من يقدر يساعدني ؟

[wadha-qa]

السلام عليكم

انا عندي دواء كتب لي اياه دكتور في عياده الدوحه يقولون بس متوفر في مصر !!!

دورت في النت و لقيت طريقه تحظيره لانه خلطه من عده مركبات كميائيه

سؤالي الحين وين ممكن حد يحضر لي هالوصفه الطبيه ؟

اذا حد عنده خلفيه في هالموضوع ياليت يفيدني الله يعطيكم العافيه

[الصحراء]

لا تستشيرين احد غير الدكتور او الصيدلي هم الوحيدين الي بيفيدونك روحي اوكلمي احد الصيدليات يمكن يوفرون لك

[كازانوفا]

ايش اسم الدوا
بس لو تركيبات متعدده لا انصحك ؟؟؟

[wadha-qa]

How to prepare castellani paint

Fuchsine.....................................0.4 gm
Phenol......................................4.0 gm
Boric acid..................................0.8 gm
Resorcinol................................8.0 gm
Acetone..............................4.0 ml
Alcohol...............................8.0 ml
Water to......................................100.0 ml


اللي تحته خط اسم الدوا

[الصريحه]

الله يشفيك

[s o s o]

السلام عليكم

انا عندي دواء كتب لي اياه دكتور في عياده الدوحه يقولون بس متوفر في مصر !!!

دورت في النت و لقيت طريقه تحظيره لانه خلطه من عده مركبات كميائيه

سؤالي الحين وين ممكن حد يحضر لي هالوصفه الطبيه ؟

اذا حد عنده خلفيه في هالموضوع ياليت يفيدني الله يعطيكم العافيه

عطني اسمة وانا بجيبه لك خلال الاسبوع الجاي من مصر ..ولايهمك ..انت تامر امر طال عمرك :)

[الأغر]

صيدلية الباكر اختي بيعملوا هالخلطات لكن بصراحه ما بعرف وين مكان هالصيدليه ان شاء الله يفيدوكي الاخوان بمكان الصيدليه او اتصلي على 180 وخدي رقمهم واستفسري منهم والله يشفي مريضكم

[حمد بن سعد]

لاتخافين ولا تحاتين الدكاتره في المستشفيات الخاصه كذاااااااااااااااابين

ان بنتي تعاني من مشكله غريبه عجيبه وبيطرين حمد قالو ال جراحه خليتهم ايولون ورحة مستشفى خاص كتبلي مرهم بدل الجراحه قال هاي المرهم اهو علاج بنتك بس للاسف مش متوفر في قطر لازم حد ايجيبه لك من المانيا قتله اوكي الله يكتب الي فيه الخير رحت السعوديه البحرين دبي ولا لقيته خلاص فقدت الامل قلة بروح سفارة المانيا يمكن ايساعدوني قالولوي مافي سفاره المانيه ميدرى صج او جذب المهم

رحة حق الدكتوره / عايشة الانصاري - الله يحفظها ويطول بعمرها مسؤوله في وزارة الصحه عن الادويه الي تجي من برى رويتها الروشته قالتلي روح تعال بكره يوم يية ال يايبتلي اربع علب من لكريم دكوتره من وين يهديج يرظيج قالة من مستشفى حمد شفتي الفه كلها والجراحه واخر شي طلع في مستشفى حمد الدوى ولو فيه دكتور ذكي من دكاترة حمد مكان الح على الجراحه والحمدالله والشكر لك يارب تشافة بنتي خلال اسبوعين .

فا نصيحتي روحو للدكتوره قبل لا تلفون لفه كبيره

[toghma]

انا متأكد إنك راح تلاقي إلي يجيبه لك من مصر ـ يا كثرهم إلي رايحيين وجايين .
انت بس اكتب موضوع جديد بعنوان ( الفزعة يالربع )
:)
ولو ما تقدر تنتظر ـ روح سوق واقف عند بوعباس وقله عن مشكلتك ـ وبيعطيك الوصفة العشبية الملائمة .
وبالشفاء إنشاء الله .

[بوحارب]

ماتشوفين شر يا سمية بنتي

[sendarala]

ما تشوفين شر والله يشفيج يا وضحى

الله يشفيج ويشفي كل مريض من أمة محمد

[قطر دزاين]

لاتخافين ولا تحاتين الدكاتره في المستشفيات الخاصه كذاااااااااااااااابين

ان بنتي تعاني من مشكله غريبه عجيبه وبيطرين حمد قالو ال جراحه خليتهم ايولون ورحة مستشفى خاص كتبلي مرهم بدل الجراحه قال هاي المرهم اهو علاج بنتك بس للاسف مش متوفر في قطر لازم حد ايجيبه لك من المانيا قتله اوكي الله يكتب الي فيه الخير رحت السعوديه البحرين دبي ولا لقيته خلاص فقدت الامل قلة بروح سفارة المانيا يمكن ايساعدوني قالولوي مافي سفاره المانيه ميدرى صج او جذب المهم

رحة حق الدكتوره / عايشة الانصاري - الله يحفظها ويطول بعمرها مسؤوله في وزارة الصحه عن الادويه الي تجي من برى رويتها الروشته قالتلي روح تعال بكره يوم يية ال يايبتلي اربع علب من لكريم دكوتره من وين يهديج يرظيج قالة من مستشفى حمد شفتي الفه كلها والجراحه واخر شي طلع في مستشفى حمد الدوى ولو فيه دكتور ذكي من دكاترة حمد مكان الح على الجراحه والحمدالله والشكر لك يارب تشافة بنتي خلال اسبوعين .

فا نصيحتي روحو للدكتوره قبل لا تلفون لفه كبيره

يبي ياخذ فلوس على العمليه ما يهمه المريض والرقابه مش موجوده الكل يلعب على كيفه حتى بارواح الناس