليفة والله العظيم وصلت ؟ وكل شارع
أدمر من اللي قبلة ..

أحنا نبي التطوير .. مانرفضة .. لكن مانبية يأثر علينا بهالطريقة ..
اليوم مسؤولك بيرضى تتأخر ؟ بكرة لا ؟ صح ولا لا ؟
أنا وصلت لمرحلة الله العالم من أصلي الفجر ؟ أقعد لين 5:30 أو 6 إلا وأطلع .. ؟
وبعد أوصل دوامي 7 ولا 7 وشي


مب حالة ؟ بالعقل شارع مافية شي .. يجون يحفرونة ( في الوسط) ..
المفروش شوارعنا تشيل 4 سيارات بالكثير .. مب كل شارع سيارة ونص ؟ ولا سيارتين

ومشاريع بسيطة تنقع بالسنين على ماتخلص ؟



الله يعينا ويعين الجميع إن شاء الله
السهم السريع
14-10-2010, 01:15 PM
السلام عليكم ورحمة الله وبركاته

تعيش أشغال من يوم ما أعلنوها هيئة في تخبط إداري بحت ويثبت هذا كثرة استقالات الموظفين وهي مستمرة إلى يومنا هذا

ثم بعد ذلك التخبط والتلاعب من قبل المقاولين وعدم كفائتهم في إنجاز المشاريع الضخمة وسؤ الادارة والاشراف من الاشغال والاستشاريين التي تعينهم الاشغال .

دائما ما نسمع
أحسن خدمة
أسرع إنجاز
أحسن كيوتل
أحسن طرق
أكبر مشروع
أكبر حديقة
أكبر صالة

ووووووالخ

رغم وجود قرار أميري بسرعة إنجاز المشاريع

بس ( أسمعت لو ناديت حيا ولكن لا حياة لمن تنادي )
ياليتهم بس ينسقون بين بعضهم بعض بالاول
الطرق بروحهم
الصرف الصحي بروحهم
التخطيط بروحهم
كهرماء بروحهم

وكلن يشتغل بروحه

شارع جديد يلعنون ابو خامسه من الحفريات والتقطع
ليش ياجماعه قالك مجاري
او كيوتل
او اي خدمات ثانيه

حرام والله حرام قلوبنا تعورنا على بلدنا يصير فيها هالشكل

ساموحني على الاطالة
دمتم بود
عزيزوف
14-10-2010, 01:39 PM
الحمدلله والشكر بس مادري الي يجوفج يقول رايحه تخترعين الذره ...

روحي قبل ولا لازم دوامج 8 تروحين قبل الوقت بدقيقه ....

لاتدعين على خلق الله لانه من القهر الي فيج مبين عليج موب متوفقه في حياتج...

روحي صلي وكثري من الاستغفار بدل ماتبربرين في المنتدى ..

شنو الي فادج الحين كثر ما بربرتي احد سمع لج .؟؟؟ ولا شركة اشغال ردج عليج وقالوا لج انشاءالله ام غانم بنسمع كلامج ؟؟؟
سهم المراقيب
14-10-2010, 01:58 PM
تبون تسكرون الشوارع سكروها فالليل ؟ إشتغلوا أيام الأجازات ؟ وينهم في إجازة الصيف



اتفهم تحسركم ,, وانا قد أشرت لنفس الفكرة من قبل .. وينهم أيام الإجازات ؟؟ ,,

بعد إغلاق تقاطع السد الزحمة صارت على تقاطع الوعب بشكل مأساوي كل صباح ,,

وكذلك على دوار قطر للديكور .. وخصوصاً وانت متجه جنوب من الدوحة ,,
أم غانم
14-10-2010, 01:59 PM
فيه أسلوب أفضل ترد على الموضوع من خلاله .. الكل دخل يتناقش ..

وإذا على البربرة ؟ المنتدى مليان مواضيع ؟ ؟ ولا يات على هالموضوع .. ؟ مواضيع وايد ترى كلن يكتبها

ولاحد يسمع .. موضوع أنطرح .. وجات فيه ردود وأراء ..

أحنا كلنا مابنستفيد منه ولا من غيره ..

موضوع أشغال تكلمنا فية ؟ ينقال بربرة ؟

شي واقع ونشوفه ؟ نسكت ولا مانتكلم فية


عارفين ربنا والحمدلله

والحمدلله ربي يوفقنا ويوفق الجميع
أم غانم
14-10-2010, 02:02 PM
اتفهم تحسركم ,, وانا قد أشرت لنفس الفكرة من قبل .. وينهم أيام الإجازات ؟؟ ,,

بعد إغلاق تقاطع السد الزحمة صارت على تقاطع الوعب بشكل مأساوي كل صباح ,,

وكذلك على دوار قطر للديكور .. وخصوصاً وانت متجه جنوب من الدوحة ,,

أيام الأجازات يا أخوي .. العمال ياخذون إجازات بعد ؟ ماندري..

مشاريع حيوية لازم تتنفذ في هالآوقات من السنة ..
طيب أحنا رايحين دوامات وأشغال وغيرة .. لكن أفرض حد معاه حالة مستعجلة في سيارة
لمستشفى أو غيرة ..

شيسوي ؟
الطريق اللي ذكرته هو اللي أقصدة ؟ واليوم اللي قهرني زيادة شي واحد .. وأنت ماشي في نفس الطريق يجيك العامل ويسكر الشارع " أمامك تحويلة " طيب ومن هالتحويلة وين الواحد يروح .. إذا مافية طرق بديلة ..للعلم هالشارع من قبل رمضان بنفس الحال

أحسب كم شهر ؟
عزيزوف
14-10-2010, 02:04 PM
فيه أسلوب أفضل ترد على الموضوع من خلاله .. الكل دخل يتناقش ..

وإذا على البربرة ؟ المنتدى مليان مواضيع ؟ ؟ ولا يات على هالموضوع .. ؟ مواضيع وايد ترى كلن يكتبها

ولاحد يسمع .. موضوع أنطرح .. وجات فيه ردود وأراء ..

أحنا كلنا مابنستفيد منه ولا من غيره ..

موضوع أشغال تكلمنا فية ؟ ينقال بربرة ؟

شي واقع ونشوفه ؟ نسكت ولا مانتكلم فية


عارفين ربنا والحمدلله

والحمدلله ربي يوفقنا ويوفق الجميع



الكل يبربر اوكي ما قلنا شي بس محد يقول مثل كلامج الله لا يوفقهم .!!!

هاي كلام ينقال ؟؟؟

شركة اشغال موب بس هنود ولا بنغاليين الي شغالين فيها...!!

فيها ناس ماسكينها وناس يديرونها ويديرون امور الدوله.!!!

وبعدين اصلا حتى الهنود والبنغالين اذا مسلمين ما يجوز الواحد يقولهم الله لايوفقهم..

امرج عجيب
فارس قطر
14-10-2010, 02:05 PM
الحمدلله والشكر بس مادري الي يجوفج يقول رايحه تخترعين الذره ...

روحي قبل ولا لازم دوامج 8 تروحين قبل الوقت بدقيقه ....

لاتدعين على خلق الله لانه من القهر الي فيج مبين عليج موب متوفقه في حياتج...

روحي صلي وكثري من الاستغفار بدل ماتبربرين في المنتدى ..

شنو الي فادج الحين كثر ما بربرتي احد سمع لج .؟؟؟ ولا شركة اشغال ردج عليج وقالوا لج انشاءالله ام غانم بنسمع كلامج ؟؟؟

:eek5:
خيال شمر
14-10-2010, 02:07 PM
انا صراحة متعجب منهم بخصوص اشاراة السد مااشتغلوا فيها في رمضان او قبل شوي يعني قبل المدارس والدوامات لا انطروالعالم يردون وصاروا يشتغلون ... بس بعد ام غانم يعني الواحد يتكلم ويقول الي عنده ولكن مايبي يظلم ممكن يكون اوقات المشاريع تكون مربوطه باشياء اخرى لحين انتهائها ... والله المستعان
أم غانم
14-10-2010, 02:19 PM
أخوي أنا ماظلمت حد .. ولاجبت طاري أي حد في الموضوع لآن موضوعي جا بشكل عام ..

لاقصدت مدير ولا هيئة ولا موظف.. موضوعي جا عن طريقة شغلهم .. لا أقل ولا أكثر..



مثل ماذكرت أخوي خيال شمر .. مشاريع مرتبطه ببعض..مايخالف

نتحمل ونصبر
لكن ليش مايكون فية تنسيق .. إبلاغ .. وغيرة ..
كل شغلهم إذا تلاحظ يعتمد على عنصر المفاجاة ؟
أذكر من فترة رايحة صوب مستشفى حمد ؟ عن طريق إشارات المانع .وكان الشارع مفتوح لين دوار الرياضة ؟
الحين تروح الشارع مسكر ومحول ؟..
ومحد حط أعلان أو بلغ على الأقل في الجرايد .. أو بمسجات مثل باقي الوزارت .. الشوارع لنا ولغيرنا
الزحمة لنا ولغيرنا.. لكن نفرض فيه حالات مستعجلة ؟
والله العظيم من فترة وحدة تتكلم رايحة المستشفى في حالة ولادة الساعه 8 الصبح ؟ تفاجؤا بالزحمة والشوارع المسكرة وغيرة
وغير ذية قلة قليلة رضوا يفتحون لهم المجال؟ ..
فيه ناس يسمحون لك وفيه ناس لا .. ناس تتفهم ظروفك وناس لا ..والذنب مب ذنبهم لان كل واحد يبي يخلص
ويمشي نفسه ..


لو كان فيه إبلاغ أبسطها الواحد يهيئ نفسه إذا طلع يعرف على أي شارع أو طريق يروح ..

مايمر على المكان المعتاد عليه ويتفاجأ ؟


هذا المغزى ..


بارك الله فيك..
الوان
14-10-2010, 02:22 PM
تعودنا على هالسالفه لدرجة اني ما قمت الاحظ
شايب الفريج
14-10-2010, 02:34 PM
المفروض يكون العمل على هذه المشاريع المؤثرة على مدار الساعة 24 ساعة لحد ما يخلص المشروع، كما يجب وضع خطة للمشروع المراد انجازه من ناحية التحويلات ان تكون بنفس حجم الطريق السابق او اكبر وليس اصغر منه.
يرجى اخذ الموضوع بعين الاعتبار لانه يمكن تكون هذه المشاريع سبب من الاسباب التي سوف تؤدي لخسارة قطر استضافة كاس العالم 2022 لاسمح الله.
وقيس على ذلك الكثير مما يحدث.
شموع قطريه
14-10-2010, 02:36 PM
ماعليه اختي الصبر مفتاح الفرج وهو ترى بس اليوم سكروا شارع السد كامل علشان يشطبون على الشغل اللي في الشارع علشان يفتتحونه بكره يعني الحين احنا صبرنا كل هالسنين مب صابرين يوم ؟؟؟

وابشركم بشاره حلوه ان تقاطع السودان اللي فوق جسر الخويا افتحوه اليوم يعني اللي يطلع من شارع النصر يقدر ياخذ اللفه ويدخل فريق السودان اويرجع على دوار مدماك ومبروووك عليكم بتخف الزحمه ان شاءالله ...
أم غانم
14-10-2010, 03:46 PM
ماتقصر يا أخوي " قطر في قلبي " وبيض الله ويهك ..

والله يوفقك إن شاء الله ..


إن شاء الله كلها أيام ويتحسن الوضع ..
um3lianny
14-10-2010, 05:11 PM
بلغ السيل الزبى مع اشغال

شوارعنا و زحمتنا من استهتارهم الغير مبرر
روح الاطلس
16-10-2010, 07:23 PM
انا مدري ليه نظام البنية التحتية في قطر غير مدروس مانقول بس الشوارع كل شي بدون تحديد

اتعس شي عندنا


متى بيتعدل الوضع الله اعلم

من الثمانينات والتخطيط تعبان
ولهانه
16-10-2010, 07:34 PM
أصلا أشغال تخبط في تخبط في تخبط وكل مالها في تخبط لا قادره تمسك مشاريع كبيرة ولا صغيرة ما اقول الا الشكوى لله ،أصلا كلاً يشتغل بمزاجة المهندس بصوب ومهندس المشروع بصوب وخلها على الله مانبي انتكلم