قطار من ميونيخ الى فيننا from Munich to Vienna

[دي دي]

السلام عليكم
صبحكم الله بالخير
لاهنتوا في عدة استفسارات الله يجزيكم خير :nice:
في منتصف شهر نوفمبر ستكون رحلتنا لمدة 10 ايام واول محطه بادن الله هي ميونيخ ومن ثم الذهاب بالقطار دايركت الى فيننا العاصمه والعودة الى الدوحة :victory:من هناك :
1-هل يوجد قطار دايركت من ميونيخ الى فيننا وكيفيه عمل الحجز لااريد الحجز من النت لااعرف ظروفنا وكم تقريبا سعر التذكرة للقطار السريع والمدة المتوقعه واسم القطار وكذلك بالنسبه للحقائب والوزن ؟
:eek5:2-اول مرة ازور ميوينخ هل تستحق 5 ايام او اقل لزيارة الاماكن السياحية وبالنسبه لفيننا نو كومنت غرامي
:secret:3-بخصوص الملابس والجو ؟
4- فندق مرشح في ميونخ وفيننا لاهنتوا المهم نظيف ولايهمني سعه الغرف :tease:
الله يجزيكم خير للي يرد واللي ميرد :victory:

[rashid-1]

الــسلام عليــكم

1 - يوجد قطار من ميونيخ إلى فيينا لكن مافية شي أسمه دايركت لأن القطار يوقف في كذا محطه ينزل ركاب ويشيل ركاب وفي محطه من المحطات لابد أنك تغير القطار وتركب قطار ثاني وهذا سهل وكل شي بالوقت عندهم والمده من ميونيخ لفيينا تقريبا 7 ساعات ومافي وزن للحقائب وسعره التذكره على حسب الدرجة الأولى أو الثانية والدرجة الثانية في حدود ال 40 يورو وطريقة عمل الحجز سهلة تروح محطة القطارات وتحجز ومحطة القطارات بينها وبين فندق لميرديان 100 متر ومن فندق السوفتيل 50 متر يعني ماتحتاج تركب تاكسي المحطة قريبه جدا

3 - فندق ليمرديان أو سوفتيل وفي فيينا الأنتركونتيننتال أو الماريوت

2 - لاتستحق ميونيخ 5 أيام لأنها مدينة أسواق لكنها أمان وفيها مهاجرين كثير ومسلمين كثير

بخصوص الجو ماأقدر أفيدك لأني زرتها بالصيف


تنبيه : وأنت مسافر بالقطار ممكن يجونك شرطة بملابس مدنية يشيكون على الفيزا يعني يشوفون جوازك لكن لاتعطي أي أحد جوازك في اي مكان ثاني

[سطح القمر]

في قطار دايركت ب 83 يورو من ميونخ الى فيينا وما يحتاج تحجز بالانترنت ولا شي لا رحت هناك قبل لا تسافر بيوم او يومين احجز بس انصحك حاول تخلي يوم سفرك يوم احد لان يوم الاحد جميع الاسواق مغلقة تستفيد من هذا اليوم في التنقل من ميونخ الى فيينا وانا انصحك تسكن في ميونخ في احد هل الفندقين الكمبنسكي او لي مريديان وانا انصح بالي مريدان لانه قريب من محطة القطار وغرفه جيده ونظيفه لكن السوفتيل ما راح يعجبك لان وانت بكرامه الحمامات مفتوحه على الغرفه و حجم الغرفه صغير . و بالنسبة لفيينا عندك الماريوت الهيلون والانتركونينتال وانا انصحك بالهيلتون لانه قريب من شارع المشاه والاجواء الحين هناك شتوية يعني خذ لك ملابس شتويه ولا تودي الصيفي معاك نهائي .

وترجع بالسلامه ان شاء الله

[دي دي]

مشكور اخوي على المعلومات المفيدة ماقصرت جزاك الله كل خير

[دي دي]

سطح القمر / الله يجزيك كل خير ماعليك قصور

[القلم الصريح]

ليش العنا تروح من ميونخ الي فينا دايركت

قسسم الرحله سوها 3 ايام ميونخ و3 ايام زيلامسي و4 ايام فينا

وزيلامسي قريبه من ميونخ بالقطار تقريبا ساعتيين وتستانس بالمناظر الطبيعيه والجو الحلوو

وانصحك نصيحه مهمه اذا حجزت فالقطار خذ لك كبينه لك ولاغراضك لان اذا كانت الشنط كبيره وكثيره بتتلته

وانت مسحبها وياك داخل القطار فخذ كبينه حتى لو اغلى بس بترتاح

والمناطق في ميونخ : شارع المارينا ، شارع الماركات ، حديقة الحيوانات ، وفي مجمع اسمه اوت ليت يبيع الماركات العالميه باقل من سعره الاصلي يوصل الى 70%

[دي دي]

مشكور اخوي القلم الصريح ماقصرت
بالنسبه لذهابنا دايركت من ميونيخ الى فيننا لان اريد البقاء فترة اطول في فيننا وبالنسبة لسالزبورج والمناطق الاخرى انة زايرتها اكثر من مرة ولااروع اخي العزيز

[التيما]

اخوي اذا سافرت لا تحجز كل تذكرة بروحها .. خذ تذاكر القطار لو كنتوا اكثر من شخص مع بعض بيطلع لكم أرخص بوايد .. احنا من امستردام خذنا تذاكر لكل شخص طلع للشخص من امستردام لبروكسل 120 يورو .. ومن فرانكفورت خذنا تذاكر كلنا مع بعض على ما قالت لنا في المحطة من فرانكفورت .. كولن يوم ومنها امستردام للشخص 80 يورو .. بس كانت التذكرة لنا كلنا مع بعض مو كل واحد بتذكرة خاصه فيه ..

[دي دي]

مشكووووور اخوي جزاك الله خير على تواصلك معي في الموضوعين الله يجزيك خيرا

[Bin Hood]

اخوي دي دي ميونخ وايد حلوه

وتستاهل اكثر من 5 ايام

عندك موقع www.tripadvisor.com

وموقع booking.com

ممتازين لأخذ المعلومات عن الفنادق والاسواق والسياحة بشكل عام .

[دي دي]

مشكورين ماقصرتوا بخصوص الحقائب وايد بحاتي
عندنا شنطة كبيرة ومتوسطة وواحدة صغيرة ممكن نضعها داخل الكبيرة لانه الوزن موب وايد
عادي ندخلها معانا في القطار احنا عائلة انة وزوجي وولدي فديته 7 سنوات البعض افادني بامكانية وضع الحقيبة في الارفف الامامية للمقطورة افيدوووني بكرة مسافرة
بالنسبة للكابينة كم السعر
من ريجنسي كنت ابي يسوولي الحجز عطونني سعر خيالي

[القلم الصريح]

خذي التذاكر من هناك احسن لج
وانصحج تاخذيين كبينه افضل لج لان تتسع لكم ولحقائبكم
واذا شفتي سعر تذكرة القطار نفس سعر او قريب من سعر السياره الخاصه خذي سياره خاصه احسن لكم
لان بيمشي وبيوقف تحت امركم وبيوصلكم عند باب الفندق
وان شاءالله قدرت افيدج