قرض بدون فوائد

[همي رضا الله]

السلام عليكم ورحمة الله وبركاته


بغيت قرض من البنك بدون فوائد هل احد يقدر يقدر يفيدني

وجزاكم الله خير

[الخفي]

(( صعبه البنوك استحاله تقرضك الا بفائده

وممكن احد من اهل الخير يقرضك بدون فائده ويفك كربتك جزاه الله خير

ياليت عندي مليون كنت سلفتك بدون فائده لكن ما باليد حيله اعانك الله ))

[عزيزوف]

مافي بنك ف العالم يقرض بدون فايده...

بالتوفيق..

[fhd4]

المصرف الدولي الاسلامي كان يسوي عرض كل سنة ... اذا حولت راتبك عنده يعطيك قرض حسن خمسة أضعاف الراتب ...

ما ادري اذا للحين أو لا ..

[جينير]

وفيه سفيات الحكومة
سلفة سيارة خمس اضعاف الراتب
وسلفة اعباء حياة خمس اضعاف الراتب الاساسي

[muhanna]

السلف تلف

[موجه بحر]

اخوي اخبر مصرف الريان كان عنده عرض فتره 0 في الميه وبنك قطرالوطني بس لازم تحول حسابك ويعطونك 30 الف بدون فوائد

والله يسر امورك

[صلاتي]

ابعد عن الشر

[فلتة زمانها]

مافي قرض بدون فايده حتى قرض بنك التنميه عليه فوايد
الا يجبرونك تتعامل بالربا وتحارب الله ورسوله :(

[MaRuKoO]

الدولي الاسلامي يسويها كل سنه (قرض حسن) استفسري من عندهم اذا لين الحين ولا ؟؟؟

[qatari1]

المصرف الدولي الاسلامي كان يسوي عرض كل سنة ... اذا حولت راتبك عنده يعطيك قرض حسن خمسة أضعاف الراتب ...

ما ادري اذا للحين أو لا ..

هذا الإسم غير موجود!

هناك: بنك قطر الدولي الإسلامي
و
مصرف قطر الإسلامي

[fhd4]

هذا الإسم غير موجود!

هناك: بنك قطر الدولي الإسلامي
و
مصرف قطر الإسلامي

ههههههههههههههه ...


زلة لسان .... ماشاء الله عليك يا qatari1 صج مراقب ..... الله يعطيك العافية ...


قصدي الدولي الاسلامي ...

[باسكن روبنز]

السلام عليكم ورحمة الله وبركاته


بغيت قرض من البنك بدون فوائد هل احد يقدر يقدر يفيدني

وجزاكم الله خير

وعليكم السلام آخوي ،:)
لاتزعل من كلامي ،


بس على آي آساس منزل موضوع مثل هذا تطلب قرض بلا فوايد؟ ،
ولا الموضوع صار (جرب حظك) وخلاص! ،

[رجل مثالي]

يجب أن يكون عندنا بنك تابع لدولتنا العزيزه قطر
تعطي قروض ميسره للمواطنين بدون فوائد بنكيه
لان الفوائد البنكيه تعتبر في الاسلام ربويه والله يحاسب عليها
ولكن لظروف الحياة يضطر الناس الى الحاجه الى القروض بدلا من مد يدهم للناس مثل عمل وقف مبلغ مالي من الدوله لهذا المشروع
الحيوي لكثير من المواطنين مثلا لتكملة بناء فيلا خاصه له ولاسرته فنقصه المال لتكملة هذا المشروع الهام بالنسبه للمواطن وانشاءالله
تعمل دولتنا العزيزه بهذا المشروع الذي
يساعد المواطن في أمور حياته المعيشيه في شتى المجالات أنشاءالله

[Abdullah_89]

ههههههههههههه

مافي امل اذا مانهبوك فالفوايد من وين بينهبون

بنك الدوحة بالذات ماانصح فيه

والبنك الاهلي رواتب الموظفين الظاهر من الفوايد اللي ياخذونها من عملائهم

الله كريم

[واعــي]

صعبة إذا مو مستحيل , الله يفك ازمتك ويفرج كربك