المساعد الشخصي الرقمي

مشاهدة النسخة كاملة : كلية أحمد بن محمد العسكرية تفتح أبوابها اليوم لزيارة المرشحين الجدد


هتـان قطر
22-10-2010, 09:50 AM
تستقبل كلية أحمد بن محمد العسكرية اليوم عوائل وأصدقاء المرشحين الجدد

وبهذه المناسبة نتمنى من الشباب التأني وعدم السرعة ولا يخربون علينا

لقاءنا بعيالنا .. لان العدد ها السنة كبير جدا بالمقارنة بالسنوات اللي فاتت

عدد المرشحين فوق 300 مرشح .. ولكم ان تتخيلوا اعداد السيارات

اللي بتتواجد اليوم أمام الكلية .. خصوصا ان الطريق الى الكلية لابد ان تاخذ

المنعطف وترجع ولابد من المحاسبة من السيارات اللي جاية من تحت النفق


نتمنى السلامة للجميع ..
رهيباوي
22-10-2010, 09:53 AM
لاهنت أخوى وبارك الله فيك وبالتوفيق للجميع ...
هتـان قطر
22-10-2010, 10:02 AM
لاهنت أخوى وبارك الله فيك وبالتوفيق للجميع ...

لا ندمت اخوي رهيباوي ..

الله يوفق الجميع
شموخ العز
22-10-2010, 10:06 AM
يمكن يجون عن طريق روضه راشد او عن طريق دخان الامور طيبه او عن طريق العطوريه

الامور طيبه الله يوفقهم لخدمه وطنهم
هتـان قطر
22-10-2010, 10:13 AM
يمكن يجون عن طريق روضه راشد او عن طريق دخان الامور طيبه او عن طريق العطوريه

الامور طيبه الله يوفقهم لخدمه وطنهم



ان شالله بتكون الامور طيبة .. ولكن التحذير والتنوية مهم

خصوصا ان الزحمة بتكون كبيرة
شموخ العز
22-10-2010, 10:20 AM
هتان يعطيج الف الف عافيه وعسى يوم الجمعه هذا عليج يوم خير وبركه
وجزاج الله خير على التنبيه بس انا اقصد ان الزحمه بتكون كبير من جميع الاماكن

تقبلي تحياتي هتان ورايتج بيضاء

تقبلي تحياتي اختج ( ام سلمان)
سوبر
22-10-2010, 11:01 AM
خبر طيب
ونتمنى السلامة للجميع
سـ ع ـود
22-10-2010, 01:16 PM
ان شاء الله انكون هناك

ينهم وحشوني اللي في الكليه :(
فارس الكلمة
22-10-2010, 01:29 PM
نتمنى يا أخت هتان نجاح .. أبنك و توفيقه في الكلية .. و نجاح الجميع إن شاء الله ..
زايدي
22-10-2010, 01:40 PM
".. نتمنى من الشباب التأني وعدم السرعة ولا يخربون علينا لقاءنا بعيالنا.."
تذكير طيب
شويهينــه
22-10-2010, 01:40 PM
نتمنى لعيالنا التوفيق والنجاح في الكليه

اللي عنده عيال هناك لا يفوت هالفرصه بزيارتهم ولا تكسرون خاطرهم حتى لو شخص واحد يروح والله بيفرحون بشوفته

لحين اتذكر منظرهم واهم قاعدين عالكراسي وكل واحد ينتظر ينادون على اسمه:weeping:
شموع قطريه
22-10-2010, 02:40 PM
انصح كل ام انها تروح وتشوف ولدها ولا تقول احراج ومكان للرجال فقط بالعكس هم يجهزون لكل مرشح طاوله خاصه بعائلته وفي ساحه خلفيه وكل طاوله بعيده عن الطاوله الثانيه وكل عايله تصف السياره جنب الطاوله ويصير المكان صاد عن اللي جنبهم وياخذون راحتهم .. لاتنحرجون يا امهات روحوا بتلقون كله عوايل وحريم يزورون عيالهم ولاتكسرون بخاطرهم لان كل واحد يخلونه يصف العشا ويرتب الطاوله لاهله ويخلونهم من الصبح يجهزون المكان لاستقبال الاهالي .. وخلوا عيالكم يشوفونكم عقب التدريبات والتعب خل يستانسون بشوفتكم وياحلوهم وهم مصطفين طابور خلال دخول سيارات اهاليهم وكل واحد يجون هله ينادونه ويركض لهم ويركب السياره ويروح معاهم لمكان طاولتهم في الساحه الخلفيه .. وياقلبي على اللي محد جاه من اهله يكسر الخاطر وهو يشوف ربعه فرحانين بزيارة امهاتهم وابهاتهم واخوانهم ..

الله يوفق كل طلاب الجامعه ويعينهم ويساعدهم ونشوفهم ضباط يخدمون بلادهم ومجتمعهم .
هتـان قطر
22-10-2010, 04:26 PM
هتان يعطيج الف الف عافيه وعسى يوم الجمعه هذا عليج يوم خير وبركه
وجزاج الله خير على التنبيه بس انا اقصد ان الزحمه بتكون كبير من جميع الاماكن

تقبلي تحياتي هتان ورايتج بيضاء

تقبلي تحياتي اختج ( ام سلمان)

تسلمين يا ام سلمان .. الله يصلح سلمان واخوانه ويصلح لي عيالي

اليوم احس يوم غير عادي بالنسبة لي .. عسى الله يبلغنا في عيالنا



خبر طيب
ونتمنى السلامة للجميع

نتمنى ذلك .. حياك الله سوبر


ان شاء الله انكون هناك

ينهم وحشوني اللي في الكليه :(

تقول.. ياهم وحشونا :(


نتمنى يا أخت هتان نجاح .. أبنك و توفيقه في الكلية .. و نجاح الجميع إن شاء الله ..


الله آمين .. جزاك الله خير يا الفارس



".. نتمنى من الشباب التأني وعدم السرعة ولا يخربون علينا لقاءنا بعيالنا.."
تذكير طيب

هذا اللي نتمناه .. نبي نستانس بدون ما نسمع خبر حوادث