شهريا: ايهما اكبر..تكلفة تموين بيتكـ(ـم) /طعامك أم فواتير هواتفكـ(ـم) و التسلية ووو

[عابر سبيل]

توني دافع 12 ألف ريال
لكيوتل:omg:

هالكلمة قالها واحد من
الربع لي من مدة..
و ايش..(يكمل صديقي)
هذي..موب كل فواتيري...
فيه اشيا للحين ما دفعتها!

طبعا...كان بس يتكلم -حسب ما فهمت-
عن فواتير هاتفية غير عن فواتير
(الانترتينمنت) مثل الدش او الانترنت..

*
*
،،
صحيح ان الرجال راعي بيتين :victory:

بس..قعدت اقلبها
يمين يسار
فوق تحت..
اشلووون..شيسوي هذا..
24 ساعة قاضب التلفون!

حتى انه ماعنده اعيال اكبار...
مم..ممكن تلفونات زوجاته و والدته!!

بس بعد..كلام مو معقول
يعني..معقول فيه ناس
تصرف على (الهذره) هالقد..

قمت المح بهالسافة على بعض
من حواليني..
فاكتشفت..ان المسالة..
مسألة الصرف الكبير
على (الاتصالات و التسلية) في كثير من البيوت ..
مسألة ما هي نادرة او قليلة الانتشار!

كثير من البيوت مبتلية بهالظاهرة..
و تعاني او تشتكي في الاخيير
من ضعف الدخول و زيادة
كلفة المعيشة و الاضطرار للديووون:rolleyes2:

فانا..حقيقة..تفكرت..
معقوله يعني..فيه ناس تكون تكلفة
اتصالاتهم و اشتراكاتهم الاخرى
مع شركات الاتصال..
تفوق تكلفة تموين (منازلهم)!

ما اعتقد..ان بيت مكون من 4-6 انفار
بيكلف تموينه الشهري 12 الف..
مثل حال صاحبي..الله يعينه!

بس...ممكن حد فواتيره اقل من 12 الف..
بس بعد..هي اكبر من فواتير تموين بيته..

فايش هالحاااجة عند الناس للكلام و و و..

معقولة فيه ناس محتاجه في حياتها
(للهذرة) اكثر من حاجتها للطعم و الماء!
*
*
،،
و التصويت اعلاه..بس عشان نشوف
عينة للمقارنة في هذا الاتجاه..

فنرجو منك التصويت..كرما لا أمرا!

[PoBox]

*
*
يعطيك العافية اخوي عابر سبيل عالموضوع

بس وين التصويت ، شكلك نسيته :telephone:

راجع لاحقا ان شاء الله

[مناحي السادس عشر]

كيوتل نهيبه يارجال
كل اسبوع مطرشين لك عزيزي المشترك وعزيزي المشترك
اصلا لو فيه معزه صدق مايطرشون مسجات يبون فلوس
ماعندهم شي لله :(

[بوخالد911]

البعض امصخها ويه استعمال التلفونات

طايح مكالمات خارجية
ولمدة طوويلة

وليين جاته الفواتيير
تشووفه يصييح ويشتكي




الله لا يبلانا بمثل هالتصررفات

[عابر سبيل]

*
*
يعطيك العافية اخوي عابر سبيل عالموضوع

بس وين التصويت ، شكلك نسيته :telephone:

راجع لاحقا ان شاء الله


ما نسيييته..
بس انا (السلحفاة):shy:
و منتدانا (الارنب):victory:
ما شاء الله تبارك الله:secret:

[زقرتي ومزاجي]

تم التصويت ولي عوده

[N7eEeS]

باختصار فواتير الهواتف صارت مثل القسط الشهري ولمدة غير محدده ربما إلى الممات وأنت تدفع هذا القسط.
انا وزوجتي فواتيرنا ماتقل عن 2500 ريال+ انترنت+ كيبل= نقول 3000 ريال شهريا
36000 في السنه.
360000 في 10 سنوات .
قيمة مرسيدس جديد :)
وتم التصويت.

[شاهيناز]

ماصوت لان الماما الي يخليها هي الي تدفع فواتيري وتشتري تموين البيت

بس في فواتير اكبر من جذيه
فواتير الصالونات ومحلات المكياج
قاصفه عمر الراتب ومافي اي رقابه عليهم كل يوم يزودون في الاسعار واحنا ندفع ولا نشتكي

ويسلمو خيو عابر

[مرتبش]

تم التصويت

عجبني مقال قراته من مدة بسيطة عن حملة لترشيد استهلاك الجوال
فعلا صرنا نشوف ناش متعلقة بالجوال (او بالاحرى الاتصالات بانواعها) بطريقة ادمانية.. يعني لو ما يتصل بالجوال على كل صغيرة وكبيرة مايرتاح.. واحد من الربع كل ما اتصل له احصله على الانتظار..ويشتكي من فاتورته ويغير جواله بسرعة رهيبة بسسب الاستخدام الزائد

المسألة يبي لها تعويد وان الجوال للضروريات فقط وليس للسوالف

[بوحارب]

ما احسب لها احساب...http://im1.gulfup.com/2010-10/12873080675.jpg (http://www.gulfup.com/)

[ANONYMOUS]

طبعا اقل بكثير..


تم التصويت يابو عابر

[رذاذ]

ما احسب لها احساب...http://im1.gulfup.com/2010-10/12873080675.jpg (http://www.gulfup.com/)

هههههههههههه بوحااارب منور
دامك مع هالخرده الى في تكاية موترك وخصصها للكرك وين تحسب لها حسااب

[طارق]

لما يكون في البيت 5 تليفونات أرضيه
كل شخص3 جوالات بمعدل 15 جوال في البيت
3 اشتراكات انترنت , مع ان ممكن راوتر واحد يكفي

العيب مش من كيوتل
العيب فينا

[عابر سبيل]

كيوتل نهيبه يارجال
كل اسبوع مطرشين لك عزيزي المشترك وعزيزي المشترك
اصلا لو فيه معزه صدق مايطرشون مسجات يبون فلوس
ماعندهم شي لله :(


صحيح يا سديد الراي يا خوي مناحي...
و انا..ما عدت اكلف نفسي ادقق في الفواتير
الا عشان اشوف كم (نجمه) من نجومهم
بيحطونها لي..و بعد احس ان الحسبة
موب لصالحي...بس عالاقل
نجومهم كلنا منها شوي
و الحمد لله
*
*
،،
تحية:)

[barod]

تم التصويت

[عابر سبيل]

سؤال..
للي ايشوف نفسه انه يصرف بزيادة
على هالمسألة..ممكن حد ايقول او يفصح
بجرأة..
ايش اللي يخلي الواحد يستهلك من (وقته و بيزاته)
كم كبير..اكبر من الطبيعي..

حاجة ام عادة ام عدم اكتراث ؟؟؟

[تحداني]

كوني لا أعيل اسره ففواتيري الشخصيه انا ادفعها
والمقصود هو " الجوال " إستخدامي له جدا محدود .. وقد يكون شبه معدوم
ما أحب أربط نفسي بتكنلوجيا .. وعندما أشتاق كل من استطيع الوصول له أذهب إليه
أو أكلمه من تلفون البيت اذا كان في الدوحه
وان كانت المكالمات خارجيه فيكفيني الاطمئنان عليهم
.. والانترنت بما فيه المسنجر وبرامج الاتصال السريعه
قللت الكثير من الماديات


...............................
نجي للوالد .. سألته يبه كم تجيك فاتوره الوالده وخواتي واخواني
قال شئ لا يذكر كلهم تقريبا 2000 ريال بما فيه الهواتف الأرضيه
ومع الايفون .. والبرامج قل كثير استخدامهم للصوت واكتفوا بالكتابه

فأعتقد ان المبلغ جدا قليل


في ناس يا أخوي عابر اخذوا من الهاتف تسليه وتشوفه فاضي ما عنده شغله
اميود هالتلفون يأما تنزيل خدمات مالها داعي .. او مكالمات بسوالف اتفه منها
او عنده مو خط ولا خطين ولا ثلاث
واحد يعبي فيه .. والثاني فواتير .. والثالث فودا . والرابع النورس
لو وزير ما اعتقد يكون عنده هالكثر أرقام

هالناس ما يقدرون يعيشون بدون ما يناظرون شاشه الجوال
ومرض الله يشفيهم منه ولا في عاقل يدفع

12 الف مبلغ جدا خيالي
مهما يكون شخص مهم
ومهما يكون عنده اهل برا الدوحه
ومهما تكون العائله كبيره
لو متزوج أربع ايش راح يسوي
يمكن يعيش على ابساط الفقر




تم التصويت بأقل كثيرا من تموين البيت الذي لا أأمنه الا اذا كنت في مشوار :)


موضوع جميل .. جملك الله برضى الرحمن

[أبورودي]

انتنرنت + تليفون ارضي 233
خطين من فودافون 140 ريال شهريا (الخطين يتمتعون بمكالمات مجانيه لعملاء فودافون)
الاجمالى 233 *12=2796 ريال سنويا
وموبيل 1680 سنويا
الاجمالى سنويا 4476
ترفيه الستالايت النايل سات ممتلاء بالقنوات
وكارت جزيره 170 دولار

[شيط ويط]

فواتير كيوتل/فودا اقل بكثييييييييييييييييييييييييييييييييييييييييييييييي يييييييير

[عابر سبيل]

التحية و الشكرلكل من شارك للآن..
تصويتا و / او تعقيبا...





باختصار فواتير الهواتف صارت مثل القسط الشهري
ولمدة غير محدده ربما إلى الممات وأنت تدفع هذا القسط.
انا وزوجتي فواتيرنا ماتقل عن 2500 ريال+ انترنت+ كيبل= نقول 3000 ريال شهريا
36000 في السنه.
360000 في 10 سنوات .
قيمة مرسيدس جديد :)
وتم التصويت.


شاكر لك جدا هذه المشاركة الصريحة
يا خوي/N7eEeS

بداية عسا الله يبارك لك في اهلك و مالك..
و يعوض عليك نفقاتك..

مشاركتك جدا معبرة و منبهة
لكل من قد يكون غافل عن حجم انفاقه
او غير مبالي لحجم لفواتيره..

اعتقد..ان 3 آلاف ريال تكفي
لتغطية التموين الشهري
لبيوت ذات احجام صغيرة/ متوسطة...

و من كانت تكاليفه (الهاتفية) أكبر من
أو ضعف ما ذكرته..
فانه.. قد يحتاج الى اعادة تفكير في سلوكه
و جدولة حقيقي لمصاريفه..

هذا في مسألة الاتصالات...فقط!!

[wadha-qa]

احنا روحات الجمعيه و السوق هي اللي لها نصيب الاسد من الصرف اما التلفونات ما تتعدى 600 ريال

[مستجدة]

لا والله لا تموين البيت ومادراك ماتموين البيت والله يعين اللي عنده عيال واااااااااجد
طلبات ماتخلص ومدارس والله المستعان واذا على كيوتل الله يخلي لنا هلا عندك تكلم ماعندك سكره وحطه في الدرج لا فواتير ولا عوار راس:)

[saud580]

والمواجب الاجتماعيه .........تبغي لها ميزانيه ....... هذي تعرس (هديه مبلغ محترم )...... هذي تجي من السفر ..... صينية شيكولاته ما اقل من 500 ...... زيارة مريضه بالمستشفى باقة ورد او شيكولاته ب 500 هذي (مربي ...ولاده هديه .......) يعني في الشهر مب اقل من 3000 مواجب اجتماعيه وهدايا يعني اي مشوار او زياره ... ادفع نقدي ....

---------

معاشات الخدم ...... وكل فتره طالبوا بزياده


--------

تبارك الله المرور ..... ومخالفات ورادار ....والدريوليه يعدموووون سياراتنا واحنا من كراج ل كراج


--------
مدرسين خصوصيين .....وميزانيه ........
---------
عليك الاحسسسسسسسسساااااااب

ام سعود

[ام السعف]

طبعا تكاليف معيشتنا اغلى بواااااااااااايد من فواتير كيوتل

اللمت عندي حسب تعليمات بو العيال ما اعدي 500 ريال ،، مع اني
اكثر خواتي استخداما للجوال والاتصالات الدولية ،، بس بحساب
( الشي الوحيد اللي قدرت اوفر فيه هو عدم اعطاء فلوس زيادة من جيوبنا لكيوتل )
و في الأخير فاتورتي 360 او 270 ريال ....> قاهرة كيوتل

عندي كرت هلا للخادمة وبعض المكالمات الدولية وبالكثير 100 ريال شهريا
هذا لو مر شهرين والرصيد بعده 3 ريالات ،،

يعني لو بالغت وقلت ان كيوتل يشفطون منا 1500 ريال شهريا
طبعا هذا ما يقارن مع صرفنا الشهري في البيت لنص شهر لوجبات العشى بس ،،

[ANONYMOUS]

،،


طبعا هذا ما يقارن مع صرفنا الشهري في البيت لنص شهر لوجبات العشى بس ،،


اشدعوه ام السعف تتعشون من برا كل يوم

ماعندكم خبز وجبن

:shy:

[ام السعف]

اشدعوه ام السعف تتعشون من برا كل يوم

ماعندكم خبز وجبن

:shy:

كتبت نص الشهر من برع النص الثاني خبز جبن مرات ومرات انام من غير عشى :shy:

[ANONYMOUS]

كتبت نص الشهر من برع النص الثاني خبز جبن مرات ومرات انام من غير عشى :shy:



اوكي الحين استوعبت وماحسيت بالغربه

فيه العافيه انشالله

:victory:

[ام السعف]

اوكي الحين استوعبت وماحسيت بالغربه

فيه العافيه ان شاءلله

:victory:

الله يعافيك ،،،
بس بجد انت ادخل مع العيال مطعم مثل ابل بيز مثلا ،، ما نطلع والا دافعين
في مرة وحدة 500 ريال بالساهل ،، تخيل دخلنا مرتين في الشهر
1000 ريال ،،، 500 ريال ما بين سندويشات شاروما وفطاير
وبعد مب مكفية ال 1500 ريال،،

فواتير كيوتل ارحم من فواتير بطوننا :shy:

[ANONYMOUS]

الله يعافيك ،،،
بس بجد انت ادخل مع العيال مطعم مثل ابل بيز مثلا ،، ما نطلع والا دافعين
في مرة وحدة 500 ريال بالساهل ،، تخيل دخلنا مرتين في الشهر
1000 ريال ،،، 500 ريال ما بين سندويشات شاروما وفطاير
وبعد مب مكفية ال 1500 ريال،،

فواتير كيوتل ارحم من فواتير بطوننا :shy:


صادقه ..

عشان كذا يقولون هالمطاعم مافيها قيمه غذائيه

فيها قيمه ماديه اكبر

:)

[دلة الرسلان]

في السابق كانت جولاتنا فاتورة وزوجي هو المسئول فما كنا نهتم فعلا لما يدفع وبعد أن بلغ

السيل الزبى كان هناك قرار متعسف بتحويل جوالاتنا على هلا وفي بداية كل شهر ينزل في

حساب الجوال 200 ريال من كيوتل ( ما ادري اي باقة ) فاشوف ان ها الطريقة فيها توفير

افضل . بالنسبة لتموين البيت لحد الحين ما قدرنا نحكمه البيت احذا الجمعية وادناة الدون

مطرشيين الدريول يجيب غرض ما ناقص وهنا تتمدد القائمة فبدال ما كان كيسة روتي للمدرسة

يجيك خضرة سلطة ، شاي ،روتي اسمر ،وجبن لايت وايس كريم (للتحلية ) وغيره .

اخوي عابر سبيل اتوقع طلعات المطاعم والالعاب وطلبات الفاست فوود من ضمن التسالي.

[هتـان قطر]

صباح الخير لكل المتواجدين .. :)

بالنسبة للمقارنة بين تكاليف الفواتير وتموين البيت .. التموين اكثر

بالنسبة لعائلتنا .. مع انه ما شالله العيال والبنات كل واحد جوال بالاضافة لي ولابوهم

يعني اقل شي في الشهر 3000 ريال .. لكن ما يوصل لمصروف التموين خصوصا

مع اضافة الخدم والسواقين والرعيان ..

الله يعين ابو العيال علينا :rolleyes2:

[ضوى]

تم التصويت

فواتير كيوتل ولله الحمد ماتتعدى اقل نسبة ممكنة من مصروف التموين الشهري

[هام السحاب]

اهي 200 ريال فالشهر مايشوفون غيرها

[عابر سبيل]

في السابق كانت جولاتنا فاتورة وزوجي هو المسئول فما كنا نهتم فعلا لما يدفع وبعد أن بلغ

السيل الزبى كان هناك قرار متعسف بتحويل جوالاتنا على هلا وفي بداية كل شهر ينزل في

حساب الجوال 200 ريال من كيوتل ( ما ادري اي باقة ) فاشوف ان ها الطريقة فيها توفير

افضل . بالنسبة لتموين البيت لحد الحين ما قدرنا نحكمه البيت احذا الجمعية وادناة الدون

مطرشيين الدريول يجيب غرض ما ناقص وهنا تتمدد القائمة فبدال ما كان كيسة روتي للمدرسة

يجيك خضرة سلطة ، شاي ،روتي اسمر ،وجبن لايت وايس كريم (للتحلية ) وغيره .

اخوي عابر سبيل اتوقع طلعات المطاعم والالعاب وطلبات الفاست فوود من ضمن التسالي.


صحيح...ما قصدته بالتموين هو التموين الاعتيادي و لوازم
طبخات البيت..
مـchـابيس و ما في حكمها!

اما المطاعم..فهي اما دلع..
أو فكة من حنة العيال..
او لعجز او "تِكيسل" :secret:
عند المديرة العامة للمنازل العامرة..
الام و/او الخادمه:telephone:
*
*
،،
ما عدا تكاليف
"سندويـchـات الجبن"
بتاعة اخونا /انونيموس..
فهي شيء اساسي من اساسيات اكثر
البيوت في هالايام..
للصغار (و الكبار أيضا)<<مجلة ماجد

فحزات تكون هي الريوق و العشا..
و يمكن بعد ع الغدا على شكل (بيتزا):)

[الصريحه]

اقل ولله الحمد
موجود تلفون البيت الثابت حق المكالمات الطويله مب لازم اربحهم على حسابي

[عابر سبيل]

لما يكون في البيت 5 تليفونات أرضيه
كل شخص3 جوالات بمعدل 15 جوال في البيت
3 اشتراكات انترنت , مع ان ممكن راوتر واحد يكفي

العيب مش من كيوتل
العيب فينا


خلنا انقول..البعض من ابناء المجتمع
يا خوي طارق..
و اللي حالهم مثل ما تفضلت!

و اللفتة اللي انت تتكلم عنها..لفتة مهمة
و هي حال و اجتماع افراد (العائلة) في البيت!

عادة..تلفون أرضي او اثنين..كفاية
الا اذا كانوا (لعيال) متزوجين و عايشين في بيت ابوهم..
فكل (زوجه) من حقها تلفونها الخاص:victory:

جوالات متعددة في يد كل فرد من افراد الاسرة..
و كل منهم..عايش لوحده في (غرفته) مع تلفزيونه
او جهاز الكومبيوتر حقه

غير طلعاته مع الربع...

ايش بقى من وقت..
لافراد (بعض) العوائل لكي
يقضونه مع
بعضهم البعض!

ممكن يتواصلون ايضا عن طريق الاتصال بالجوال..
اللي فوق يتصل للي تحت..
و اللي في الحوش يهاتف اللي في الصاله..

[عابر سبيل]

...............................
نجي للوالد .. سألته يبه كم تجيك فاتوره الوالده وخواتي واخواني
قال شئ لا يذكر كلهم تقريبا 2000 ريال بما فيه الهواتف الأرضيه
ومع الايفون .. والبرامج قل كثير استخدامهم للصوت واكتفوا بالكتابه

فأعتقد ان المبلغ جدا قليل





شكرا لك ع المداخلة الطيبة
و اتمنى ان تنبيهاتج تصل لمن يحتاج لها!

لفت انتباهي مقارنتك
او قولك بأن 2000 ريال
مبلغ قليل جدا!

لو تتأملين..بان المسألة مهي بالسهولة
عشان الواحد يقول ان صرفه على الهواتف و توابعها..
كثير او صغير!

فالألفين ريال..عندج و عند كثيرين..
مبلغ عادي او صغير خاصة
انه-كما نفهم- لمجموع فواتير أسرة متوسطة/كبيرة العدد-نسبيا-..

لكن..ممكن هالمبلغ يكون في نظر آخرين مبلغ كبير
خاصة ان كان دخله..راتبه..
ما يتعدى ال 5 آلاف او 8 آلاف ريال!<< بحدود ال 25%!!!

من هالشكل..انا حطيتها بالمقارنة مع صرف الناس
على شي اساسي في حياتهم..و هو التموين للاسرة..


و هالامر(كلفة التموين)..ايضا مختلف من بيت للآخر..
كما يظهر من كثير من الردود أعلاه..
بغض النظر عن حجم الاسره!

اتمنى ان يكون في هالمقياس (الجديد)
شي نافع لكي ننبه بعضنا على
ما يمكن اعتباره (ذاتيا)
زايد عن الحد او انه صرف معقول..

[تحداني]

اخي الفاضل عابر سبيل
" المبلغ جدا قليل "

كان لعائلتي وبيتي هذا ما كان يقصده الوالد مقارنه بمدخوله .. وعدد الفواتير .. " وهي 5"
و" 2 " تلفون ارضي .. وانترنت .. فاعتقد لا شي الــ 2000 ريال
ولو قسنا الأمر على المجتمع بأكمله أكيد هناك من سيقول ان المبلغ ضخم
والبعض الآخر يقول لا شئ


وجب التوضيح فقط


جملك الله برضى الرحمن

[الحبتور]

تم التصويت

[الجني]

موضوع مميز من شخص مميز

فواتير الهاتف اقل من تموين البيت

ياليت يتم احصاء طرق التوفير لفواتير كيوتل

كيوتل و فودافون ,
عند السفر تكلفة المكالمات الى قطر احياناً ريال واحد و من قطر ريال و نصف
احذر من المكالمات الى خارج قطر في السفر 17 ريال للدقيقة بمعنى , اذا ذهبت الى الإمارات و اتصلت
بالبحرين فإن مكالمة البحرين بـ 17 ريال للدقيقة و حمل هاتف ثريا يكلف 2 دولار (7.3 ريال)
و الأفضل شراء كرت محلي في كل بلد . لا بد من التخطيط الجيد للإتصالات خلال السفر

مع تحياتي لكاتب الموضوع

[متسلف وفي الاخير]

بختصار ياجماعه الخير صار راتبنا مب لنا بقولكم اشلون احين احنا نشتغل ونكرف واخر الشهر تستلم الراتب

جزء اقساط جزء مخالفات جزء فواتير جزء تموين جزء ايجار اذا كنت ساكن اجار تاريخ 10 من الشهر ماعندك ولا ريال احلى حل نرجع حق البليب او التيلفون الهوائي ههههه

[عابر سبيل]

موضوع مميز من شخص مميز

فواتير الهاتف اقل من تموين البيت

ياليت يتم احصاء طرق التوفير لفواتير كيوتل

كيوتل و فودافون ,
عند السفر تكلفة المكالمات الى قطر احياناً ريال واحد و من قطر ريال و نصف
احذر من المكالمات الى خارج قطر في السفر 17 ريال للدقيقة بمعنى , اذا ذهبت الى الإمارات و اتصلت
بالبحرين فإن مكالمة البحرين بـ 17 ريال للدقيقة و حمل هاتف ثريا يكلف 2 دولار (7.3 ريال)
و الأفضل شراء كرت محلي في كل بلد . لا بد من التخطيط الجيد للإتصالات خلال السفر

مع تحياتي لكاتب الموضوع

ان كان في الموضوع أي ميزه فهو انه قدر يعيدك
لمنتدانا....فالحمد لله ع السلامة من بعد هالغيبة الطويلة
يا خوي الفاضل/ الجني! نورت الموضوع و المنتدى:)

اعتقد ان في توجيهاتك و -من خبراتك- لمن يسافر
افضل السبل للتعامل مع مسألة الاتصالات و التواصل
اثناء التواجد في الخارج...

و اللي تلفت انتباهنا له هو امر مهم..
يعني..عدم الانسياق خلف "دعايات" شركات الاتصال
بانها توفر لنا خدمات أقل كلفة او او..

من حواري مع مدير سابق في (اتصالات الامارت)
يقول انهم في كل عرض (تخفيض) يكونون دارسينها نفسيا
و ان ذلك يحفز المشترك اللي ينساق ورا هالعروض
لمزيد من الاستهلاك -بلا شعور- و بالتالي زيادة كلفة فواتيره
بشكل عجيب..

قال لي هالكلام..بعد ما قلت له..عن تجربتي مع احد العروض
اللي قصدت اني استفيد منها...للتوفير..لكن في الاخير..
طلعت أدفع ازيد لكيوتل ..من بعدها!:eek5:

التلاعب في عروض شركات (الاتصالات) امر عجيب..
فمثلا..كيوتل الان..تسعر تعرفتها/وحدتها بالدقيقة..
سواء استهلكت (دقيقة) او اقل منها..
بينما في السابق و قبل هالعروض الكثيرة مؤخرا..
كانوا يسعرون التعرفة لكل ربع و/او نصف دقيقة...

و هنا تكمن اللعبة في
مجموع الاتصالات باخر الشهر
و ليس في المكالمة الواحدة!

يعني و على سبيل المثال..
ممكن الواحد منا..فعليا ما استخدم الا 800 دقيقة...
لكنهم في الاخير..يسعرونها و كأنها 1000 دقيقة!

[عابر سبيل]

استقراءا للاستطلاع اعلاه..
قد يحق للمرء
ان يتصور ان الوعي (المالي)
عند الناس في مجتمعنا...في وضع جيد ..
فوجود عدد كبير من الناس التي تعرف و تنتبه
على حجم مصروفها و الى اين..
هوبحد ذاته امر محمود..

عليه..فاحب ان انبه من يقول انه لا يحسب حساب
او مقارنة بين فواتير الاتصالات و/او فواتير التموين..

اهي من باب..انه اصلا لا يقوم باي تنظيم (مالي) لنفسه
و لا يعرف بشكل او آخر..مقادير مصروفاته..


ان كان ذلك صحيحا..فالامر..
يحتاج من البعض الى مراجعة و انتباه!

[مشتاقة لقطر]

بالنسبةلعائلتي

بو العيال ( منصب مهم ) نوعا ما فالشغل يتطلب اتصالات بجميع انحاء الدنيا + عنده عزبة وعمال وسباقات + ربعه بالريس
قبل كانت فواتيره شي خيالي الحين معتمدين نظام كرت هلا

ومرتاحين عالشغلة فيه فلوس اشتري كرت مافيه فلوس ( اللي ماعندوش ما يلزموش ) هههه

والتموين باول لشهر الاساسيات

وتليفون للدكان 25 مرة باليوم

يعني لامقارنة بين الفواتير والتموين

[khaldoon]

والله يا الغالي موضوعك ينطبق علي تماما بس مب مع كيوتل...مع كهرماء

تحياتي

[مناحي السادس عشر]

صباح الخير لكل المتواجدين .. :)

بالنسبة للمقارنة بين تكاليف الفواتير وتموين البيت .. التموين اكثر

بالنسبة لعائلتنا .. مع انه ما شالله العيال والبنات كل واحد جوال بالاضافة لي ولابوهم

يعني اقل شي في الشهر 3000 ريال .. لكن ما يوصل لمصروف التموين خصوصا

مع اضافة الخدم والسواقين والرعيان ..

الله يعين ابو العيال علينا :rolleyes2:


حلوه هذي الرعيان

[عابر سبيل]

والله يا الغالي موضوعك ينطبق علي تماما بس مب مع كيوتل...مع كهرماء

تحياتي


هلا و مرحبا بك يا خلدون...

شوف..التطور في ضروريات (بقاء) الجنس
البشري..
بعد ما كنت تقتصر على (المااااء)..
اتانا (أديسون) بضرورة لا غنى عنها اسمها (الكهرباء)!

و من بعده..
لم تقتصر عملية اتساع (ضروريات)
الحياة العصرية للبشر..

فاضاف لها ( جراهام بيل) الهاتف..
و ما اتضحت هذه بجلاء
إلا بعد بزوغ شمس (الجوالات)
باجيالها المتتابعة..
و اخرها الايفون 4 !
*
*
،،
عليه..حاولنا ان نرجع في موضوعنا..
الى ما لا يختلف عليه من اساسيات للعيش
حتى في البيوت البدائية القروية..او في الصحراء

الطعام او المؤونة!

فلا ضير ان تقارنها انت باستهلاك
الكهرباء و الماء..
و غيرك..قد يقارنها ربما باستهلاكه (للبنزين) في سيارته..
و ربما غيرنا..يقارنها مع اساسية (التدخين) ..كأساسية من اساسيات
صفاء (مزاجه)!
او ربمى عند البعض..مقارنة
مع تكاليف شرب (كوفي) و في جو منم الالوان زاهي..
في سوق واقف!


المهم..الاعتدال في الانفاق في ما ابتلانا الله به من (نعم) ... فالحساب..لزمٌ في رقاب (ذوي النعم)
اكان اليوم..او في الأجل!

[عابر سبيل]

لحد الان...حوالي 28% من المصوتين
الذين بلغ عددهم 86..

تكلفة فواتير الاتصالات لديهم اما تساوي او هي
اكبر من تكلفة تموينهم الشهرية..

و هذي..نسبة موب بسيطة!

[رجل مثالي]

بس طبعا المدفوع لكيوتل والله مش شي بسيط وحياك الله

[Rayane]

والله العظيم غريبه وانا استغرب اذا قال لي احد فاتورتي 3000 ريال والا 6000 ريال...

كيوتل ما تقدر تسرق ( صحيح تسرق ولكن مبالغ معقوله ^_^).

لله الحمد عندي خط انترنت \ وايرلس+ خطين الشهري ابو 300 ريال واحد منهم بلاك بيري + خط هلا. وكلهم مع تلفون البيت تقريباً بين 1000 الى 1500 مع حركآت كيوتل ^_^.

ومصروف كيوتل اقل من مصروف البيت والشكر كله للطمآط خخخخخخخخـــ

مشكور على الموضوع وتم التصويت