اقتباس رد الأخت ............!!!

[الأصيلة]

خلهم يستانسون على الاقل داخل بلدهم بين ربعهم واهلهم
مو نفس الشباب اللي مايحتلفون الا بتايلند ولا هالدول !

لما يصير الحفل اللي بالفندق مختلط وخمر تفضل تكلم عن هالموضوع

كرهتو البنات بنفسهم

لدرجة ان طلعوا من انوثتهم ونصهم استرجلوا حتر مايكونون مسمى " بنت " عار على المجتمع

بنت ساقت !
بنت سافرت !
بنت وقفت عند الكرك تطلب قلة ادب ؟
بنت راحت مجمع !
بنت عندها جوال !

الى متى هالنقاشات ؟

الى متى البنت تعتبر مالها والي ومب متربيه ولازم امها تقابلها في العرس او الحفله عشان تحرسها ،محد يتكلم عليها ؟

الله يهديكم بس

يالاصيلة اسلوبج حلو بالكتابة ولكن هالمواضيع تفتح باب مانخلص منه



أفردت لـ مشاركة إحدى الأخوات موضوع خاص
لكي أرد على تساؤلاتها العقلانية فعلا...
في موضوع البنات وحفلات الفنادق الخاصة...
فأعذريني أختي العزيزة ...


خلهم يستانسون على الاقل داخل بلدهم بين ربعهم واهلهم
نعم خلهم يستانسون في بلدهم وعندهم ألف مجال ومجال
يقدرون يستانسون فيه..
لكن بطريقة ما تغضب رب العالمين
ثانيا: ماتسيء لـ سمعتهم كـ بنات مقبلات على الزواج وتأسيس أسرة
هذا الدور الرئيسي الذي يرفضهم الأغلبية
لأنه يقيد الحرية التي كانوا عليها قبل الزواج كـ الخروج لمثل هذه الحفلات والوناسة...

لما يصير الحفل اللي بالفندق مختلط وخمر تفضل تكلم عن هالموضوع
لو قريتي كل المشاركات بتلقين من يأكد إن بعض الحفلات مختلط
وإن البنات الخارجات عن الطبيعة تعد بتصرفاتها كـ رجل
وإن البنات ماتستبعدين عليهم الخمر وأشياء ثانية
لأن الشيطان كل شوي يزين لهم منكر وهم يسيرون وراه...

كرهتو البنات بنفسهم
لدرجة ان طلعوا من انوثتهم ونصهم استرجلوا حتر مايكونون مسمى " بنت " عار على المجتمع
إلا هم اللي كرهوا نفسهم عند الناس
وعند من يرغب بالزواج من بنات مستورات يستاهلون تأسيس أسرة...
واللي خلاهم يطلعون من طبيعتهم هي
التربية الخاطئة وإهمال الأهل
والإنفتاح على الغرب...
والبنت ماتصير عار على المجتمع إلا لما هي تخرج عن دورها الطبيعي
وتقلد كل شارد ووارد..

بنت ساقت !
بنت سافرت !
بنت وقفت عند الكرك تطلب قلة ادب ؟
بنت راحت مجمع !
بنت عندها جوال !

الى متى هالنقاشات ؟
ها النقاشات بتستمر حتى يتم إنقاذ البنت من الضياع اللي جلبته لنفسها
لكن مانعترض على كل اللي تسوي ها الأشياء باحترام
تسافر وتسوق وتطلب كرك
وتروح المجمعات وتمتلك جوال
كل هذه مباحات لا غبار عليها
لكن يكون باحترام بدون ان تتخلى عن أدبها وحشمتها وسترها...

الى متى البنت تعتبر مالها والي ومب متربيه
ولازم امها تقابلها في العرس او الحفله عشان تحرسها ،محد يتكلم عليها ؟
نعم البنت في سن المراهقة تحتاج يكون معاها
حارس يحميها من مداخل الشيطان اللي يزين لها ما لايخطر على البال...
ونحن في مجتمع محافظ يبحث عن البنت العاقلة المستورة اللي تعمل حساب
لـ مراقبة ربها والناس وسمعة أهلها
حتى إنها تشرف أي رجل يمسّكها زمام حياتها وأسرته وعياله..
بعض البنات هداهم الله استكثروا على أنفسهن الإرتباط بالزوج
اللي له حقوق وواجبات وصار الزواج عندهم لعبه
مايعرفون قدسية هذا العقد...
فـ على أتفه الأسباب تطلق فك الإرتباط والطلاق
( سينما ـ خروج للمطعم ـ سفر )
من كثر اختلاطها بالصديقات الأشكال والألوان
صارت تقلد هذي وتحاكي ذيك وتبغي حياتها صورة من حياة الثانية..
وكل وحده تخرب علاقة صديقتها بزوجها ...
وأمور جعلت الطلاق أبسط وأسهل الحلول..
ولما تحمل صفة مطلقة
تنال الحرية المزيفة وهي بنت الـ 20 خريف وتطلع وتدخل على كيفها
وتعرض سمعتها للقيل والقال...
رحنا وإلا جينا مجتمعنا المحافظ لا يقبل بذلك...

وماننكر إن 80% من العائلات يرفضون حرية البنت
ويخافظون عليها ويربونها التربية الصحيحة المطلوبة
وبناتهم والله كفو تقدر تفتح بيت وترعى أسرة
وتربي أجيال...
ومايمنع إنا نطالب الـ 20 % الباقي يكون في نفس مستواهم
ويبتعدون عن اللعب بالسمعة والدين والشرف...

يالاصيلة اسلوبج حلو بالكتابة ولكن هالمواضيع تفتح باب مانخلص منه
الله يحلي أيامج عزيزتي
وها المواضيع اللي تقولين عنها تفتح باب مانخلص منه..

انا قاصده فيها والله يعلم بنيتي تنبيه الغافلين والغافلات عن بناتهم وعياله
اللي ضاعوا بين لهو الأم والأب بحياتهم الشخصية
لـ حد مايجي اليوم اللي يندمون فيه لـ يضاع الولد أو البنت..
وتربية البنات مسؤولية لـ درجة إنها تتحكم في مصير الوالدين
للجنة أو للنار يوم القيامة..
الأمر ليس سهل كما تتصورين...
البنت لازم نربيها لـ تربي أجيال من بعدها ولا نربيها
لـ ترقص وتسهر في فنادق ونوادي...

الشجون كثيرة في هذا الأمر
ولكن لايمنع إن نتداولها بين حين وآخر لـ نعالجها ونتخلص منها للأبد...
ونطهر مجتمعنا منها...
فالمسؤولية تحتم علينا ذلك..
ولـ عله أضعف درجات تغير المنكر...
فلا تحرمينا من هذا الأجر البسيط...
شكرا لك أختي ...... ...
المعذرة على خلط الكلمات الفصحى بالعامية في الموضوع...

[تبتلشٍ]

صراحه جنت ع نفسها مختارتج الا انتي لي مترضيين بالغلط

[عزيزوف]

كفو يالاصيله:nice:

هاي شكلها وحده مراهقه :tease:

[V!P]

:nice:
:nice:
:nice:
:nice:

كلمه حق :victory:

[انتر ميلان]

بنت ساقت !
بنت سافرت !
بنت وقفت عند الكرك تطلب قلة ادب ؟
بنت راحت مجمع !
بنت عندها جوال !

الى متى هالنقاشات ؟
ها النقاشات بتستمر حتى يتم إنقاذ البنت من الضياع اللي جلبته لنفسها
لكن مانعترض على كل اللي تسوي ها الأشياء باحترام
تسافر وتسوق وتطلب كرك
وتروح المجمعات وتمتلك جوال
كل هذه مباحات لا غبار عليهالكن يكون باحترام بدون ان تتخلى عن أدبها وحشمتها وسترها...

color]


متأكدة ان طلب الكرك مباح ولا غبار عليه ؟؟ :secret:

[شبح الصمت]

ارحم الله والديج اختي الاصيلة

واختي ..........

اعذريني

بس في نظر المجتمع البنت الي تروح فنادق وتجلس في مثل هالحفلات ليش تروح وليش نتكلم عنها لانها رايحه للهوء والعفيسه والخربطه وما نبي نقول سوالفهم البويات والي مب متزوجه والي تخربط :secret:

وليش ما يروحون مركز موزه والا ندوة دينية والا برامج فتيات يا كثر البرامج التوعوية والدينية الي يسوونها خواتنا في الجامعات وفي الجمعيات الخيرية ( توقعين لو راحت هالامكان كانوا العالم بيتكلمون عليها ) .. طبعا لا لانه في شيء يستر عليها وينفعها

وبخصوص تروح صوب كرك .. تروح عادي اذا اهي حاشمه نفسها اما ماره والقذلة طايحه لين السكان ومعها رفيجتها ويتضحكون والأغاني وتغلغص نفسها بين الشباب اسمحي لي اختي هذه ما تستحي على وجها .

وثالثا لو راحت المجمع عادي ما فيها شيء خليها تروح وتستانس وتشترى اما تروح وتقعد بس تفتر في المجمع والا خريطة في يدها ووراءها صفة شباب ومكياج والشعر طالع والدفه مخصرة !! هل هذا تشوفينه شيء طيب

وعن سفرات تايلند الي تقول الشباب والله الي يخاف من رب العالمين ويخاف الامراض مب لازم انه يخربط وكلنا نعرف تايلند سمعتها زفت بس تايلند رخصية وطبيعة وفيها اشياء حلوه ورد واقولج في كل ديرة مقبرة والخربطه موجوده اهنيه والا اهناك

ترى بقولج شيء ترى الشيطان يفتح لج ابواب المعصية بكل سهولة ويسهلها لج لا تفكرين انه صعب صدقيني اسهل من سوالف الخربطه مافي اسهل منها

يا بنات خافوا الله في الشباب والله خافوا الله

ترى الشباب مساكين كله اللوم عليهم وانهم وانهم من الاشياء الي يشوفونها

قاموا يتخششون الشباب في المجالس والله انه نتخشش ما ندخل مجمعات والا ندور مب عني انا عن شباب وايد وأسالوا اغلب شباب المنتدى وين جلساتهم ..

يقولون لكم يـ في البر أو في البحر أو في المجلس أو في العزبة في الحر في البرد هذه حالنا

اختي الاصلية اكتبي وابدعي بس حاولوا تنصحون وداري مهما بتنصحون مافي فايده

لانه في اشكال مهما تنصحين فيها تسمع يمين وتخر يسار

اللهم اغفر لي والوالدي يارب
اللهم اغفر لي وارحمني برحمتك

[الأصيلة]

كفو يالاصيله:nice:

هاي شكلها وحده مراهقه :tease:

لا أعتقد ..بالعكس الأخت تنظر للأمر بمنظور آخر
ولعله صحيح ولكن يحتاج تعديل...
وأختلاف الرأي لايفسد للود قضية...
ولم أضع الإقتباس والرد لـ أقلل من شأن الآخرين...

[الأصيلة]

متأكدة ان طلب الكرك مباح ولا غبار عليه ؟؟ :secret:

طبعا متأكدة...

[الخير كله]

شبح الصمت اذا مهب متزوج بازوجك بنتي
والله انك كفو:nice:

[الأصيلة]

شكرا ياشبح الصمت على المداخلة والرد الوافي...

يا بنات خافوا الله في الشباب والله خافوا الله
ترى الشباب مساكين كله اللوم عليهم وانهم وانهم من الاشياء الي يشوفونها
وانا أقول بعد ياشباب خافوا الله في البنات..
تراهم والله خواتكم وبنات عمكم وبنات خوالكم ...
واللي ماترضونه على شوفاتكم لاترضونه على شوفات الناس...
الكثير من الشباب مستهتر بـ سمعة بنات خلق الله
بحجة إنها هي تغلط فـ تستاهل ...
المفروض أصحح خطأها ما أساعدها عليه...
وأعينها وما أعين عليها...
واللي قاعد يعاكس البنت ويكلمها..
فيه غيرك يعاكس ويكلم وحده من أهلك ويلعب عليها...
فأتقوا الله في بناتكم بغض البصر عن بنات الناس...

[بـــــــنت النوخـّــــذه]

مواضيعج يالاصيله مميزه والي يعجبني فيها ان هدفها سامي:)



طبعا" الاخت الي قالت هذا الكلام يعبر عن رأيها ولا يعبر عن رأي المجتمع وكلن له حرية التعبير 000ولكن انرد وانقول يمنع منعا" باتا" خروج البنت دون محرم او ولية امرها او شخص عاقل محرم معها التربيه/التربيه/التربيه الصالحه تاج على رأس كل فتاه
وحيا الله الحكره دامها بتصوني وبتحافظ عليّ:nice::nice:

[do7awi]

البنت ما قالت شي غلط. و للكل وجهة نظر.

صحيح .. مجتمعنا ذكوري بزود و هذا غير صحي.

ما احتاج افتح ابواب اكثر من المفتوحة . لكن اتمنى ان يتم التحاور بطريقة منظمه حتى يعم الخير على الكل.

انتم ما بتقنعوني بوجهة نظركم و انا ما راح اقنعكم لو ايش صار. لكن تبادل وجهات النظر مافيه شي.

[الأصيلة]

البنت ما قالت شي غلط. و للكل وجهة نظر.

صحيح .. مجتمعنا ذكوري بزود و هذا غير صحي.

ما احتاج افتح ابواب اكثر من المفتوحة . لكن اتمنى ان يتم التحاور بطريقة منظمه حتى يعم الخير على الكل.

انتم ما بتقنعوني بوجهة نظركم و انا ما راح اقنعكم لو ايش صار. لكن تبادل وجهات النظر مافيه شي.

نعم وهذا مانريد أن نقوله ونفهمه..
فقط أنا أفردت للرد موضوع لأن وجهة نظرها صحيحة
ولكن تحتاج بالمقابل إلى وجهة نظر أخرى تعادلها...

[khalid-qtr]

كفوو عليج يا الاصيلة

بالفعل انتي نكج اصيلة ومبين عليج اصيلة

اما رد الاخت مبين من اسلوبها انها مراهقة وخلت امور اهم ودور الله خصصة للمرة وفكرت بطريقة غربية مريضة

عشر نجوم لج يا الاصيلة سجلين من معجبينج :nice:

[رهيباوي]

بصراحه ... كفو ياشبح الصمت ... على راسي

[الأصيلة]

مواضيعج يالاصيله مميزه والي يعجبني فيها ان هدفها سامي:)



ولكن
الحذار يالاصيله من اقتباس ردود الاعضاء واستغلال البعض الرد في القذف والسب 000كنت اتمنى انج شلتي النك نيم الخاص بالعضوه الي اقتبستي ردها وخليتي التعليق بدون ذكر اسم 0000000 لان ألحين انتي تبغين اتحلين مشكله وطحتي بمشكله ثانيه ألا وهي التشهير بردود الاعضاء بذكر نكهم 00طبعا" انتي اخت فاضله وادري مهب قصدج هذا ولكن من خلال الردود لبعض الاعضاء اتضح ليّ ذلك00

نرجع لمحور حديثنا التعليق :
طبعا" الاخت الي قالت هذا الكلام يعبر عن رأيها ولا يعبر عن رأي المجتمع وكلن له حرية التعبير 000ولكن انرد وانقول يمنع منعا" باتا" خروج البنت دون محرم او ولية امرها او شخص عاقل محرم معها التربيه/التربيه/التربيه الصالحه تاج على رأس كل فتاه
وحيا الله الحكره دامها بتصوني وبتحافظ عليّ:nice::nice:

شكرا يابنت النوخذه للتنبيه
لكن الله يعلم لم أقصد تعريض الأخت للسب والشتيمة...
بالعكس أنا عجبني ردها وحبيت أعطيه حقه من المداخله...
واللي بيستغل ها الموضوع لأمر آخر فهذا يدل على شخصيته وذوقه واسلوبه واخلاقه...

تحية لـ مشاركتك وحضورك دائما بالفائدة والمنفعة...

[بـــــــنت النوخـّــــذه]

كح كح
<<< زين يا الاصيله مسحتي نك البنت بارك الله فيج 0وانتي اخت اصيله ومواضيعج يجب ان تكتمل الاصاله بها 0واتمنى من باقي الاعضاء عدم اتهام العضوه بضعف الوازع الديني او غيره من الامور حبذا يتم الرد بشكل عام <<<نصيحه لوجه الله:)


سلام (ن) عليكم

[الأصيلة]

كفوو عليج يا الاصيلة

بالفعل انتي نكج اصيلة ومبين عليج اصيلة

اما رد الاخت مبين من اسلوبها انها مراهقة وخلت امور اهم ودور الله خصصة للمرة وفكرت بطريقة غربية مريضة

عشر نجوم لج يا الاصيلة سجلين من معجبينج :nice:

شكرا اخوي بس ياليت ما تنقد وتمدح في نفس الوقت...
الأخت أحترم وجهة نظرها جدا جدا ..
ونبهتي لـ شي كنت غافلة عنه...
فما فيه داعي نظن الآخرين ...

[بو خليفه 123]

أنا شخصياً اؤكد كلام الاخت الاصيله على الحفلات التي تتضمن فيها الخمور و الخ الخ ..


و شنهي الوناسه بالحفله لما البنت ترقص مع وحده مسترجله ؟ و ينتهي الرقص بـ .... !؟


الوناسه مش حرام لكن في حدود المعقول .. و اتمنى هنا تدخل رجل الأسره بالموضوع و ان يكون حازم بذهاب اخته او زوجته الى هذي الاماكن .. والشيء الادهى من ذلك لما تشوف "أمهات" عندهم عيال في حفلات مشابهه !



دور الرجل هنا قيامه بواجبه كـ رب أسره محترم .. يعدل بين المجالس و رحلات الشباب و الرحلات الأسريه مثل الذهاب للمطاعم , السينما , المجمعات , التسوق الخ الخ اياً كانت مع زوجته و ابنائه حتى لا يحسون بالتقصير او التفكير بالذهاب الى الاماكن المذكوره مع شخص آخر و يكون لديهم العذر ..


و أنا مؤيد لكلام اخي شبح الصمت كلامه لا غبار عليه و مطلي من ذهب ... الوازع الديني نفتقده هذه الايام و عواقب هذا التقصير هي الحفلات الي مالها لا اول ولا تالي ..

[مرتبش]

كان من الافضل التعليق في الموضوع "القديم" نفسه
بدل افراد موضوع جديد ..هنا تحول الموضوع وصار شخصي والردود لن تساعد في توضيح اي شي

شكرا لكم

[بور بلاك]

كفوو عليج يا الاصيلة

[Doha Sun]

يا بنات خافو الله .. على اعماركم
يا بنات خافوا الله .. على سمعتكم
يا بنات خافوا الله .. من عيال ابليس
يا بنات ارجعو لله .. حافظو على صلاتك ودينكم
ويالله بالستر ..

[هبوب الكوس]

مواضيعج يالاصيله مميزه والي يعجبني فيها ان هدفها سامي:)

؟

طبعا" الاخت الي قالت هذا الكلام يعبر عن رأيها ولا يعبر عن رأي المجتمع وكلن له حرية التعبير 000ولكن انرد وانقول يمنع منعا" باتا" خروج البنت دون محرم او ولية امرها او شخص عاقل محرم معها التربيه/التربيه/التربيه الصالحه تاج على رأس كل فتاه
وحيا الله الحكره دامها بتصوني وبتحافظ عليّ:nice::nice:

وين الكلام الي نمسح كنت ابي ابصمله :telephone:

[بـــــــنت النوخـّــــذه]

وين الكلام الي نمسح كنت ابي ابصمله :telephone:

ليش مادشين بسرعه خلاص راح عليج الرد مره ثانيه علقي بسرعه :nice:

[هبوب الكوس]

ليش مادشين بسرعه خلاص راح عليج الرد مره ثانيه علقي بسرعه :nice:

معاج رجل راااااااااااااااااااجل :waiting:

[بـــــــنت النوخـّــــذه]

معاج رجل راااااااااااااااااااجل :waiting:

:D

:cool:

المعذره يارجل
واذا بغيت اعيد لك التعليق السابق الي علقته عادي كعربون اعتذار مني بس بتعب المشرفين بالحذف :)

[هبوب الكوس]

:D

:cool:

المعذره يارجل
واذا بغيت اعيد لك التعليق السابق الي علقته عادي كعربون اعتذار مني بس بتعب المشرفين بالحذف :)

مايحتاج اختي تعيدين :nice:

[حقيقه]

أتركو عنكم المثاليه الزايده الدنيا ماعادت نفس قبل

[الخفي]

أتركو عنكم المثاليه الزايده الدنيا ماعادت نفس قبل



(( هل انتقاد السلبيات والمنكرات ادعاء للمثاليه

هل انكار المنكر ادعاء للمثاليه

نسكت عن المنكرات حتى ماندعي المثاليه

سبحان الله على تفكير البعض ))

[الأصيلة]

أتركو عنكم المثاليه الزايده الدنيا ماعادت نفس قبل

إن شاء الله...
لكن تأكدي أختي حقيقة إن المثالية موجودة...
وحرص الأمهات على بناتهم وخوفهم عليهم
مايعتبر مثالية ..
هذا شيء طبيعي لازم مايتغير ولا يتبدل
والحمد الله ...وعسى الله يثبتنا مازلنا عليه ونربي بناتنا يكونوا أيضا عليه مع بناتهم وعيالهم في المستقبل
وإن شاء الله تتوارثه الأجيال جيل بعد جيل...

الدنيا بخير ...والتغيير اللي يصير أحنا مسَلَمِين فيه وغصب علينا...
لكن يتغير كل شي فينا إلا الدين مالازم يتبدل في نفوسنا
والخوف من الله يبقى في القلوب مايتغير أبد..

[الصريحه]

معاك حق
الله يهداها ويصلحها

[ملسونه]

لو مطرشها لها الرد ع الخاص يكون افضل

[الأصيلة]

لو مطرشها لها الرد ع الخاص يكون افضل

كلامك صح لو كنت أبغي أعاتبها على ردها أو أوضح لها بنفسها...
لكن أنا اقتبست وجهة نظرها اللي رحبت فيها وحطيتها على راسي من فوق
لأنها تعبر عن رأي حر ضمنها الإسلام لنا لإبدائه في أي وقت
ولا يحق لنا الحيلولة دونه او منعه..

المسألة وكل مافيها إنها ماكتبته الأخت أثار في نفسي
شي وتوقعت أن الكثير يحمل هذه النظرة لما نكتبه من مشاكل خاصة بالمراهقات ونحاول تنبيه الأهالي لها...
فحاولت ان أبدي وجهة نظري لما كتب في الرد فقط لا أكثر...

وشكرا يا ملسونه...

[سبشل]

كفووووو عليج والله

والله يعين هالبنت

[عنوووود]

الرد عليها بفتح موضوع جعلها في الجانب الآخر " وقد لا تقصد ما فهمه الأغلبية "

فأحيانا فيه ضغظ على بعض البنات في بعض العائلات لدرجة تجعلهم يقولون " طفشنا " وهم لا يعرفون من الدنيا شي .

"اللهم إرحمنا برحمتك التي وسعت كل شي "

[اخر العنقود]

http://bnat4ever.com/vb/webaty_uploader/1245456363xzwj901802822.gifhttp://bnat4ever.com/vb/webaty_uploader/1245456363xzwj901802822.gifhttp://bnat4ever.com/vb/webaty_uploader/1245456363xzwj901802822.gifhttp://bnat4ever.com/vb/webaty_uploader/1245456363xzwj901802822.gifhttp://bnat4ever.com/vb/webaty_uploader/1245456363xzwj901802822.gif
ايوووووووواه يعطيج العافيه اختي الاصيله على التوضيح

الله يهدى الجميع

[Ross]

ترى الشباب مساكين كله اللوم عليهم وانهم وانهم من الاشياء الي يشوفونها

قاموا يتخششون الشباب في المجالس والله انه نتخشش ما ندخل مجمعات والا ندور مب عني انا عن شباب وايد وأسالوا اغلب شباب المنتدى وين جلساتهم ..


صح كلامك وانا من الشباب الي قاموا يتخششون بيت دوام نادي بس حتى في الويك اند :nice:

كفو اختي الاصيله كفيتي ووفيتي بردج :ok:

[الحريّه]

أشكركِ أختي الأصيلة على هذا الموضوع المميز والطرح المتميز !:victory:
لقد اخترتِ موضوعاً يجب أن تفرد له المؤسسات الإجتماعية حملات كثيرة وليس حملة واحده ! لقد انتشر الفساد في الآونة الأخيرة وللأسف كانت المرأة واحدة من أدواته التي أُسيء استغلالها من قبل المرهصين .:victory:
وكما ذكرتِ , ففتياتنا هذه الأيام بين المطرقة والسندان ! المجتمع المحافظ وعصر العولمة ! أمران أحلاهما مُرُّ بالنسبة لفتيات الجيل ! والقابض على أخلاقه كالقابض على الجمر:rolleyes2:
يبقى أن نتوقف عن مناهضة المجتمع الذكوري , و أن نقبل دور المرأة الذي خلقها الله له!
وأن تعلم فتياتنا أن الخِدر صون لها وأن الحفاظ على عرضها و شرفها هو تاج الوقار الذي يجب أن تُتَوج رأسها به بدلا من كنس الشوارع جيئة وذهابا مما يُذهب حياءها الذي يزينها .
يجب أن يبدأ كل ذلك في البيت الذي هو مدرسة المرأة الأولى , ثم في المدرسة التي هُمِّشَ دورها من خلال فلترة مناهج التربية الإسلامية سواء بقصد أو بدون قصد حتى أصبحت القدوة نادرة في دروس السيرة الإسلامية .
إنه مَدٌّ عظيم هذا الذي تواجهه ثقافتنا العربية و تربيتنا الإسلامية . ويبقى الوعي الضال, الذي يجب أن نبحث عنه حتى نُعيدَه.
تحياتي لكِ دائما ايتها الكريمة الأصيلة
:victory:

[دستور]

تسلمين يا الأصيلة على هالكلام اللي كله درر وأنوار

[الأصيلة]

الرد عليها بفتح موضوع جعلها في الجانب الآخر " وقد لا تقصد ما فهمه الأغلبية "

فأحيانا فيه ضغظ على بعض البنات في بعض العائلات لدرجة تجعلهم يقولون " طفشنا " وهم لا يعرفون من الدنيا شي .

"اللهم إرحمنا برحمتك التي وسعت كل شي "

فعلا أختي العنوووود
الأغلبية فهمت من الموضوع أنه عتاب ولوم على ماكتبته الأخت..
ولكن الحقيقة غير ذلك فقط اعجبني ردها وحاولت أفنده....

[الأصيلة]

أشكركِ أختي الأصيلة على هذا الموضوع المميز والطرح المتميز !:victory:
لقد اخترتِ موضوعاً يجب أن تفرد له المؤسسات الإجتماعية حملات كثيرة وليس حملة واحده ! لقد انتشر الفساد في الآونة الأخيرة وللأسف كانت المرأة واحدة من أدواته التي أُسيء استغلالها من قبل المرهصين .:victory:
وكما ذكرتِ , ففتياتنا هذه الأيام بين المطرقة والسندان ! المجتمع المحافظ وعصر العولمة ! أمران أحلاهما مُرُّ بالنسبة لفتيات الجيل ! والقابض على أخلاقه كالقابض على الجمر:rolleyes2:
يبقى أن نتوقف عن مناهضة المجتمع الذكوري , و أن نقبل دور المرأة الذي خلقها الله له!
وأن تعلم فتياتنا أن الخِدر صون لها وأن الحفاظ على عرضها و شرفها هو تاج الوقار الذي يجب أن تُتَوج رأسها به بدلا من كنس الشوارع جيئة وذهابا مما يُذهب حياءها الذي يزينها .
يجب أن يبدأ كل ذلك في البيت الذي هو مدرسة المرأة الأولى , ثم في المدرسة التي هُمِّشَ دورها من خلال فلترة مناهج التربية الإسلامية سواء بقصد أو بدون قصد حتى أصبحت القدوة نادرة في دروس السيرة الإسلامية .
إنه مَدٌّ عظيم هذا الذي تواجهه ثقافتنا العربية و تربيتنا الإسلامية . ويبقى الوعي الضال, الذي يجب أن نبحث عنه حتى نُعيدَه.
تحياتي لكِ دائما ايتها الكريمة الأصيلة
:victory:

أختي الحرية
كفيتي ووفيت على هذا الرد المميز
والذي أشعر بأن صاحبته قريبه من الميدان وتعلم الكثير من الخفايا...

[**هـتــــــان**]

موضووووووووووعج راقي يالاصيله بيض الله وجهج..ومداخلت الاخ شبح الصمت مدااااخله وااااافيه كافيه ..يعطيكم العافيه .

[captin]

الله يجزاج خير على ردج الطيب على ملاحظات وتساؤلات الاخت اللي عقبت على الموضوع

الله يهدي جميع البنات ويردهم ردا جميلا الى جادة الحق يارب يهديهم ولا يتبعون طريق الشيطان والغواية وتقليد غيرهن من بنات الغرب الكافر في العادات واللبس واقامة الحفلات وغيرها من افعال مشينة

لتيقن كل فتاة بأن حياة الوناسة اللي تحلم بها تجعلها سلعة رخيصة ينظر اليها نظرة دونية
من دعاة خروج المرأة وتحررها

لتيقن كل فتاة وامرأة بأن الحياة السعيدة هي حياة جنة الله الدائمة والتي ستجد فيها كل فتاة ما تتمنى فطاعة الله في الدنيا ليس حرمانا بل هو طريق الوصول للجنة وسيكون التعويض في جنة عرضها السموات والأرض فيها ما لا عين رأت ولا أذن سمعت ولاخطر على قلب بشر

نسأل الله الهداية للجميع

[الأصيلة]

موضووووووووووعج راقي يالاصيله بيض الله وجهج..ومداخلت الاخ شبح الصمت مدااااخله وااااافيه كافيه ..يعطيكم العافيه .

شكرا لك يا هتان
على الحضور والتعليق والتشجيع..
الحمدلله إن فيه أعضاء فاهمين الموضوع من كل الجوانب...


دمتِ بخير...

[الأصيلة]

الله يجزاج خير على ردج الطيب على ملاحظات وتساؤلات الاخت اللي عقبت على الموضوع

الله يهدي جميع البنات ويردهم ردا جميلا الى جادة الحق يارب يهديهم ولا يتبعون طريق الشيطان والغواية وتقليد غيرهن من بنات الغرب الكافر في العادات واللبس واقامة الحفلات وغيرها من افعال مشينة

لتيقن كل فتاة بأن حياة الوناسة اللي تحلم بها تجعلها سلعة رخيصة ينظر اليها نظرة دونية
من دعاة خروج المرأة وتحررها

لتيقن كل فتاة وامرأة بأن الحياة السعيدة هي حياة جنة الله الدائمة والتي ستجد فيها كل فتاة ما تتمنى فطاعة الله في الدنيا ليس حرمانا بل هو طريق الوصول للجنة وسيكون التعويض في جنة عرضها السموات والأرض فيها ما لا عين رأت ولا أذن سمعت ولاخطر على قلب بشر

نسأل الله الهداية للجميع

captin
كل الشكر لتواجدك وتعقيبك الوافي الشافي..
والنصائح الغالية...

[أجمل أنسانة]

قال :

علي بن أبي طالب " كرم الله وجههُ " :

"ربوا أبنائكم لجيلهم فإنهم قد خلقوا لجيل غير جيلكم "

:)

[noony]

اختي الاصيلة كفيتي ووفيتي كلامج ددر الله يخليج لنا ناصحة امينة اتخاف على بنات جنسها من المسلمات
اختي صرنا ما نحب انروج المجمعات مع العيال وابوهم من كثر مانشوف شوفات غريبة من بنات ديرتنا الي ما نتمنى لهم الا كل خير
والله اختي صرت ما احب اروح سوق ولا مجمع حتى المطاعم لين اطلع مع ابوالعيال انقهر من تصرف بعض البنات بسسب اللبس والمكياج الصارخ وكانها مهرج
والله يا خواتي الوحدة حلوة بتصرفها الحسن وبسترها وباحترمها لنفسها قبل غيرها
الله يحفظ جميع بنات المسلمين يارب امين

[الأصيلة]

اختي الاصيلة كفيتي ووفيتي كلامج ددر الله يخليج لنا ناصحة امينة اتخاف على بنات جنسها من المسلمات
اختي صرنا ما نحب انروج المجمعات مع العيال وابوهم من كثر مانشوف شوفات غريبة من بنات ديرتنا الي ما نتمنى لهم الا كل خير
والله اختي صرت ما احب اروح سوق ولا مجمع حتى المطاعم لين اطلع مع ابوالعيال انقهر من تصرف بعض البنات بسسب اللبس والمكياج الصارخ وكانها مهرج
والله يا خواتي الوحدة حلوة بتصرفها الحسن وبسترها وباحترمها لنفسها قبل غيرها
الله يحفظ جميع بنات المسلمين يارب امين

noony
شكرا لحضورك عزيزتي
ومهما شفتي في الأسواق والمجمعات من بنات مستهترات باللبس وبالسمعة والشرف
تأكدي إن أكثر منهم في البيوت مستورات ويحافظون على سمعتهم وشرفهم...
وعندهم أهل يربونهم تربية طيبة...
الله يستر على كل بنات المسلمين
ويحببهم في الحجاب والستر والعفاف..

[الفولاذ]

طبعا متأكدة...


ما اعتقد ان فيه وحده تحترم نفسها توقف تطلب كرك
ولا اعتقد بان الرجل يرضى يشوف اخته اوبنته واقفه بالشارع جنب الشباب تطلب كرك
وبيرضى وبيسكت , وكنت اظن بان وجهة نظرك لاتقبل مثل هذه النوعية من البنات
تحياتي

[الأصيلة]

ما اعتقد ان فيه وحده تحترم نفسها توقف تطلب كرك
ولا اعتقد بان الرجل يرضى يشوف اخته اوبنته واقفه بالشارع جنب الشباب تطلب كرك
وبيرضى وبيسكت , وكنت اظن بان وجهة نظرك لاتقبل مثل هذه النوعية من البنات
تحياتي

يا اخوي شرب الكرك مافيه شي
ولو حتى من المعصرة بتوقف بسيارتها بعيد
وتطلب وهي محتشمه ومو ظاهر منها شي
والسيارة مخفي
ولا حاطه أغاني ولا فاتح نوافذ السيارة...
أنا ما أقصد العكس...
ما صار كرك...

[آلسنآفيه]

شكرا ياشبح الصمت على المداخلة والرد الوافي...

يا بنات خافوا الله في الشباب والله خافوا الله
ترى الشباب مساكين كله اللوم عليهم وانهم وانهم من الاشياء الي يشوفونها
وانا أقول بعد ياشباب خافوا الله في البنات..
تراهم والله خواتكم وبنات عمكم وبنات خوالكم ...
واللي ماترضونه على شوفاتكم لاترضونه على شوفات الناس...
الكثير من الشباب مستهتر بـ سمعة بنات خلق الله
بحجة إنها هي تغلط فـ تستاهل ...
المفروض أصحح خطأها ما أساعدها عليه...
وأعينها وما أعين عليها...
واللي قاعد يعاكس البنت ويكلمها..
فيه غيرك يعاكس ويكلم وحده من أهلك ويلعب عليها...
فأتقوا الله في بناتكم بغض البصر عن بنات الناس...



لآ تـ ع ـليــق :)

كفيـتـي ووفـيـتـي وآفـدتـيـنـآآ :)

وكـلآمـكـ عـيـن آلصـوآب

شكـرآ لـكـ آختـي :)

[ام راشد%]

يعطيج العا فية؛كلامج يريح يالأصيله جنه بلسم ع القلب يسرسح

[بصمة قطرية]

الأصيـــلة ..
صح لسانج إختي ..
كفيتي ووفيتي ماشاء الله عليج ..
الله يكمــلج بعقــلج ..
بــارك الله فيج ..

يــابنات خافوا الله في انفسكم ..
والله قــلبي يعورني لما اشوف حـال اغلب البنـات هالأيام ..
والتحرر الزايد عن اللزوم ..

كلنا نطلع وعندنا جوال ونروح مجمعات بس الحمد لله
حاشمين عمرنا وعارفين الصح من الغلط ..
الشـاب لما يبغي يتزوج بيدور له على البنت العفيفة الشريفة
اللي متربية تربية صحيحة
مش اللي عايشة حياتها بالطول والعرض ولا همها شي
لا مفتكرة في سمعه ولاغيره ..

الحمدلله لين تزوجنا واحنا ما نطلع بروحنا ابد
حتى الزيارات قليلة جداً وهالشي مش معناته ناس معقدين
لاء ولله الحمد ناس عارفة ان البنت مالها الا سمعتها واهم من كل شي
لازم تتربى صح
بكرة راح تنشأ اسرة ..
اي جيل اللي راح يطلع من هالمنفتحات بزيادة ..!!!!

اخواني لما ندور لهم اهم شي تكون البنت مش راعية طلعات مع صديقاتها وهالسوالف ..
يعني البنت الفري ما تكون مرغوبة كزوجة ..

والله يهدي الكل ..

[مشتاقة لقطر]

كل شي له جانبين
جانب سي وجانب حسن

والبنت وتربيتها تحكم اذا حسن او سي

[الأصيلة]

لآ تـ ع ـليــق :)

كفيـتـي ووفـيـتـي وآفـدتـيـنـآآ :)

وكـلآمـكـ عـيـن آلصـوآب

شكـرآ لـكـ آختـي :)

يعطيج العا فية؛كلامج يريح يالأصيله جنه بلسم ع القلب يسرسح

السنافية& أم راشد
لاهنتوا على الحضور والتعقيب..
بارك الله فيكم...

[الأصيلة]

الأصيـــلة ..
صح لسانج إختي ..
كفيتي ووفيتي ماشاء الله عليج ..
الله يكمــلج بعقــلج ..
بــارك الله فيج ..

يــابنات خافوا الله في انفسكم ..
والله قــلبي يعورني لما اشوف حـال اغلب البنـات هالأيام ..
والتحرر الزايد عن اللزوم ..

كلنا نطلع وعندنا جوال ونروح مجمعات بس الحمد لله
حاشمين عمرنا وعارفين الصح من الغلط ..
الشـاب لما يبغي يتزوج بيدور له على البنت العفيفة الشريفة
اللي متربية تربية صحيحة
مش اللي عايشة حياتها بالطول والعرض ولا همها شي
لا مفتكرة في سمعه ولاغيره ..

الحمدلله لين تزوجنا واحنا ما نطلع بروحنا ابد
حتى الزيارات قليلة جداً وهالشي مش معناته ناس معقدين
لاء ولله الحمد ناس عارفة ان البنت مالها الا سمعتها واهم من كل شي
لازم تتربى صح
بكرة راح تنشأ اسرة ..
اي جيل اللي راح يطلع من هالمنفتحات بزيادة ..!!!!

اخواني لما ندور لهم اهم شي تكون البنت مش راعية طلعات مع صديقاتها وهالسوالف ..
يعني البنت الفري ما تكون مرغوبة كزوجة ..

والله يهدي الكل ..

بنوتة قطر
إضافة رائعة أثرت الموضوع...
تسلمين عزيزتي...

[HIGHNESS]

انا اطلع وماشوف هالاشياء اللي اقراها كل يوم في المنتدى ولا اشوف احد حولي جذي .. ماانكر انه في بس مو لهدرجة تحسسوني ان البنات نصهم بححح ... بالنسبة لي كل الاشياء الترفيهيه الخاصة بالبنات لازم تكون بالحد المعقول وكل شي له حدود مافي مانع نستانس بس كل شي له حد ووقت ومكان معين ...
يعطيكم العافيه كلكم ...

[latty]

بيض الله وجهك

واقول للعضوه هذي يا اختي الحين انتي بنت صغيره وتقولين هالكلام او شابه او ام يعني الجيل القادم ايش تبينه يكون ؟

لما تكبرين وتصبحين عجوز وتشوفين بناتك واحفادك على هالشاكله ايش راح تقولين لهم راح تصفقين يلهم؟


يااختي ترى الله سبحانه وتعالى يحاسبنا على كل حرف يطلع من افواهنا



ربي يغفر لي ولوالدي ولك وللجميع