عآآآجـــل:طلب استشاره من خبراء السفر تركيا..

[Qatarianes]

السلام عليكم ياجماعة الخير
كان يامكان هالموظف انكرف هالسنه وماخذى اجازات وايد لدرجة باقي عنده رصيد 15 يوم عمل فحب يسافر فيها تركيا مع مرته عقب ماغثوه ربعه عن حلاوتها

http://www.tantur.com.tr/uploads/flatpage/pictures/Antalya__konyaalt_plaji.jpg

:eek5:

الحين انا حجزت من 18 نوفمبر الى 4 ديسمبر
وقلبت في مواقع السفر واستشرت ناس
في ناس قالو لي المده الي بتسافر فيها كبيره وانا من النوع الي ماحب اطول في مكان اكثر من ثلاث ايام
على العموم سؤالي بسيط ياجماعة تركيا :victory:
شنهي الاماكن الي تستاهل اروحها وشنهي الفنادق في هذي الاماكن..
حد عنده برنامج سافر عليه واعجبه وحاب يشارك فيه ؟
اتمنى المساعده :shy:

[يحفظك ربي]

هلا اخوي
والله تركيا صراحه انا رحت لها بالصيف ولاعت جبدي منها حررر وزحمه وغثا
لكن اختيارك لها في الشتا حلوو :nice: ورااح تكوون خيال لان اسطنبول عادة ينزل عليها ثلج في مثل هالوقت
الله يسلمك عندك الاماكن اللي زرناها مع الاهل كانت مجمعات وفي كثير مجمعات
وفي حديقة حلوة اسمها (تركيا الصغيره) واايد عجبتني وهي عبارة عن جميييع معالم تركيا تجدها هناك ولكنها مصغره
وقدام كل معلم في مسجل تحط عليه الباركود مال بطاقة الدخول وبس يشتغل ويتم يعطيك معلومات
طبعا كل تذكره لها لغة وتتوافر اللغه العربيه
كل لغة لها باركود مخصص

وعندك بعد منطقة اسمها "بورصه" وهي على الجبال
لما رحنا لها في الصيف كانت بااارررده واتوقع في الشتاء بتكون مثلجه
وبما ان مش وقت سواح اتوقع راح تكون موحشة نوعا ما خخ

وفي شارع اسمه شارع الاستقلال يقع في منطقة تقسيم
هالشارع في اسواق ومحلات وكم مطعم وكوفي شوب

عموما تركيا غاليه لو تقارنها ببقية الدول الاوروبية الراقيه ماراح تلاقي فرق !

يعني التسوق خله على جنب اهم ش ي تروح سياحة وان شاء تستانس
هذا اللي عندي واتمنى اكون افدتك ولو بشي بسيط

[ابو علاوي]

تركيا جنة الله على الارض
احسن شي روح للسفارة التركية وخذ منهم كل مايتعلق بالسائح العربي
طبعا تبقى اسطنبول هي الاصل وبورصة وانطاليا بعد حلوين
بس الحين برررررررد في تركيا

[saoud]

اختيار موفق بالعكس تركيا بلد جميل والسكن مناسب انصح بالسكن في الشيرتون الي على المضيق او الريدز وفي هذا الوقت ممكن من اسطنبول تطلع على انطاليا وهي على البحر ويفضل لو تاخر الرحله الى شهر 2 حتى تستمتمع بجمال بورصه وعلى العموم بلد تستاهل بس هي من ناحية التسوق هي غاليه والبترول عندهم نار وكانك تبحث عن سائق محترم موجود وكذلك ان بغيت الحجز من هناك الشخص موجود وهو افضل من اسعار السفريات بالدوحه

[ahmed jasim]

التذكرة على 850 ريال
بس إحجز قبل 1/11
https://www.flydubai.booksecure.net/PassengerInfo.aspx?triptype=rRoundTrip&origin=DOH&dest=SAW&depday=01&depmon=12&depyear=2010&retday=30&retmon=12&retyear=2010&adults=1&children=0&infants=0&seniors=0&subwebfaretype=1&isavailforpackages=False&BookingID=0d1b850d-f395-4f41-afbc-66d878675541

[بسك يازمن]

عزيزي

تركيا بلد كبير

ان كنت تحب البحر توجه الى انطاليا وتنطاكيا وبالصيف اما الشتا..انسى

اما التمشيات الحلوه فاسكن في طرابيا احسن من اسطمبول لانها اهدى

وانصحك، تروح لك يومين الى ( يلوا) او (بولو) وبولو رووووعه لكن احجز لها من بدري لان مافيها لا فندقين، ولاتطول فيها لانها رومنسيه جدا، بالعربي لاتروح لحالك، خذ ام العيال معاك، اما ان كنت عزوبي فما لك الا سوق واقف طقطق فيه :-)

ولاتنسى تروح بورصه بعد يومين واحلى فندق هناك (جلك بالاس) بعد احجز فيه بدري

بصراحه

فيها عيب وعيب شرعي بعد، اكثر الشعب مايتكلم الا تركي ، حتى بالمطار ذاك من ذاك الي يتكلم انجليزي، ماعدا بعض الفنادق الكبيره، ولا فيها خدمات سياحيه،، مثل شقق فندقيه مثلا، او الدفع بالفيزا مثل اوروبا.. يعني لازم تاخذ كاش معاك دايما،، وغاليه ،نفس اوروبا تقريبا،

ربي يوفقك، على فكره لاتتشيل هم الفيزا ، راح تاخذها بالمطار،،، بس لاتنسى السكن بطرابيا. فندق طرابيا.. وراح تدعي لي


تروح وترجع بالسلامه

[فيزيائية]

بالاضافة لما سبق من الاخوة
حلو انكم تاخذون طيران داخلي وتروحون ترابزون ومنها ساعة بالسيارة الى اوزنغول
حيث الطبيعة البكر والسكن في كوخ بجانب النهر....