ما هو الحل المناسب لهذه المشكلة ..؟

[هتـان قطر]

أحيانا يقف الفكر عاجزا عن ايجاد الحل الامثل لما يواجهنا من مشكلات

وما هو التصرف الامثل الذي يتحقق منه الهدف المنشود وبأقل الخسائر

وانا هنا عجزت عن ايجاد حل لمشكلة تخص شخص قريب مني ..


تقول احدى الاخوات انها فعلا تمشكلت واحتارت في ايجاد حل لهذه

المشكلة .. تقول عن طريق الصدفة علمت بان احد الاشخاص اللي لي

معرفة بهم يبي يتزوج على زوجته من دون علمها .. :(


والخبر انا متأكدة منه .. والخبر له مده وانا ساكته ..

اذا خبرت زوجته .. أخاف على حياتهم وبيتهم من التفكك والتشتت !!

واذا سكت أخاف يجي يوم وتلومني وتقول ليش ما قلتي لي علشان

اقدر اتصرف .. والله محتارة


برايكم وش الحل لهذه الاخت ..

هل تقدر تفاتح زوجته ..؟ أو تسكت وتخليهم بكيفهم

مع انها تقول دايما فكرها مشغول بهم وتحس انها

مذنبه وهي ساكته ..

فعلا عجزت اني افيدها او ابدي رايي في ها المشكلة

:rolleyes2:

[طارق]

يواجهنا من مشكلات

برايكم وش الحل لهذه الاخت ..

هل تقدر تفاتح زوجته ..؟ أو تسكت وتخليهم بكيفهم

:rolleyes2:


تسكت وتخليهم بكيفهم
لأن الزوجه القريبه من زوجها عندها الحاسه السادسه
وأكيد حاسه بشيئ اذا هي قريبه من زوجها وأذا ماحست أن رجلها بيتزوج عليها فهي أمرأه منفصله عاطفيا من زوجها

فلا تدخلين أحسن
مع التحيه
المشرف طارق

[دلة الرسلان]

يالله صباح خير ايش ها العلم ياهتان :(

تعقد العزم على اخبار الزوجة ثم تصلي ركعتيين من غير الفريضة بنية الاستخارة في اعلامها من

عدمه وبعد التشهد تقول دعاء الاستخارة او بعد السلام والله يكتب اللي فيه خير لهاذين

الزوجيين .

[ضوى]

صباح الخيرات ياهتان :)

لو انا مكانج وهالمراة وايد قريبة مني راح اخبرها ولكن بطريقة غير مباشرة ، لكن لو معرفتي بها عادي وسطحية مالي علاقة بهالشئ ومصيرها بتعرف ترى الرجل مايقدر يخبي زواجه كثيير .

[شيط ويط]

انا أقول اتم ساكته .. وتبدي المصلحة العامة على الخاصة .. بمعنى اذا قالت لها حسب كلامج
(أخاف على حياتهم وبيتهم من التفكك والتشتت !!) هذي مصلحة عامة .. واذا ماقالت لها (واذا
سكت أخاف يجي يوم وتلومني وتقول ليش ما قلتي لي علشان) ..

ودام الزوجة ماتدري ان صديقتها تدري ان زوجها بياخذ عليها الثانية خلاص تسكت (صار لغز) :rolleyes2:

[الرويـس]

واذا سكت أخاف يجي يوم وتلومني وتقول ليش ما قلتي لي علشان

اقدر اتصرف .. والله محتارة


هذا والله اعلم حديث شيطاني
:(
فمسألة التخمين في ردة فعل الطرف الآخر (الزوجة) في غير محلها

قيسي ذلك على مسألة اخبار الزوجة ، فقد يكون الضرر أكبر في حال
علم الزوج بمن أوصل الخبر للزوجة ..!!


وحتى لا يظن البعض اني في صف ( التعدد )
تخيلي سناريو الاحتمالين :

قلتي للزوجة ، علم الزوج ، سأل الزوج : من اللي قال لج ، شدخلها ، شعليها ، مالها خص ، بعلم زوجها
أتصور هذا يكفي لتكوني في وضع لا يحسد عليه ..< في أرحم الظروف

ما علمتي الزوجة ، لامتج ليش ما علمتيها ، عللتي انه والله هذه امور صعب اتدخل فيها ، الزوجة : الله يسامحج ، قد تكون هناك قطيعة أو شي في الخاطر ، غير ان الضرر أرحم بكثير من ما سبق ..


مع تحيات : قسم الاستشارات العامة
:(

[الرويـس]

من وين طلعتوا انتو
:(

[هتـان قطر]

تسكت وتخليهم بكيفهم
لأن الزوجه القريبه من زوجها عندها الحاسه السادسه
وأكيد حاسه بشيئ اذا هي قريبه من زوجها وأذا ماحست أن رجلها بيتزوج عليها فهي أمرأه منفصله عاطفيا من زوجها

فلا تدخلين أحسن
مع التحيه
المشرف طارق



على كلام الاخت .. تقول صارت مواجهة بين الزوجة وزوجها لما حست انه فيه

شي .. ولكنه انكر انه له علاقه .. وان الامر مجرد شكوك .. وصدقته


والحين استجد الامر .. و المسكينة غافله

والصديقة درت بالخبر .. ومهب عارفة كيف تتصرف

[هتـان قطر]

يالله صباح خير ايش ها العلم ياهتان :(

تعقد العزم على اخبار الزوجة ثم تصلي ركعتيين من غير الفريضة بنية الاستخارة في اعلامها من

عدمه وبعد التشهد تقول دعاء الاستخارة او بعد السلام والله يكتب اللي فيه خير لهاذين

الزوجيين .


اتهقين يا دلة .. انا قلت لها احتمال يصير بينهم شي وتكونين انتي السبب

وحتى لو قالت لاحد من اهلها .. بعد راح تتمشكل

تقول تمنيت اني ما عرفت الخبر .. الله يعينها والله

[missperfect]

تحاول تنصح الزوجه عشان تغير تصرفاتها مع زوجها ،، وتلمح لها بأن فلان ناوي يتزوج وفي هالحال الزوجه لازم تتصرف بعقل ،، وتحاول تصلح بيتها مو تتهور وتنهار ، ماادري اشصار بعقول بعض الناس يخربون بيتهم بأيدهم الله يصلح الأحوال ويهديهم

[العقل الحر]

اكيد تسكت

لانه بكل بساطه مالها شغل بين زوج و زوجته

[ودي أكون]

يستحسن حبيبتي أن اتخبرها ..

لان يمكن اتكون هي السبب في رغبة الزوج في الزوج عليها (( يعني الزوجه سبب في تفكير الزوج بالزواج من ثانيه ))

بمعنى يمكن اهمال في عمرها او في بيتها او معاه .... الخ

وبمعرفة الزوجه بنية الزوج يمكن هالشي يخليها تهتم اكثر واكثر فيه زفي بيتها وفي نفسها .... الخ


وللعلم حبيبتي الزوج لو حاط نية ان يتزوج بيتزوج ولا بيفتكر بأحد ..

اما لو كان في سبب يخلي الزوج يتزوج عليها ويفكر بغيرها .. يمكن الزوجه لو حاولت معاها يغير رايه وتقدر تحافظ عليه ..



من رايي اتخبرها احسن .. وعسى الله لا يفرقهم يارب

[هتـان قطر]

صباح الخيرات ياهتان :)

لو انا مكانج وهالمراة وايد قريبة مني راح اخبرها ولكن بطريقة غير مباشرة ، لكن لو معرفتي بها عادي وسطحية مالي علاقة بهالشئ ومصيرها بتعرف ترى الرجل مايقدر يخبي زواجه كثيير .



صباح النور والسرور ضوى

علاقة صديقتي بهالزوجة علاقة قوية وقريبة جدا وهذا اللي محيرها

تبي مصلحتها واستقرار بيتها .. بس مهب عارفة ايش الطريقة السليمة

لحل ها المشكلة .. في كل الاحوال بتكون ملامة يا اما من نفسها ان هي تكلمت

او من نفسها ومن صديقتها لو هي سكتت

[دلة الرسلان]

على كلام الاخت .. تقول صارت مواجهة بين الزوجة وزوجها لما حست انه فيه

شي .. ولكنه انكر انه له علاقه .. وان الامر مجرد شكوك .. وصدقته


والحين استجد الامر .. و المسكينة غافله

والصديقة درت بالخبر .. ومهب عارفة كيف تتصرف


يابري حالي

هتان يالله لبس عباتش الحين جايتش بالقهوة نسير على المسيكينة لازم نفزع لها ونبصرها

يمكن تعرف العروس تخمد الخطبة في مهدهااا :telephone:

[هتـان قطر]

انا أقول اتم ساكته .. وتبدي المصلحة العامة على الخاصة .. بمعنى اذا قالت لها حسب كلامج
(أخاف على حياتهم وبيتهم من التفكك والتشتت !!) هذي مصلحة عامة .. واذا ماقالت لها (واذا
سكت أخاف يجي يوم وتلومني وتقول ليش ما قلتي لي علشان) ..

ودام الزوجة ماتدري ان صديقتها تدري ان زوجها بياخذ عليها الثانية خلاص تسكت (صار لغز) :rolleyes2:



تبي الصراحة انا اميل للسكوت .. لان احتمال يصير شي ويغير الزوج راية

مع انه في الخطوات الاخيرة من ترتيب الزواج .. ولكن ما زال هناك احتمال وارد

والله يكتب لهم اللي فيه خير

[هتـان قطر]

هذا والله اعلم حديث شيطاني
:(
فمسألة التخمين في ردة فعل الطرف الآخر (الزوجة) في غير محلها

قيسي ذلك على مسألة اخبار الزوجة ، فقد يكون الضرر أكبر في حال
علم الزوج بمن أوصل الخبر للزوجة ..!!


وحتى لا يظن البعض اني في صف ( التعدد )
تخيلي سناريو الاحتمالين :

قلتي للزوجة ، علم الزوج ، سأل الزوج : من اللي قال لج ، شدخلها ، شعليها ، مالها خص ، بعلم زوجها
أتصور هذا يكفي لتكوني في وضع لا يحسد عليه ..< في أرحم الظروف

ما علمتي الزوجة ، لامتج ليش ما علمتيها ، عللتي انه والله هذه امور صعب اتدخل فيها ، الزوجة : الله يسامحج ، قد تكون هناك قطيعة أو شي في الخاطر ، غير ان الضرر أرحم بكثير من ما سبق ..


مع تحيات : قسم الاستشارات العامة
:(



المسكينة .. تمنت انها ؟أخر من يعلم بهالموضوع

لكن حضها الردي خلاها تدري ..:(

وفي الاخير هي المتضرر الاكبر في السالفة

على وزن الرابح الاكبر :(

[هتـان قطر]

من وين طلعتوا انتو
:(


من هم ..؟ :secret:

[طارق]

على كلام الاخت .. تقول صارت مواجهة بين الزوجة وزوجها لما حست انه فيه

شي .. ولكنه انكر انه له علاقه .. وان الامر مجرد شكوك .. وصدقته


والحين استجد الامر .. و المسكينة غافله

والصديقة درت بالخبر .. ومهب عارفة كيف تتصرف


يابنت الحلال مثل ماتفضلتي صار حوار بين الزوجه وزوجها
خلاص
تبعد نفسها , انتي ماتدرين وش الي بينهم
يمكن هو يدري بها بتسوي دراما قبل عرسه الثاني , ومأجل أخبارها الي بعد عرسه
وهي بكيفها عقب ماتعرف تستمر او تقعد معاه
كل مرأه قريبه من زوجها , تعق تقرأ حركاته
الا أذا
كانت المرأه الي بيتزوجها الزوج , سيئه السمعه ومشيها بطالي ( احس اني قديم ) و معروفه بقسوتها , وبتكون تهديد على أعيال رفيجتج ا في المستقبل
فمن الأفضل أتقولين للزوجه عشان الموضوع يتفركش

ا

[الصريحه]

الله اعلم لكن وش الفايده لو علمتها اذا خلاص بيتزوج ماراح تقدر تغير شيء لان المكتوب حاصل
واذا صديقتها من نوع المتهور والعصبي والغيور احسن تسوي نفسها مادرت من اساسه
والله اعلم يمكن فيه خيره لها وهي ماتدري

[هتـان قطر]

تحاول تنصح الزوجه عشان تغير تصرفاتها مع زوجها ،، وتلمح لها بأن فلان ناوي يتزوج وفي هالحال الزوجه لازم تتصرف بعقل ،، وتحاول تصلح بيتها مو تتهور وتنهار ، ماادري اشصار بعقول بعض الناس يخربون بيتهم بأيدهم الله يصلح الأحوال ويهديهم




ما اعتقد في بداية علمها با الخبر انها بتمون حكيمة

خصوصا ان بينهم حب كبير .. وواضح للجميع

فالاكيد ان وقع الصدمة بتكون كبيرة جدا عليها

[بوخالد2]

على كلام الاخت .. تقول صارت مواجهة بين الزوجة وزوجها لما حست انه فيه

شي .. ولكنه انكر انه له علاقه .. وان الامر مجرد شكوك .. وصدقته


والحين استجد الامر .. و المسكينة غافله

والصديقة درت بالخبر .. ومهب عارفة كيف تتصرف

اعتقد اتخليها على احساسها افضل ياهتان

يمكن اتصير مشكله اكبر لين درت الزوجه هذه و يكون السبب لدمار البيت صديقتج

فالافضل اتخليها على احساسها علشان تكون ردة الفعل من صوب زوجها افضل

واذا ادخلت هي فالمشكله هذه يكون يصير كلام وامور ثانيه ومشاكل كبيره فالافضل الابتعاد عن المشاكل العائليه هذه

والله يستر عليج و عليها

[هتـان قطر]

اكيد تسكت

لانه بكل بساطه مالها شغل بين زوج و زوجته


اكيد .. لكن مثل ما يقولون الصديق وقت الضيق

كيف تقدر تشوف نظرات الناس لصديقتها وكلامهم عنها

وعن زواج زوجها وهي غافلة.. والخبر عندها

هل بتعتبر هذي خيانة بين الصديقتين.. ؟

[هتـان قطر]

يستحسن حبيبتي أن اتخبرها ..

لان يمكن اتكون هي السبب في رغبة الزوج في الزوج عليها (( يعني الزوجه سبب في تفكير الزوج بالزواج من ثانيه ))

بمعنى يمكن اهمال في عمرها او في بيتها او معاه .... الخ

وبمعرفة الزوجه بنية الزوج يمكن هالشي يخليها تهتم اكثر واكثر فيه زفي بيتها وفي نفسها .... الخ


وللعلم حبيبتي الزوج لو حاط نية ان يتزوج بيتزوج ولا بيفتكر بأحد ..

اما لو كان في سبب يخلي الزوج يتزوج عليها ويفكر بغيرها .. يمكن الزوجه لو حاولت معاها يغير رايه وتقدر تحافظ عليه ..



من رايي اتخبرها احسن .. وعسى الله لا يفرقهم يارب


عاد تدرين ودي أكون انكم زدتوني حيرة عن قبل

اللي يقول تسكت واللي يقول تتكلم :rolleyes2:


بالنسبة لزوجته يشهد علي الله انها مهتمه بنفسها

ومهتمه ببيتها وعيالها .. وتحبه حب فوق الطبيعي

وهذا اللي مخلي صديقتها ساكته طول هالمدة

خايفه عليها من الصدمة

ولو كانت حياتها عادية معه كان تكلمت وعلمتها با السالفه

[الجووري]

وش له في البحر واهوااااله ...يقعد على زوجته ويعين من الله خير

[هتـان قطر]

يابري حالي

هتان يالله لبس عباتش الحين جايتش بالقهوة نسير على المسيكينة لازم نفزع لها ونبصرها

يمكن تعرف العروس تخمد الخطبة في مهدهااا :telephone:


عاد انتي تحملي كل النتايج اللي بتصير..


اتصدقين دله والله اني حزينة عليها

وما احب اشوفها بمكان لاني بعد دريت

بالخبر واحس اني مذنبه في حقها..

فكيف بصديقتها ..؟

[ANONYMOUS]

أ. قال شيخ الإسلام ابن تيمية :

( المسلم ) مأمور إما بقول الخير ، وإما بالصمت ، فإذا عدل عما أُمر به من الصمت إلى فضول القول الذي ليس بخير : كان هذا عليه ، فانه يكون مكروهاً والمكروه ينقصه ، ولهذا قال النبي " من حسن إسلام المرء تركه ما لا يعنيه " ، فإذا خاض فيما لا يعنيه نقص مِن حُسن إسلامه .

[هتـان قطر]

يابنت الحلال مثل ماتفضلتي صار حوار بين الزوجه وزوجها
خلاص
تبعد نفسها , انتي ماتدرين وش الي بينهم
يمكن هو يدري بها بتسوي دراما قبل عرسه الثاني , ومأجل أخبارها الي بعد عرسه
وهي بكيفها عقب ماتعرف تستمر او تقعد معاه
كل مرأه قريبه من زوجها , تعق تقرأ حركاته
الا أذا
كانت المرأه الي بيتزوجها الزوج , سيئه السمعه ومشيها بطالي ( احس اني قديم ) و معروفه بقسوتها , وبتكون تهديد على أعيال رفيجتج ا في المستقبل
فمن الأفضل أتقولين للزوجه عشان الموضوع يتفركش

ا


عاد بالنسبة للي بياخذها الله يستر علينا وعليها ما نعرف عنها الا القليل

ومحد يقدر يحط في ذمته شي..


يعني تفضل السكوت ..:(

[هتـان قطر]

الله اعلم لكن وش الفايده لو علمتها اذا خلاص بيتزوج ماراح تقدر تغير شيء لان المكتوب حاصل
واذا صديقتها من نوع المتهور والعصبي والغيور احسن تسوي نفسها مادرت من اساسه
والله اعلم يمكن فيه خيره لها وهي ماتدري


بس احتما مع مرور الايام تدري الزوجة ان صديقتها على علم وساكته

كيف بيكون موقفها وايش هي المبررات اللي بتقدمها ..؟

[هتـان قطر]

اعتقد اتخليها على احساسها افضل ياهتان

يمكن اتصير مشكله اكبر لين درت الزوجه هذه و يكون السبب لدمار البيت صديقتج

فالافضل اتخليها على احساسها علشان تكون ردة الفعل من صوب زوجها افضل

واذا ادخلت هي فالمشكله هذه يكون يصير كلام وامور ثانيه ومشاكل كبيره فالافضل الابتعاد عن المشاكل العائليه هذه

والله يستر عليج و عليها



اللهم آمين .. جزاك الله خير بوخالد

الله يصلح احوالهم ويعين ها المسكينة اللي صارت بينهم

ومهب عارفة شتسوي ..

وانا بعد من رايي تسكت وتشوف الايام وش بتحمل معاها

[هبوب الكوس]

السكوت افضل في هذي الحالات :secret:

ان الله اراد يحدث لاجدوى من اخبارها

ويمكن تتفركش السالفه ويهون

[هتـان قطر]

وش له في البحر واهوااااله ...يقعد على زوجته ويعين من الله خير


تشوفين يا الجوري .. صحيح الرجاجيل ما لهم أمان

ولابد نشغل الرادارات في بيوتنا من الحين للتصدي لما هو آت

[عابر سبيل]

وضعا في الاعتبار..
"ان كيدكن عظيم"..و صدق الله العظيم!!!

السؤال هو..
لو كانت العروس الجديدة..
صديقة لاحدا هالنساء..
بتفرح لها و لا بتخرب عليها فرحتها المنتظره..
اللي يمكن ما جاتها الا متأخره!
*
*
،،
و لا السالفة هي "لك يا جارة"..
والخوف ان "الجار" يتعادى من جاره
و يقوم يعدد هو يوزه من يوز جاره..
على راس هالصديقه المخلصه:secret:

[بوخالد2]

اللهم آمين .. جزاك الله خير بوخالد

الله يصلح احوالهم ويعين ها المسكينة اللي صارت بينهم

ومهب عارفة شتسوي ..

وانا بعد من رايي تسكت وتشوف الايام وش بتحمل معاها

اللهم امين ان شاءالله

[هتـان قطر]

أ. قال شيخ الإسلام ابن تيمية :

( المسلم ) مأمور إما بقول الخير ، وإما بالصمت ، فإذا عدل عما أُمر به من الصمت إلى فضول القول الذي ليس بخير : كان هذا عليه ، فانه يكون مكروهاً والمكروه ينقصه ، ولهذا قال النبي " من حسن إسلام المرء تركه ما لا يعنيه " ، فإذا خاض فيما لا يعنيه نقص مِن حُسن إسلامه .

anonymous جزاك الله خير على هالاضافة القيمة

يعني السكوت ولا غيره

[هتـان قطر]

السكوت افضل في هذي الحالات :secret:

ان الله اراد يحدث لاجدوى من اخبارها

ويمكن تتفركش السالفه ويهون



نعم .. انا صرت أميل لهذا الراي

[هتـان قطر]

وضعا في الاعتبار..
"ان كيدكن عظيم"..و صدق الله العظيم!!!

السؤال هو..
لو كانت العروس الجديدة..
صديقة لاحدا هالنساء..
بتفرح لها و لا بتخرب عليها فرحتها المنتظره..
اللي يمكن ما جاتها الا متأخره!
*
*
،،
و لا السالفة هي "لك يا جارة"..
والخوف ان "الجار" يتعادى من جاره
و يقوم يعدد هو يوزه من يوز جاره..
على راس هالصديقه المخلصه:secret:




شوف اخوي عابر .. لو ها البنت اللي بتعرس صديقتي او بنتي

مستحيل اخليها تتزوج واحد عنده زوجه وبدون علمها

وبيكون شرطي الوحيد هو رضا زوجته الاوليه

ليش ابدا حياتي على انقاض حياة الاخرين


اما من ناحية خوفنا لا يصيبنا ما صابها

صحيح .. انا وحده حطيت نفسي مكانها

وكيف كانت نظراتنا لها وانها مغدور بها

فعلى طول فاتحت زوجي .. وقلت شوف

اذا لك نية تتزوج علي .. أكون أول وحده

عندها خبر بالموضوع .. ولا اكون مغرر بها :(

[المخباط]

رسالة SMS من جوال مجهول تؤدي الغرض
كلة ولا خيانة الصديقة :telephone:
وهو لو فية خير كان علمها بزواجة

[هتـان قطر]

رسالة SMS من جوال مجهول تؤدي الغرض
كلة ولا خيانة الصديقة :telephone:
وهو لو فية خير كان علمها بزواجة



:eek5::eek5:

اتهقين ..؟

[دلة الرسلان]

نعم .. انا صرت أميل لهذا الراي

شخصيا لا اميل لهذا الرأي :)

الزوج عندما اختار الزواج على زوجته قد اتخذ قرار يمكن أن ينسف الحياة الزوجية يعني

اقدم على مخاطرة فمن الواجب أن يتوقع النتائج .

من ناحية الزوج الساكت هل سكوته كناية عن احترامه لمشاعر زوجته ام حرصا على ترتيبات

الزواج من التفركش او أذا زوجته بتسوي جوي يخرب عليه احلام اليقظة في انتظار العروس ؟

احسبوها من ناحية الزوجة اذا الزوج علم زوجته على الأقل تحضرت نفسيا لهذا الحدث

ابسطها ان تكون نظرة الحريم لها تنم عن وعليا مسكينة (فقط) بدلا من ان تحوي وعليا ما

المسيكينة الغافلة (اثنتان ) لو الزوج يحترم زوجته فمن حقها يعلمها .

لو اختك يا هتان في ها الموقف ايش بتسويين تخلينها ولا تعلمينها ؟

[عابر سبيل]

شوف اخوي عابر .. لو ها البنت اللي بتعرس صديقتي او بنتي

مستحيل اخليها تتزوج واحد عنده زوجه وبدون علمها

وبيكون شرطي الوحيد هو رضا زوجته الاوليه

ليش ابدا حياتي على انقاض حياة الاخرين


اما من ناحية خوفنا لا يصيبنا ما صابها

صحيح .. انا وحده حطيت نفسي مكانها

وكيف كانت نظراتنا لها وانها مغدور بها

فعلى طول فاتحت زوجي .. وقلت شوف

اذا لك نية تتزوج علي .. أكون أول وحده

عندها خبر بالموضوع .. ولا اكون مغرر بها :(


عسا تقرا كلامج بقية "النسوان"
يا الهتان!


يعني..اذا خبر الواحد زوجته بما عزم عليه..
بيطيح الحطب و ما بيكون فيه عتب..
:secret:

[هتـان قطر]

شخصيا لا اميل لهذا الرأي :)

الزوج عندما اختار الزواج على زوجته قد اتخذ قرار يمكن أن ينسف الحياة الزوجية يعني

اقدم على مخاطرة فمن الواجب أن يتوقع النتائج .

من ناحية الزوج الساكت هل سكوته كناية عن احترامه لمشاعر زوجته ام حرصا على ترتيبات

الزواج من التفركش او أذا زوجته بتسوي جوي يخرب عليه احلام اليقظة في انتظار العروس ؟

احسبوها من ناحية الزوجة اذا الزوج علم زوجته على الأقل تحضرت نفسيا لهذا الحدث

ابسطها ان تكون نظرة الحريم لها تنم عن وعليا مسكينة (فقط) بدلا من ان تحوي وعليا ما

المسيكينة الغافلة (اثنتان ) لو الزوج يحترم زوجته فمن حقها يعلمها .

لو اختك يا هتان في ها الموقف ايش بتسويين تخلينها ولا تعلمينها ؟


:(

ما دري يا دله


:weeping:


زدتي الطين بله

وزدتي الواجع



وصعبتي المشكلة

[OTOsan]

ارى ان تترك الامور كماهي .. فنقل الخبر باعتقادي هو نوع من التدخل في شؤون الآخرين ..

حتى لوتم اخبار الزوجه .. وتراجع الزوج عن قراره (مثلا) .. فهل سيكون حال الزوجين كما هو قبل معرفة الخبر ..؟
ولو لم يتراجع الزوج عن قراره ، فستصبح صديقة الزوجه في وضع لاتحسد عليه بوصفها تدخلت في مالايعنيها !

[هتـان قطر]

ارى ان تترك الامور كماهي .. فنقل الخبر باعتقادي هو نوع من التدخل في شؤون الآخرين ..

حتى لوتم اخبار الزوجه .. وتراجع الزوج عن قراره (مثلا) .. فهل سيكون حال الزوجين كما هو قبل معرفة الخبر ..؟
ولو لم يتراجع الزوج عن قراره ، فستصبح صديقة الزوجه في وضع لاتحسد عليه بوصفها تدخلت في مالايعنيها !



اللي اشوفه .. انه في كل الاحوال راح تكون المشكلة قائمة

تذكرت بيت شعر للامير خالد الفيصل

ان حكينا ندمنا وان سكتنا قهر

بين قلب عطيب وبين راس عنيد

[المخباط]

عسا تقرا كلامج بقية "النسوان"
يا الهتان!


يعني..اذا خبر الواحد زوجته بما عزم عليه..
بيطيح الحطب و ما بيكون فيه عتب..
:secret:
ياهو حطب بيطيح على قرعتة :tomato:
لا يشت خيالكم بعيد:)

[هتـان قطر]

عسا تقرا كلامج بقية "النسوان"
يا الهتان!


يعني..اذا خبر الواحد زوجته بما عزم عليه..
بيطيح الحطب و ما بيكون فيه عتب..
:secret:


اعتقد الحطب بيطيح .. بس مارح يوصل للارض

بيطيح على راسه قبل ..

والا راعية الرسيفر احسن منا .. حنا لها

[هتـان قطر]

ياهو حطب بيطيح على قرعتة :tomato:
لا يشت خيالكم بعيد:)


عاد اذا اجتمع .. المخباط .. والحطب

بتصير كارثة .. :nice:

[بـــــــنت النوخـّــــذه]

يا بنت الحلال سكتي انا اعرف 6 حريم ريايلهم متزوجين عليهم ولي علاقه بهم بعضهم من قريب والبعض من بعيد ولا يدرون واعرف من محارمي قايلين لنا خبرج الريايل مايخشون على بعض لزوم تفاخر اسد الغابه اقصد اسد البيت :nice:

سكتي ولا تقولين شي لان لو تبغين الصج شرع الله بس احنا الحريم مخنا عوي <<<ادري حزب الحريم المعارضين بيتهموني بالخيانه :shy:

من الآخر: لاتقولين ولا شي دام الزواج على سنه الله ورسوله اهو مهب شارد مع وحده ماتحل له ولاتحاتين بيجي اليوم الي بتدري فيه 000وبترضى بالامر الواقع 000 بس المسئله يبغيلها وقت مناسب للافصاح من قبل الزوج0ما افضل شخص ثالث يتدخل بالشؤون الاسريه لاسره اخرى
وبالنسبه انها بتسئلج يختي استعبطي شغلي الاستعباط على 180 درجه قولي مادري وخلصنا 000:nice:

[ANONYMOUS]

anonymous جزاك الله خير على هالاضافة القيمة

يعني السكوت ولا غيره



حبيت اضيف..

الفتنه أشد من القتل


:secret:

[ام السعف]

انا أقول اتم ساكته .. وتبدي المصلحة العامة على الخاصة .. بمعنى اذا قالت لها حسب كلامج
(أخاف على حياتهم وبيتهم من التفكك والتشتت !!) هذي مصلحة عامة .. واذا ماقالت لها (واذا
سكت أخاف يجي يوم وتلومني وتقول ليش ما قلتي لي علشان) ..

ودام الزوجة ماتدري ان صديقتها تدري ان زوجها بياخذ عليها الثانية خلاص تسكت (صار لغز) :rolleyes2:


:nice::nice::nice:

لو قلت لها بتقول مع الأيام يالتها ما قالت لي،، وحرقت لي قلبي
وهو مصر على زواجه من الثانية ،، ياليتها اسكتت وما خبرتني الا عقب
ما يخلص عرسه :telephone:

مهما اختلفوا مردهم بيردون للبيت اللي بيلم عيالهم،،
فمن جذيه الوحدة تكفي خيرها وشرها نقل الأخبار الموثوقة منها
الا اللي have a blast

[امين السر]

اعتقد الحطب بيطيح .. بس مارح يوصل للارض

بيطيح على راسه قبل ..

والا راعية الرسيفر احسن منا .. حنا لها

كفوووو . . والله حنا :anger1:لها

[الصحراء]

أحيانا يقف الفكر عاجزا عن ايجاد الحل الامثل لما يواجهنا من مشكلات

وما هو التصرف الامثل الذي يتحقق منه الهدف المنشود وبأقل الخسائر

وانا هنا عجزت عن ايجاد حل لمشكلة تخص شخص قريب مني ..


تقول احدى الاخوات انها فعلا تمشكلت واحتارت في ايجاد حل لهذه

المشكلة .. تقول عن طريق الصدفة علمت بان احد الاشخاص اللي لي

معرفة بهم يبي يتزوج على زوجته من دون علمها .. :(


والخبر انا متأكدة منه .. والخبر له مده وانا ساكته ..

اذا خبرت زوجته .. أخاف على حياتهم وبيتهم من التفكك والتشتت !!

واذا سكت أخاف يجي يوم وتلومني وتقول ليش ما قلتي لي علشاناقدر اتصرف .. والله محتارة


برايكم وش الحل لهذه الاخت ..

هل تقدر تفاتح زوجته ..؟ أو تسكت وتخليهم بكيفهم

مع انها تقول دايما فكرها مشغول بهم وتحس انها

مذنبه وهي ساكته ..

فعلا عجزت اني افيدها او ابدي رايي في ها المشكلة

:rolleyes2:




هل معنى كلامك ان المتزوج بيتزوج منكم يعني الزوجة الجديدة تقرب لش والي جعلك تخافين من زعل صديقتك اذا كان كذلك هناك عدة طرق لاخبار صديقتك ليس شرط المواجهة ممكن عن طريق اختها او قريب لها اذا كانت علاقتكم مترابطة كثير يعني من العائلة لكن اذا كانت بعيد عن العائلة ايضا بسيط ممكن عن طريق رسالة جوال او عن طريق الخادمة او السائق هناك عدة طرق غير مباشرة وهذا امر عادي باعتقادي خاصة اذا كانت الزوجة متفاهمة وليس هناك مشكلة أنه يتزوج باخرى او بالثالثة وحتى الرابعة اذا كان قادر على العدل .......

[هتـان قطر]

يا بنت الحلال سكتي انا اعرف 6 حريم ريايلهم متزوجين عليهم ولي علاقه بهم بعضهم من قريب والبعض من بعيد ولا يدرون واعرف من محارمي قايلين لنا خبرج الريايل مايخشون على بعض لزوم تفاخر اسد الغابه اقصد اسد البيت :nice:

سكتي ولا تقولين شي لان لو تبغين الصج شرع الله بس احنا الحريم مخنا عوي <<<ادري حزب الحريم المعارضين بيتهموني بالخيانه :shy:

من الآخر: لاتقولين ولا شي دام الزواج على سنه الله ورسوله اهو مهب شارد مع وحده ماتحل له ولاتحاتين بيجي اليوم الي بتدري فيه 000وبترضى بالامر الواقع 000 بس المسئله يبغيلها وقت مناسب للافصاح من قبل الزوج0ما افضل شخص ثالث يتدخل بالشؤون الاسريه لاسره اخرى
وبالنسبه انها بتسئلج يختي استعبطي شغلي الاستعباط على 180 درجه قولي مادري وخلصنا 000:nice:



بنت النوخذه ..ما قلنا شي شرع الله .. لكن يعلم زوجته ويكسب رضاها

علشان يتهنى بزواجه ..ويفتك على الاقل من المشاكل اللي بتصير له

بعدين لما تدري زوجته ..

ويحفظ كرامة زوجته بدل ما يخلي الناس ينظرون

لها بنظرة شفقة وعطف

[هتـان قطر]

حبيت اضيف..

الفتنه أشد من القتل


:secret:



لعن الله من أيقضها :secret:

[هتـان قطر]

:nice::nice::nice:

لو قلت لها بتقول مع الأيام يالتها ما قالت لي،، وحرقت لي قلبي
وهو مصر على زواجه من الثانية ،، ياليتها اسكتت وما خبرتني الا عقب
ما يخلص عرسه :telephone:

مهما اختلفوا مردهم بيردون للبيت اللي بيلم عيالهم،،
فمن جذيه الوحدة تكفي خيرها وشرها نقل الأخبار الموثوقة منها
الا اللي have a blast



انتي تقولين خلي صديقتج تسكت .. ودلة الرسلان تكول ليش تسكت

لو وحدة من خواتج ما رضيتيها لها


شالحل الحين ..:(

[هتـان قطر]

كفوووو . . والله حنا :anger1:لها


ما عليك زود :)

[هتـان قطر]

هل معنى كلامك ان المتزوج بيتزوج منكم يعني الزوجة الجديدة تقرب لش والي جعلك تخافين من زعل صديقتك اذا كان كذلك هناك عدة طرق لاخبار صديقتك ليس شرط المواجهة ممكن عن طريق اختها او قريب لها اذا كانت علاقتكم مترابطة كثير يعني من العائلة لكن اذا كانت بعيد عن العائلة ايضا بسيط ممكن عن طريق رسالة جوال او عن طريق الخادمة او السائق هناك عدة طرق غير مباشرة وهذا امر عادي باعتقادي خاصة اذا كانت الزوجة متفاهمة وليس هناك مشكلة أنه يتزوج باخرى او بالثالثة وحتى الرابعة اذا كان قادر على العدل .......


لا الزوجة الاولية تقربلي ولا الثانية

انا فقط مستشارة من قبل صديقتي

اللي هي حلقة الوصل بينهم

واحترت في اني اعطيها اي مشورة

ففضلت اني اعرض القضية عليكم

واشوف وجهات النظر المؤيدة والمعارضة



والله يكتب اللي فيه خير

[Bozizoo]

الله يسلمك وين المشكله الرجال يبي يتزوج
الله يبارك لهم ان شاءالله

[ام السعف]

انتي تقولين خلي صديقتج تسكت .. ودلة الرسلان تكول ليش تسكت

لو وحدة من خواتج ما رضيتيها لها


شالحل الحين ..:(


لو وحدة من خواتي اسكت ولا اقول لها ،، مالي خص اتدخل في حياتهم
هكذا علمتني الحياة :shy:

[بولينجر]

الافضل في رأيي انها ما تخبرها وتتعمد الانكار لمعرفتها بالموضوع حتى بعد اتمام الزواج.... الا اذا كانت اللي بيتزوجها عليها هي نفسها صديقتها او تقرب لها ولا تقدر تنكر انها تعرف بالموضوع ساعتها الكلام له منحى ثاني :secret:

[القطو السمين]

لو منج اروح واقولها ولا علي الصديق وقت الضيق ليش ماقال لها يبيها تسمع من الناس خليها تطربق الدنيا فوق راسه عشان كل مايتذكر مموري زواج الثاني يتذكر مشاكله ولايتهنى في عرسه ولاباس تججرجره في المحاكم يضيق خلجه بنات الناس هوب لعبة

[ام السعف]

لو منج اروح واقولها ولا علي الصديق وقت الضيق ليش ماقال لها يبيها تسمع من الناس خليها تطربق الدنيا فوق راسه عشان كل مايتذكر مموري زواج الثاني يتذكر مشاكله ولايتهنى في عرسه ولاباس تججرجره في المحاكم يضيق خلجه بنات الناس هوب لعبة

:eek5::eek5::eek5: