المساعد الشخصي الرقمي

مشاهدة النسخة كاملة : دوار الجيدة قصه لن تنتهي


جغرافي قطر
15-10-2010, 12:19 PM
http://up.graaam.com/uploads/imag-5/img2010bea0069b29.jpg (http://www.graaam.com/)


الطريق المؤدي للدوار وانت جاي من جهة سوق العلي مغلق
طموحي مبدع
15-10-2010, 12:39 PM
الدوار مفتووح

رووح وشووف انا اكثر من مره دخلت هالدوار

بس في المسار الي يوديك صوب المطار والوكره هاي مسكر

وعلى فكره خرايط قوقل ايرث قديمه
جغرافي قطر
15-10-2010, 12:41 PM
هاي الكلام قبل شوي الله يسلمك

وانا خذت الخريطه بهدف التوضيح فقط
سيف العشق
15-10-2010, 12:46 PM
اخوي جغرافي قطر

الصوره قديمه المشروع كامل منتهي بس باقي الوصله اللي من الدوار الى الطريق المؤدي الى السودان

والمطار وآخر مره شفت انهم انتهوا من الطبقه الاسفلتيه
جغرافي قطر
15-10-2010, 02:12 PM
اخواني الي مب مصدق يروح يشوف بنفسه

يه
ضوى
15-10-2010, 02:14 PM
انا امس طالعة منه ، اخذت دوار العلي وانا نازلة عالسودان خط واحد حلووووووووووو لين اشارات المعمورة لا غلطان ياخوك مب مسكر
أم قطرية
15-10-2010, 02:42 PM
صادق
هو يقصد الشارع العادي اللي يودي لمدخل السودان وانت رايح

وهذا فعلا مسكر

اما النفق مفتوح من زمان
رجل الجزيرة
15-10-2010, 02:52 PM
وأنا جربت من دوار الشعلة (مستشفى النساء والولادة) ومن تحت الجسر وأنا على الدوار نفسه بغيت أروح لدوار مدماك كان فعلا مسكر.
سيف العشق
15-10-2010, 03:44 PM
ياجماعه احنا نقول اللي بيروح دوار مدماك مسكر

بس اللي بيجي من سوق العلي بيروح للريان مفتوح واذا بياخذ الدوار وبيرد سوق العلي مفتوح

واذا بيروح للدوحه مفتوح
جغرافي قطر
15-10-2010, 07:41 PM
هههههههههههههههه

يالربع الصوره لهالدرجه مب واضحه؟؟؟

نشرح من جديد:

يالربع لما تجون من شارع الشمال بإتجاه الجنوب

1- تخلون اللاند مارك على يساركم.

2- الجوازات على يمينكم.

3- تركبون الجسر مال سوق العلي.

4- تخلون سوق العلي على يمينكم.

5- تخلون السفارة الامريكيه على يمينكم.


جربوا انكم تاخذون الدوار وترجعون لسوق العلي مره ثانيه؟؟؟؟؟؟؟؟

المنفذ ما يدخلكم على الدوار

تطلعون اجباري على الجسر العوج الي يوديكم مستشفى حمد

وبس
بوراشد82
15-10-2010, 07:56 PM
هههههههههههههههه

يالربع الصوره لهالدرجه مب واضحه؟؟؟

نشرح من جديد:

يالربع لما تجون من شارع الشمال بإتجاه الجنوب

1- تخلون اللاند مارك على يساركم.

2- الجوازات على يمينكم.

3- تركبون الجسر مال سوق العلي.

4- تخلون سوق العلي على يمينكم.

5- تخلون السفارة الامريكيه على يمينكم.


جربوا انكم تاخذون الدوار وترجعون لسوق العلي مره ثانيه؟؟؟؟؟؟؟؟

المنفذ ما يدخلكم على الدوار

تطلعون اجباري على الجسر العوج الي يوديكم مستشفى حمد

وبس

صحيح وانا جاي من جسر الغرافة وابي اروح صوب دوار المكافحة الا انصدمت انه مصكر ومحفرينه حسبي الله ونعم الوكيل ..

لعنبو غيركم شارع توه جديد ما امداه التريلات تدوس عليه وتخرب الطبقة اليمين جيتوا وحفرتوه ليش ؟؟ وينكم من قبل لا بركة فيكم ولا في شغلكم فوقكم ..!!

والله جننونا هذيلا ......... !! الناس في اجازات هم محد .. يجون العرب ويداومون والطلاب .. صكروا 10000 طريق والتحويلة كنها وجيههم ..!! شارع توهم صابينه .. مايدور عليه اسبوعين ولا شهر الا رادين حافرينه ..!!! ياريت التحقيق معاهم صدقوني السالفة فيها امور تشيب الراس .!! معقوله ولا مسؤول فيه كفاءة يعرف شالي يصير حوله من مشاريع ؟؟؟

ان كملت ردي بتجيني سكته فواحد يكمل عني ولا عليكم امر واذا تسحب يروح بروحه انا مالي شغل هههههههههه
شموع قطريه
16-10-2010, 12:23 AM
صحيح وانا جاي من جسر الغرافة وابي اروح صوب دوار المكافحة الا انصدمت انه مصكر ومحفرينه حسبي الله ونعم الوكيل ..

لعنبو غيركم شارع توه جديد ما امداه التريلات تدوس عليه وتخرب الطبقة اليمين جيتوا وحفرتوه ليش ؟؟ وينكم من قبل لا بركة فيكم ولا في شغلكم فوقكم ..!!



اصلا هالدوار احس انه منحوس .. شوفوا من متى الجسر مفتوح لكن هالدوار ماخلص .. لاحظوا انه في الجهه اللي تطل على النفق اللي تحته ماعليها سور حمايه يعني اي سياره تنقلب لاقدر الله على طول بتطيح على السيارات اللي في النفق ( قبل لاتدخلون النفق تشهدوا ماتدرون ايش بيصير ) وجوانب هالدوار توجد حفر عميقه جدا وماعليها حمايه وحاطين حواليها كم صيخ ورابطين فيه شرايط ( يعني اللي بيطيح فيها مالنا خص فيه احنا حطينا على الحفره شرايط تحذيريه ) .. لو اشغال تشد حيلها جان خلصوه في اسبوع .. الله يعين بس