لحم ستيك !! [الأرشيف] - منتديات شبكة الأسهم القطرية

عشق الشمال

17-10-2010, 05:52 PM

لحم ستيك منقوع في خمر
حتى يعطي نكهة مميزة
المكان : مطعم في فندق جراند حياة بالدوحة
هذا ما وصلني

النيابه العامه تحذر من التشهير في الانترنت المفروض تكتب ( شاي ليبتون بنكهة مميزة في فندق جراند حياة ) واحنا بنفهمها

Ghroor

17-10-2010, 05:57 PM

عادي جراند حياة في المطعم الإيطالي علب الثلج اللي مليانة شمبانيا وخمر أحمر جنب كل طاولة عليها ناس شقر وزرق

غزلان

17-10-2010, 06:07 PM

لازم ينبهون المسلمين ولابذمتهم ان شاء الله :(

السد

17-10-2010, 06:26 PM

لازم ينبهون المسلمين ولابذمتهم ان شاء الله :(

لا نمانع من بيعهم للخمور
ولكن لابد من توضيح المنيو munu باللغة العربية

toomi9

17-10-2010, 06:28 PM

لا نمانع من بيعهم للخمور
ولكن لابد من توضيح المنيو munu باللغة العربية

صح
وحتى لو تنتبهون على مينيو فرايديز بتحصلون لحم خنزير << وللآسف محد منتبه على هـ الشي الا نادرا من اقربائنا

السد

17-10-2010, 06:30 PM

صح
وحتى لو تنتبهون على مينيو فرايديز بتحصلون لحم خنزير << وللآسف محد منتبه على هـ الشي الا نادرا من اقربائنا

وبعدها يقولون لا تشهرون في المطاعم
للاسف !!

ana_ana

17-10-2010, 06:44 PM

صح
وحتى لو تنتبهون على مينيو فرايديز بتحصلون لحم خنزير << وللآسف محد منتبه على هـ الشي الا نادرا من اقربائنا

ايش اسم الطبق الي عندهم بحلم الخنزير نبي دليل نشوفه بعينا

ماريسا

17-10-2010, 07:21 PM

مو لازم تطلبه

السد

17-10-2010, 07:24 PM

ايش اسم الطبق الي عندهم بحلم الخنزير نبي دليل نشوفه بعينا

يقال ان كل اطباق الستيك في المنيو بالللغة الانجليزية بها شواء مع الخمر

شاهيناز

17-10-2010, 07:32 PM

المفروض ينبهبون المسلمين
مره في لندن جاتنا الجرسونه مع انها انجليزيه مسيحيه قالت لاتاكلون الزيتون لان منقوع في نبيذ

حتى اي سويت يقدمونه يقلون لنا اذا فيه خمر ولا لا

بس في الدوحه الامور طيبه عندهم

وتسلم اخوي على التنبيه الحمدلله ماروح فنادق ولا اكل اكلهم
مافي احلى من طبخ طباخنا

M007

17-10-2010, 07:40 PM

جزء من تحضيرات قطر ل2022

السد

17-10-2010, 07:44 PM

شنايدر

18-10-2010, 01:18 AM

لا نمانع من بيعهم للخمور
ولكن لابد من توضيح المنيو munu باللغة العربية

استسلمت للامر الواقع .. ؟

captin

18-10-2010, 06:02 AM

خوش ستيك
بس لو منقعينه في مهياوة
:tease:

هبوب الكوس

18-10-2010, 06:34 AM

الشي قديم حدثني مره صديق يقول ذهب احد الفنادق الفخمه

وطلب استيك لحم ولايعلم انه في كحول وبعدها الاخ ؟ ( :rolleyes2: )

بوحارب

18-10-2010, 06:35 AM

شلون الناس ياكلون هالأستيك :(

حتى لو مب منقوع بأم الخبائث !!

ام السعف

18-10-2010, 06:40 AM

صح
وحتى لو تنتبهون على مينيو فرايديز بتحصلون لحم خنزير << وللآسف محد منتبه على هـ الشي الا نادرا من اقربائنا

:eek5::eek5::eek5:

ومن متى يا اختي لحم خنزير في فرايدز ؟ :omen2:

ام السعف

18-10-2010, 06:41 AM

شلون الناس ياكلون هالأستيك :(

حتى لو مب منقوع بأم الخبائث !!

معليه يا ولد اختي بو حارب
سؤالك غريب وعجيب ،، بعد اشلون يا كلونه اكيد بحلوجهم :shy:

A.L.I

18-10-2010, 06:43 AM

جزاك الله خير اخوي

بوحارب

18-10-2010, 07:01 AM

معليه يا ولد اختي بو حارب
سؤالك غريب وعجيب ،، بعد اشلون يا كلونه اكيد بحلوجهم :shy:

هلا خالتي

اكيد بحلوجهم

بس شكل اللحم ما يطمن

يعني فرق لما يحطون لج ارقبة خروف مقلية مع برياني ( خروف سوري http://im1.gulfup.com/2010-10/12873449661.jpg (http://www.gulfup.com/))

ولما يحطون لج ستيك لون مايل للأسود مع خبزه يابسة

شتان بين هذا وهذا :discuss:

ام السعف

18-10-2010, 07:05 AM

هلا خالتي

اكيد بحلوجهم

بس شكل اللحم ما يطمن

يعني فرق لما يحطون لج ارقبة خروف مقلية مع برياني ( خروف سوري http://im1.gulfup.com/2010-10/12873449661.jpg (http://www.gulfup.com/))

ولما يحطون لج ستيك لون مايل للأسود مع خبزه يابسة

شتان بين هذا وهذا :discuss:

صدقت يا ولد اختي

عندي كباب شجاع عن مليون قطعة ستيك :shy:

moonبنتnight

18-10-2010, 07:10 AM

حسبي الله ونعم الوكيل 00
وقال صلي الله عليه وسلم :
(الخمر أم الخبائث فمن شربها لم تقبل صلاته أربعين يوما فإن مات و هي في بطنه مات ميتة جاهلية)

(أتاني جبريل فقال : يا محمد ! إن الله عز و جل لعن الخمر و عاصرها و معتصرها و شاربها و حاملها و المحمولة إليه و بائعها و مبتاعها و ساقيها و مسقيها)

الله يحمي امة محمد صلى الله عليه وسلم 00

ولد شرق

18-10-2010, 07:18 AM

لا نمانع من بيعهم للخمور
ولكن لابد من توضيح المنيو munu باللغة العربية

عفوا السد
قول لا أمانع ولاتقول لا نمانع بالتعميم محد حطك وكيل تتكلم بلسان الكل...

الحبتور

18-10-2010, 07:25 AM

الامور رايحه للأسوأ

كازانوفا

18-10-2010, 07:46 AM

اكيد اللى نشر الخبر متمكن قوي باللغه الانجليزيه
جزاه الله خير الجزاء ان شالله ولكل الاخوه اللى حذرونا
صحيح ما نفكر بهذي الاماكن بس غيرنااااا يفكر يروحها

الله المستعان

بوخالد911

18-10-2010, 07:50 AM

يسلمووو للتنبييه

al-sadd

18-10-2010, 07:58 AM

الجو مايطمن !!

يعني خلونا واقعيين شوي وبسنا لف ودوران
تراها واظحه !! كل الفنادق الي عندنا فيها بارات !!
تعال واشرب والله معاك
اكبرها واثمنها جراند حياه
ياعمي اتشوف الواحد اول مايدخل شننننب اتقول هذا الي بيأدبهم
ويطلع طييييينه !!
خلها ع الله

خلونا بس انشوف الي حاصل
بحر الغاريه وغيرها من البحور كلها اجانب وغراش البيره فكل مكان محذفين !
الفنادق شرب ومصخره وقله ادب
ملف قطر يدعم وجود وتداول الخمر في الدوله واكبر دليل الخبر الي تزل فالجريده الاجنبيه بموافقه الدوله اذا استظفنا البطوله

لا ياجماعه الخير الي يحصل لنا مب شي طبيعي
يعني بس من قبل ٥ سنين ماكنا انعرف شنو يعني خمر
والحين اتشوف الغراش محذفين فكل بحر
والله زمن

alkadi

18-10-2010, 08:00 AM

الله يعين

هام السحاب

18-10-2010, 08:04 AM

الله يخلي البرياني و المندي
مب لازم ستيك

الصريحه

18-10-2010, 08:05 AM

لاحول ولاقوة الا بالله
واللي مايعرف عدل انجليزي ياكلونه حراااااااااام
جعلها في ذمتهم
اقول مع السلامه ياوطن عشقنا ترابه

الصريحه

18-10-2010, 08:09 AM

النيابه العامه تحذر من التشهير في الانترنت المفروض تكتب ( شاي ليبتون بنكهة مميزة في فندق جراند حياة ) واحنا بنفهمها

والله لوكتبها مثل ماقلت ماكانت فهمتها

الصريحه

18-10-2010, 08:10 AM

لا نمانع من بيعهم للخمور
ولكن لابد من توضيح المنيو munu باللغة العربية

متاكد انك لاتمانع
انا امانع وبقوه
خلهم يشوفون نتايجها ويقولون لي

النائب

18-10-2010, 08:24 AM

حسبنا الله ونعم الوكيل

طبعا ليس لدينا قدرة على تغيير المنكر المستشري في البلاد بالقوة لأن الضرر راح يكون أقوى علينا وعلى عوائلنا . ولكن بقلوبنا ننكر المنكر فهذا اضعف الإيمان .
ونتبرى من كل مسؤول وافق على هذا المنكر وخصوصا ( الخمر ) فمن يسر بدخول الخمر للدولة فهو ملعون بنص الأحاديث النبوية .

وإلى مشائخنا الكرام : أين أنتم ؟

Doha Sun

18-10-2010, 09:04 AM

ما اكل الستيك خير شر ..
والله يهداهم

مرتبش

18-10-2010, 09:08 AM

ليش البلدية ماتتدخل وترغمهم على كتابة هالمعلومات في المنيو
في النادق اتوقع انه ممكن يحدث

لكن في المطاعم العادية (ستيك وغيره) فاعتقد صعبة تحدث ..اصلا هم لايبيعون الخمور فيها

وطن

18-10-2010, 09:12 AM

في في الريتز بعد انا شايفته ومحطوط جنبه اشاره انه فيه خمر

vtc_4.8

18-10-2010, 09:18 AM

كل شي يهون لجل الشقر

ضوى

18-10-2010, 09:24 AM

الستيك اكرهه ، لاني شفت مرة طريقة تحضيره واشلون ينقعونه بالخمر عشان النكهة طاب خاطري منه نهائي ، وصرت اسويه بروحي في البيت ، واتوقع كل المطاعم تسوي نفس الشئ خاصة بالفنادق الكبيرة لزوم الانفتاح

Qatarianes

18-10-2010, 09:25 AM

يعطونك خبر لما يشوفونك عربي انه هالطبق فيه خمور او لا الخ
هذا لو هو مطعم فندق يتعامل باحترافيه ومهنيه مب مطعم كيما
وبعدين قطر فيها الاجانب اكثر من العرب ماستغرب من هالاطباق

حسن

18-10-2010, 10:37 AM

اشوف ضاهره جديده الغدا ولا العشا ولا الفطور في الفنادق ولا المطاعم ماعرفناها من قبل مادري الستيك صار من الوجبات القطريه

do7awi

18-10-2010, 10:42 AM

يا جماعة استهدوا بالله و خلونا نتأكد من الموضوع بطريقة صحيحة بدال ما ننقل كلام اشاعات او شخص فاهم غلط او غيره

بطريقة قط كلمه و اشرد ما راح نحل شي .. بالعكس قد نظلم ناس مالهم خص.

الموضوع فيه عدة مسائل:

هل المنيو كاتب انه الطبق فيه خمر؟ لان المفروض يبينون. اذا المطعم فيه خمر مب بعيده يكون في الاكل لان هالشي عادي عند الطباخين. لكن المهم ان الامر يكون مبين وواضح باللغتين.

ثاني شي بالنسبة لفرايديز و الخنزير .. ممكن ان الشخص اللي قط الكلمه يوضح اكثر في طبق موجود الخنزير عشان نتأكد؟ مع اني اتوقع ان الموضوع ماهو اكثر من سوء فهم و التباس. قد يكون مجرد bacon و البيكن اللي عندنا كله لحم غنم او حبش (ديك رومي).

ثالث شي .. نقدر نسأل اهل العلم بالدين في الموضوع. اذا الخمر (wine) او حتى البيره (beer) انطبخت مع الاكل فبطبيعة الكحول انها تحترق و تختفي من الطبق. و بالتالي يبقى طعم الخمر (عنب او تفاح) في الاكل. وفي هالحالة ما يكون مسكر ..لا قليله ولا كثيره. هل ما زال حرام؟

اغلبنا (و ان شالله كلنا) ما نشرب خمر لكن ندري بوجوده في البلاد والاماكن اللي تبيع. لكن يجب ان نتأكد من القائمة عن محتويات الطبق. و البلدية شغلها انها تأكد .. و هالشي مب صعب.

انتر ميلان

18-10-2010, 11:56 AM

يعجبني دور وزارة الأوقاف بالسكوت عن هالمهازل
ويعجبني دور وزارة الداخلية بالسماح بتداول مثل هالممنوعات
ويعجبني دور حماية المستهلك بعدم حماية المستهلكين

ويعجبني دور المسؤولين والكبار في البلد
قال تعالى: (( وَإِذَا أَرَدْنَا أَن نُّهْلِكَ قَرْيَةً أَمَرْنَا مُتْرَفِيهَا فَفَسَقُوا فِيهَا فَحَقَّ عَلَيْهَا القَوْلُ فَدَمَّرْنَاهَا تَدْمِيراً))

واللي يصير جزء من هلاكنا وتدميرنا والسبب الابتعاد عن الله تعالى
الله يرحمنا برحمته

عشق الشمال

18-10-2010, 01:55 PM

لا نمانع من بيعهم للخمور

( البعره تدل على البعير . . . والأثر يدل على المسير )

Super Cool

18-10-2010, 06:41 PM

ردود الأعضاء مزودة بهارات وااااااااااااااااااااااايد!!!!!

الذمة وسيعة

Super Cool

18-10-2010, 06:44 PM

[QUOTE=do7awi;6480031]

ثالث شي .. نقدر نسأل اهل العلم بالدين في الموضوع. اذا الخمر (wine) او حتى البيره (beer) انطبخت مع الاكل فبطبيعة الكحول انها تحترق و تختفي من الطبق. و بالتالي يبقى طعم الخمر (عنب او تفاح) في الاكل. وفي هالحالة ما يكون مسكر ..لا قليله ولا كثيره. هل ما زال حرام؟

QUOTE]

يصبح اللحم في هذه الحالة "محرم أكله" ولكن "لا يساوي حكم شارب الخمر" ولا حد على آكله

هذا ما ورد عن معهد الإفتاء لما وجهت السؤال لهم عن طريق الموقع

بوعمير

18-10-2010, 08:44 PM

ليش البلدية ماتتدخل وترغمهم على كتابة هالمعلومات في المنيو
في النادق اتوقع انه ممكن يحدث

حسب علمي ممنوع دخول موظفي البلدية لفنادق الخمس نجوم وكذلك الحال بالنسبة لأفراد الشرطة (يوقفون عند الباب بس) مثل النواطير.

بوراشد82

18-10-2010, 09:48 PM

وشحادكم تاكلون فالفنادق يابلفيت ناس كلاس !!!

شحلات أكل البيت ....ما أذكر اني كلت في فندق ,,,

السد

18-10-2010, 11:49 PM

طالب

18-10-2010, 11:53 PM

قريت عنها من فترة في موقع إنجليزي...

http://www.qatarvisitor.com/index.php?cID=410&pID=1612

طريقة التخضير
http://www.qatarvisitor.com/index.php?cID=410&pID=1613

مكتوبة في طريقة التحضير في الأخير

Allow ribs to cool in liquor and best serve day after

ولا حول ولا قوة إلا بالله العلي العظيم..

السد

19-10-2010, 12:09 AM

قريت عنها من فترة في موقع إنجليزي...

http://www.qatarvisitor.com/index.php?cid=410&pid=1612

طريقة التخضير
http://www.qatarvisitor.com/index.php?cid=410&pid=1613

مكتوبة في طريقة التحضير في الأخير

allow ribs to cool in liquor and best serve day after

ولا حول ولا قوة إلا بالله العلي العظيم..

شكرا اخي على الاضافة المهمة لهذا الموضوع

بدون

19-10-2010, 12:13 AM

الحمد لله ما احب الستيك و خاصة اللي في الفنادق
طلبته مرة من سنييييين حصلته حمر من الوسط لا عت جبدي من الطبق نفسه خير شر

VIVA

19-10-2010, 12:31 AM

مااعتقد ان هذا الكلام صحيح

لأن مب كل انواع الستيك تكون منقوعه بخمر في طريقتين للتحضير مع خمر او بدون خمر

فلذلك تقدر تسال وتتأكد لما تطلب وتقولهم ابيه بدون خمر، وغالبا يضاف النبيذ الابيض لما يطبخ ومب لما يحضر للطبخ

تحياتي

freespirit

19-10-2010, 02:30 AM

الشي قديم حدثني مره صديق يقول ذهب احد الفنادق الفخمه

وطلب استيك لحم ولايعلم انه في كحول وبعدها الاخ ؟ ( :rolleyes2: )

ترا الكحول يتبخر في درجه حراره الغرفه العاديه ... يعني ستيك ومطبوخ على شوايه ثلث ساعه تظنين بيبقى فيه كحول تخلي الواحد يسكر؟ .. الله عرفناه بالعقل

وبعد .. ترى اللي يحطونه wine يعني بعد التبخر يستوي عصير عنب لوول .. وكل اللي يحطونه فنجال بس عشان لما يتبخر الكحول اللحم يتشتت يستوي الين

طبعا الكلام اللي فوق للمعلومات ... ولا ترى حرام طبقا لفتاوى اسلام ويب :)

اي بعد .. العاده اللي يطبخونه بواين يكون اللي صلصته حمرا ... مرات يحطونه في الستيك اللي صلصته بيضا بس ويا لحم العجل مش ويا لحم البقر

<< خبره

الـقـاسـي

19-10-2010, 05:03 AM

لاحول ولا قوه الا بالله مصيبه لو كان هالكلام صحيح وماينبهون الناس لهالشي .. احنا نروح لمطاعم عندنا من بس يحسون اننا عرب ولا مسلمين بدون مانطلب منهم يوضحون لنا اذا هالاكل فيه لحم خنزير او وياه خمر وحتى مايستخدمون في الاكل اللي يسونه لنا نفس الاشياء اللي يستخدمون فيها الاكل اللي فيه خمر او حنزير ..

وللاسف في بلاد المسلمين مايهتمون بهالشي ..

امـ حمد

19-10-2010, 05:15 AM

مولازم نأكل من المطاعم

اكل البيت افضل

ولد شرق

19-10-2010, 07:41 AM

لجميع الاعضاء المحترمين
انا كتبت اننا لا نمانع من بيع الخمور
فقصدي اننا لا نتحكم او ليس لدينا السلطة من بيع الخمور ولو كنا المتحكمين لما رضينا بدخول هذه الاشياء

للتوضيح فقط لبعض الاعضاء

لا نمانع معناها لانتحكم؟ وليس لدينا سلطه؟
ماشاء الله عيك اخوي فنان اكيد اتحب القراءة وايد
بس تقدر اتقول لي المعنى من اي كتاب جايبه؟ مختار الصحاح ولا لسان العرب؟

اخوي سيبويه يقرب لك شي؟

شمعة الدوحه

19-10-2010, 07:57 AM

في النورث كانوا يبيعون صالونة خنازير علشان الاجانب اللي هناك

يعني حتى لو تكلمتوا مابيتغير شي

الصريحه

19-10-2010, 08:05 AM

MAZEN37

19-10-2010, 08:09 AM

مولازم نأكل من المطاعم

اكل البيت افضل

بكل بساطه

والانتباه والسؤال لنوعيه الاكل الخارجي .

UniCorn-80

19-10-2010, 08:18 AM

ليست مسالة اكل الفنادق افضل ولا البيت افضل..
اللي يثير حفيظتنا هنا هو بيع الخمور في بلادنا المسلمة ..

جوال 11

19-10-2010, 08:42 AM

أم الخبائث الخمر تدار في الفنادق والسكارى في الطرقات
ولا حول ولا قوة إلا بالله

Bozizoo

19-10-2010, 08:47 AM

ياجماعه ياجماعه
اللحم عقب ماينطبخ مع النبيذ
يظيع الخمر منه

do7awi

19-10-2010, 08:53 AM

اشكر اللي وضحوا الفتوى بخصوص الطبخ بالخمر

و على فكرة .. مثل ما قال احد الاخوة .. النبيذ يدخل عادة في الطبخ وليس التحضير. يعني تقدر تطلب بدون اضافة النبيذ خلال الطبخ او الشواء.

لكن اذا كان منقع في خمر فهذي تتبع الفتوى. و مهم ان نذكر ان الفتوى ليست امر منزل من السماء (استفت قلبك ولو افتاك الناس و افتوك). فان اصاب فله اجران و ان اخطأ فله اجر!

نرجع لموضوع فرايديز و الخنزير .. ممكن توضيح؟

مرتبش

19-10-2010, 10:05 AM

في النورث كانوا يبيعون صالونة خنازير علشان الاجانب اللي هناك

يعني حتى لو تكلمتوا مابيتغير شي

متأكدةاختي؟
هل سألتيهم ؟ وشنو اسمه بالانجليزي

ونبي تفاصيل ايضا عن مطعم فرايديز ..هل من خير يقطع الشك باليقين