0o0o بال ليش خبرتهم الحين عطوني بعين o0o0o

[شبح الصمت]

بسم الله الرحمن الرحيم

,, وقضوا حوائجكم بالسر والكتمان ,,

اخواني وخواتي ,,

كثيراً منا من يحب أن حصل له شيء أن يبادر في أخطار من هم أقرب منـه آيا كانوا غير ,, زوجته ,, صديق ,, جار ,, أخ ,,

وبعد فترة وجيزة لا ينجز ما أرده ومن ثم يتحسر على أنه قام بأخبار من حولـه ويردد في نفســه عطوني عين ويتحسر ,,

فهل من الصحيح أن تأخذ آراء من حولك في أي موضوع كان !!

أو أنك تقوم بـه وتكتمـه حتى الأنتهاء منه !!

اخواني الي صاده موقف مشابه أو حصل له شيء يقول لنا ماهو !!

الله يوفقنا وياكم جميـع

[s o s o]

احسن شي وافضل شي
الاستعانه بالكتمان في قضاء الحوائج ..

[وطن]

في أشياء بالكتمان وفي أشياء لا عادي
والواحد دائما لازم يتفائل انه اللي يبيه بيصير

عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : أنا عند ظن عبدي بي ...... الخ الحديث


المشكلة اذا جاك حد يدري انك متعود تسوي هالشغلة بشكل دوري ويقعد يحن عليك يبي يسوي مثلك وما يقدر او مب حاصل له
هني الواحد غصب عنه يتنرفز وممكن تخترب الشغله
من كثر الحنه

:(

[بـــــــنت النوخـّــــذه]

الاستشاره بحدود وناس محدودين ومقربين جدا" جدا" جدا"

ولكن الباقي: الكتمان الكتمان الكتمان بالثلاث

[هند88]

الكتمان افضل..
لان ممكن تتكلم عن شي مع الكل وتتعشم ويعشمونك واخر شي مايتم..

[ضوى]

الكتمان افضل

مع اني ماعرف اكتم كل شئ اقول :)

بس لله الحمد ماصادني تعطيل او عرقلة في اي امر قررته ، بس الصراحة زوجي كم موقف يقول الاشياء اللي يبي يسويها لناس عينها حارة وسبحان الله تتعطل اموره ، مع اني نبهته ان عينهم حارة بس مايطيعني

[Qatarianes]

عاد الحريم لا تعشمهم بسفره او غيره وعقب ماتسويها لهم
لانه مهما كان السبب خلاص راحت عليك عشره صفر ههههههههههههههه

[OTOsan]

يعطيك العافيه اخوي شبح ،،


اعتقد ان رد الفعل يختلف حسب الشئ نفسه ، ان كان يتطلب استشارة ما او لا !
ولكن باعتقادي ان هناك اشخاص قلة في حياتك (وقد يكون شخص واحد فقط) .. لا تتردد في اخباره باي شئ لانك تعلم يقينا انه سند لك ،،


اما بالنسبة للحريم فقد سمعت مقولة تقول ان:

الاسرار بالنسبة للنساء نوعين :

- نوع لايستحق الاحتفاظ به
- ونوع يستحق الافشاء :)

[شبح الصمت]

احسن شي وافضل شي
الاستعانه بالكتمان في قضاء الحوائج ..

اكيد بس في أوقات الواحد يعرف شغله وذاك يجيج ملقوف يقعد يبي يعرف شالسالفه وانتي تكونن طيبه تقولين له على نياتج
وبس رحتي مني عطاج اياه من اهنيه



في أشياء بالكتمان وفي أشياء لا عادي
والواحد دائما لازم يتفائل انه اللي يبيه بيصير

عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : أنا عند ظن عبدي بي ...... الخ الحديث


المشكلة اذا جاك حد يدري انك متعود تسوي هالشغلة بشكل دوري ويقعد يحن عليك يبي يسوي مثلك وما يقدر او مب حاصل له
هني الواحد غصب عنه يتنرفز وممكن تخترب الشغله
من كثر الحنه

:(


هي مشكلة الحنان الي يتم يحن وحاط شيء في باله ومن ثم ينقلب الى حسد
الله يبعد عنا وعنكم الحسد


الاستشاره بحدود وناس محدودين ومقربين جدا" جدا" جدا"

ولكن الباقي: الكتمان الكتمان الكتمان بالثلاث

ماشاء الله عليج بالثلاثة
بس الواحد يبي استشارة شيء
اذا ماله في شيء معين لازم يستشير من استثار ما خاب


الكتمان افضل..
لان ممكن تتكلم عن شي مع الكل وتتعشم ويعشمونك واخر شي مايتم..

الازاق بيد الله بس العالم هل ترحم والا تحسد الحسد مشكلة والله



الكتمان افضل

مع اني ماعرف اكتم كل شئ اقول :)

بس لله الحمد ماصادني تعطيل او عرقلة في اي امر قررته ، بس الصراحة زوجي كم موقف يقول الاشياء اللي يبي يسويها لناس عينها حارة وسبحان الله تتعطل اموره ، مع اني نبهته ان عينهم حارة بس مايطيعني


لانه طيب والي على قلبه على لسانه
متوكل على الله ولا يهمه العين والحساد
الله يحفظه
هي مشكلة الطيب والي فارط لسانه


عاد الحريم لا تعشمهم بسفره او غيره وعقب ماتسويها لهم
لانه مهما كان السبب خلاص راحت عليك عشره صفر ههههههههههههههه


الحريم شغله ثانية
عشم وعش نعنش وعيش الهم

[شبح الصمت]

يعطيك العافيه اخوي شبح ،،


اعتقد ان رد الفعل يختلف حسب الشئ نفسه ، ان كان يتطلب استشارة ما او لا !
ولكن باعتقادي ان هناك اشخاص قلة في حياتك (وقد يكون شخص واحد فقط) .. لا تتردد في اخباره باي شئ لانك تعلم يقينا انه سند لك ،،


اما بالنسبة للحريم فقد سمعت مقولة تقول ان:

الاسرار بالنسبة للنساء نوعين :

- نوع لايستحق الاحتفاظ به
- ونوع يستحق الافشاء :)



أي والله يأخوك في صديق مقرب لك يمكن اكثر من هلك
لازم تستشيرة تقوله الي في خاطرك بتحصل عنده رد عنده جواب
وفي ناس استثارتهم حريمهم عاد ذكرتني في واحد من الربع
يحلف لي والله يحلف
يقولي اذا ابي اشتري موتر الحين لازم اسأل مرتي قلت له موتر ياخوك اش عرفه يقولي ياخوك والله اني كم مره شريت موتر وتقولي مرتي ما راح تتوفق !!
تصدق وكل مره تقولي هالكلام ما اتوفــق !!
سبحان الله والحين الرجال قبل لا يشتري السيارة يجيبها لي عنده مرته ها يا زوجتي العزيزة الموتر زين تقوله توكل على الله
والله انه السالفه صدق يالربع
:shy:

[الصريحه]

كلام النبي صلى الله عليه وسلم مافيه نقاش

[شبح الصمت]

كلام النبي صلى الله عليه وسلم مافيه نقاش



عليه افضل الصلاة والسلام
ارحم الله والديج اختي وبيض الله وجهك
بس الدنيا تغيرت وفي ناس تحب تستشير
والافضل اهي صلاة الاستخارة في كل شيء في أي عمل أو شيء تقوم به
مافي أفضل من قول الله تعالى ونبينا الكريم محمد صلى الله عليه وسلم

[الجووري]

افضل الكتماااان

بس انا بطبعي مااكتم يعني اقول اللي عندي بحسن نيه واهم شي التحصين صباحا ومساء :)

عن معاذ بن جبل قال قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود" رواه الطبراني

يعطيك العافيه ع الطرح

[شبح الصمت]

افضل الكتماااان

بس انا بطبعي مااكتم يعني اقول اللي عندي بحسن نيه واهم شي التحصين صباحا ومساء :)

عن معاذ بن جبل قال قال رسول الله صلى الله عليه وسلم "استعينوا على قضاء حوائجكم بالكتمان فإن كل ذي نعمة محسود" رواه الطبراني

يعطيك العافيه ع الطرح



الله يعافيج اختي وبارك الله فيج
والله يجزاك الف خير على الحديث
مشكلتنا بعض الاوقات حسنة النيه يطغي علينا ونقول بس ما ندري بلي في خاطر الي نقولهم
الله يسهل امور كل شخص ويبارك لك ويبعد عنه الحسد

[السهم السريع]

السلام عليكم ورحمة الله وبركاته

قال الله تعالى

(( وَأَمْرُهُمْ شُورَى بَيْنَهُمْ ))
الآية الكريمة فيها ثناء من الله سبحانه على المؤمنين المتصفين بصفاتٍ منها: أنهم يتشاورون بينهم في الأمور المهمة، التي يخفى فيها وجه الصواب، وذلك من أجل التعاون على الوصول إلى ما فيه الخير العام والخاص، ولما في ذلك من تآلف القلوب واجتماع الكلمة، ولما في ذلك من التواضع ولين الجانب للمؤمنين.
قال الله تعالى لنبيه صلى الله عليه وسلم: {فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ} [سورة آل عمران: آية 159‏].

والعمل بالشورى مشروع للمسلمين في كل وقت، في هذا العصر وفي غيره، ولكن تكون الشورى في الأمور المهمة التي يخفى فيها وجه الصواب، ويكون المستشار من أهل الرأي والمعرفة.

نقلته لكم من موقع طريق الاسلام

وأعتقد إن الواحد لازم يستشير أقرب الناس له ومب الكل ويصلي صلاة الاستخارة أكثر من مرة
والسلام ختام

[شبح الصمت]

السلام عليكم ورحمة الله وبركاته

قال الله تعالى

(( وَأَمْرُهُمْ شُورَى بَيْنَهُمْ ))
الآية الكريمة فيها ثناء من الله سبحانه على المؤمنين المتصفين بصفاتٍ منها: أنهم يتشاورون بينهم في الأمور المهمة، التي يخفى فيها وجه الصواب، وذلك من أجل التعاون على الوصول إلى ما فيه الخير العام والخاص، ولما في ذلك من تآلف القلوب واجتماع الكلمة، ولما في ذلك من التواضع ولين الجانب للمؤمنين.
قال الله تعالى لنبيه صلى الله عليه وسلم: {فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ} [سورة آل عمران: آية 159‏].

والعمل بالشورى مشروع للمسلمين في كل وقت، في هذا العصر وفي غيره، ولكن تكون الشورى في الأمور المهمة التي يخفى فيها وجه الصواب، ويكون المستشار من أهل الرأي والمعرفة.

نقلته لكم من موقع طريق الاسلام

وأعتقد إن الواحد لازم يستشير أقرب الناس له ومب الكل ويصلي صلاة الاستخارة أكثر من مرة
والسلام ختام



الله يجزاك ألف خير وبيض الله وجهك
وشاكر لك الكلام الطيب

[الأغر]

عن نفسي افضل الكتمان في اغلب الاشياء

[s o s o]

اكيد بس في أوقات الواحد يعرف شغله وذاك يجيج ملقوف يقعد يبي يعرف شالسالفه وانتي تكونن طيبه تقولين له على نياتج
وبس رحتي مني عطاج اياه من اهنيه



انت تقصد العين ؟
ترى مش شرط بس العين هي اللي توقف المراكب السايره
في ناس اذا اعرفت ان شخص قاعد يسعى في شغله معينه تظل مهمومة الى تخرب عليه هالامر ..
بعطيك مثال بسيط ..
كان في شخص متقدم حق وحده ..الوحده هاذي عندها صديقتها الروح بالروح ..اختنا هاذي ماتخش شي على صديقتها وقالتلها عن الشخص المتقدم لها وانهم مقررين بعد يومين الملكة ..
الله وكيلك نفس اليوم فليل اتصلت ام العريس لام العروس وقالت الله مب كاتب نصيب ان هالموضوع يتم ..
بعد الاستغراب والتدقيق والتمحيص والتنبيش ..
توصلت ام العروس الى ان صديقة بنتها اوصلت لاهل المعرس وقالتلهم اشتبون فيهم هاذولا مادري اشفيهم واشفيهم واشفيهم لين اختربت السالفه ..
الادهي ..
انها تقتل القتيل وتمشي بجنازته .. عينها قويه وتواسي البنت ولا كانها سوت شي ..!!

[شبح الصمت]

انت تقصد العين ؟
ترى مش شرط بس العين هي اللي توقف المراكب السايره
في ناس اذا اعرفت ان شخص قاعد يسعى في شغله معينه تظل مهمومة الى تخرب عليه هالامر ..
بعطيك مثال بسيط ..
كان في شخص متقدم حق وحده ..الوحده هاذي عندها صديقتها الروح بالروح ..اختنا هاذي ماتخش شي على صديقتها وقالتلها عن الشخص المتقدم لها وانهم مقررين بعد يومين الملكة ..
الله وكيلك نفس اليوم فليل اتصلت ام العريس لام العروس وقالت الله مب كاتب نصيب ان هالموضوع يتم ..
بعد الاستغراب والتدقيق والتمحيص والتنبيش ..
توصلت ام العروس الى ان صديقة بنتها اوصلت لاهل المعرس وقالتلهم اشتبون فيهم هاذولا مادري اشفيهم واشفيهم واشفيهم لين اختربت السالفه ..
الادهي ..
انها تقتل القتيل وتمشي بجنازته .. عينها قويه وتواسي البنت ولا كانها سوت شي ..!!



شفتي اشلون
اهنيه مربط الفرس
الناس الي ما تخلي الواحد يستانس يتنسم
شفتي هالنذلة اش سويت في رفيجتها اي رفيجه هذه مب رفيجـه الا عدوه
انا بقولج مثال في ناس يبون يأجرون بيت وراحت المره تقول لربعها احنا حصلنا واحنا حصلنا تصدقين المره كل ما يبون يخلصون البيت يطلع لهم عائــق ياخرهم سبحان الله حتى يوم اسكنوا في البيت تبهدلوا !!

الواحد لازم يتعود على قضاء حواجه بالسر والكتمان
وان خشيت على احد قالوا بال شتحسبنا بنحسدك وياخذون بخاطرهم
ما تدري الواحد شيسوي يرضيهم والا يرضى نفسه
:weeping:

[شبح الصمت]

عن نفسي افضل الكتمان في اغلب الاشياء




تعجبني والله
خلك على دربك ولا تغيره
:nice:

[w4rr10r]

الكتمان افضل اكيد وخصوصا يوم اكلت مقلب جآآآآآآمد صاير لي قبل كم يوووم ..

[s o s o]

شفتي اشلون
اهنيه مربط الفرس
الناس الي ما تخلي الواحد يستانس يتنسم
شفتي هالنذلة اش سويت في رفيجتها اي رفيجه هذه مب رفيجـه الا عدوه
انا بقولج مثال في ناس يبون يأجرون بيت وراحت المره تقول لربعها احنا حصلنا واحنا حصلنا تصدقين المره كل ما يبون يخلصون البيت يطلع لهم عائــق ياخرهم سبحان الله حتى يوم اسكنوا في البيت تبهدلوا !!

الواحد لازم يتعود على قضاء حواجه بالسر والكتمان
وان خشيت على احد قالوا بال شتحسبنا بنحسدك وياخذون بخاطرهم
ما تدري الواحد شيسوي يرضيهم والا يرضى نفسه
:weeping:


يرضي نفسه طبعا ..وبعدين يرضي اللي حواليه ..
والا اذا هو مب راضي راح يكون رضاه للاخرين مش مرضي ابدا
:)

[الأغر]

السلام عليكم ورحمة الله وبركاته

قال الله تعالى

(( وَأَمْرُهُمْ شُورَى بَيْنَهُمْ ))
الآية الكريمة فيها ثناء من الله سبحانه على المؤمنين المتصفين بصفاتٍ منها: أنهم يتشاورون بينهم في الأمور المهمة، التي يخفى فيها وجه الصواب، وذلك من أجل التعاون على الوصول إلى ما فيه الخير العام والخاص، ولما في ذلك من تآلف القلوب واجتماع الكلمة، ولما في ذلك من التواضع ولين الجانب للمؤمنين.
قال الله تعالى لنبيه صلى الله عليه وسلم: {فَبِمَا رَحْمَةٍ مِّنَ اللّهِ لِنتَ لَهُمْ وَلَوْ كُنتَ فَظًّا غَلِيظَ الْقَلْبِ لاَنفَضُّواْ مِنْ حَوْلِكَ فَاعْفُ عَنْهُمْ وَاسْتَغْفِرْ لَهُمْ وَشَاوِرْهُمْ فِي الأَمْرِ} [سورة آل عمران: آية 159‏].

والعمل بالشورى مشروع للمسلمين في كل وقت، في هذا العصر وفي غيره، ولكن تكون الشورى في الأمور المهمة التي يخفى فيها وجه الصواب، ويكون المستشار من أهل الرأي والمعرفة.

نقلته لكم من موقع طريق الاسلام

وأعتقد إن الواحد لازم يستشير أقرب الناس له ومب الكل ويصلي صلاة الاستخارة أكثر من مرة
والسلام ختام

اللي تفضلت فيه هذا في شؤون الدوله وفي شؤون اخرى لكن في اشياء شخصية انت بتسويها مالها خص في الشورى حتى ما تخلط الاوراق لكن ما في مانع تستشير الي تحبهم ووتوسم فيه الخير مش كل من هب ودب طبعا غير الاستخاره ، وفي ناس يا لطيف مجرد ما تقول عن اي اشي تسويه صكوك بعين راحت عليك يا مشكله طلعت لك يا مصيبه صارت والعين حق لكن امور القوانين والأراء والديمقراطيه تاخذها بالشورى

[شبح الصمت]

الكتمان افضل اكيد وخصوصا يوم اكلت مقلب جآآآآآآمد صاير لي قبل كم يوووم ..

الله يعينك
وما تواجه مقلب مره ثانية



يرضي نفسه طبعا ..وبعدين يرضي اللي حواليه ..
والا اذا هو مب راضي راح يكون رضاه للاخرين مش مرضي ابدا
:)

صدقتي وهذا اهو الطبع الشين انك تبي ترضي الي حواليك والشيء الي بمصلحتك يروح
بدء نفسك في الشيء الي تشوفه طيب لك وخير
ورضى العالم باذن الله موجود

[بوخالد911]

طبعا الكتم
افضل
لو تحقق الشي المطلوب
الناس بتدرري

الله يوفقكم

[شبح الصمت]

طبعا الكتم
افضل
لو تحقق الشي المطلوب
الناس بتدرري

الله يوفقكم



ويوفق الجميـع
ومنور موضوعي يابوخالد
والله يغفر لميتكم إن شاء الله ويصبركم
لاهنت

[مشتاقة لقطر]

سالفة اللي يبون ياجرون بيت صارت معاي

مخبرة ناس حساد اني كنت ابني ملاحق للايجار

وكل يوم تي للنبيان وتعد كم ملحق وكل يوم تسال

الين وقف الشغل كل يوم علة

الين غسلت يدي وكل ما تسالني
اقول سافر المقاول وما بيخلص ويبيله سنة

الين نست الموضوع وتتم ذيك القطوة السودا بالبيت كل يوم

وتميت على القرااان الين الله يسر اموري بدون علمها

المشكلة عندها عقارات ماجرة قريب المليون ريال سنويا .. وعينها وحسدها علينا لان نصرف بمستوى وما نقصر بعمارنا

وهي تجمع ؟؟ وما تبي حد مثلها اعوووذ بالله

[شبح الصمت]

سالفة اللي يبون ياجرون بيت صارت معاي

مخبرة ناس حساد اني كنت ابني ملاحق للايجار

وكل يوم تي للنبيان وتعد كم ملحق وكل يوم تسال

الين وقف الشغل كل يوم علة

الين غسلت يدي وكل ما تسالني
اقول سافر المقاول وما بيخلص ويبيله سنة

الين نست الموضوع وتتم ذيك القطوة السودا بالبيت كل يوم

وتميت على القرااان الين الله يسر اموري بدون علمها

المشكلة عندها عقارات ماجرة قريب المليون ريال سنويا .. وعينها وحسدها علينا لان نصرف بمستوى وما نقصر بعمارنا

وهي تجمع ؟؟ وما تبي حد مثلها اعوووذ بالله




لا حول ولا قوة الا بالله
شفتي اشلون
يحسدون الطير على صفة ريشه
المهم هذولي الناس مرضى نفسيين والله لو عندهم بعد بيقولون نبي
اصرف مافي الجيب ياتيك مافي الغيب
الله يرزقكم اختي ويبعد عنا هالاشكال
بس الواحد والله الشيء كتمان يسويه هذا الشيء الي انا تاكدت منه

[السهم السريع]

اللي تفضلت فيه هذا في شؤون الدوله وفي شؤون اخرى لكن في اشياء شخصية انت بتسويها مالها خص في الشورى حتى ما تخلط الاوراق لكن ما في مانع تستشير الي تحبهم ووتوسم فيه الخير مش كل من هب ودب طبعا غير الاستخاره ، وفي ناس يا لطيف مجرد ما تقول عن اي اشي تسويه صكوك بعين راحت عليك يا مشكله طلعت لك يا مصيبه صارت والعين حق لكن امور القوانين والأراء والديمقراطيه تاخذها بالشورى


بارك الله فيك أخي / أختي

أمر الشورى مب بس على شؤون الدولة
كل شي على مستواه
الدولة على مستواها برجال أهل العلم والحكمة
الأسرة نفس الشئ
الزوج يستشير الزوجة فيما يخص العائلة
والعكس صحيح

عني انا ما اسوي شي ولا اجدم على شي الا واشاور زوجتي حيث ان لها أراء طيبة ولله الحمد
وهي كذلك تشاورني في امور كثيرة قبل لاتجدم عليها

ولله الحمد والفضل والمنة
وهكذا تتم الامور

[شبح الصمت]

بارك الله فيك أخي / أختي

أمر الشورى مب بس على شؤون الدولة
كل شي على مستواه
الدولة على مستواها برجال أهل العلم والحكمة
الأسرة نفس الشئ
الزوج يستشير الزوجة فيما يخص العائلة
والعكس صحيح

عني انا ما اسوي شي ولا اجدم على شي الا واشاور زوجتي حيث ان لها أراء طيبة ولله الحمد
وهي كذلك تشاورني في امور كثيرة قبل لاتجدم عليها

ولله الحمد والفضل والمنة
وهكذا تتم الامور



ارحم الله والديك
على الرد الطيب

[شبح الصمت]

الكتمان افضل..
لان ممكن تتكلم عن شي مع الكل وتتعشم ويعشمونك واخر شي مايتم..



الافضل الكتمان
:nice: