تعرضت للنصب من واحد سرق ايميل رفيجي حاسبوو ياجماعه

[5ial al3lya]

يا جماعه الخير تعرضت للنصب حاسبووو
كلمني واحد من ايميل صديقي الي يدرس في لندن وقالي انا محتاج فلوس سلف وبردهم لك علي اساس انه محتاج كتب من مصر وعنده صديقه في مصر بيجي لندن عقب يومين فاكلمني قلت له ابشر و قمت ثاني يوم ونسيت السالفه يوم شفت الجوال الا مطرش لي وينك ماطرشت الفلوس كلمني الريال وقالي انك ماطرشت له 400 دولار قلت له الحين بروح بطرش له وعطاني رقم واحد مصري في مصر قال لي ذي الرجال كلمه وتفاهم معاه هو الي بيجيب لي الكتب كلمته وحولت له الفلوس شوي الا رفيجي يكلمني وينك لك وحشه والله قلت له كلمك الرجال انا طرشت له الفلوس قالي اي رجال وقلت له الموضوع كله قالي ايميلي مسروق من يومين و ذي لعوزني لاحول الله الحين شالدبره ؟؟!!
قالي عطني رقمه عطيته الرقم كلمه قاله انا محتاج فلوس عشان جي سويت اذا تبي ارد لك ايميلك ادفع لي 200 دولار .... يوم سالت الربع قالوا لي ذي واحد سعودي مع مصري السعودي يكلمك بالماسن والتحويل تحول للمصري في مصر*وناصب علي الشباب كلهم يبوق ايميلاتهم وياخذ معلوماتهم قبل لا يبوق الايميل ساله شخبارك و شلونك ؟ والمشكله انه يكلمني جنه رفيجي نفس الاسلوب
الحين ياجماعه شنسوي ؟؟ شالحل ساعدوني

[تبتلشٍ]

فوض امرك لله

[بوطويشم]

السلام عليكم

ما عندي خلفيه عن الموضوع

لكن

جرب قدم بلاغ حق قسم الجرائم الأكترونية ومادري اذا يعممون على الأنتربول

الله يعنكم

[5ial al3lya]

فوض امرك لله


والنعم بالله
مالنا غيره سبحانه
وعلينا العوض

[5ial al3lya]

السلام عليكم

ما عندي خلفيه عن الموضوع

لكن

جرب قدم بلاغ حق قسم الجرائم الأكترونية ومادري اذا يعممون على الأنتربول

الله يعنكم


اخوي وين قسم الجرائم الالكترونيه ؟

[بوطويشم]

اخوي وين قسم الجرائم الالكترونيه ؟

ما عندي علم في مكانهم

لكن كلم الداخلية بكره خذ رقمهم من 180 وهم ان شاء الله يحولنك عليهم

[مهل]

اخوي وين قسم الجرائم الالكترونيه ؟

اعتقد مكانهم مركز العاصمه

[£عبدالعزيز£]

متعوودة دايما

http://qatarshares.com/vb/showthread.php?t=397799

تكفى اشتك عليه وخلهم يتلوووونه

[5ial al3lya]

حسبي الله ونعم الوكيل
الله لايبارك فيهم

[لمعة الالماس]

نفس السالفه صارت العام مع اخوي بس هو كلم رفيجه اللي باقو ايميله قبل لا يرسل المبلغ

وقال له السالفه كلها .. وطلع الايميل بايقه واحد مصري ويبي يشتري كتب !!

[بن محمود]

نفس السالفه صارت العام مع اخوي بس هو كلم رفيجه اللي باقو ايميله قبل لا يرسل المبلغ

وقال له السالفه كلها .. وطلع الايميل بايقه واحد مصري ويبي يشتري كتب !!



والله شي مؤسف ان بعض الاخوة في مصر كانوا محترفين سابقا في الاحتيال العادي والتقليدي او السرقة المباشرة
وعندما دخلنا عالم الانترنت صاروا يحترفون الاحتيال الالكتروني !
يعني يطورون اساليب النصب مع كل تكنلوجيا جديدة !
الله يهديهم ..

[رجل الجزيرة]

يا جماعه الخير تعرضت للنصب حاسبووو
كلمني واحد من ايميل صديقي الي يدرس في لندن وقالي انا محتاج فلوس سلف وبردهم لك علي اساس انه محتاج كتب من مصر وعنده صديقه في مصر بيجي لندن عقب يومين فاكلمني قلت له ابشر و قمت ثاني يوم ونسيت السالفه يوم شفت الجوال الا مطرش لي وينك ماطرشت الفلوس كلمني الريال وقالي انك ماطرشت له 400 دولار قلت له الحين بروح بطرش له وعطاني رقم واحد مصري في مصر قال لي ذي الرجال كلمه وتفاهم معاه هو الي بيجيب لي الكتب كلمته وحولت له الفلوس شوي الا رفيجي يكلمني وينك لك وحشه والله قلت له كلمك الرجال انا طرشت له الفلوس قالي اي رجال وقلت له الموضوع كله قالي ايميلي مسروق من يومين و ذي لعوزني لاحول الله الحين شالدبره ؟؟!!
قالي عطني رقمه عطيته الرقم كلمه قاله انا محتاج فلوس عشان جي سويت اذا تبي ارد لك ايميلك ادفع لي 200 دولار .... يوم سالت الربع قالوا لي ذي واحد سعودي مع مصري السعودي يكلمك بالماسن والتحويل تحول للمصري في مصر*وناصب علي الشباب كلهم يبوق ايميلاتهم وياخذ معلوماتهم قبل لا يبوق الايميل ساله شخبارك و شلونك ؟ والمشكله انه يكلمني جنه رفيجي نفس الاسلوب
الحين ياجماعه شنسوي ؟؟ شالحل ساعدوني

أنت ورفيقك غلطانين

لأنك عقب ما طلب منك الفلوس المفروض إنك تتصل به، ورفيقك المفروض إنه يعلمك إن بريده مسروق فلله المستعان.

[mohd89]

الحمدلله انه المبلغ صغير مب كبير
هالنوع من الجرائم تاخذ وقت وصعب انها تنحل
ومثل ما قلت المبلغ صغير وما يستاهل
والله يعوضك خير ان شاء الله

[latty]

مب شرط سرقه يعني انا سجلت بالهوت ميل اميل ما وقبلني الهوت ميل وبعد مده تجيني رسايل وروابط ومواضيع لشخص كان مسجل بهذا الاميل ولا ادري هل هو كان له او هو عبط يسجل باي اميل وجاء من حظي انه اميلي

الحقيقه اتمنى لو اعرفه كنت رجعته له لكن لم استولي عليه وانما تسجيل عادي بالهوت ميل


ربما انتهت فترة حسابه ربما

[بحريني حزين]

انزين باق الايميل اخوي عرفناها
رقمك من وين اعرفه ؟؟

[عزيزوف]

انت الغلطان المفروض ما ترسل له الا يوم تتصل فيه وتتاكد انه صج يبي منك الفلوس

[5ial al3lya]

انزين باق الايميل اخوي عرفناها
رقمك من وين اعرفه ؟؟


اخوي انت ما فهمت
هو ماعرف رقمي عطاني رقم الرجال الي احول له الفلوس واتصلت له

[صوت الضمير]

ايميلي مسروق سارقه سعودي والمصيبه انه يهدد الموجودين من رفيقاتي

بسرقة ايميلاتهم

واللي يقهر مرقم وحاطه البان كود .. في التوبيك ..

ايميلي كله بنات اخاف يسبب مشاكل حسبي الله والنعم الوكيل عليه

بصراحه كنت افتح رسائل تجيني مجهوله .. اتوقع هي السبب بسرقه الايميل

اللي عنده خبره وشلون ارجعه او الغيه ..

أفيدوني جزاكم الله خير

أبداع

[فلتة زمانها]

سمعت عن هالسعودي والمصري من فتره مطرشين ايميلات يحذرونا منهم
وانه نغير الباس وورد من ارقام لحروف

[qatari 111]

الله يقطع بليسهم من افكارهم السيئه

الله يعوضك بخير ان شاءالله

[مخطط قطري]

انا بقولكم موقف صارلي شخصيا يمكن يفيد ناس انا ولله الحمد على كثر ايملاتي ولا ايميل انسرق لا وكنت اتحدى ينسرق ايميل لين مرت السنين والبنين في سنه 2007 انسرق ايميل من ايميلاتي باسهل واسخف طريقه جاتني رساله من واحد من ربعي واعرفه ودوم يطرش لي ايميلات قصص ولا صور ولا مواقف فكاهيه وغيره..... بطلت الايميل بكل محبه واحترام وتقدير مسبق لهالشخص العزيز فتحت الايميل الا شوي طلعت لي صفحه دخل الباسورد من يديد شسالفه؟؟؟؟ قلت يمكن فصل وادخل الباسورد وانا اضحك واشرب نسكافيه وفرحان ومادش شسالفه وادخل مره 2 و3 و4 وفاضي لاحول عسى ماشر وافصل وادش ودشيت عادي شيكت على المسنجر والايميلات وطلعت بكل سعاده وسرور نفس مادشيت ثاني يوم ابي ادش مايصير يه؟
ادش مايصير يقولي رقمك غلط ولا اكبر عالم احصاء يقدر يصيد الباسورد لانه باختصار عباره عن 21 كبسه بين رقم وحرف اسمي بالانجليزي ورقم سياره جارنا ورقم جوال واحد من الربع وعفسه يعني مستحيل حد صاد الرقم اوالقطه عقب عرفت انه رفيجي اوردي مسروق ايميله بنفس الطريقه وانا يوم دخلت الباسورد في صفحه مزيفه وتطلع عنده هو الارقام الي انا ادخلها لا ومدخلها 4 مرات يعني ماكد له على رقمي......
وهذا برنامج قديم وسخيف وتافه من 2003 ومار على بس الي ساعد الحبيب في انه يسرق الايميل انه انا صارلي فتره طويله ماشيكت على هلايميل بالذات
زين انسرق الايميل ورضيت بالواقع شالحل اتصلت في احد الاصدقاء المشهود لهم بالكفاءه على مستوى الدوله وعطيته القصه قالي ابي الجواب السري قلت لو اعرفه ماتصلت فيك دبرني
قالي اوكي عطني ربع ساعه وان شاءالله ايميلك عندك قلت له بيض الله وجهك
قلت ممكن طلب قالي امر قلت ابي رقم الهوت ميل ابي اتصلهم في امريكا
قالي ترا المشتركين 80 مليون شخص من بيرد عليك ولا من بيسال عنك اصلن تلفونات ماعندهم بعد يمكن
قالي شوف هذي الي سرق ايميلك مبين عليه عليمي تبي ايميله ويا ايميلك قلت لا خله ابي ايميلي بس ومشكور
قالي شوف بيصير لوك على الايميل يوم كامل يعني عليك وعليه ماحد يقدر يدش لاانت ولا هو وبكره ايميلك عندك بس احفظ الجواب السري
بس مابي ادعي عليه يوم فتحت الايميل الا( الك.....). استغفرالله مادري منه ولا من الايميل مادري كل جهات الاتصال ممسوحين من اللسته ولا رساله عندي كنه ايميل يديد وعفته والظاهر تسكر الحين
فيليت الاخوان ينتبهون

[khalid-qtr]

المفروض تتاكد قبل لا طرش شي والاميل عادي بدالة اميل

[كرستال]

اخوي انت ما فهمت
هو ماعرف رقمي عطاني رقم الرجال الي احول له الفلوس واتصلت له

الله يهديك .. مره تقول اتصلت له .. ومره تقول كلمني

السالفة يعني كلها بالايميلات .. وانت على طول حولت الفلوس

طيب اتصل به بالجوال بالاول (مو بالايميل) واسأل عنه وشوف ايش الي فيه وقوله بحولك الفلوس

الله يعوضك خير



اخوي وين قسم الجرائم الالكترونيه ؟

موجودين في الريان

وهم ناس كفو وما يقصرون مع حد

[fhd4]

بس شلون عرف المصري ان رفيجك مسافر ويدرس … اكيد يعرفه او يعرف معلومات عنه وعن ربعه …

[بوخالد911]

تسلم للتنبييه

[بوجاسم 75]

تسلم للتنبييه

[هند88]

نفس السالفه سارت مع وحده من هلي
دكتورة وتعرف دكاترة من كذا دولة
جاها ايميل من دكتورة زميلتها تطلبها فلوس وانها في لندن وبايقنها وهي متوهقه
بس اشوة حست السالفه فيها شي واتصلت لها ودرت ان الايميل مسروق

[كرستال]

بس شلون عرف المصري ان رفيجك مسافر ويدرس … اكيد يعرفه او يعرف معلومات عنه وعن ربعه …

لانه يقولك طلع بايق الايميل

واحتمال فيه من هالتفاصيل

[وطن]

حسبي الله ونعم الوكيل فيهم

[شعشوع]

صحيح والمصري الله لايوفقه دنيا ولا اخره باق ايميل ولد خالتي .. وفشلنا قدام الناس انه يبي فلوس وربعه ع اذانيهم كلهم طرشوا له ..
لا وباق الفيسبوك ماله وتم يحط اشياء ويطر فيه ..

الحل : لاتفتحون اي ايميل غريب .. والباسوورد لازم لازم لازم يتغير الى تشكيله من ( حروف + ارقام + رموز )
وخل اكبر شنب عقب يظهره !

[$$$$$$]

قسم الجرائم الالكترونية موجودين في الريان بعد دوار الفروسية مقابل سوق البادي , ورقمهم هو 44714222 , وهم تابعين لأدارة البحث الجنائي , اتمنى اني ساعدتكم :)