المساعد الشخصي الرقمي

مشاهدة النسخة كاملة : ليش المدارس الاجنبيه ينتهي دوامهم 12ونص والمستقله1ونص


بوبندر
17-10-2010, 02:26 PM
عندي ولدي في مدرسه اجنبيه المرحله الاعداديه...وعندي بنات في ابتدائي
وعدادي مستقله....الولد 12ونص طالع ومشاء الله مستواه احسن من البنات بمليون مره
..من ناحيت الفهم وتدريس....عندي البنت في المرحله الابتدائي تقول مانفهم حق كلام المدرسه!! اذا عرف السبب بطل العجب!!!!المدرسه مغربيه ونتو عارفين كلام المغاربه...كلامت مديرة المدرسه قالت هذا الموجود......بسنا خرابيط يالمستقله....لا ومطرشين مع البنت جدول تقويه...الماده ب500 ريال...!!!!!!!!!
شبح الصمت
17-10-2010, 02:30 PM
الله يعينك

وين الكوادر

الله يرحم ايام المدرسين قبل

صراحة الاردنين والفلسطينين والمصريين صراحة ذولي احسن جاليات توصل لك المعلومة
وباللغة العربية الفصحى

خلاص ياخوك قبل كان المدرس يدرس بطيب خاطر

الحين بيدرسك بس يدري انك تبيه خصوصي

حاليا المدرسين الاقدامى الي تقاعدوا ما يبون التدريس لانه تدري كم يدخل في الشهر الله يزيدهم

ما يقل قد راتبه 10 مرات او 10 مره

الله يرحم ايام قبل

وصدقت الدراسة بالمدارس الاجنبية متابعين لهم وما يبون اسم مدرستهم يطيح فالقاع فيبون على طول سمعتهم فووق
ام شوشي
17-10-2010, 02:46 PM
الله يعينك اخوي الظاهر حاطين للطالبات مدرسات اي كلام علشان يسحبون فلوسكم من دروس
التقوية وبازيدك من الشعر بيت با النسبة للملابس المدرسة روح المكان الفلاني او الخياط الفلاني
وخيط عندة لانة هذا الخياط بتلقاة تابع لصاحبة الترخيص وتبي تستفيد من الطالبات والله تحدث في
حياتنا اليومية احداث تشيب لها الرأس الله يكون با العون

ومشكور اخوي على الموضوع
الصريحه
17-10-2010, 04:33 PM
معاك الجو مايساعد يقعدون لين 1 ونصف يردون مفهيين ولافهموا شيء
وش فيها لو ردوا وتغدوا وناموا وبعد ساعه قاموا ودرسوا
افضل واستيعاب اكبر
مب الحين يردون الشمس ضاربتهم ويقعدون طول اليوم رؤوسهم معورتهم
رجل الجزيرة
17-10-2010, 05:07 PM
لأن مدرسينهم من بلادهم وعندهم خبرة التدريس.
ثرية
17-10-2010, 06:20 PM
بل عاد المغاربه بروحهم يبيلهم ترجمه
gxr o.z
17-10-2010, 06:34 PM
اتوقع تتكلمين عن قطر انترنشونل ؟

للعلم المدارس الأنجبيه عامة تخلص حول 1.30
لـبـيـه
17-10-2010, 07:00 PM
الله يسلمك لانه عيالنا فيهم قوه خارقه ونعودهم على دوام الوزارات من الحين

وهذي نضره مستقبليه عشان العيال مايتهربون من الدوامات من الحين
الشمالي111
17-10-2010, 07:49 PM
عادي خلهم يطلعون الساعه 2 ولا 3 بس اهم شي يجيهم مدرسين

عندي بنتي للحين ما جاهم مدرسة لغه عربية صارلنا اكثر من شهر واليوم بس قالت لي المساعدة درستنا بس ما فهمنا شي


الله يعين بس هو فيه تعليم


الله يرحم ايام التعليم اللي راحت مع الوزارة
سري جدا
17-10-2010, 07:54 PM
الله يسلمك لانه عيالنا فيهم قوه خارقه ونعودهم على دوام الوزارات من الحين

وهذي نضره مستقبليه عشان العيال مايتهربون من الدوامات من الحين

ههههههههههههههههههههههههههههههههههههه

نظرية برده مو مهم الانجاز في العمل المهم الدوام حتي لو يلعبون على psp والبي بي
ارين
18-10-2010, 12:11 AM
السلام عليكم

أخي الفاضل ... تدري ليش ؟

لأن الأجانب يبون مصلحة الطلاب .. وعارفين إن مقدرة الطالب الاستيعابية تقف عند حد معين ..
وما راح يستوعب لو زودت عليه الساعات الدراسية لأنها فوق طاقته الإدراكية ..
ولو تلاحظ مناهجهم قوية ولكن أيضا .. عندهم كثرة الإجازات .. ويهتمون بطرق التعليم ويركزون على الأساليب التي تنمي التفكير .. يهتمون بالكيف لا بالكم ...
في الأخير يطلع منهم العالم والطبيب والمهندس .. وحنا على طول السنة الدراسية والتمدرس وطول الدوام اليوم الدراسي وقلة الإجازات
مع ضعف المناهج والتدريس بغير لغة الأم .. وشوف النتيجة ...!!!

كل شيء عندنا بالمقلوب .. جان زين خذنا منهم تجاربهم الناجحة .. وطبقناها عندنا .. مع الأخذ في الاعتبار ظروف بلادنا الجوية والعادات واللغة ...

وشـــــــكرا لك ..
الصيـاد
18-10-2010, 12:46 AM
اجرام بحق الطلاب الصغار

من الساعة 5:30 وهو قايم لين 1:30 8 ساعات وهو يدرس ويعمل ما يطلب منة كالسجين

يرجع البيت من 2 الي 3 مخلص الغدا الولد يرقد تعبان 10 ساعات وهو يتعرض لضغظ فكري وبدني

يرقد يقوم اذا انت محظوظ 7 او 8 يقوم مخدر يبيلة ساعة صارت 9 تعال ادرس يا ولد

عيالنا اللي خذوة معلومة او معلومتين بكل مادة من شهر معذورين المدرسين والمدرسات

ما في مناهج كلة ملازم وورق خرابيط دبس وعطهم

كلة بركات المجلس السفاح
ابو علاوي
18-10-2010, 01:04 AM
مفروض الدوام من 7 الصبح لين ال12 الظهر لطلاب الابتدائي والاعدادي
ومفروض الحصة ماتزيد عن 35 - 40 دقيقة
اما الثانوي يبيلهم ساعة زيادة
ريان
18-10-2010, 01:23 AM
انا عيالي دوامهم لين الساعه 1
sulai6i
18-10-2010, 05:47 AM
انا عيالي في اكاديمية الجزيرة

وينتهي دوامهم الساعه 1:55
ما عدا يوم الثلاثاء 12:30

يعني احمد ربك .. وحدة ونص ابرك
ام السعف
18-10-2010, 06:56 AM
اتوقع تتكلمين عن قطر انترنشونل ؟

للعلم المدارس الأنجبيه عامة تخلص حول 1.30

احنا عيالنا يخلصون على الساعة 1 :shy:
بنت الطائي
18-10-2010, 07:01 AM
بالعكس انا اعرف مدارس مستقلة تقوم بتوفير تقوية في جميع المواد مجانا

وبعدين يمكن التقوية اللي حاطينها لكم مو اجباري

بس ممكن اعرف شنو اسم المدرسة
بنت الطائي
18-10-2010, 07:04 AM
الله يعينك اخوي الظاهر حاطين للطالبات مدرسات اي كلام علشان يسحبون فلوسكم من دروس
التقوية وبازيدك من الشعر بيت با النسبة للملابس المدرسة روح المكان الفلاني او الخياط الفلاني
وخيط عندة لانة هذا الخياط بتلقاة تابع لصاحبة الترخيص وتبي تستفيد من الطالبات والله تحدث في
حياتنا اليومية احداث تشيب لها الرأس الله يكون با العون

ومشكور اخوي على الموضوع

تعرفين ام شوشي حبيبتي

ترى في المجلس الاعلى للتعليم شي الزامي للمدارس المستقلة هو توفير القطع في السوق والتفصيل باي خياط ............. يعني ممنوع منعا باتا تجي المدرسة وتلزم اولياء الامور على قماش تجيبه المدرسة او خياط معين