عملية في العين لإزالة الماء الأبيض

[مساهم فنان]

أخواني ، السلام عليكم ، الوالد في عينه ماء أبيض ويحتاج لعملية في العين ، وبما أن العين أغلى ما يملكه الإنسان ...أنا أريد أن يقوم بالعملية دكتور ممتاز سواء في مستشفى حمد أوفي عيادة خاصة ...
أخواني من يعرف دكتور ممتاز يذكر اسمه وعنوانه حتى ناخذ الوالد له ... ولكم مني خالص الشكر .

[383 STROKER]

الله يشفي الوالد ويقومه بالسلامه
الوالد سوها عند الدكتور فهد القحطاني من سنتين والحمدلله نجحت العملية والدكتور ممتاز ومعروف في قطر. وشكرا

[Hamood512]

نفس ماقالك اخوي ستروكير فهد القحطاني من احسن الدكاتره في قطر وهو معروف وانا انصحك لاتفكر في غيره

[نور اعيوني]

عندك المستشفى المغربي اللي بالاهلي دكاترتهم شااااطرين بالعين ام رفيجتي سوت نفس العمليه عندهم وانجحت ولله الحمد اذا تبي بسال لك عند اي دكتور وبرد عليك..والله يشافيه لكم ويعافيه..اللهم امين..

[ahmed jasim]

وحدة من الأهل سوت نفس العملية
العين الأولى فى عيادة الدوحة (الدكتور فهد مع دكتور زائر مصري)
ونجحت
بعد 3 أشهر
سوت العين الثانية فى مستشفى حمد عند الدكتور فهد
وفشلت (نزيف داخل العين) وفقدت النظرمنها

الدكتور يقول
نسبة الفشل ضعيفة ويمكن لها علاقة بالسن !!

توكل على الله وبالتوفيق للوالد

[غبيش]

والله اذا تقدر تروح البحرين عندك الدكتور مؤمن الريفي
والدكتوره هيفاء
وتحياتي

[فزالخفوق]

اخوي اذا تقدر تروح دبي ( المستشفى الامريكي ) ماشاء الله وااايد ممتاز

انا الوالده سوت عمليتها تقريبا من 5 سنين ونظرها الحين الحمدلله ممتاز

والحين بتسوي الثانيه

وعندي بعد من الاهل راحوا له

انصحك تروح دبي

وربي يشفي الوالد

[الـقـاسـي]

والله في الدوحة اللي اسمعه انه فهد القحطاني .. عموما انا اعرف واحد سواها وهي بسيطه يسويها ماتاخذ نص ساعه

[بنت الجسرة]

الوالدة سوتها في مستشفى حمد عند الدكتورة فاطمة المنصوري

[muhanna]

الاستشاري الدكتور اشرف شكري في المستشفى الاهلي قسم المغربي للعيون دكتور تقي ومتدين وعمل لاختي في العينين منذ ثلاث سنوات ونظرها ممتاز الله يشفيها وللعمر تأثير

[بودحوم]

الدكتور عبدالعظيم . ممتاز
في مستشفى العمادي

والله يشفي الوالد إن شاء الله

[toomi9]

فهد القحطاني
من فترى يدتي مسويتها عنده
والله يشفي والدكم

[مساهم فنان]

الأخوة :
383 STROKER
وHamood512
وahmed jasim
والـقـاسـي
وtoomi9
أشكركم على النصيحة باختيار الدكتور فهد القحطاني لإجراء العملية .
____________________
الأخوة :نور اعيوني وmuhannaياليت أعرف اسم الدكتور .
_____________________
الأخوة :غبيش و فزالخفوق للأسف ما أقدر أوديه دبي أو البحرين ، مايقدر على السفر .
_____________________
الأخت :بنت الجسرة شكرا على ترشيح فاطمة المنصوري .
____________________
الأخ :بودحوم ، هل تعرف أحد جرى عملية عند الدكتور عبدالعظيم في مستشفى العمادي ؟


أكرر شكري للجميع .

[بودحوم]

الأخوة :
383 stroker
وhamood512
وahmed jasim
والـقـاسـي
وtoomi9
أشكركم على النصيحة باختيار الدكتور فهد القحطاني لإجراء العملية .
____________________
الأخوة :نور اعيوني وmuhannaياليت أعرف اسم الدكتور .
_____________________
الأخوة :غبيش و فزالخفوق للأسف ما أقدر أوديه دبي أو البحرين ، مايقدر على السفر .
_____________________
الأخت :بنت الجسرة شكرا على ترشيح فاطمة المنصوري .
____________________
الأخ :بودحوم ، هل تعرف أحد جرى عملية عند الدكتور عبدالعظيم في مستشفى العمادي ؟


أكرر شكري للجميع .


يوم الخميس الماضي مسوي عملية إزالة الشعر اللي ينمو في الجفن من الداخل . لوالدتي
وهي كبيرة في السن . والحمد لله العملية ناجحة . وكلمناه عن ماء العين . قال لازم بعد 5 شهور أو 6 شهور من بعد العملية الأولى .

احنا سألنا عنه قبل لانودي الوالدة وللأمانه الكل يمدحه .

روح له بكره وقابله وأشرح له كل شي

مع العلم أن مسجلين في في أكثر من مستشفى في قطر والبحرين في انتظار زائر متخصص

ولكن بعد ماشفناهم تأخروا في الرد توكلنا على الله وسوينا العمليه عند الدكتور عبدالعظيم
وخصوصاً بعد ماقابله أخوي ويقول لمست الثقه في الدكتور بالإضافة إلى مدح الناس له

للعلم اخوي
أن عملية سحب الماء من العين أسهل من عملية إزالة نمو الشعر للداخل في الجفن

[شبح الصمت]

أخواني ، السلام عليكم ، الوالد في عينه ماء أبيض ويحتاج لعملية في العين ، وبما أن العين أغلى ما يملكه الإنسان ...أنا أريد أن يقوم بالعملية دكتور ممتاز سواء في مستشفى حمد أوفي عيادة خاصة ...
أخواني من يعرف دكتور ممتاز يذكر اسمه وعنوانه حتى ناخذ الوالد له ... ولكم مني خالص الشكر .



الله يشفيه لكم ويعافيه

اخوي مساهم تبون سووها في جده - السعودية عمي الله يحفظه رجال كبير ويطول بعمره سحبو منه الماي الي في عيونه وحطو له عدسه داخل العين لمدى الحياة والحمد لله الحمد لله احسن من قبل بواجد ,, اذا تبي اجيب لكم اسم المستشفى تبشر
وان شاء الله باقي الاخوان يفيدونكم
والف لا باس عليه

[رجل مثالي]

في دكتوره في مستشفى الرميله عملت عمليه للعم حفظه الله عن نفس الموضوع وتكللت العمليه بالنجاح أسأل عنها في المستشفى لاني نسيت أسمها ويمكن تكون قطريه

[رجل مثالي]

ونسألكم الدعاءلاني أنا بعد أتعالج من القلب والله يشفينا جميعا أنشاءالله دعواتكم