بخصوص فرنسا :.. لأهل الخبره :.. ــــــــــــــــــــــــــــــــــــــــــــــــــ ـ !

[بو الجوري]

السلام عليكم :.. شخباركـمـ ؟














لأهل الخبره في فرنسا :.. عندي كم إستفسار :..

إن شاء الله بكره رايح السفاره أقدم الفيز :.. وناوي أسافر عالعيد مع زوجتي :..

والصراحه أول مره أروح :.. بغيت أعرف أحسن الفنادق فالشانزليزيه :..
وتكون نظيفه وسعرها زين :.. يعني ما تتعدى الألف ريال :..

و بخصوص ديزني لاند :.. كم تبعد عن الشانزليزيه !! هل لازم أخذ فندق هناك أحسن ؟

يا ريت الإفاده :.. ومشكورين مقدماً :..

[عنابي وابيض]

الله يوفقك اخوي

ادخل على موقع
http://www.disneylandparis.co.uk/index.xhtml#
وموقع حجز الفنادق
Booking.com

وان شاءالله الباقي يساعدونك

[بو الجوري]

مشكوور أخوي :.. أدري عن هالمواقع :.. ماتقصر :..
لكن بغيت عن تجربه :.. :)

تســـــلم الشيخ :..

[منصوربن حمد]

السلام عليكم اخوي عليك بفندق الماريت اللي عالشانز لان فية مطعم هندي على كيفك وفخم وشرح والديزني لاند بعيدة شوي لازم اتأجر سيارة وتاخذ فسحة في كان هذا اهم شي والله يسهل دربك هذا باختصار

[المعنى88]

صراحة من زمان رحت فرنسا ........... قبل عملة اليورو

سكنت في منطقة اللادي فانس حلوة فيها مجمع قريب ومعرض وساحة عودة وحديقة مافي ولا شارع
للسيارات والأنتقال للشانزليزية وديزني لاند عن طريق المترو ............. الفنادق من 260 الى 970 ريال.....
اذا بتسكن بشانزليزية فيها فنادق وايد لكن روحتك لديزني لاند أنصحك تروح لها بالمترو أرخص مايحتاي
تسكن بالدزني لاند ...والمسافة من شانزليزية الى دزني لاند حوالي ربع ساعة او 25 دقيقة بالمترو ... نصيحة لاتاخذ تكسي يطلع عليك غالي
وأعتقد في باصات توديك ديزني لاند وترجعك من الشانزليزية تاخذها ... بالسلامة رحلة موفقة

[N.QTR]

مرحبا اخي الكريم،،

عن تجربتي فندق الوارويك حلو وراقي Warwick Champs-Elysees

فندق كلاريج في الشانزليزيه Fraser Suites Le Claridge Champs-Elysées
وايد حلو

فندق كاليفورنيا حلو Hôtel California Champs Elysées مقابل الوارويك

فندق شاتو حلو hotel chateau frontenac

والله يوفق لكم ورحله سعيده :)

[خشوف]

فندق كلاريج في الشانزليزيه Fraser Suites Le Claridge Champs-Elysées
عن تجربه اوكي موقعه 100% على الشانز بالضبط عدال الماريوت باب بباب اقرا تقريري يمكن يفيدك وايد

http://www.qatarshares.com/vb/showthread.php?t=391739

[بو الجوري]

يعطيكم العافيه :.. ما قصرتوا :.. أنا بكره مسافر إن شاء الله ( مب فرنسا ) :)

وبس أرجع بشيك على الفنادق اللي قلتوا عنها :. وما قصرتوا :..

ويا خشوف :.. تقريرج رائع وشفه من زمااااان :.. :) هاااي أكيد :.. وهل يخفى القمر :..

الله يهنيكم :..

[يحفظك ربي]

السلام عليكم

اتمنى لك رحلة موووفقه وان شاء الله تستانس

انا ايضا بقضي العيد في فرنسا باذن الله مع الاهل :)

لكن ماراح نسكن في باريس .. بنسكن في الخارج وهالمنطقة قريبة من ديزني لاند والسكن عباره عن منتجع وصراحة عن تجربه اقولك احجز فيه وانت مغمض

هذا اذا كنت رايح للاستجمام وليس للتسوق

انا عني العام ايضا رحت في نفس الوقت وسكنا خارج باريس في هذا المنتجع اسمه ماريوت فيلج
marriott village d'ile-de-france

وتقدر تسوي عنه بحث في النت وتقرا عنه راح يعجبك والحلو فيه ان في ميني باص من المنتجع يوديك يورو ديزني ب2 يورو الشخص رايح راد

طبعا مثل ماقلت لك لو رايح تغير جو وتتمشى وتمر ديزني لاند احجز في هالمنتجع وخصص لك يوم تروح فيه باريس

احنا خطتنا العام كانت جذي و ان شاء الله السنه ايضا بنخصص يوم نروح فيه باريس

من سنتين تقريبا رحت باريس وسكنت في الماريوت في الشانزليزيه صراحة فندق لايعلى عليه من جميع النواحي لكن سعره غالي

والعام لما مرينا باريس صرااحة ززززحمة والجو ماكان بارد وايد نفس المنتجع .. ف اتوقع يوم واحد يكفيها لو ماكنت تحب التسوق كثير

واحب اذكر نقطة السكن في المنتجع في فلل بو3 غرف او غرفتين او استديو وااسع والسعر والله يابلاش بالنسبه للرقي والفخامة والموقع

تقريبا 8ليالي تكلفك 5000 تقريبا للاستديو هذا السعر للسنه لكن العام كان ارخص مادري ليش !

العام حجزنا فيلا 3غرف لمدة 8 ليالي كلفنا حول 6000 وخرده لكن السنة زاد بعد وطلع 8تالاف وشي !






اسمحلي على الاطاله وان شاءالله تقضي اجازة حلووة :victory:

[مـــحـــمــد]

الماريوت الي في شارع وسط الشانز

فخم وحلووو واللوبي حقه حلووو

وعندك المرديان بس بعيد شوي من الشانز

قريب محطة القطار (منبرناس) منطقة هادئه.

وعندك كونكورد لافييت بعد حلوو تقريبا اخر الشانز.

[بو الجوري]

ما قصرت أخوي يحفظك ربي :.. و أخوي محمد :..

وإن شاء الله بشيك على المنتجع اللي تقول عنه :.. لكن هل فالمنطقه في مطاعم عربيه !!

[alkaabi]

الماريوت بس غالي ليلته فوق 2000 ريال

كلاريج حلو

الوارويك حلو

نصيحة ابتعد عن كاليفورنيا ولاتاكل نفس المقلب اللي كلته ( والله حرام 3 نجوم عليه )

النصيحة الاهم حاسب من النشالين خاصة في الطرق الفرعية للشانز

وبالسلامة

[بسك يازمن]

مرحبا بوبجوري

واتمنى لك سفره ممتعه، واتمنى ان مشاكل فرنسا تنتهي قبل سفرك لها

عزيزي

فندق بالشانز و1000 انا انصحك ان تنسى هالفكره، لان الورويك فندق حلو و4 نجوم اكثر من 1800 الليله للغرفه، هذا الكلام لعروص الصيف اما الان فماادري كم اسعاره، لكن ماعليك لا تروح ل(فندق. كوم) وشوف سعره

منتجع الماريوت اللي بدزني رووووووووووعه، وانصحك من مجرب تروحه،واحيانا يسوون عليه عروض صيفيه، تخيل فيلا غرفتين ولاقل من 1500$ بالاسبوع لكن من بدايته يعني الاحد او السبت الى الاحد او السبت الثاني، بشرط تشوف

الفلم حقهم (نفس التايم شير) انت احضر وغير ملزم ان تشتري منهم، افضل حل ان تتصل للماريوت بدبي وتسألهم عن العروض او تحجز عن طريق فندق كوم.

هناك عزيزي يوصلونك لديزني كل شخص ب2 يورو مع الرجعه، والفيلا روعه والمكان جنه.

واذا حبيت تنزل باريس فما لك الا القطار من محطه ديزني، والمشوار تقريبا ساعه لا ربع بالقطار، الامر سهالات. وفي المنتجع دكان فيه اغلب الطلبات الضروريه.

ديزني انا ماعجبتني، ولا انصحك تسكن فيها لانه غالي والغرفه نفس نظام الحج، 4 او 5 بغرفه عادي عندهم، لكن مع تذاكر ديزني، لكن ديزني للاطفال، ماتصلح للكبار، وفي الصيف والله بالطابور تقعد 3-4 ساعات للعبه،

في ملاهي ساعه بالسياره من المنتجع، روعه ولا في عربي الا انت :-( وارخص من ديزني)

وفي محطه بعد ديزني مباشره، فيها سوق رخيص ورووووووووعه, ابد تنزل من المحطه تشوف السوق..

نصيحه اخوي، اذا انت مسوي جدول للزيارات، وتنقلاتك كثيره، اشتري كرت لاسبوع من المطار، تلاقيه عند محطه القطارات، ارخص لك واسهل واوفر ..

باريس ترى مالك الا ( الشانز، اللوفر، ايفل) غير كذا مافيها شي، وهالعالم بالشانز رايحين وجايين واستعراض ملابس وسيارات، وهالظاهره فقط محصوره ببعض اهل الخليج ...

عموما

ربي يوفقك، وانا تحت الطلب، واخيرا، في سوق بمحطه الليدي فانس بعد حلو، بس اللي بمحطه قبل ديزني وانت جاي من باريس احلى وارخص

[مدريدي بفخر]

انصحك بفندق كلاريج في قلب الشانز
سيفورا والماريوت لاصقين فيه
وسعره بين ال1000 وال 1500 تقريبا
ديزني لاند حلوه بس بالكثير يومين
ولو فلوسك وايد اسكن في فندق ديزني بس عادي تفلس
انا سكنت فندق نيويورك 4 نجوم وااايد حلو امام الفندق حلبة تزلج ومنطاد وقريب من العاب ديزني
تروح لها مشي والمحلات والمطاعم قريبه منك مشوار دقيقتين بس
سعر نيويورك كان مسويين عرض ليلتين مع الفطور ب 4000 كان فشهر 1
بس يمكن السعر تغير الحين
وفي مجمع الفالد يورب بعد محطه عن ديزني انصحك فيه وفيه الاوليت وهو تنزيلات على كل الماركات تقريبا
وبالتوفيق ان شاء الله

[بو الجوري]

ما قصرتوا يا جماعه :..

وأخوي بسك يازمن :.. بخصوص السوق اللي قبل محطة ديزني شسم المنطقه ؟

[بسك يازمن]

عزيزي مايحضرني لاسم

لكن وانت في ديزني، انزل بالمحطه الثانيه على طول وانت متجه لباريس، وانت كنت بباريس انزل بمحطه قبل ديزني
اسمها ان ماخاب ظني 99% صح هو (فالدي يوروب)

اتمنى ان وضحت لك الرؤيه

[i.qatar]

ما قصرتوا يا جماعه :..

وأخوي بسك يازمن :.. بخصوص السوق اللي قبل محطة ديزني شسم المنطقه ؟

La vilage
لافيلاج .. هذا اسم المحطه ,, قبل دزني على طول اول ماتطلع من باب المحطه
بتشوف مول على يمينك المول كبير وحلو اذا دخلت من الباب اللي على يمينك ,, كمل
لين اخر المول من غير لا يمين ولا يسار واول ماتطلع من الباب الثاني بتلقى السوق
قدامك على طول ..

وبالنسبه للفنادق .. مثل ماقالوا الاخوان
هم فندقين بس اللي يطلون على الشانز مباشرة .. الماريوت وكلاريدج
وعندك فندق ورا الشانز دقيقتين مشي عند السفاره القطريه اسمه نابليون
والثاني اسمه ريجيز .. ماجربتهم الصراحه لكن من المنظر العام للفنادق
اتوقع انهم مناسبين واسعارهم معقوله ..



وبالنسبه لدزني
طبعا بعيد عن الشانز لو تاخذلك ليله في فندق من فنادقهم احسن
( انصحك تاخذ بتستانس والله :tease: )

وموفق يالغالي

[بو الجوري]

مشكورين يا جماعه وماقصرتوا :.. إن شاء الله بكره السفر :..
إنتظروا التقرير إن الله أحيانا :.. :)

[حاملة المسك]

السلام عليكم

اتمنى لك رحلة موووفقه وان شاء الله تستانس

انا ايضا بقضي العيد في فرنسا باذن الله مع الاهل :)

لكن ماراح نسكن في باريس .. بنسكن في الخارج وهالمنطقة قريبة من ديزني لاند والسكن عباره عن منتجع وصراحة عن تجربه اقولك احجز فيه وانت مغمض

هذا اذا كنت رايح للاستجمام وليس للتسوق

انا عني العام ايضا رحت في نفس الوقت وسكنا خارج باريس في هذا المنتجع اسمه ماريوت فيلج
marriott village d'ile-de-france

وتقدر تسوي عنه بحث في النت وتقرا عنه راح يعجبك والحلو فيه ان في ميني باص من المنتجع يوديك يورو ديزني ب2 يورو الشخص رايح راد

طبعا مثل ماقلت لك لو رايح تغير جو وتتمشى وتمر ديزني لاند احجز في هالمنتجع وخصص لك يوم تروح فيه باريس

احنا خطتنا العام كانت جذي و ان شاء الله السنه ايضا بنخصص يوم نروح فيه باريس

من سنتين تقريبا رحت باريس وسكنت في الماريوت في الشانزليزيه صراحة فندق لايعلى عليه من جميع النواحي لكن سعره غالي

والعام لما مرينا باريس صرااحة ززززحمة والجو ماكان بارد وايد نفس المنتجع .. ف اتوقع يوم واحد يكفيها لو ماكنت تحب التسوق كثير

واحب اذكر نقطة السكن في المنتجع في فلل بو3 غرف او غرفتين او استديو وااسع والسعر والله يابلاش بالنسبه للرقي والفخامة والموقع

تقريبا 8ليالي تكلفك 5000 تقريبا للاستديو هذا السعر للسنه لكن العام كان ارخص مادري ليش !

العام حجزنا فيلا 3غرف لمدة 8 ليالي كلفنا حول 6000 وخرده لكن السنة زاد بعد وطلع 8تالاف وشي !






اسمحلي على الاطاله وان شاءالله تقضي اجازة حلووة :victory:

يقولون كله حشرات هل هالشي صج ؟؟؟؟

[بو الجوري]

وصلنا بالسلامه :.. :)

وأشكر كل من فادني بمعلومه :p:.. و ماقصرتوا :.. وخصوصاً أختي شموخ :..:thumbup1:

و شكر خااااااص لأخوي الذيب : Moyen Orient :..و وجهك أبيض :nice:

و إن شاء الله أبشروا بالتقرير:pic: :.. بس مادري متى لأن عندي فوق الـ1100 صورة :..

وللحين لآزم أرتبهم و أصغرهم و أكتب عليهمcrazy :.. بووووووه سالفه شكلي بهوّن:looking: :..

[بو الجوري]

تقرير سفرة فرنساااااا 2010


هـــنــــا (http://www.qatarshares.com/vb/showthread.php?t=417328)