المساعد الشخصي الرقمي

مشاهدة النسخة كاملة : ابي نزل وزني


سمو الاميرة
20-10-2010, 12:42 PM
مرحبا ,,

ممكن لكل من داخل الموضوع يفيدنا عن نزال الوزن سوى بالرياضة او الرجيم او حبوب :rolleyes2:
سمو الاميرة
20-10-2010, 12:44 PM
انا سمعت عن حبوب magrim diet ما تنوجد الا في لبنان ويقولون تنزل وايد الوزن ممكن احد يفيدنا

اذا سمع عنها
الخفي
20-10-2010, 12:48 PM
(( بدون رياضه وحميه مستحيل الوزن ينزل والادويه بروحها خطره جدا

وانا انصحك بحميه الدكتور اتكنز ممكن تمشي معاك لانها مجربه وتنزل واجد ))
عزيزوف
20-10-2010, 12:50 PM
مرحبا ,,

ممكن لكل من داخل الموضوع يفيدنا عن نزال الوزن سوى بالرياضة او الرجيم او حبوب :rolleyes2:


والله نصيحتي لج احسن شي الرجيم الطبيعي >>> المشي والرياضه واكل خفيف


انا عن نفسي ضعيف ...

بس اعرف واحد من ربعي كان وزنه 95 والله الحين وزنه 55 والله ...

بس كان يلعب رياضه والاكل كان ياكل بس ريوق ....

اما نصيحتي لج تخفين الاكل تخلينها وجبتين في اليوم مع ممارسة الرياضه يوميا بس اهم شي ما تهملين الخضروات والفواكه وغيرها ...

وابتعدي عن الحبوب والعمليات والخرابيط لانها تضر ف المستقبل ..

وعندج بعد ممارسة السباحه تخف الوزن ...

والله يوفقج
STAR
20-10-2010, 12:50 PM
جربي رجيم دشتي,,,,ومجرد المشي يوميا
لمدة ساعة فالكورنيش او اسباير او اي مكان راح
ينزل من وزنج
STAR
20-10-2010, 12:52 PM
ابتعدي عن الحلويات والنشويات مثل الارز والمعكرونة والمعجنات والخبر..
قطر love
20-10-2010, 12:52 PM
اهم شي تخفيف الاكل والرياضه على الاقل ساعه في اليوم

او ممكن تروحين عند الاخصائيه عائشه صقر في العمادي
متسلف وفي الاخير
20-10-2010, 01:06 PM
اركضي من بيتكم لين سيلين ههههههه

شوفي اختي تبين تضعفين اكلي الليمون الاصفر بقشوره وايد واشربي عصير ليمون يوميا وماعليج من كلام الناس حبوب وخرابيط الحبوب تسبب لج مضاعفات وتتعب جسمج والاعضاء الداخليه وتقلل من مناعتج
لو الناس يعرفون فوائد الليمون مايتركونه
كازانوفا
20-10-2010, 01:09 PM
نفس كلام الاخوه خففي الاكل وما في عشااااااااااااااااااااااااااااااا بالمره يعني من بعد الساعه 5 وقفي عن الاكل
والمشي لمدة ساعه او ساعتين يوميا
وراح تشوفي الفرق كيف وااااضح

موفقه ان شالله
الريان
20-10-2010, 01:17 PM
ابعدي عن الغداء وامشي يوميا ساعه
abdo222
20-10-2010, 01:27 PM
اولا الادويه والحبوب لها فعاليه في انقاص الوزن ،، ولها اثار جانبيه تختلف باذا كان الشخص ذكر او انثى ،،

اعرف وحده استعملت حبوب من لندن من الغاليه ،، في اسبوعين جا لها كيس في البويضه وانفجر ولها حوالي سنتين ممنوع عليها تجيب عيال ،،

ثانيا كل حبوب لازم يكون وراها دكتور يعرف وزنك ، والكرسترول وقوه الكبد عندك ومنها يقرر كم جرام الحبوب تكون ومتى تاخذينها ،،

ثالثا ٨٠٪ من الحبوب تعتبر drugs يعني تسبب الادمان و تقديرن تشترينها من النت عادي بس ممنوعه بدون وصفه من الطبيب،، مب نفس الاسبرين او البندول ،، والادمان عليها يعني لو وقفت منها او كسرت الجدول لانك نسيت او خلاص بغيت توقف ،، تبدأ اثار جانبيه نفس "عدم النوم" (وتبدأ تستخدم منومات) ، الدوخه عند الجري ،، اضرار في الجهاز التناسلي ،،

ف فلو هال الثلاث نقاط تاكدتي انهم مب موجودين تقدرين تاخذين الحبوب ،،

في ناس جربوا حبوب ونقص وزنهم ،، على حساب ( حياتهم الزوجيه ) او (اعصابهم) او (نظرهم) ،،

كل واحد وله اولوياته ،،
قطر دزاين
20-10-2010, 01:30 PM
لا حبوب ولا غيره صديقي كان وزنه 120 خفف في الاكل وبعد ساعه 6 ما يكل شي ويمشي باليوم 5 كيلو نزل وزنه الى 88
طموحي مبدع
20-10-2010, 01:30 PM
اقطعي المشروبات الغازيه

واهم شي المطاعم لاتقربين صوبها خصوصا ماكدونالدز وهارديز وبيتزا هت لان الوجبات السريعه هي الي تمتن

واهم شي تاكلين ثلاث وجبات باليوم

فطور وغدا وعشا واكلي الي تبينه بس لاتكثرين بالاكل

وحاولي تمشين ربع ساعه باليوم اذا قدرتي

بصراحه انا الحين صار لي اسبوعين ماشي على هالنظام وضفت 4 كيلوو

وبالتوفيق ان شاءالله
وهم قطر
20-10-2010, 01:34 PM
لو أتريقين حتى الاشباع وتغدين حتى الاشباع

من المغرب يوقف اي أكل مجرد المشروبات فقط

وشوفي كيف النتيجه وبالتوفيق
فــلان
20-10-2010, 01:35 PM
افطري عدل بس إبتعدي عن السكريات و النشويات و المخبوزات والمشروبات الغازيه بأنواعها تماما ً

يعني الصبح مثلا ً قطعتين براون توست و بيضتين مسلوقه و ممكن شريحة جبن خالي أو قليل الدسم مع برتقاله أو تفاحه ...

و الظهر ممكن سوتيه

و العشا بدري قبل 7 تاكلين لج نص دجاجه مشويه أو تكتفين بالصدر مع فلفل أسود وسلطه بدون خبز

و بالنسبه للماي إشربي قد ماتقدرين ماي يعني من لترين إلى لترين ونص يكون ممتاز.

و أكلي خيار وخضرا قد ماتقدرين لأن الخيار مضاد للأكسده يمنع تجمع الدهون الجسم و إبتعدي عن الطماط و العنب و المنجا لأنهم يحتوون على نسبه كبيره من الماي و الأملاح بالنسبه للمنجا.

المشي 90 دقيقه فاليوم ممتاز ويفضل إنج إتمدين الخطوه بحيث تكون من متوسطه إلى سريعه شوي وتبتعدين عن المشي البطيء لأن فايدته شبه معدومه و خلال المشي إحرصي على تطويح يدج يمين و يسار يعني نص مشيه عسكريه :) عشان الأكتاف والجزء العلوي ياخذ حقه مره وحده.

هذا مثال يوم واحد تمشين في نطاقه

جربي هالجدول 7 أيام و إن شاء الله تلقين النتيجه اللي ترضيج

أي خدمه إحنا حاضرين و بالتوفيق
قطراوي للأبد
20-10-2010, 02:08 PM
افطري عدل بس إبتعدي عن السكريات و النشويات و المخبوزات والمشروبات الغازيه بأنواعها تماما ً

يعني الصبح مثلا ً قطعتين براون توست و بيضتين مسلوقه و ممكن شريحة جبن خالي أو قليل الدسم مع برتقاله أو تفاحه ...

و الظهر ممكن سوتيه

و العشا بدري قبل 7 تاكلين لج نص دجاجه مشويه أو تكتفين بالصدر مع فلفل أسود وسلطه بدون خبز

و بالنسبه للماي إشربي قد ماتقدرين ماي يعني من لترين إلى لترين ونص يكون ممتاز.

و أكلي خيار وخضرا قد ماتقدرين لأن الخيار مضاد للأكسده يمنع تجمع الدهون الجسم و إبتعدي عن الطماط و العنب و المنجا لأنهم يحتوون على نسبه كبيره من الماي و الأملاح بالنسبه للمنجا.

المشي 90 دقيقه فاليوم ممتاز ويفضل إنج إتمدين الخطوه بحيث تكون من متوسطه إلى سريعه شوي وتبتعدين عن المشي البطيء لأن فايدته شبه معدومه و خلال المشي إحرصي على تطويح يدج يمين و يسار يعني نص مشيه عسكريه :) عشان الأكتاف والجزء العلوي ياخذ حقه مره وحده.

هذا مثال يوم واحد تمشين في نطاقه

جربي هالجدول 7 أيام و إن شاء الله تلقين النتيجه اللي ترضيج

أي خدمه إحنا حاضرين و بالتوفيق

نفس الكلام !!!

تريقي عدل اختي !! .. والغدا خفيف والعشا نفس الشي خفيف ! ويكون بدري شوي !! ولاتشربين ماي وقت الأكل !! عالأقل بعد او قبل الوجبه بنص ساعه

ووو اقططططططططططعي المشروبات الغازيه والمعاصر والأكل السريع


اخوي ما شاء الله عليه

ماكان متين يعني !! لكن وزنه كان 85 ! .. وخلال اسبوع !! نزل وزنه لين 79 !! .. ووايد مرتاح الحين

يتريق !! يتغدى صدر دجاج مع خس بدال الخبز !! .. والعشا تونه .. ولا دجاج مره ثانيه ولا اي شي خفيف يعني

كثري من الخضار والفواكه .. تفاحه !! .. جزر .. خيار .. هالشكل

وان شاء الله بتجوفين الفرق
كبير المتداولين
20-10-2010, 02:12 PM
فطور بيض - غدى سلطه - عشى حمص - مشي 10 كيلو - مده شهرين امورك خالصه
كورديليا
20-10-2010, 02:13 PM
انا استخدم جل من شركة انينا ضاعفه عليه 4 كيلو للحين
ناعس الاهداب
20-10-2010, 02:19 PM
اكلي اكل صحي من غير سكر ودهن وشحم
واركضي وامشي في اليوم مب اقل من ساعه
وسوي بطن 150 في اليوم

اذا تبين تفاصيل اكثر دزي لي رساله
ولج مني تضعفين بالاسبوع كيلوين
{ابوعبدالله}
20-10-2010, 02:21 PM
اختي انا اشتركت في مركز سليم اند لايت اللي يطرش الاكل لين البيت لمدة شهرين مع جري لمدة ساعة يوم بعد يوم و الحمدللة نزل وزني ٢٠ كيلو
نسيم الروح
20-10-2010, 04:27 PM
عن تجربة كلي قبل اي وجبة سلطة ( صحن كبير) وقبل الفطور خيار
وخلي اكلك زي ماهو تحسين الفرق
والسلطة كل وجبة تكون مختلفة مرة خس مرة طماط وخيار ومرة ورق ملفوف بس بدون ملح
والله يوفقك
سمو الاميره
20-10-2010, 04:35 PM
لاتسووووووووووووووين حميه قوووووووووووويه

نصيحه سوي تخفيف بسسسس يعني اكلي بس نقصي وبعد فتره بتحسسبن اكلج صاار طبيعي وبتشبعين بسرررعه ومعدتج بتصغرر والله اعرف وحده من التخفيف فقط نزلت من 80 لين 70 في شهرين مع مشي خفيف في الجامعه

بس انتي العبي ريااضه لانها الحل الامثــــــــــــــل لكل المشااكل مع التخفيف

ومووفقه
سمو الاميرة
20-10-2010, 08:40 PM
يسلمو على نصائحكم الحلو سوى على العام او الخاص

بس انا عندي كرشة شو يوديها
سمو الاميرة
20-10-2010, 08:41 PM
شو رايكم برجيم تمر ولبن
قطراوي للأبد
20-10-2010, 10:54 PM
الكرشه الله يطول لي عمرج !!! لها حلين

المشي السريع !!! ( ركزي على مشي ) مب ركيض .. والشاي الأخضر

أو !!!!!! .. السيكل ..

وامورج خالصه
الكنج
21-10-2010, 06:28 PM
أتوقع الاعضاء ماقصروا كفوااا وفوووواااا،،،

ملاحظة: أهم شي العزيمة والاصرار مب ريجيم ورياضية مدة أسبوع واحد وعقبها نرجع مثل ماكنا قبل،،،

وبالتوفيق ان شاء الله ..
STAR
21-10-2010, 07:11 PM
اكلي اكل صحي من غير سكر ودهن وشحم
واركضي وامشي في اليوم مب اقل من ساعه
وسوي بطن 150 في اليوم

اذا تبين تفاصيل اكثر دزي لي رساله
ولج مني تضعفين بالاسبوع كيلوين

هاه وااايد ‏150...انا يوميا اسوي خمسين مرة غير المشي السريع
لمدة ساعة ونص واحيانا ساعتين...

بس بصراحة صج اضعف لكن بطيء..

اذا عندج تفاصيل تفيدني ياليت تراسليني....
بعد ماكان وزني ‏67‏ كجم وصل ل61‏ كجم...
واللحين وصلت52‏ وبصراحه ابي انزل اربع كيلوات..
يعني ابي اوصل48‏ كجم,,,اهم شي ابي اشد بطني...
Index Signal
21-10-2010, 07:24 PM
شو رايكم برجيم تمر ولبن


بلبل إنتي ..؟! :)

لازم الحميه تكون متوازنه .. من كل بستان زهره ..

والأهم منها الرياضه .. بشرط تمارسينها بجديه .
ibr
02-11-2010, 02:19 AM
عندي برنامج غذاء ممتاز مسويته خبيرة تغذية ينزل الوزن بدون رياضة 8 كيلو في الشهر وانا جربته شخصيا بس يبغيله اراده مع العلم ان البرنامج فيه اكل منوع
m1976
02-11-2010, 07:47 AM
هددددي اللعب مع الصحن الظهر وخفي ايدج اليمين والمقيال والكيك في الكوفيات وبينزل الوزن
تبتلشٍ
02-11-2010, 08:03 AM
بلبل إنتي ..؟! :)

لازم الحميه تكون متوازنه .. من كل بستان زهره ..

والأهم منها الرياضه .. بشرط تمارسينها بجديه .

هههههههههههههههههههههههههههههه:nice:
رهيباوي
02-11-2010, 08:26 AM
اختي الفاضله .... يعطيج العافيه .... بس في البداية حبيت اقولج لازم تكون قبل شي النفسيه ... جاهزه .. الشي الثاني ... تخفيف الاكل وترتيب البرنامج الغذائى.... يعني مب بالخمس الاكل بثلاث اصابع ... الشي الثالث المشي (السريع) مع الوقت يعني اختي ... يوميا لمده 40 دقيقة ويفضل بعد صلاة العصر ... او المغرب ... الشي الرابع ... عصير برتقال + عصير فراوله .... بعد المشي مع الفواكه المخصصه للرجيم مثل : اناناس+ تفاح + بطيخ + موز وغيرها ..
واتمني التوفيق للجميع والسموحه على التقصير ....
غزوله
02-11-2010, 08:49 AM
حبيبتي انا انصحج في مركز نيوترشن فيه واحد بالمعموره والثاني عند تلفزيون قطر يعطيج حميه تضعفج وياخذ وزنج وتابعينه كل اسبوع وشهرين بسبعميه وخمسين وبصراحه كل اللي استمر معه اضعفو
مسمس12
02-11-2010, 08:53 AM
روحي نيوترشن
هاوي الدوحة
02-11-2010, 09:07 AM
نصيحة اخو
اول شي اتركي ربعك و الطلعات و الأكل في المطاعم و ترس قاري الجمعية بالكافي و الحلويات و الشبس
و في سباير مجموعات تسوي رياضة (( حصص رياضية )) ممكن نروحين من خلالها تتعرفين على ناس من جد يبون يضعفون تشجعون بعضكم
تركي العشا
كثري من الشاي الأخضر بدون سكر
و الله يكون بعونج
انا جربت هالشغلات و الحمد لله في تحسن
hi sky
02-11-2010, 11:15 AM
سمو الأميره

اعضاء المنتدى

صباحكم ورد

بأختصار يا سمو الأميره في شي مهم قبل الرجيم ,,,, الأيــــــــراده ,,,,,

لازم اتعرفين في اشياء مهمه مع الرجيم ونزوله

1_ ســن الـشـخـص .. العمر مهم لان الي عمره 17 سنه ايكون اسرع في حرق السعرات الحراريه غير الشخص الكبير يعني فوق 35 هذا صعب وكل ماكبر على قولتهم دمر

2_ المشي على الاقل من 35 الى 50 دقيقه يومياً وحاولي على البحر لان ماده اليود مفيده وايد ..

3 _ تشربين 8 اغراش ماي على الاقل باليوم هذا ايساعد وايد على حرق الدهون

4_ ما تتركين اي وجبه من الوجبات الرئيسيه ولا الفرعيه لهي بين الوجبات .

5_ اشربي ماي قبل الوجبات بنص ساعه على الاقل

6_ الشاي الاخضر من غير سكر ولا سكر التوبيكانا 6 سعرات حراريه... القهوه عادي بس لاتكثرين منها لانها اتسبب تجاعيد بالوجه مبكره

7 _ اذا كلتي لا تاكلين حتى تشبعين ,, شي يسد الجوع بس

8 _ ابعدي عن التمارين الي فيها حديد وشد ورفع لانها ماتنفع في وقت التخسيس بالعكس اتثبت الوزن لان العضل ايزيد واحتمال يرفع الوزن بعد .. ويسبب تمزقات في الجسم .

9 _ حاسبي من الرز ( العيش ) الخبز والمعجنات المعكرونه الغازيات العصاير كلها والجزر و الكوافي ( الشوكليت )

وكان عندي برنامج انا اتبعته ماخذه من ابريطانيا لكل الاجسام السليمه يعني مافيج سكر ولا ضغط ابعيد الشر بغيت اطرشه لج بس مايصير وفيه حق تنحيف البطن بشكل ايبين في فتره بسيطه جداً

والله ايوفقج يارب
Chanel
02-11-2010, 03:24 PM
عزيزتي انا كنت متينه وايد ولله الحمد الان ضعفت بس لين الحين ماوصلت الهدف
اولا شرب ماي كثر ماتقدرين
انسي حاجه اسمها خبز وعيش في الاسبوع الاول
لاتشربين حليب ولا فاكهه في الاسبوع الاول بس اذا حسيتي بالصداع اكلي تفاحه
العشاء بدري نفس الفطور بيض وسلطه وجبن قليل الدسم بدون خبز
يمنع المشي الاسبوع الاول
ابتدي المشي الاسبوع الثاني 45 دقيقه والبسي شورت حراري واستخدمي كريمات على المناطق المزعجه ونتشوفين نتيجه حلوه...............زوالاسوع الثاني والثالث ابتدي دخلي توست الصويا في الفطور حبه وحده فقط ودخلي كوب عيش بدون دهن وملح خفيف في الاسبوع مرتين او ثلاث واعتمدي دائما في الغداء على المشوي مع السلطه او شوربة الخضار بون البطاطا والجزر
Chanel
02-11-2010, 03:27 PM
نسيت هذا نظام نيوترشن جربي الاسبوع الاول واذا نجحتي في تطبيقه عدل روحي لهم العياده علشان تتشجعين وقولي للدكتور خلصت الاسبوع الاول خذت النظام من صديقتي وابي نظام الاسبوع الثاني
واصدق الامنيات بالتوفيق
ولد المنصور
02-11-2010, 05:32 PM
والله نصيحه تقدرين تنزلين بهدوء دون ماتتعبين من الرجيم خففي الاكل شوي وخلي اكلج قليل الدسم وخبز اسمر وتخفيف السكر في الشرب وتخفيف الدهن والابتعاد عن البطاطا وخطر شي الاكل والنوم مباشرة اكلي اشي نفسج فسه بس خففس الكميه وشوفي بتنزلين شوي شوي والله انامجرب كنت انقص في الشهر 2 ال1 كيلو وافضل شي والله الموفق
حقيقه
03-11-2010, 12:26 AM
هاه وااايد ‏150...انا يوميا اسوي خمسين مرة غير المشي السريع
لمدة ساعة ونص واحيانا ساعتين...

بس بصراحة صج اضعف لكن بطيء..

اذا عندج تفاصيل تفيدني ياليت تراسليني....
بعد ماكان وزني ‏67‏ كجم وصل ل61‏ كجم...
واللحين وصلت52‏ وبصراحه ابي انزل اربع كيلوات..
يعني ابي اوصل48‏ كجم,,,اهم شي ابي اشد بطني...


48 كيلو :rolleyes2:

لو بالخمسين اعتقد يكون افضل :rolleyes2:

الحكايه ومافيها انه لازم الشخص يكون عنده اراده
ويخفف من الاكل بس بعد مايحرم نفسه من الاكل الصحي
عشان مايخسر الفيتامينات الضروريه للجسم ويمكن يتضرر بسبب نقصها
MyHighness
03-11-2010, 12:46 AM
حلووووووووو الله يوفقكم