قصتي مع (الكلب) الجيرمن شيبر؟

[احمد1]

من وانه صغير كنت دايمن متولع بالكلاب اعزكم الله وابوي مايداني الكلاب ابد عاد وانه صغير اخوي جاب لنا 6 جراوه جيرمن شيبر وقال حق كل واحد جرو بنربيها لين ماتكبر بدون لا ابوي يدري المهم حطهم وصرت اخذ من البيت حليب واودي لهم ورى البيت ومره يوم الجمعه شافني ابوي شال مطارة ماي ورايح ورى البيت سالني وين رايح قلت وانه اتبلعم... لا لا بروح اسقى الزرع قال اخوي الي كان واقف اي مشاء الله عليه يحب الزراعه عنده طموح هالولد المهم رحت ووديت الماي وصبيته في المله وخليت المطاره ورجعت وجلست مع ابوي عاد شوفو الغباء الجلاب ينابحون وابوي يسمع يقول وشو ذيه قلت لا هذا يمكن من بيت الجيران وانه مرتبك حس ابوي بالموضوع وسوى حاله مصدق ونصف ساعه الا يقول .... زراعه هاه تسقى الورد هاه طلع رايح ورى البيت وشاف المطاره جنب الجراوه قالي تعالي ورحنه شلينه الجلاب وحذفناهم بمنطقه بعيده ...ويوم قامو اخواني يسالون عنهم قلت راحو لاس فيجس خخخخخخخخخخخخخ ....من الماضي خخخخخ

[بوحارب]

هههههههههههههههههههههههههههههههههههههههه

يمكن راحوا نييويورك يسلمون على اوبااما

[مروض الفكرة]

مساكين


(إبعاد) :)





ما حاولت تسأل عنهم؟

[مطيع الله]

قصة حلوة يا أحمد بس لو مربي ذيب كان أحلى ولا تنسى أن الكلب أكرمك الله نجس ويمنع الملائكة من دخول البيت كما جاء في ما نقل عن رسولنا صلى الله عليه وسلم ولا يتخذ الكلب إلا للحراسة أو الصيد وفي الحالتين لا يدخل البيت.

[Qatarianes]

عاد الذيب ربه وهو صغير
يربيك وانت كبير هههههههههههه

[عزيزوف]

قصة حلوة يا أحمد بس لو مربي ذيب كان أحلى ولا تنسى أن الكلب أكرمك الله نجس ويمنع الملائكة من دخول البيت كما جاء في ما نقل عن رسولنا صلى الله عليه وسلم ولا يتخذ الكلب إلا للحراسة أو الصيد وفي الحالتين لا يدخل البيت.

لا شرايك تقوله لو مربي اسد :secret:

[هبوب الكوس]

http://img86.imageshack.us/img86/4668/muqw1.jpg

مثل هذا النوع

[بوخالد911]

مستغرب بعض المسلمين يربوون كلاب ( الله يكرمكم ) ببيوتهم
وعارفين ان الملائكة لا تدخل بيتا فيه كلب


الله المستعان بس

:(

[الصريحه]

احسن وش لك بهم
ماتدخل الملائكه بيتكم

[بوعلي2]

ماتدخل الملاائكه بيتكم

وشلك فيهم

حطهم بالعزبه => ههههههههههه

[OTOsan]

يالربع ..ترى القصة من (الماضي) :)

يعني من ذكريات احمد .. مب من وقته الحالي ،،

[بوراشد82]

ذبحتني من الضحك يوم تقول نوعهم جيرمن شيبرد ..

ذكرتني بواحد من الربع في العنة مربي كلب نفس النوع الا يقوله رفيجي ياخي اقلع الكلب برع لايوصخنا .. قاله راعي الكلب تتطنز .. هاي نوعه جيرمن شيبرد مكس ..

رد عليه رفيجي قاله شنو هاي سندويش ولا وجبة ..!!

[jassim]

لووووووووووووووووووووول

لااله الا الله

[فراغ]

هذا جيرمن شبر أول ما نعرفه جاء مع من جاء ألينا
كان عندنا ثلاث أنواع لا رابع لهم
سلوقي - لوقي - جعري
ذكرتني بالذي مضى
هههههههههههههههه

[احمد1]

مساكين


(إبعاد) :)



ما حاولت تسأل عنهم؟


سالت عنهم 2 داستهم سياره وواحد خذوه خذوه انجليز وواحد صار مينون واثنين صارو ضباط بالشرطه خخخخخخخخخخخخ يعين اذا شفته تعطيه سلوط ماجنه الي كان ورى البيت نشربه حليب خخخخخخخخخخخخخخخخ اتغشمر والله مادري وينهم

[احمد1]

قصة حلوة يا أحمد بس لو مربي ذيب كان أحلى ولا تنسى أن الكلب أكرمك الله نجس ويمنع الملائكة من دخول البيت كما جاء في ما نقل عن رسولنا صلى الله عليه وسلم ولا يتخذ الكلب إلا للحراسة أو الصيد وفي الحالتين لا يدخل البيت.

الغالي كان عمري 6 سنين وتونا داشين عطلة الخمستعش يوم يعني ياهل اما الحين قطو مادانيه تقولي جلب

[احمد1]

http://img86.imageshack.us/img86/4668/muqw1.jpg

مثل هذا النوع

لاالغالي هذا دوبر بان الجريمن شبر هو كلب الحضيره الالماني وميزته الي ماتلقاها عند جلب ثاني ان في خشمه تلقى فوق مليون خلية شم عشان جذيه ياخذونه الشرطه وايد

[احمد1]

يالربع ..ترى القصة من (الماضي) :)

يعني من ذكريات احمد .. مب من وقته الحالي ،،

:nice::nice::nice::nice::nice::nice::nice::nice:

بالضبط يالغالي يعني يالربع لا تنقدون علي تراها من زمان

[al-sadd]

والله احسنلك
تبي نصيحتي
انا كنت مييت ابي عزك الله كلب
ولاكن يوم رحنا سوريا حصلنا ذيابه روسيه للبيع
خذينالنا واحد وهربناه الدوحه على انه كلب
والله وهذا هو في الدوحه ولو تبي مستعد ادزلك صور اخليك تغيير راييك وتتوجه للذيب
ومايربي الذيب اله الذيب هههههععععع
بس بيني وبينك النوع الي كنت تربيه مب من حلاوته الله يهداك هههه يعني لو هاسكي او بوليسي بقول معليه ولاكن جيرمن
يالله ع الاقل خيره ان شاءالله ^^

[بن محمود]

والله احسنلك
تبي نصيحتي
انا كنت مييت ابي عزك الله كلب
ولاكن يوم رحنا سوريا حصلنا ذيابه روسيه للبيع
خذينالنا واحد وهربناه الدوحه على انه كلب
والله وهذا هو في الدوحه ولو تبي مستعد ادزلك صور اخليك تغيير راييك وتتوجه للذيب
ومايربي الذيب اله الذيب هههههععععع
بس بيني وبينك النوع الي كنت تربيه مب من حلاوته الله يهداك هههه يعني لو هاسكي او بوليسي بقول معليه ولاكن جيرمن
يالله ع الاقل خيره ان شاءالله ^^



لكن هل الذيب ممكن يتربى ويتروض ويصير مثل الكلب في التصرف ؟
يعني يحرس البيت ويعرف راعيه .....
احس انه غير ممكن :secret:

[احمد1]

والله احسنلك
تبي نصيحتي
انا كنت مييت ابي عزك الله كلب
ولاكن يوم رحنا سوريا حصلنا ذيابه روسيه للبيع
خذينالنا واحد وهربناه الدوحه على انه كلب
والله وهذا هو في الدوحه ولو تبي مستعد ادزلك صور اخليك تغيير راييك وتتوجه للذيب
ومايربي الذيب اله الذيب هههههععععع
بس بيني وبينك النوع الي كنت تربيه مب من حلاوته الله يهداك هههه يعني لو هاسكي او بوليسي بقول معليه ولاكن جيرمن
يالله ع الاقل خيره ان شاءالله ^^

تسلم اخوي بس الي ابي اقوله لك ان الكلام هذا سنة 1981 يعني قبل 29 سنه تقريبا يوم مافي لا هايسكي ولا بايسكي وجبس عمان وعصير بونص ومعلومه الجيرمن شبر هو الي يستخدمونه في الشرطه في الدوحه الحين لو تجيب لي اسد مكتوب في بطاقته شالين طقم اسنانه وحاطين شوكه وسكين مابيه خخخخخ هذا اول يالغالي

[al-sadd]

لكن هل الذيب ممكن يتربى ويتروض ويصير مثل الكلب في التصرف ؟
يعني يحرس البيت ويعرف راعيه .....
احس انه غير ممكن :secret:

والله يا طويل العمر الاسد الي هو الاسد الناس روضوه
مابالك بالذيب =)
حاليا عمره ٥ او ٦ شهور والحمدلله حبووووب ويلعب مع عيال اخواني
واعمارهم ماعدت السنه والسنتين =)
اذا تعلم ع الناس وعلى العالم
خلاص يتعايش مع الي حواليه بدون مشاكل =)



تسلم اخوي بس الي ابي اقوله لك ان الكلام هذا سنة 1981 يعني قبل 29 سنه تقريبا يوم مافي لا هايسكي ولا بايسكي وجبس عمان وعصير بونص ومعلومه الجيرمن شبر هو الي يستخدمونه في الشرطه في الدوحه الحين لو تجيب لي اسد مكتوب في بطاقته شالين طقم اسنانه وحاطين شوكه وسكين مابيه خخخخخ هذا اول يالغالي

ههههه السموحه ماتوقعت سنه ٨١
قلت يمكن اخر التسعينات او بدايه الالفين ^^
ع العمومفي شي انا مااايدك فيه
الي بالاحمر ^^ عصير بونص اخبر اخواني يوم كانو قدي يشربونه
:tease:

[العقل الحر]

والله احسنلك
تبي نصيحتي
انا كنت مييت ابي عزك الله كلب
ولاكن يوم رحنا سوريا حصلنا ذيابه روسيه للبيع
خذينالنا واحد وهربناه الدوحه على انه كلب
والله وهذا هو في الدوحه ولو تبي مستعد ادزلك صور اخليك تغيير راييك وتتوجه للذيب
ومايربي الذيب اله الذيب هههههععععع
بس بيني وبينك النوع الي كنت تربيه مب من حلاوته الله يهداك هههه يعني لو هاسكي او بوليسي بقول معليه ولاكن جيرمن
يالله ع الاقل خيره ان شاءالله ^^

اخوي السد

البوليسي شسمه ؟

هو الجيرمن شبرت نفس الشي

بس عندنا اسمه بوليسي والاسم المتعارف عليه هو جيرمن شبرد