«التقاعد الجديد» أثلج صدورنا سعاده وزير الماليه

[قطر الشموخ]

«التقاعد الجديد» أثلج صدورنا

كتب - أحمد مراد

توالت ردود الأفعال من موظفين في القطاعين العام والخاص، حول تصريحات سعادة السيد يوسف حسين كمال وزير الاقتصاد والمالية، لرئيس التحرير، فيما يتعلق بموضوع شمول جميع موظفي الدولة بمظلة قانون التقاعد. وأعرب خبراء قانونيون وموارد بشرية عن سعادتهم بما كشفه سعادة الوزير، ووصفوا القرار بالمبادرة الطيبة، والخطوة الجادة التي جاءت في الوقت المناسب، لتعيد الأمور لنصابها الصحيح، وتحقق مصلحة عامة تعود بالفائدة والخير على كل مواطن وكل أسرة قطرية.

وقالوا إن شمول جميع المواطنين بمظلة التقاعد بمثابة الاستثمار الأمثل الذي يمكن أن يستثمر فيه المواطن القطري لصالح مستقبله ومستقبل أبنائه، مشيرين إلى أن ذلك سيكون له مردود جيد للأسرة القطرية، وهو الهدف الرئيسي والأبقى والدائم من استثمارات دولة قطر في تطوير ورفعة وكفاءة المواطن القطري.

وأشاروا إلى أن القرار سيحقق مزيدا من الاستقرار النفسي والاجتماعي والمادي لمئات وآلاف الأسر القطرية،

[قطر دزاين]

لو يزيدون رواتب المتقاعدين صج شي بيثلج الصدر

[خشوف]

مافهمت القانون

[مهل]

وش الي تغير يعني ؟

حد يشرح لنا

[الحبتور]

شساااااااااااااااااالفه

[بوخالد911]

وهناك مقترح باضافة بدل طبيعة السكن عند التقاعد

وبالتالي بيصير : الأساسي + بدل علاوة اجتماعية + بدل السكن


يا رب يوافقوون ع المقتررح

[صلاتي]

كلام جرايد مبهم

وين الارقام لو سمحت

[V!P]

استفســـــــــــــار

الكلام هذا يشمل اللي تقاعدوو او اللي بيتقاعدوون

؟؟

[العساس]

شالسالفه

[بشمرقي]

شالموظوع

[basma222]

الله يسمع منك

الأساسي + بدل علاوة اجتماعية + بدل السكن

[unless]

وهناك مقترح باضافة بدل طبيعة السكن عند التقاعد

وبالتالي بيصير : الأساسي + بدل علاوة اجتماعية + بدل السكنيا رب يوافقوون ع المقتررح

وراح يندفع عنها اشتراكات بأثر رجعي حسب الرقم وعليكم الحساب

[بوخالد911]

الله يسمع منك

الأساسي + بدل علاوة اجتماعية + بدل السكن

اللهم آمييييييييييييييييييييييييييييييييييييين

:)

[جهام]

اللي فهمته ان اللي يشتغل يستقطعون من راتبه 5% يعني 250 ريال كل شهر في خانة صندوق التقاعد عشان يكون له محصول لما يتقاعد ....

[unless]

استفســـــــــــــار

الكلام هذا يشمل اللي تقاعدوو او اللي بيتقاعدوون

؟؟

القوانين عندنا ياvip دائماً من تأريخه

[حمد بن سعد]

مافي قانون ولا شي

فلوسك من جبيك الخاااااص ايجمعونه لك لين التقاعد ويعطونك اياه :anger1::anger1:

[متسلف وفي الاخير]

مافي قانون ولا شي

فلوسك من جبيك الخاااااص ايجمعونه لك لين التقاعد ويعطونك اياه
وانا اتفق معاك اخوي حمد بن سعد

[رجل الجزيرة]

وهناك مقترح باضافة بدل طبيعة السكن عند التقاعد

وبالتالي بيصير : الأساسي + بدل علاوة اجتماعية + بدل السكن


يا رب يوافقوون ع المقتررح

نعم كلامك صحيح ليه ما يمشون علاوة السكن مادام الخصيمة ماشية أو إنهم يقفون الخصمية ويقفون علاوة السكن.

[قطر دزاين]

نبي شرح مفصل

انا متقاعد من سنه 98 هل لو فيه بدل سكن يشملنا

نبي خبر اكيد وموثوق

وجزاكم الله خير

[hot_chocolat]

ياريت حد يحط لنا قانون التقاعد النهائي والمعتمد في الدوله..

على حسب علمي.. للحين اللي عندنا مب نهائي..

كل شوي يغيرونه على كيفهم

[القلم الصريح]

اصلا القانون الصادر بمرسوم اميري في 5-3-2003 بشان التقاعد والتامينات الاجتماعيه والمطبق الى اليوووم يغطي مظلته القطاع العام والخاص وماجاب اي شي جديد فالموضوع
بس في احتمال كبير يتغير بعض بنود القانون من ناحيه المزايا ورفع سن التقاعد وفي الاحتساب المعاش التقاعدي

[مجنون الفتك]

لا أحد يصدق اي شيء إلا لما يشوف أحاسبه تغير في البنك .

[simsim1963]

الميه تكذب الغطاس

[رجل مثالي]

أخواني مش كثير على دولتنا العزيزه تزيد راتب المتقاعد القطري بعد الخدمه الطويله والتعب والسهر في خدمة بلاده العزيزه وأن لا تنقص شي من راتبه بل تزيده من فتره الى فتره حتى يحس بالفرح بأن بلاده العزيزه تحبه ولا تنسى ألسنين التي قضاها في خدمة الوطن الحبيب وفي مساعدته يستطيع مواصلة الانفاق على عياله وبيته وهو مرتاح البال و لايمد يده للبنوك وغير البنوك والله يحفظ بلادنا العزيزه الكريمه وشكرا

[الـمـحـنـك]

يعطيكم العافيه على الخبر

لكن انا عندي سؤال محيرني من زمان

يعني ابي رايكم

الحين انا انسان متوظف حلو يعطوني راتب تقريبن من 14 الف الى 17 الف المهم

يخصمون منه 400ريال او 600 ريال على حسب الوظائف

طيب ليه شلفايده يعني حق تقاعد يبلفيت وفي نهايه بعد خدمه 20 سنه او 25سنه يعطوني المبلغ وزين

اذ وصل 150 الف او اكثر بقليل

ليه مايكون الموظف المتقاعد يعطونه اكراميه او مكافئه على خدمته

انا عن نفسي احس هاي القانون اصح يعني شي من راتبي وياخذونه ويخلونه لتقاعد احس

شي غريب يعني ماله اي داعي

المهم طولت عليكم وسامحوني وتمنا لكم حيااه كريمه

وتحياتي للجميع

[بنت قطريه]

قانون التقاعد ؟؟؟؟؟؟؟؟؟؟؟؟؟؟؟؟؟؟؟ يعني احنا حاليا نشتغل ويجمعون من معاشتنا علشان اذا تقاعدنا يعطونا من الل يجمعوا من تعبنا طول هالسنين وللاسف مايتعدى 8000 ريال في ذمتكم في حد يقدر يعيش في وقتنا بهالراتب بروحها طلعة الجمعيه بمن 500 إلى 1000 ريال واحسبوها في الشهر كم تطلع وغير مصاريف الاعياد والمدارس والله العظيم مايحس بالانسان غير اللي عايش بنفس المستوى مب تقولون لي مدير ولا أعلى وعنده الخير كله وبيحس بالموظفين اللي يحاااااااولون بكل الطرق الاجتهاد في الشغل ويداومنون ويكرفووووون كرف اليهد وبعد الموظف القطري واقول القطري /القطريه ما قدروا ينجزون ..... لما نستحق ترقيه ومايعطونا اياها يقول الاسم سقط سهوا من الكمبيوتر ولا موظفة تستحق وبجادة اسم رئيس قسم بس مايعطونها علشان واحد ثاني ما يزعل ؟؟؟؟؟؟ وتقولون لي قانون التقاعد والله الواحد اذا ماتلاحق نفسه الحين وسوى له مشروع صغير عقب بيقعد يصفق يدور شلون يصرف على بيته وعياله واذا هم الحين يقصصون من راتبنا شوي شوي ولا طالعين بعد الحين في سالفه جديده يخصمون من الراتب في اجازة الاعياد والمناسبت طيب ليش عطونا الاختيار في ان احنا ندوام فترة الاعياد وبنداوم بس مانتفاجأ بالخصم اللي تعدى 1500 ريال وعقب يقولون لنا انتوا كنتوا في اجازة طيب هي اجازة رسميه من الدولة ...... اختي خلي اللي في القلب بالقلب لايطلع ..... ما اقول غير ربي عالم بكل شي ومافي حق يضيع عند رب العالمين

[الكادي99]

المهم ان القانون يشمل الكل مش اللي بيتقاعدون بس،،يشمل كل المتقاعدين القدامى والجدد خصوصا ابائنا اللي من اسنين متقاعدين ومعاشاتهم ماتزيد عن الأربعة الاف ،،ياريت القانون يفرح الكل ،،،،،

[nokia30]

حد يشرح لنا القانون

[alsahm 12]

اتمنا ان يكون هناك اخبار تفرح المتقاعدين لاني احس انهم مظلومين على راتبهم البسيط 6000 ماتكفي في هذا الزمن في الماضي كان هذا الراتب يكفي وازياده الحين كل شيء اضعاف مضاعفه في اسعار جميع الخدمات وكل شيء ..

[مساهم فنان]

المهم ان القانون يشمل الكل مش اللي بيتقاعدون بس،،يشمل كل المتقاعدين القدامى والجدد خصوصا ابائنا اللي من اسنين متقاعدين ومعاشاتهم ماتزيد عن الأربعة الاف ،،ياريت القانون يفرح الكل ،،،،،

إن شاء الله القانون يشمل المهمشين، أقصد المتقاعدين القدامى اللي معاشاتهم أربعة أو خمسة أو ستة آلاف مع إنهم كانوا مدراء دوائرأو رؤساء أقسام ............ اللي مثلهم الحين ياخذ الأربعين ألف وهم معاشاتهم مثل معاشات العمال في الوزارات .

[جلمود]

نعم كلامك صحيح ليه ما يمشون علاوة السكن مادام الخصيمة ماشية أو إنهم يقفون الخصمية ويقفون علاوة السكن.

لازم يضيفون علاوة السكن يعني الواحد بعد التقاعد بيسكن بالشارع !

[زقرتي ومزاجي]

محتاجين تفاصيل الموضوع اعلاه

[alsahm 12]

فيه نص في قانون التقاعد اعتبره نص غير واقعي على الاطلاق وهذا النص ان المتزوج بعد التقاعد لايحقله علاوه الزوجيه .. وهنا نسائل اليس هذه العلاوه هدفها مساعده الاسره فهل اذا تزوج الشخص قبل التقاعد او بعده هل لهدفها اختلاف بين الحالتين ... وهنا ارجوا اعادة النظر في هذه الفقره من القانون لاني اعرف واحد لاتنزله هذه العلاوه لهذا السبب ... وقد تزوج في سن متاخر لاسباب مرضيه وكما ذكرت ان العلاوه الاجتماعيه لاتنزله كامله

[alsahm 12]

إن شاء الله القانون يشمل المهمشين، أقصد المتقاعدين القدامى اللي معاشاتهم أربعة أو خمسة أو ستة آلاف مع إنهم كانوا مدراء دوائرأو رؤساء أقسام ............ اللي مثلهم الحين ياخذ الأربعين ألف وهم معاشاتهم مثل معاشات العمال في الوزارات .

صدقت الدنيا تغيرت ايام اول كانت 4000 ريال تساوي الان 20000 الف ... الحين اذا بغيت تجيب خدامه 7000 وراتبك التقاعدي 5000 لابد ان تتسلف .. وزد على ذالك الغلاء الذي شمل جميع مناحي الحياه ... كلها تدعوا الى النظر في المتقاعدين القدامى .....