سؤال : كيف أخلي الغتره بيضاء ؟؟؟

[طارق]

كيف اخلي الغتره البيضاء , ناصعه البياض بعد غسلها؟؟
ممكن ربات البيوت والخبراء ينصحوني بخطوات ؟
ياريت صور المنتج الي تستخدمونه ؟

غترى مائله للصفره بالرغم من غسلها بالمغسله او في البيت , يغسلونها باليد مع ذلك مائله للصفره ؟؟
وش الحل يا جماعه ؟؟:(

[جنوب الدوحه]

استعمل جويت الصبغه الزرقاء .. جيب سطل وصب الماي بداخله وحط جويييت واخلط الماي لين يصير لونه ازرق ومن ثم نقع الغتره فيه لين يصير اللون الي في بالك ..

الشي الثاني استعمل منتج "برسيل" بيعجبك ..

:)

[وطن]

بيضها
بعدين استخدم جويت
هذا اللي اعرفه

ماعندي خبره في الغتر والثياب وايد

بس هذا اللي اذكره

[بوحارب]

غسلها بماي وصابون

وعقب نقعها شوي بماي وجويت

بس لاتكثر من الجويت عشان ما تنقلب الغترة وزار ازرق :(

[£عبدالعزيز£]

انا عن نفسي ماحب الغترة تكون وايد بيضة (يعني تكون مايلة للون الازرق)

احس مب شي -_-

[الخير كله]

اول شي اغسلها ببيوض (كلوركس)
عقب سلمك الله نقعها بحبيبونة جويت مخلوط مع ماي
واقبض

[طارق]

ماقصرتو , بيض الله وجيهكم
الخير كله
£عبدالعزيز£
بوحارب
وطن
جنوب الدوحه

الي استجمعته من خبراتكم

هو وضع الجويت في الماء مع الغتره بعد غسلها بالصابون

ويكون الغسل يدوي

في ماء بارد



شاكر لكم لكم
مع التحيه
اخوكم
طارق

[al-sadd]

^^^^^
بس تآكد بخصوص الكميه
ماتكثر ^^
ولا ترى بتقط الغتره بالزباله عزك الله وعز السامعيين
حاول تحط شي بسييييط واذا شفته يبيله زياده
زيد شوي لين ماتوصل للي تبيه ^^
وبتوفيق

[بوحارب]

عدل شغلك

بس مب لازم الماي بارد وحاسب الجويت لايصيد الغترة بدون الماي ترى عقب مافيه امل يطير منها !

[ضوى]

مشكلة اعاني منها اخوي طارق مع غتر زوجي وعيالي

كثرة الغسيل تخلي اللون الابيض يبهت مهما حطيت جويت او بيوض ، يعني هذي هي الحلول المتاحة بشكل عام ، والحل الاكيد تغيير الغتر من فترة لفترة :)

[بو خليفه 123]

اخوي المجهود المضاعف انك تخلي الغتره ترجع مثل ماكانت شبه مستحيل

و أنا غير مؤيد لاستخدام "الجويت" لانه يقلب الغتره زرقاء .


مثل ما اقترحت ضوى يفضل بين فتره و فتره تشتري لك درزن غتر .. انا اشتري الحبه على 40 ريال يعني درزن يطلع لك تقريباً 500 ريال (كل 3 شهور مره)

[منصوربن حمد]

السلام عليكم يااخي اشتر كرتون غتر محمد سراج توجد في الحسا والكرتون 10 حبات والحبة 85 ريال يعني 850ريال هاذي احسن غترة على وجة الاطلاق واغسلها في مغسلة سوق غرناطة راح تطلعلك بعد الغسيل نفس الجديدة بالضبط والمغسلة ماتكتب على الغترة عندة استكرات خاصة بالكبس هذا هو احسن حل انت جرب وشوف وبالتوفيق انشاء الله

[الرويـس]

موضوعك يجي منه
:(شوف الله يسلمك
في سياسة ممكن تتبعها وتتخلص من المشكلة هذه للابد
تحط ميزانية وقدرها 200 أو 300ريال ريال سنويا على اقل تقدير < ضربة لمن ميزانيته أعلى من ذلك
وتشتري عشر غتر ( الغترة على 35 ريال ) بمعدل غترة لكل شهر او شهرين بحسب الميزانية والاستعمال

وبكذا تضمن تجدد مستمر وبياض ناصع للغتر .. وشياكة على مدار السنة
:(

[ANONYMOUS]

الحل توديهم الجمعيه الخيريه..

اشتر لك 4 غتر شهريا..

بو ( 25 لين 40 ريال ) انت وذوقك...

اما لو ذوقك بو 100 ريال للوحده ف مالك حل

وبعد شهر خذ الدفعه الثانيه.. وتبرع بالـ قدام

وهكذا..

[طارق]

جزاكم الله خير ياشباب
anonymous
الرويـس
منصوربن حمد
ضوى
بو خليفه 123

مع التحيه
طارق

[unless]

اضف قليلاً من الخل الابيض حسب كمية الماء
مش بس مع الغتر إلا يناسب كل شئ ابيض

[شويهينــه]

انا اللي اعرفه ان البيوض هو اللي يصفر الغتر

مثل ماقالوا الجويت او انك تشتري درزن وتغير متى ماستهلكتهم

[حليتان*]

الغتر لازم تبدلهم كل فتره

واشتر غتر يابنيه على 35 احسن من السويسريه <<< لان السويسريه تصفر بسرعه وماينفع عليها النشا كلش

[خزامئ]

جرب مغسلة كلاسيك الي في السد مقابلة مدينة السد بلازا