وهذي القصه من اول يوم .. لحد اليوم .. والله يكافي الشر ..

[المخلب]

السلام عليكم


طبعا كنت اليوم بالسعوديه . ..

وتوني راجع اليوم الصبح

سفرتي هذي كانت مختلفه عن الكل ..

مشيت من قطر يوم الخميس الساعه 1:30 تقريبا ..

توكلت على الله وخذت الموتر ودقيت سلف ومشيت ..

طبعا الكل عارف كان في مطر وبعدها وقف .. الحمد لله وله كان بيصير فلم !


مشيت وتوكلت على رب العالمين .. الجو كان مغيم والحاله حلت ..

وصلت جمرك قطر الساعه 2:30 تقريبا ..

حيث ان سرعتي ماعدت الـ 120 .. <<< الوالد والوالده موصيني ..! :looking:

اول ماوصلت هناك جمرك قطر .. كانت زحمه خفيفه .. يعني سهالات ..

مشونا على طول ..

وصلنا جمرك السعوديه .. واذا بي اشوف قطار سيارات من اول الكونترات الى فتحت الشبك حقت المدخل .. للجمرك ..

انا هنا ماستغربت .. قلت شئ طبيعي .. الزحمه ..!!

ولكن وش الي صار ..!!!

الي صار شئ غير طبيعي ..

الكمبيوترات حقت الجمرك اغلقت .. ورجع الجمرك السعودي على نظام الكروت .. !!

واجلس وعب كرتك !

عيت وانتظرت دوري ..

اول ماقربت السياره من الكونتر وبسلم الجواز ..

ماشوف الا يقول الشرطي ! " ياجماعه وقفوا التعامل بالكروت ماحد لايطلع ولا يدخل من الجمرك !! "

ان لله وانا اليه راجعون ..

احبسونا الله وكيلكم لمده 3 ساعات . ..

المهم خلصت الاجرات والتفتيش .. واذن المغرب ..

المهم حركت الى ربوع المملكه ...

اول ماوصلنا بالسلامه .. كلمت ابن الخاله .. وقلتله نبي نتوكل نمشي الظهران ..

قال ماطلبت شئ يالله سرا ..

وصلنا الظهران جامعه الملك فهد للبترول (( عنده هو سكن هناك كونه طالب بالجامعه ! ))

بتنا هناك يوم .. فجات على بالي البحرين ..

قلتله ليه مانحرك البحرين .. ؟؟

قال جوازك معك .. قالتله اي نعم ..!

قال سرينا ..

وشخطناها البحرين ..

طبعا قبلها مرينا الحلاق تضبطنا ومشينا ..

بالعاده عند جمارك البحرين تصيدنا زحمه الجسر .. !

لكن لاول مره سهالات ..!!

انا استغربت بالعاده نجلس للمغرب ..

واول مره ذي نجلس بس حول نص ساعه !!

قلنا توكلنا على الله .. ويالله نحرك ..

وصلنا على طول السيف ..!!

السيف : هو مجمع في البحرين .. مثل الستي سنتر وربعه .. فيه سينمات وتسوق وغيره .. رواده من اهل قطر والكويت والسعوديه والامارات ونادرا ماتجد عمانيي ..هناك ! .. "

لكن هل المره غير ..

كان المجمع كئييب ..!

مافي زوار كلش .. باليالله تشوفلك ناس تعرفهم وله حد يمشي ..

مافي الا اهل البحرين .. ونادرا بعد !

رجحت ذالك للمشكله الي صارت بالبحرين وهي المركب الي غرق ..!

يعني كانت سفره غبيه للاسف ..

رجعنا للمملكه .. وهنا رحت اسلم على الخوال لاني ماسلمت عليهم ..

سلمت على الخال الاول ..

خالي : هلا يالمخلب وش الاخبار ..

المخلب : هلا خالي .. والله تمام عساك بس بخير..

الخال : والله بخير دامك بخير ..

المخلب : سمعنا عن نكست البورصه عندكم .. عسى مانكسرت معهم ..؟

الخال : والله انكسرنا بس الله كريم الحمد لله لا قروض ولا غيره .. !

المخلب : اي والله الحمد لله وله كان خسرت خساره كبيره ..

الخال : بقولك على سالفه صارت لخويي ..!

المخلب : تفضل .. !

الخال : طال عمرك ياولد اختي ..زميلي بالبورصه باع ارضه .. وباع ذهب زوجته .. وراح وخذ تمويل .. وحط وفوقهم قرض عمل .. وخش فيهم بالبورصه .. ! يوم طفرت الاسهم .. وتوه فرح انه ربحله قرشين طاحت البورصه بالي فيها .. وخسر فلوسه كلهم ! البنك كله .. والارض راحت .. وذهب زوجته راح .. وصار حافي منتف ..! ..(( فعلى طول جاوا على بالي الربع بالمنتدى .. ))



وبعدها مريت على الخال الثاني ..

الخال 2 : هلا ياولد اختي ..

المخلب : هلا بالخال الطيب الحبوب ..

الخال2 : شخبار وش مسوي وش اخبار الاهل وبورصه قطر ..

المخلب : والله ... (( سكت .. شوي .. )) .. يخال الله كريم .. والاهل الحمد لله ..

الخال 2 : زين زين .. كيف جيت ..؟؟

المخلب : بسيارتي لحالي الاهل بقطر .. !

الخال 2 : حمد لله على السلامه ..

المخلب : بمشي الاحد الصبح ..!

الخال 2 : تو الناس علامك مستعجل .. ! المهم هالله هالله ولا تسرع ترى اسمع وش صار .. !

المخلب : الله يستر .. وش صار بعد ؟؟

الخال 2 : طلعوا اربعه من الشباب .. جاييين من البحرين وهم على خط الحسا عند مصنع الاسمنت راكبين كابريس اس اس 2002 وجايب الطبلون حده .. وانفجر عليهم الكفر ( التاير ) .. ومات واحد وتكسروا 3 ..!

المخلب : الله يكافي الشر .. وواحد من الي تكسروا من شباب الجلسه .. ( ان لله وانا اليه راجعون .. ) الله يصبر هله .. !

انا سمعت الخبر من هنا .. وعورني قلبي عليه ..

الخال 2 : تكفى يابن اختي .. اسال عن شيكاتنا .. ماوصلت ترى ..؟ !!

المخلب : بعون الله .. نسالكم ..


وجاء يوم الاحد ..


الصبح ..

صليت .. وتعوذت من ابليس ودقيت سلف ومشيت ..

وانا ماشي .. وعديت جمرك قطر ..


جاني تلفون من واحد من الربع القطريين .. سافر البحرين يوم الخميس .. ( هو راح طياره وانا رحت السعوديه بالسياره .. )

محمد : هلا يالمخلب ..

المخلب : هلا يالغالى ..

محمد : اقول شفت وش صار فيني ..

المخلب : خير .. الله يستر وش صار بعد .. !؟؟

محمد : سوينا حادث بالبحرين .. و جالي تفكك بالصلوع ..!

المخلب : ان لله وانا اليه راجعون .. حتى انت صارلك حادث !

محمد : ليه في حد غيري صارله شئ ..؟

المخلب : لا ولا شئ .. ! ( ماحبيت ابلغه .. )

محمد : زين يالله نشوفك بالدوحه ..

المخلب : اوكي يالله انا على خط قطر الحين .. نشوفك اوكيشن ..!

وسكرت ووصلت البيت .. وجلست على الكمبيوتر الحين وكتبت لكم الي صار ..

مادري السفر منحوسه .. من اولها لين اخرها ..؟

وله كيف ..؟؟

الله يكافي الشر ..

[بدور]

المخــــلــــب وبعــــــــــدين وش صــــار مــــع خــــوالــــــــك :con2:


قصـــــة سفــــرتــــك منــــزلهـــــا فــــي النقــــاش الإقتصــــادي ليـــش :eek2:


غـــــريـــب الأطـــــوار أنـــــــت :confused:


أوبيييييييييييييه محـــــــــد شــــاف مشـــــــاركــــتـــك :looking:



أكــــيــد بتطـــــير للمنتــــدى العـــــام :D

[سهم طايش]

صج سالفه

الحمدلله على سلامتك يا خوي

[سهم طايش]

المخــــلــــب وبعــــــــــدين وش صــــار مــــع خــــوالــــــــك :con2:


قصـــــة سفــــرتــــك منــــزلهـــــا فــــي النقــــاش الإقتصــــادي ليـــش :eek2:


غـــــريـــب الأطـــــوار أنـــــــت :confused:

دققي شوي بتشوفين فيها جانب اقتصادي مهم

[المخلب]

الله يسلمكم .. بدور عن اللقافه :court: .. الادمنيه مايقصرون بينقلونها لي .. بس مو الحين على الاقل لما ينشفي غليلي ..

[بدور]

دققي شوي بتشوفين فيها جانب اقتصادي مهم





:looking: :looking: :looking: :looking: :looking: :looking: :looking: :looking:


دققــــت لـــــين أحـــــولــــيت


مــــاشــــفـــــت شــــــــيء :eek: :eek: :eek:

[بدور]

الله يسلمكم .. بدور عن اللقافه :court: .. الادمنيه مايقصرون بينقلونها لي .. بس مو الحين على الاقل لما ينشفي غليلي ..




:eek2: أهـــــــــا :eek2:


:court: المخـــــــلــــب مــــا يـــــترك ســـــوالـــــــفــــه

[المخلب]

:looking: :looking: :looking: :looking: :looking: :looking: :looking: :looking:


دققــــت لـــــين أحـــــولــــيت


مــــاشــــفـــــت شــــــــيء :eek: :eek: :eek:
:court: :court: :court: :court: :court: وسالفه الشيكات ؟؟؟

[سهم طايش]

:looking: :looking: :looking: :looking: :looking: :looking: :looking: :looking:


دققــــت لـــــين أحـــــولــــيت


مــــاشــــفـــــت شــــــــيء :eek: :eek: :eek:


الخال : طال عمرك ياولد اختي ..زميلي بالبورصه باع ارضه .. وباع ذهب زوجته .. وراح وخذ تمويل .. وحط وفوقهم قرض عمل .. وخش فيهم بالبورصه .. ! يوم طفرت الاسهم .. وتوه فرح انه ربحله قرشين طاحت البورصه بالي فيها .. وخسر فلوسه كلهم ! البنك كله .. والارض راحت .. وذهب زوجته راح .. وصار حافي منتف ..! ..(( فعلى طول جاوا على بالي الربع بالمنتدى .. ))

[بدور]

:court: :court: :court: :court: :court: وسالفه الشيكات ؟؟؟




:court: :court: أنــــت كــــاتـــب عــــن رحـــلـــتـــك وخــــوالـــــك



والـــــــســـوق بــــس تــــبي تــلطـــف الجــــو كتبــــت كلمــــة الشــــيكـــات :eek2:

[المخلب]

الخال : طال عمرك ياولد اختي ..زميلي بالبورصه باع ارضه .. وباع ذهب زوجته .. وراح وخذ تمويل .. وحط وفوقهم قرض عمل .. وخش فيهم بالبورصه .. ! يوم طفرت الاسهم .. وتوه فرح انه ربحله قرشين طاحت البورصه بالي فيها .. وخسر فلوسه كلهم ! البنك كله .. والارض راحت .. وذهب زوجته راح .. وصار حافي منتف ..! ..(( فعلى طول جاوا على بالي الربع بالمنتدى .. ))


اي والله ياخوفك .. ربعنا الي هني بتجيهم ايام ... الله يكافي الشر ... خاصه الي عنده دين بنك !

[المخلب]

:court: :court: أنــــت كــــاتـــب عــــن رحـــلـــتـــك وخــــوالـــــك



والـــــــســـوق بــــس تــــبي تــلطـــف الجــــو كتبــــت كلمــــة الشــــيكـــات :eek2:


لا والله .. القصه صجيه 100% .. والي صار صج ولا عليه غبار .. !

وسالفه الشيكات صحيحه .. انتي مري عليهم وشوفي الهواش في المجالس على الشيكات الي ماوصلت .. :looking:

[بدور]

لا والله .. القصه صجيه 100% .. والي صار صج ولا عليه غبار .. !

وسالفه الشيكات صحيحه .. انتي مري عليهم وشوفي الهواش في المجالس على الشيكات الي ماوصلت .. :looking:




:court: :anger1: أنــــا مــــاكـــــذبتـــــك وأدري صــــحيح كـــلامـــك


بس أقــــول لــــو انــــك كتبــــت موضــــوعــــك فــي العـــــام :D


أنــــا مـــــومـــــديـــــونـــــه الحمــــد للــــــــــه :)

[المخلب]

:court: :anger1: أنــــا مــــاكـــــذبتـــــك وأدري صــــحيح كـــلامـــك


بس أقــــول لــــو انــــك كتبــــت موضــــوعــــك فــي العـــــام :D


أنــــا مـــــومـــــديـــــونـــــه الحمــــد للــــــــــه :)



يابنيه .. الدنيا ماتسوى .. كل الزعل ذا

[بدور]

يابنيه .. الدنيا ماتسوى .. كل الزعل ذا




المخـــــلــــب يــــــــــاولــــــــــد النـــــاس :D



أنــــــــا مــــو زعــــــلانــــــه :p


بالعكـــــس أنـــــا أحـــــب أشــــوف مشــــاركــــاتـــك :shy:


علــــيــــك ســـــوالـــــف وطلـــــعــات غــــــــريبــــــــه :looking:


وكلـــــنـــــــا أخـــــوان :p

[المخلب]

المخـــــلــــب يــــــــــاولــــــــــد النـــــاس :D



أنــــــــا مــــو زعــــــلانــــــه :p


بالعكـــــس أنـــــا أحـــــب أشــــوف مشــــاركــــاتـــك :shy:


علــــيــــك ســـــوالـــــف وطلـــــعــات غــــــــريبــــــــه :looking:


وكلـــــنـــــــا أخـــــوان :p


:shy: :shy: ثانكس .. :shy: :shy:

[khaldoon]

الله يعطيك العافيه يا الغالي

[المخلب]

الله يعطيك العافيه يا الغالي



الله يعافيك .. :nice: