المساعد الشخصي الرقمي

مشاهدة النسخة كاملة : && زيادة رواتب المدرسين والمدرسات .. نعمة .. ام نقمة عليهم ؟ &&


خليفـة
20-10-2010, 04:34 PM
نسأل الله تعالى ان تكون تلك الزيادة المُعلن عنها عن زيادة رواتب الموظفين في قطاع التعليم نعمة عليهم .. وان لا تكون نقمة عليهم .

ونسأل الله ان تكون تلك الزيادة تقديراً للجهد الكبير الذي يقومون به تجاه الطلاب .. وان لا تكون الزيادة مقابل الطاعة العمياء والانصياع اللا محدود لعنجهية وأوامر وتعليمات مديرة او مدير المدرسة .

لقد عانى موظفين القطاع التعليمي .. وبالاخص المعلمين ذكار ,واناث معاناه لم يعانيها احد .. تخبط في القرارات من المجلس الاعلى من جهة .. أخطاء بالعشرات في التعيينات بالمدارس بشكل لا يُعد ولا يُحصى .. تهديد بشكل مباشر او غير مباشر من قبل صاحب او صاحبة الترخيص .. وغير ذلك الحالة النفسية الغير مستقرة لكل معلم ومعلمة منذ بداية العام وحتى هذه اللحظة .

أسأل الله ان لا تكون هذه الزيادة مقابل طاعة المعلم او المعلمة بالحضور في ايام العطلة الاسبوعية عند الحاجة .. او بالعمل الاضافي من دون مقابل .. او بتحمل مشقات ساعات العمل الطويلة منذ الصباح الباكر وحتى اقتراب اذان العصر .

نتمنى ان تكون هذه الزيادة خالصة لوجه الله اولاً .. وان تكون لجذب المواطنين القطريين نحو تلك الوظيفة المُقدسة .. لا أقل ولا أكثر .


مالكم أمل
20/10/2010
04.35pm
ميمي 88
20-10-2010, 04:44 PM
يازين توقيعك بس يعور البطن:(

خل تنزل الزياده بعدين بقول لك نعمه او نقمه وبخصوص نطلع مع اذان العصر انا بدون زياده واطلع مع اذان العصر:(
السد
20-10-2010, 05:48 PM
يازين توقيعك بس يعور البطن:(

خل تنزل الزياده بعدين بقول لك نعمه او نقمه وبخصوص نطلع مع اذان العصر انا بدون زياده واطلع مع اذان العصر:(

الزيادة الى اذان الفجر !!
خليفـة
20-10-2010, 05:50 PM
يازين توقيعك بس يعور البطن:(

خل تنزل الزياده بعدين بقول لك نعمه او نقمه وبخصوص نطلع مع اذان العصر انا بدون زياده واطلع مع اذان العصر:(

ههههههههه
يعور البطن !!
لاتاكلين مشاوي .. وبتصير امورج طيبه ان شاء الله


الزيادة الى اذان الفجر !!

الله يرزق الجميع من فضله
السد
20-10-2010, 05:51 PM
الزيادة نقمة
واحلق شنبي لو قطري واحد بياخذ 40 الف ريال هذه السنة
خليفـة
20-10-2010, 06:00 PM
الزيادة نقمة
واحلق شنبي لو قطري واحد بياخذ 40 الف ريال هذه السنة


ربك كريم يالسد

والموس من الحين جاهز يالغالي
هههههههه
:nice:

http://up.3ros.net/get-10-2010-psgtvlei.jpg (http://up.3ros.net)
ميمي 88
20-10-2010, 06:40 PM
الزيادة الى اذان الفجر !!


الزيادة نقمة
واحلق شنبي لو قطري واحد بياخذ 40 الف ريال هذه السنة


مافهمت سالفه الفجر :( بس يعني لو بحسبها على فهمي بقول لك فعلا من اذان الفجر لــ اذان العصر واحنا من والى المستعمره :( يعني من تقوم الفجر والمدرسه تفحط في البيت وتستعد للدوام ومنها لحد مايجي الدريول واطلع مع اذان العصر:)

استحق الزياده صح:shy:


وع فكره بأذن الله بتجيي الزياده ... واستعد نفسيا لحلق الشنب ههههههههههه


مالك امل :( البلا بالفلوس مو بالمشاوي:weeping:
بوراشد82
20-10-2010, 07:40 PM
برنامج الدار أنكر الخبر ,,,,,,,,
دااانة قطر
20-10-2010, 08:03 PM
غريبه
ليش محد يبي يأكد الخبر
يبون يسوون مفاجأه
بسمة حزن
20-10-2010, 08:16 PM
كل سنه نفس الكذبه من 2008 الى 2010
نورالهدى
21-10-2010, 01:07 AM
الله يرزقكم جميعا
سوبر
21-10-2010, 11:48 PM
محد عانى وتخبط ألا اللي رفضوا ينضمون لمدارس مستقلة ( عشاق الراحة ) ...!!
وألا المعاريين اللي راحوا للمستقلة مرتاحين آخر راحة راتب عدل فوق العشرين وعلاوة تشجيعية فوق راتبهم
وورش تطوير أثناء الدوام ودورات لغة أنجليزية بالمعهد البريطاني على حساب المجلس الأعلى للتعليم
واللي يحب شغله راح يخلص له مهمن كان والله يخلي لنا القيادة الرشيدة ...
أن شاء الله الزيادة بتكون لهم نعمة وليس نقمة :nice:...
الأصيلة
21-10-2010, 11:54 PM
والله قلبي معورني على أهل قطر
يفرحون بالأربعين ألف...
والعرب الآخرين ممن يحملون الجنسية الأمريكية والبريطانية والكندي
يتمتعون بـ مئات الآلاف وهم لايفقهون شيئا...
ومجهودهم لايصل لـ ربع مجهود المدرسين والمدرسات...
صارت ها المواضيع ترفع ضغطي لأنها تذكرني بمن يحتال علينا بكم كلمة وياخذ خير البلد...
دمروا التعليم ونفسيات المعلمين وهم في راحة تامة واستقرار..
هذه حقيقة 100% لا أحد يقول تتخيلين يا الأصيلة...

اللهم أظهر الحق وطهر أرض العلم منهم...
خليفـة
22-10-2010, 12:19 AM
برنامج الدار أنكر الخبر ,,,,,,,,
الله يعين ان كانت مجرد اشاعة


غريبه
ليش محد يبي يأكد الخبر
يبون يسوون مفاجأه
متفائلين خير ان شاء الله


كل سنه نفس الكذبه من 2008 الى 2010
الله المستعان ان كانت مجرد كذبة
:(


الله يرزقكم جميعا

[اللهم امني
QUOTE=سوبر;6496390]محد عانى وتخبط ألا اللي رفضوا ينضمون لمدارس مستقلة ( عشاق الراحة ) ...!!
وألا المعاريين اللي راحوا للمستقلة مرتاحين آخر راحة راتب عدل فوق العشرين وعلاوة تشجيعية فوق راتبهم
وورش تطوير أثناء الدوام ودورات لغة أنجليزية بالمعهد البريطاني على حساب المجلس الأعلى للتعليم
واللي يحب شغله راح يخلص له مهمن كان والله يخلي لنا القيادة الرشيدة ...
أن شاء الله الزيادة بتكون لهم نعمة وليس نقمة :nice:... [/QUOTE]
ان شاء الله ان يشمل الخير الجميع
عشاق الراحه وعشاق التعب


والله قلبي معورني على أهل قطر
يفرحون بالأربعين ألف...
والعرب الآخرين ممن يحملون الجنسية الأمريكية والبريطانية والكندي
يتمتعون بـ مئات الآلاف وهم لايفقهون شيئا...
ومجهودهم لايصل لـ ربع مجهود المدرسين والمدرسات...
صارت ها المواضيع ترفع ضغطي لأنها تذكرني بمن يحتال علينا بكم كلمة وياخذ خير البلد...
دمروا التعليم ونفسيات المعلمين وهم في راحة تامة واستقرار..
هذه حقيقة 100% لا أحد يقول تتخيلين يا الأصيلة...

اللهم أظهر الحق وطهر أرض العلم منهم...
الاصيلة .. مثل كل مرة
تثرين الموضوع بمداخلاتجد القيمة
واتفق معاج بكل حرف كتبتيه
شكرا لمرورج الكريم
**هـتــــــان**
22-10-2010, 12:31 AM
والله بتشوفون ان جان الخبر صادق مستحيل يعطون المدرسين والمدرسات هالمبلغ وبيحطون شروط تعجيزيه اولها الرخصه المهنيه بتصير اصعب وبيصير محد ياخذ الامتياز الا بطلوع روحه عشان مايعطوة المقابل ومب بعيد يربطون الراتب بدورات خارج البلد للمعلمه لانه يدرون ان الازواج ماراح يوافقون وبها الطريقه يكون خسرت المعلم 20 الف ههههههههه وتمت على الراتب اللي ياخذونه حاليا البعض شفتوا شلون ...:) ايه ومب بعيد يقولون لها اذا سمحتي ممكن تعيدين تدرسين من جد وجديد جامعه .. بالاضافه الى انج تدرسين ...يعني اشياء تعجيزيه وبالنهايه بيقولون المدرسين مب حابين يتطورون ...:tease:









الهدوءءءءءءءءءءءءءءء اللي يسبق العاصفه :weeping:
ميمي 88
22-10-2010, 12:34 AM
والله قلبي معورني على أهل قطر
يفرحون بالأربعين ألف...
والعرب الآخرين ممن يحملون الجنسية الأمريكية والبريطانية والكندي
يتمتعون بـ مئات الآلاف وهم لايفقهون شيئا...
اللهم أظهر الحق وطهر أرض العلم منهم...


واحد من الي ذكرتيهم فوق واقف مع شباب قطريين مر عليه رنج اخر موديل قال للشباب بكم سعره قالو له السعر قال يعني راتب شئ شهرين :) يعني ممكن يقصد راتب ونص:)
الغريب3
22-10-2010, 12:44 AM
يازين توقيعك بس يعور البطن:(

خل تنزل الزياده بعدين بقول لك نعمه او نقمه وبخصوص نطلع مع اذان العصر انا بدون زياده واطلع مع اذان العصر:(

الله يعينج لين العصر ويعين غيرج الي يجلس لين العشاء والهدف هو (التطوير المهني )
بوحارب
22-10-2010, 02:26 AM
الحين نبي نعرف اذا السالفة صج ولا لا !!

وعقب بنتكلم عن الزيادة اذا نعمه او نقمة

مالكم امل اذا الزيادة حقيقة وليست خيال تراني باخذ لي مدرسة واذا تبي اشوف لك وحده عندها اخت مب مشكلة

احمد ربك بعد بتصير عديلي ههههههههههههههههههه
خليفـة
22-10-2010, 09:48 AM
الحين نبي نعرف اذا السالفة صج ولا لا !!

وعقب بنتكلم عن الزيادة اذا نعمه او نقمة

مالكم امل اذا الزيادة حقيقة وليست خيال تراني باخذ لي مدرسة واذا تبي اشوف لك وحده عندها اخت مب مشكلة

احمد ربك بعد بتصير عديلي ههههههههههههههههههه

صج انك ولد فقر
انا الحين اخطط على مديرة وانت تبي تشوف لي مدرسة !
صج ماينعطون ويه الفقارة
ههههههههههه
:nice:
unless
22-10-2010, 10:27 AM
اعتقد إن صح الخبر
يجب تحقيق شروط هيئة الاوقاف اولاً
قبل الاستحقاق
نور اعيوني
22-10-2010, 10:32 AM
اتوقع الخبر صحيح بس مب هالمبالغ المذكوره..
خليفـة
22-10-2010, 02:30 PM
اعتقد إن صح الخبر
يجب تحقيق شروط هيئة الاوقاف اولاً
قبل الاستحقاق
ياليت تفيدنا اخوي ماهي هذه الشروط ؟؟


اتوقع الخبر صحيح بس مب هالمبالغ المذكوره..

يستاهلون هالمبالغ واكثر على هالمعاناة الي شافوها والله