لغتي الانجليزيه ضعيفه جدا... [الأرشيف] - منتديات شبكة الأسهم القطرية

مشاهدة النسخة كاملة : لغتي الانجليزيه ضعيفه جدا...

ممنوع اللمس

18-10-2010, 05:32 PM

السلام عليكم ورحمة الله وبركاته..
انا لغتي الانجليزيه ضعيفه جدا جدا ياليت اللي يعرف معهد ممتاز ومجرب يخبرني وين مكانه واسمه

والله يعطيكم العافيه

toomi9

18-10-2010, 06:05 PM

انا ماجربت بس اذا اسال عن المعاهد يقولون الابرتش كانسول والـ اي ال اس
والله يوفقج

ممنوع اللمس

18-10-2010, 06:09 PM

يعطيج العافيه عالرد وماقصرتي

تحداني

18-10-2010, 06:10 PM

مساء الخير على الجميع

اللغه الانجليزيه اخي الفاضل تحتاج الى ممارسه
والمشكله التي نعاني منها اننا قليلي القراءه .. والمعاهد كثيره.
من خلال الأصدقاء والاهل قالوا ان المعهد الامريكي رائع والذي يقع في المعموره وهنا لا اعني فيه الــels

الله يوفقك يارب ويجملك برضى الرحمن

ممنوع اللمس

18-10-2010, 06:12 PM

تسلمين عالرد تحداني والله يجزاج خير

Chambray

18-10-2010, 06:32 PM

اللغات الاجنبيه تكون مكتسبه عن طريق معاشره اصحاب اللغه
فعلى سبيل المثال
لو هندي مايعرف عربي يدخل مليون معهد بدون مايحتك بالعرب ويتكلم معاهم ، تحصل الي اشتغل في قطر لمدة 3 سنوات يتكلم بطلاقه اكثر منه

al-sadd

18-10-2010, 06:36 PM

اخوي عن تجربه
انصحك ببرتش كانسل الي هو "المعهد البريطاني"
ممتاز

ولاكن تبي النصيحه الي بتفيدك !
هذا انا رحت امريكا والانجليزي عندي مب لي ذاك الزود
والحين ادرس لغه ويوم عن يوم اللغه تزيد عندي
لو تقدر سافر لغه لاي جامعه في امريكا
وادرس لغه عندهم
صدقني بترد الدوحه بلبل في الانجليزي

فلتة زمانها

18-10-2010, 06:42 PM

بلا دورات بلا بطيخ
سمعيها مني الانجلش يبيلها محادثه واخلصت السالفه
صدقيني في اقل من شهرين بتصيرين بلبل انسي المعاهد

العقل الحر

18-10-2010, 06:44 PM

vtc_4.8

18-10-2010, 07:18 PM

تحتاج للمارسه سواء كتابه او استماع التحدث مادري الواحد لازم يكلم نفسه :D

في قناتين في اليوتيوب لمدرس سعودي اسمه عبدالرحمن
مادري ليش اليوتيوب محظور هني عالعموم هالقناتين وهم لنفس الشخص يفيدون شوي وفيه نصايح

http://www.************/profile?annotation_id=annotation_659168&feature=iv&user=abuomarda3wah

http://www.************/user/Abdullrhman

asadfg

18-10-2010, 07:23 PM

هممممم مبادره حلوه منج انج اطورين اللغه عندج لكن اتمنى تكونين حابتها لانه ها الشي بيساعدج كثير

وموفقه وطوري نفسج قد ماتقدرين بكره اذا بتشتغلين كل مكان بالانجليزي والي ماعنده لغه مايوصل

غايه الطواش

18-10-2010, 07:26 PM

اخوي الكريم

جرب كلية الطيران ...او الجسر الأكاديمي ..

بالاضافه الى قراءه القصص القصيرة ....
الاجتهاد الكلي منك انت ..وليس المعهد

Rayane

18-10-2010, 08:02 PM

السلام عليكم...

عمر المعآهد ما تعلمك اللغه حتى لو 80%.

الشئ الوحيد المهم في المعاهد هو القوآعد.

عن تجربه شوف المسلسلات الاجنبيه أو الأفلام الجنبيه ( الرسوم المتحركه ) خصوصاً المتجرمه انجليزي وعربي.....

بتقول ليش بأقول لك ليش...

لانه الرسوم المتحركه عاده تكون لغتها سهله ومفهومه ويتكلمونها باعتدال لانها حق أطفآل.

والترجمه حتى تثبت الكلام حرفياً يعني ما تتعلم الكلام بـــس.

والشئ المهم انك بتتعلم المفردات المستخدمه بسهوله أما في المعاهد فبتتعآمل مع الوضع على انه درآسه وبتزهق بسرررررعه.

انا تعلمت لغتي عن الطريقه هذي بنصيحه من مدرس بريطاني في مؤسسه قطر للبترول.

والقرآر لـــك