ممكن سؤال!!شنووو البندر؟؟

[هدوء آنثى]

السلام عليكم ورحمة الله وبركاته


انا نزلت موضوع عن تاجير البخت والحمدالله حصلت عليه


بس ممكن توضيييييييييح!!



بس شنو البندر وين مكانهم ؟؟؟

[ضوى]

البندر اتوقع معناه المرسى

ويمكن يقصد مكان مطعم البندر سابقا اللي اصبح اثرا بعد عين ، وهالبندر كان موجود مقابل الديوان الاميري وهناك فيه مرسى لليخوت

[Index Signal]

http://www.shamsqatar.com/gallery/data/media/47/shams6_3.jpg

[هدوء آنثى]

يعطيكم العافيه وماتقصرون

[بوحمد111]

البندر المكان اللي تبندر فيه السفن والقوارب يعني بدل لا تكون على السيف تكون في البندر وفيه ناس يسمونه المرسى وعندنا في قطر البندر اللي على الكورنيش من بعد الاشارات اللي تطلعك من سوق واقف الى الكورنيش اول لفه على اليمين بعد الاشارة مباشره

[ملسونه]

بكره بتنزلين موضوع
مالفرق بين البندر والفرضه :tease:

[هدوء آنثى]

لا صج شنو الفرضه

>>دليت المكان ثاانكس

[بوحمد111]

عادة الفرضه حق الطراريد والصيادين لتنزيل صيدهم وما يصفون طراريدهم فيها والبندر حق اللنجات الكبيره وصفط الطراريد يعني مواقف

ادري اني ما لي خص بالموضوع بس حبيت اتواصل بمعلوماتي المتواضعه

[حورية البحر]

البندر مرسى للالنجات بس يكون داخل البحر ومغطية مياة البحر وعلى بعد اشوي هذا اهو البندر دوم نشوفة اززززرق اكثر من اللي اقرب منة ووووشكر