التأتأة

[ام راشد 1]

ولدي عمرة 4 سنوات و لاحظت من شهر تقريبا انه يتأتأ في بداية الكلام خاصة في حرف الألف و الفاء.

أذا حد يعرف دكتور او دكتوره عندهم خبرة في علاج مثل هذه الحالات حتى لو في عيادة خاصة لا يبخل علينا، و جزاكم الله خير.

[Doha Sun]

عندي بنت اخوي تاتاه في الكلام وخليناها تقعد معانا وتسولف ونعلمها طريقة نطق الحروف الصحيحة اللحين احسن بوايد من اول ..

[مروض الفكرة]

من أفضل الأطباء النفسيين في مستشفى حمد


والذين يعالجون مثل هذه المشاكل


الدكتور محمد عبدالعليم


دكتور فاضل وخبرة طويلة



ومن يحتاج رقمه بتواصل وياه

[محمد 1977]

من أفضل الأطباء النفسيين في مستشفى حمد


والذين يعالجون مثل هذه المشاكل


الدكتور محمد عبدالعليم


دكتور فاضل وخبرة طويلة



ومن يحتاج رقمه بتواصل وياه
أخوي الله يرحم والديك ممكن الرقم :telephone:

[قطرية ونص]

والله يا اختي اذا تبين نصحيتي خلي معلمة قرآن ادرسه بنت صديقتي نفس الشي واتعبت مع المستشفيات وبعدين دخلتها مركز تحفيظ القرآن وماشاء الله وااااايد تحسنت بنتها

[الصريحه]

يمكن عنده خوف عوديه على النطق الصحيح وعلميه القران

سبحان الله يفصح باذن الله

[مروض الفكرة]

والله يا اختي اذا تبين نصحيتي خلي معلمة قرآن ادرسه بنت صديقتي نفس الشي واتعبت مع المستشفيات وبعدين دخلتها مركز تحفيظ القرآن وماشاء الله وااااايد تحسنت بنتها



كلام سليم


بس أحيان يحتاج الطبيب لمعرفة المشكلة إذا كانت نفسية أم لا


والطبيب أحيانا أخرى ينصح بالمتابعة مع معلم يستطيع تعليم الطفل هذه المهارات

[k.alkuwari]

بسم الله الرحمن الرحيم

السلام عليك ورحمة الله وبركاته

أختي الكريمة

في اعلان بجريدة الشرق اليوم بخصوص هذه الامر بالذات

وهي جهة حكومية والاعلان للتسجيل

ان شاء الله يفيدك

والسلام عليك ورحمة الله وبركاته

[بوعلي2]

الله يشافيه عاجل

انصحج بتعليمه القران وان شاء الله مايحتاج دكاتره

[OTOsan]

بنت اخوي لما تتكلم اعتقد انها اختصرت حروف اللغة الى 15 حرف :) وهي في السنة الرابعة كذلك ..

قلت لاخوي شالحل .. فقال ان شاء الله تكبر وترد باقي الحروف ،،

[k.alkuwari]

اسف أختي الكريمة هذه معلومات الاعلان

مركز الفرح لذوي الاحتياجات الخاصه

المعمورة هاتف رقم : 44502189 \ 44216991

يوجد قسم خاص لعلاج حلات التأتأة

وسمحي لي على لقصور

[أم غانم]

الله يشافية إن شاء الله ..

أختي الولد في سن صغير وأعتقد أنه خجول أو مايخالط اليهال اللي في سنة أو غيرهم .. وعلاجه من البيت

تكلموا معاه .. خلوة يتكلم وعطوه الفرصة وصبروا عليه بدون مقاطعه ..


أقري معاه قرآن .. قصص .. الحروف الأبجدية ..

ودائماً أدعي وخليه يكرر وراج كلمة كلمة..

" رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي"


وربج الشافي .. أنا مب ضد الدكتور النفسي للطفل .. لكن الدكتور والمستشفى ممكن يحسسة إنه مريض

وهالشي يسبب له عقدة .. وبدل مايتعامل مع الشي أنه عادي ؟ يحس إنه مريض

[مهل]

السلام عليكم


هو اكيد انه فيه علاج ،، لكن ما اعرف وين بصراحه

كان لي صديق ايام الجامعه الله يذكره بالخير كان يتأتء بشكل كبير لدرجه مابي اوصفها

اختفى عنا في الصيف و الموسم التالي في الدراسه لقيناه يتكلم بطلاااقه و صارت التاتاه غير ملحوظه

لكن وين تعالج مادري

[MaRuKoO]

حبيبتي انا واحد من اخواني كان جذي وهو صغير وقالتنا الاخصائيه الي بمدرسته ((ايام ما كانت المدارس والاخصائيات سنعات :secret:)) انه هاذي مشكله نفسيه قالتلها امي انها كل مالها تزيد قالت هو فبداية كلامه اكيد تقاطعونه او لما يتاتا تطنزون عليه او اتاتاون معاه قالتها امي اخوانه الكبار قالت لما يتاتا اصبروا عليه واسمعوه لما يتكلم لانه من الاسباب انه يتكلم وانتوا تسولفون ومحد ينتبهله او يعيره اهتمام فيعيد الكلمه لين ما تقولنله نعم او هااه فخلاص خذت لسانه عليها وشوي شوي قام يتحسن الحين عمره 14 احسن من اول يواايد احنا ما وديناه عند دكتور حاولنا نعالج المشكله فالبيت وساعدناه والله الحين نادر صج الموضوع خذ سنين بس هذا حل للي ودهم يجربون يعالجون فالبيت من غير دكاتره
والله يحفظه لج

[أم غانم]

حبيبتي انا واحد من اخواني كان جذي وهو صغير وقالتنا الاخصائيه الي بمدرسته ((ايام ما كانت المدارس والاخصائيات سنعات :secret:)) انه هاذي مشكله نفسيه قالتلها امي انها كل مالها تزيد قالت هو فبداية كلامه اكيد تقاطعونه او لما يتاتا تطنزون عليه او اتاتاون معاه قالتها امي اخوانه الكبار قالت لما يتاتا اصبروا عليه واسمعوه لما يتكلم لانه من الاسباب انه يتكلم وانتوا تسولفون ومحد ينتبهله او يعيره اهتمام فيعيد الكلمه لين ما تقولنله نعم او هااه فخلاص خذت لسانه عليها وشوي شوي قام يتحسن الحين عمره 14 احسن من اول يواايد احنا ما وديناه عند دكتور حاولنا نعالج المشكله فالبيت وساعدناه والله الحين نادر صج الموضوع خذ سنين بس هذا حل للي ودهم يجربون يعالجون فالبيت من غير دكاتره
والله يحفظه لج



الله يحفظه ويخليه لكم ويتم عليه نعمة الصحة والعافية..

صح كلامج أختي العلاج يبدأ من البيت قبل المستشفيات..

[التيما]

احسن علاج للتأتأة .. هو القراءة والكلام بصوت مرتفع .. جربتها مع طلاب كانوا عندي وطالبات ونجحت بشكل فعال ..

[غايه الطواش]

اختي الفاضله ..مركز التعلم بمؤسسة قطر ... ممكن ان يساعدون في حاله التاتأه وعيوب النطق


اهم شي الابتعاد عن السخرية ...وزيادة ثقه الطفله بنفسها

[خزامئ]

اختي اللةيشفية التاتاة متجي فجاة الا فية سبب اما العين اللة يكفينا شرها او فية شي مظايقة
شوفي الاستشارات العئالية دكتورة هيام يمدحونها حق الاطفال

[بنت ابوها 19]

واللله نصيحه ماله داعي العلاج ولا غيررره
انا بنت اختي ملسووونه الله يحفظها دشت الروضه بدت التأتأ واختي خافت عليها انه كانت تتكلم عدل
الي اكتشفناه انه البنت تبي تتكلم بكلمات اكبر من سنها وتحاول تثبت للغير انها كبيره فكانت تأتأ وايد

بس الحين تعدل النطق عندها واللفظ الحمدالله


صدقيني مرحله سنيه وتعدي

[hussam-ahmed]

أختي انسي الموضوع و اسمعي كلامي
ابحثي في الاسباب .. قليل من الاهتمام ... استمعي له..... عدم ابراز اي انتباه للأمر و كأنه يتكام بصورة طبيعية... انظري في عينيه اثناء الكلام و لا تهتمي بشيء اخر... لا تساعديه عندما يتعثر في الكلمة و اعطيه و قته لينطقها... قولي هذه النصائح لكل افراد البيت...

انا قرأت هذه النصائح و عملت بها و ابنتي عادت 100% بعد سبعة شهور...

الان لو سمعتيها من المستحيل تعيد حرف...

اهم شيء هو ان تعرفي ان الطفل لايعلم انه يتعثر و لو علم و حاول ان يصلح سوف يزيد التعثر..
وتأكدي انه من الممكن غيرة من اخيه او انه يحتاج رعاية اكثر في البيت.

مع امنياتي له بالتوفيق.

[ريان]

هذا موضوع للاخت - الجوري

http://www.qatarshares.com/vb/showthread.php?t=408316

[بوخالد911]

http://www.qatarshares.com/vb/showthread.php?t=408316

[ام راشد 1]

شكرا لكل من تجاوب في الموضوع، سنأخذ بالأعتبار بعض النصائح والله يحفظ عيالكم.