احسن مسشفى متخصص للاطفال

[جغرافي قطر]

سلام عليكم

بغيت احسن مستشفى يكون متخصص فقط للاطفال

انا اعرف انه ما فيه هالنوعيه من المستشفيات هنيه في الدوحه

لذلك اللي عنده خبره في المستشفيات في منطقة الخليج ياليت يفيدنا


المشكله فيه واحد من الربع ولده صارله اكثر من 3 اسابيع عنده كحه وحراره ماتنزل وكل ما يوديه مستشفى يعطونه دوا غير

الولد صار بطنه مخزن ادويه من كثر ما ياخذ

فالرجال بياخذه وبيوديه يسويله فحوصات كامله

وقلت له بس مالك الا اعضاء منتدانا هم اللي بيجيبون لك الخبر

وسلامتكم

[جغرافي قطر]

افا يالربع

الموضوع بيروح الصقحه الثانيه ولا واحد رد؟

[حراير قطر]

خله يوديه الاهلي في عيادة اطفال

واذا يشتغل بالشرطه عنده عيادة الشرطه دكتور عبدالمنعم

بس ما قلت لنا شنو سبب الكحه من بلاعيمه او صدره

علشان انقولك حق من اتروح ...

والله يشفيه ان شاء الله

[جغرافي قطر]

الكحه بدت عنده من التهاب في بلاعيمه

وبعد اسبوعين طاب من بلاعيمه والتهب عليه صدره

خذوا عليه اشعه حق الصدر وقالوا فيه التهاب في القصبات الهوائية الحين وصرفوا له بخاخ وما راحت الكحه

[الريبال]

ليش عندنا مستشفيات متخصصة للأطفال في قطر ؟؟؟

سلّم على رفيقك وخلّه يودّي ولده لمستشفيات الرياض ولكن على ماسمعت فيه دكتور في اسمه النحاس في مستوصف الملز الطبي يمدحونه

وترى في قطر دكاترة ممتازين منهم الدكتور مهند عبدالقادر (عيادته شرق من السوق المركزي) والدكتور هاني سويّد عيادته بعد محطة ابوهامور على يسارك وانت رايح لدوار جوازات مسيمير

[الريبال]

وترى الدكتور محمد زبيب ممتاز لأمراض الصدر عيادته جنب عيادة الدكتور مهند الطوفة بالطوفة

[الكواري]

للمتابعة

[كروشيه]

الكحه بدت عنده من التهاب في بلاعيمه

وبعد اسبوعين طاب من بلاعيمه والتهب عليه صدره

خذوا عليه اشعه حق الصدر وقالوا فيه التهاب في القصبات الهوائية الحين وصرفوا له بخاخ وما راحت الكحه


اخوي انا ولدي صاده التهاب في القصبات الهوائيه وعالجته عند دكتور خالد شابون في العمادي وعطاه مضاد لعلاج الالتهاب وتشافى ، خلهم يودونه عنده وان شاء الله يتشافى ، والله يشفي مرضى المسلمين اجمعين

[حراير قطر]

ما يشوف شر ان شاء الله

عندك دكتور خالد الشيخ بالنصر

وخله يبعد عنه الحيوانات الله يكرمك اذا عندهم

ويخليه يرتاح ما يطلعه مكان واذا عطوه المضاد

يأخذه بنفس موعده مثلا اذا مره وحده باليوم

عطاها الساعه 9 الصبح يعطيه كل يوم بنفس الوقت

والبخاخ يكون كل اربع ساعات او 6 ساعات

والكحه اطول مع تغير الجو واختلاطه مع الناس اللي حوله

اذا يبي اتروح عنه خله يعزله فتره العلاج على الاقل

نفس عيالي قبل صادهم جذيه ومع توجيهات الدكاتره والاجازة من المدرسه

راح عنهم الالتهاب والكحه

وطمنا عليه ...

[جغرافي قطر]

تسلمون يا جماعه

وما زلنا بانتظار اراء باقي الاعضاء

[Miss]

ولا مستشفى في الدوحه كلها متخصص في الاطفال .. كل مستشفى يقوولك شي.. نصيحه فيه مستشفى في الريااض ممتاااااااااااااااااااااااااااز .. خله يوديه له .. انا اعرف وحده صغيره نفس حالته وان شاء الله ما يكوون نفس مرضها سنين هنيه في الدوحه وما عرفوا مرضها كله تصخن وما تنزل الحراره ويوم وودووها الرياض طلع عندها مرض يسمى نقص مناعه وتاخذ الحين عليه دوا لين ما توصل سن 12 وبعدين يسوون لها عمليه في النخااع ..
لا تضيعوون الولد وتعبونه بهالادويه اللي مالها فايده .. والصخونه الدايمه مو زينه ممكن تضرب في الراس لا سمح الله

[ام شوشي]

اخوي مايشوف شر الولد سؤال الولد يعاني من حساسية صدر

[جغرافي قطر]

لا الولد مافيه شي من قبل

بس هالمره رايح فيها

تخيلوا من كثر الحراره لسانه تقشّر من داخل

[الصريحه]

اخوي خله ينتبه لايكون تعرض لاانفلونزا الخنازير لاقدر الله
لانها رجعت تنتشرولابد اخذ مسحه في المستشفى بسرعه
علشان يعطونه الادويه اللازمه
وبعدين الحراره خله ياخذ له 3 نشا بودره مال الاكل وملعقه خل وقليل من الماي ويخلطه
وبعدين يمسحه على جسمه يمتص الحراره ويحطونه بعد على راسه بدون مايجي عيونه
ويسوي منه كمادات له
وبشربه سوائل كثير
ويحط له منقوع المره عند خشمه واذنينه
ويعطيه الادويه ويحاول يشربه اي شيء يقوي مناعته
وللكحه خله يشربه عسل او ملعقه زيت زيتون ويمسح جسمه فيها وصدره ويدهنه بقليل من الفكس
ومايشوف شر وطمنا عليه

[حراير قطر]

لا الولد مافيه شي من قبل

بس هالمره رايح فيها

تخيلوا من كثر الحراره لسانه تقشّر من داخل

عادي اخوي هذا يدل على مرضه

انا ولدي الله يحفظه يحبب لسانه يصير اشوي ابيض وينقط باحمر

واعرف انه مريض ...

ولا اتخرعون الريال ولده ما فيه الا العافيه

مثل ما قلت لك انا واحد صاده مرتين مره وديته الاهلي

والثانيه الشرطه والثاني مره وحده وديته عند خالد الشيخ

المرض مب دوم معاه ولا متكرر من فتره لين فتره عشان يخاف عليه

وهذا من البدايه ما وده المستشفى لانه كان من بلاعيمه ونزل على صدره

بسبب تأخير العلاج وابعده في فتره العلاج و لايطلع وايد

امس وحده اتقول بنت ولدها جاءتها كحه وسخونه وما ودها قاموا

يستخدمون الادويه اللي عندهم واخرتها الكحه من صدرها مو من بلاعيمها

والحين متغربلين معاها ومع البخاخات الله يشفيها ان شاء الله

وده عند خالد الشيخ هو استشاري بالصدر ...

[ام شوشي]

اخوي خل شغلة في بالك ان لازم تعرفون مصدر الحرارة لانة الطفل اللي تستمر فية الحرارة لمدة اسبوع وماتروح فية سبب اما احتقان في اللوز اوشي اخر مسبب ارتفاع الحرارة وبا النسبةللكحة
احتمال يكون عندة حساسية اللوز فأذا تبي نصيحتي انا كانت عندي بنت من جبتها وهي معاها حساسية رحت الاهلي وعالجتها ولكن للاسف مااستفدت من العلاج والحين تقريبا لي سنة وانا اعالجها عند مرسي والحمدللة حالتها مستقرة والادوية اللي يعطيها اياها خفيفة

[جغرافي قطر]

وين مرسي هذيه؟

[ام شوشي]

مرسي في فريج بن عمران قريب من الشاهين

[جغرافي قطر]

جزاكم الله خير

الرجال مسكين حالته حاله

طلع من الدوام وقال بيروح يشوف ولد

واللي عنده اي اضافه لا يبخل علينا