اخواني الله يسلمكم ابي تفيدوني لانكم مشاءالله خبره بالمواتر

[غزوله]

اولى شي بسال كم اقدر ابيع سيارتي وكم بتجيب لي تقريبا
مواصفاتها :

-جي اكس ار
-8 سلندر
-اللون لولوي
-بدون شاشات
- موديل 2009
- ماشيه 37 الف كيلو تقريبا
-ولا فيها دعمات الحمدالله

ثاني شي ابي رايكم بجي اكس ار 2011 كشكل ومواصفات


وجزاكم الله خير

[al-vtc]

اول شي الله يوفقك في بيعة ال2009

بصراحه لى جيت تبين فسعره ما يتعدى ال150 الف
وهاي اغلى سعر في السوق تقريبا

اما من ناحية ال2011 مادري عنه ولا ابي ادري عنه يالغالي

وبالتوفيق

[تبتلشٍ]

هاي لي يقول طلقها واخذ اختها
مافي فرق غير الخطوط ورنغات

[منصوربن حمد]

خلي مجنونك عندك ترا مافي فرق الا خطوط وخرابيط بس الفرق 50000 هذا هو الفرق الواظح

[مساهم متوهق]

نفتح السوم 140 ألف
اذا وارد عبدالغني انا عند سومتي

[غزوله]

اي وارد عبدالغني
بس 150 شوي فيه والموتر جديد ونظيف

[ابوصالح1]

بيوصل 158 ألف بالراحه علي حسب النظافة. ألفي اكسار 2011 فيه فرق كبير عن الجي اكس ار والفي اكس ار الموديلات السابقه المكينه والمكيف تتحكم فيه من الشاشه السائق واللي بجنبه كل واحد علي حده ومن الخلف شاشه أيضا للمكيف و6 فتحات جديده في الخلف للمكيف. الجي اكس ار 2011 فيه سيت الراكب علي كهرباء فقط

[BURBERRY]

اختي الله يهداج ماسويتي شي

الجي اكس ار 2009 نفس الجي اكس ار 2011 الفرق في الخطوط و شويت اشياء بسيطه

لكن اذا بتاخذين في اكس ار 2011 بتشوفين الفرق العدل :)

[باسكن روبنز]

هذي آلي يقولون باع حمار وبيشتري حمير (آكرمكم الله) ،

مافرقت ياغزوله خلج على مينونج السالفه كلها ماتعدي 10 الآف وموترج صاير 2011 وكل شي أصلي ،
كان عندي جكسار وقلبته فكسار وكل شي أصلي100% والسالفه بسيطه كلها شغل كم يوم بس ،

وآي نصايح حاضرين ،

[khalid 88]

اختي الموتر مثل قالوا

يوصل 158 وحده حده 160 للي دااش في خاطره

والفرق مايستاهل الا اذا بتاخذين في اكس ار


خلج على مينوونج احسنلج

[غزوله]

اقنعتوني بصراحه يعني مافي فرق بين 2009 و2011
بس الخطوط الشكل واحد