اضحك مع ورقه المقاضي

[الصريحه]

ورقة المقاضي ..


ياعالم قسم راحت حياتي اوراق صغيره جيوبي مليانه ..
كل ظهريه وبعد صلاة العشا

طيب يازوجتي العزيزه فيه شي اسمه دمج ..

رئاسة تعليم البنات بكبرها دمجوها ..

ماتقدري تدمجي ورقة مقاضي الظهر مع ورقة مقاضي الليل
ونفتك من هالقلق اليومي ..

المشكلة اني اقرا طلبات مالها داعي بس مجبور اجيبها ..

دراق / طماط / بقسماط / برغل /

واخرتها مانلقى على السفره الا كبسه

وان سوينا نفوسنا كنديين حطينا فجل !
طيب هالبقسماط والصولجان وبقية الاسامي الصعبه لمين
طبعاً لخواتك اذا جوا يوم الربوع وانا ياغافل لك الله

طقني الجوع مع ابوشايع وابوعبدالله
وان سوينا فيها فجور وكاش ارسلنا حنيف يجيب ثلاثة حراق
من البيك ونتهاوش على الثوم !!
والمدام مع خواتها يتنعمون من خيري ومن تعبي
والجري في البقاله مع ورقة المقاضي
مره سويت فيها ذكي وبعد ماقضيت لزوجتي يوم الربوع

قلت بروح للشباب ..

واطب على المدام بدري واحصل خواتها عندها
وتوهم حاطين العشا ...

يلعن ام الكارثه اخيرا شفت ورقة المقاضي صدق ..

لقيتهم حاطين سفره بدايتها في المقلط ونهايتها
عند ساسكو اللي ورا حلبان !!


الى درجة انهن حاطين سيكل جنب السفره

علشان اذا وحده بغت صحن من طرف السفرة

يمديها تجيبه ..

لا ولقيت لوحه مكتوب عليها

( السلطه 60 كلم )

مافيه شي ماهوب على السفره ماناقص الا وايت ببيسي ..


المشكله ان زوجتى تعاملني على اني ابلة تدبير وعندي خبره
وانا والله ما افرق بين الملوخيه والكزبره


والمشكلة إنها كتبت لي مره في الورقه كيلو كنافه كذابه
قسم تروعت وش ذا الكنافه الكذابه ,

انا ماعرف الصادقه فيهم
يوم اعرف الكذابه ..

واروح البقاله مالقيتها اتصلت بصديق قال رح لمحل حلويات ..


واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه ..

في الاخير رحت عنده وقلت ياخي معليش انانسيت اسمها
بس انها كنافه ماهيب مضبوطه

يعني كنافه كافره وبتروح النار ضحك

قال قصدك كنافه كذابه قلت ايييييييييه ذي ذي ابي منها كيلو ..

زحمه وكنافه كذابه واخرتها قطعة خبز لاعبين علينا

وحاطين عليها شيره ..

وكله كوم ويوم اخذت اختي في المدرسه طريقة

عمل المكرونه بالبشاميل سرنا يوميا ماغير ناكلها

الى درجة ان ابوي اضافها في كرت العايله

لانها صارت جزء من العايله ووحده مننا


الله يحفظ الوالده ..

ورقة المقاضي حقتها ماتتغير علشان كذا مانرميها
انا حاطها في المفضله

لانها هي نفس الطلبات كل يوم
بصل/ طماط / رز / دجاج / خبز /

واذا بغت تسوي نفسها انها عارفة كل شي استبدلت
البصل بثوم واذا ملينا وبغت تجدد فيها حطت
الرز قبل البصل

والخبز قبل الطماط والله اني عشت عمري كله

وانا نفسي اكل شي جديد وخاصةً ذا اللي يسموه اومليت

الى درجة اني سكنت في فندق مره علشان لقيت
في القائمة اومليت مادريت انه بيض !!

المشكله ماعندهم رحمه ..
درجة الحراره في عز الصيف الف وانت تناقز
من محل الى محل وبمعية سموك ورقة المقاضي

لو تجيب الهايبر بندة كله وتنسى شي بسيط قامت القيامه
ولازم ترجع وانت اصلاً شرير ولاعمرنا شفنا منك شي يابخييييييييييييل ..


وياعيني على استخدام التقنيه ..



ورقة المقاضي صارت من العصر الحجري

الحين تجيك المقاضي مسج على الجوال

والله اني ابغا اصيح اذا قريت رسايل جوالي

ورسايل جوال اخوياي العزوبيه ..

كل رسايلهم

( عندما تشرق شمس يوم جديد اذكرك .. )

( كفاني ان جنح الليل يغشاني ويغشاك .. )

( الله على الجمس لولا وارد الستين ) << رسالة داخله بالغلط خطيبته بنت واحد شريطي

وانا تعال شف رسايلي

( حليب سريلاك .. )

( ارجع بدري نبي مويه )


( وانت جاي جب اعواد اسنان )

اعواد اسنان في نص الليل انتي صاحية !

وماقطع قلبي ونكد علي حياتي الا اذا طلبوا تسالي ..

تجيب برنقلز قالوا نبي جحا ..

تجيب بنكهة الكاتشب قالوا نبي بالخل والليمون ..

تجيب رقاق الورده قالوا نبي رقاق غوار ..


تجيب صلصه قالوا نبي ماجي ..



بس والله صار عندي خبره رابحه
وانا والله من اول كنت احسب البندوره هي البطاطس !

مناسبة هالموضوع اني رحت اليوم بعد صلاة الجمعه


ومعي كالعاده رفيقة دربي ورقة المقاضي
طولها حوالي 7.12 متر

ويوم دخلت الهايبربندة والقى زحمه


وانا اللي تصعب علي نفسي واتمردت وشقيت

ورقة المقاضي وارسل للمدام رساله اقولها


اني تمردت وقطعت الورقه ...

جزاها الله خير تفهمت الموضوع بشكل حضاري

وهذا انا اكتب لكم الموضوع


طبعا منقووووووووول بس ماشاء الله باله وسيع

[عيون Qatar]

واروح وانسى اسمها واقول لراعي المحل عطني كنافه نصابه ناظرني بأحتقار وعطاني اشكل بدل مايعطيني كنافه ..في الاخير رحت عنده وقلت ياخي معليش انانسيت اسمها
بس انها كنافه ماهيب مضبوطه



ههههههه احلى ورقة المقاضي طلبات البيت,,

[أ التميمي]

وانا نفسي اكل شي جديد وخاصةً ذا اللي يسموه اومليت

الى درجة اني سكنت في فندق مره علشان لقيت
في القائمة اومليت مادريت انه بيض !!


ههههههههههههههههههههههههههههههههههههههههههههههه


اصراحه الله يكون ابعون مع ورقة المقاضي امحق اورقه

لاهنتي يالغاليه

وصباحش مشموم وشوي ياشمين

[الصريحه]

شاكره مروركم الطيب

[كــرت احمــر]

ههههههههههه

[هدهد سليمان]

موضوع طويل لكن خوش مقاضي :)

[قطر love]

ههههههههههههههههههههههههههههههههههههههههههه


الله يكون بعونه

[الصريحه]

شاكره مرور الجميع

[unless]

بصراحة كأني اقرأها اول مرة
يابخت اللي عندهم ملكة الوصف بهالشكل الفكاهي
تسلمي الصراحة ..
إلا بالمناسبة يالصريحة ممكن تصارحينا بصراحة
ماهو شكل ورقة مقاضيكم؟

[الصريحه]

بصراحة كأني اقرأها اول مرة
يابخت اللي عندهم ملكة الوصف بهالشكل الفكاهي
تسلمي الصراحة ..
إلا بالمناسبة يالصريحة ممكن تصارحينا بصراحة
ماهو شكل ورقة مقاضيكم؟
فعلا فناان كلمات
والله مقاضي هي هي ماتتغير كثير

[اسير الاوهام]

خوش ورقة مقاضي والله ..

جزاك الله خير على الموضوع

[الصريحه]

خوش ورقة مقاضي والله ..

جزاك الله خير على الموضوع

وياك اجمعين ان شاء الله

[ابو علاوي]

موضوع شيق وطريف في السرد لكن فيه شوية مبالغة من اجل امتاع القارئ
لكن عندي بعض الكلمات تحتاج ترجمة وهي:


ورقة المقاضي ؟؟









/ بقسماط / ؟؟؟




البقسماط والصولجان؟؟


حراق؟؟؟

البيك = اتوقع انه مطعم


حلبان !!؟؟


اشكل؟؟
وبمعية سموك ورقة المقاضي ؟؟