سوال محير دائماً لايوجد له اجابه شافيه

[القهيدان]

السلام عليكم ورحمه الله وبركاته

الموضوع ابواب الخشب


ارجو التفاعل لكي نظهر بنتيجه طيبه


وشكراً

[شموخ دائم]

,


,


مرحبا


شكرا على الموضوع

الباب الجيد الي تشطيبه ( ممتاز ) وصبغه ناعم واملس زي الزجاج
وما تلاقي هذا التشطيب الا بالمناجر الجيده الي يمتلك ( غرفه للصبغ ) او فرن للتجفيف

وسعرها لابد بيكون اغلى من المناجر العاديه لانها بيعطيك باب نظيف يليق بالفيلا الي كلفتك الكثير والباب من جماليات البيت وجزء من ديكوره

الي ( يصبغ ) في مكان مكشوف او بيصبغهم داخل البيت الجديد هذا شغله ما ينفع وبتلاقي ( حبيبات الرمل ) ماسكه بالباب وممكن تلاحظها بعيونك بسهوله
او لو مررت راحه ايدك على الباب بتحس بالحبيبات بسهوله لان الصبغ ياخذ وقت طويل حتى يجف 24 ساعه وذرات الغبار تتراكم عليه وتشكل حبيبات
واكيد كثير من الاعضاء حصل معاه هذي المشكله وبعد ما سكن لاحظ ان الباب مو بالشكل الي يتمناه

كل شغله ولها اصول صنعه لتفادي العيوب

اطلب ان الباب يكون بدون فراغات والخشب الداخلي قريب من بعض
بشرط لو طقيت على الباب بصبعك او بمفتاح ما تسمع صوت ( فراغ )

منجره صغيره بتحصل باب سعره رخيص والفنش ماله ( مقبول وماشي حاله ) لقله الامكانيات
منجره معروفه بتحصل باب سعره مرتفع وتشطيبه ( ممتاز ) خاصه الصبغ ودقه التفاصيل

منجره عبد النور ممتازه بالصناعيه

وسعرها متوسط

لاهي مثل المناجر الرخيصه
ولاهي مثل محل ( in door ) او ( ايليت ) او ( الجميل ) هذي مناجر غاليه لكن كوالتي عالي ايضا ولها زباينها
ان شاء الله الاعضاء يضيفون لك اسماء مجربه

,

,

اخوك



شموخ دائم

[بو علي]

عناوين in door و ايليت والجميل لو سمحتوا مع اسعارهم تقريباً

مع الشكر للجميع

[حياة]

ايش افضل انواع الخشب؟