المساعد الشخصي الرقمي

مشاهدة النسخة كاملة : افييييييدوني في بيت العمر


al-sahia
22-10-2010, 02:24 PM
:shy::shy:السلام عليكم ورحمة الله وبركاته
اخواني خواتي ااتمنى انكم تساعدوني وتفيدوني لاني محتاااااااااااره وراسي عورني من كثر التفكير بهالموضوع
مشكلتي تتلخص في اني في مرحلة تصميم خريطة بيت العمر وحابة اسوي بيسمنت مع العلم ان مساحة البنيان عندي 800 ’ 400 الدور الارضي و 400 الور الاول والبيسمنت بعد بيكون 400 يعني المجموع 1200 واللي حابه اسال عنه هل صحيح ان تكلفة البيسمنت ضعف تكلفة الدور الارضي اوالاول وثاني شي انا حابه اسوي المطبخ الرئيسي في البيسمنت لاني مابي ملاحق خارجيه فهل صحيح ان له مشاكل واااايد والبيت بيصير ريحته كله طباخ لان المطبخ داخل البيت مع العلم اني مسويه مكان خارجي مثل العريش الصغير للقلي والشوي


اسمحولي طولت عليكم بس لاني تعبت وانا اسال وكل يعطيني كلام غير :shy:
خليفـة
22-10-2010, 02:41 PM
الله يوفقج اختي ان شاء الله
ان بغيتي نصيحتي .. خذي بالمثل الي يقول :
عط الخباز خبزة .. لو اكل نصه

ومثل هالمواضيع .. أنسب شخص يقدر يفيدج هو الاخ الفاضل / شموخ دائم
شموخ دائم
22-10-2010, 04:29 PM
,

,


الخباز نعسان اليوم يا مالكم أمل

ههههه

:)

السلام عليكم ورحمه الله

اختي الكريمه اول شي الله يوفقك في مشروعك ان شاء الله تتيسر امورك

اول نقطه بعلق عليها هو مساحه البيت 1200 هذي مساحه كبيره مع البيسمنت
وتكلفه البيت راح تكون فوق المتوقع عليكم
بحدود 2 مليون تقريبا اذا انتوا عاملين حسابكم عليه بالتوفيق لكم يارب

ومتوسط البيوت في قطر تكون مساحه البناء بحدود من 500 الى 700 متر للسكن بالكثير

راح اشرح لك بخصوص البيسمنت حسناته ومشاكله
اول شي من الخطاء عمل كامل المساحه 400 متر تكون بيسمنت لانها تكلفه عاليه من ناحيه ومن ناحيه ثانيه امور فنيه وامور قانونيه غير ممكن

* الامور الفنيه ( مشكله المجاري وتصريف الماء ) لان البيسمنت يكون تحت منسوب شبكه الماء
ولذلك تصعيده الى شبكه المجاري ( المنهولات بالحوش ) يحتاج مضخات خاصه ودائما تكون مشكله بهذا الموضوع لذلك لا ينصح بعمل ( حمامات ) في البيسمنت

* الراحه تعلق بالمكان هذا كلام صحيح ويصعب التخلص منها ( لعدم توافر شبابيك ) ممكن نستخدم مراوح شفط ولكنها لن تتخلص من الرائحه

* مشكله الاضاءه في البيسمنت دائما تحتاج حلول من مصمم الخرائط

* مشكله صيانه البيسمنت مستقبلا ( مشكله الرطوبه )

* طريقه النزول الى البيسمنت دائما تكون طريقه صعبه ( الدرج 22 درجه ) متعبه
وخاصه نحتاج الدخول والخروج كثيرا الى المطبخ وراح يصبح متعب مع التقدم بالعمر
( يوجد حل اظافه مصعد بالبيسمنت ) ولكن هل يستحق منا كل هذه التكلفه !!

المفروض الاستشاري الي يعمل الخرائط ينبه على هذه النقاط
اذا موضوع مطبخ نعمل مساحه 50 متر او 70 متر مطبخ ومخزن فقط ونلغي مسئله ال 400 متر

متى نقرر عمل بيسمنت؟؟

1- قرار عمل البيسمنت يتخذ اذا كانت الارض ( تحت منسوب الشارع بكثير ) تكون الارض نازله
لذلك بدل استخدام الدفان الكثير على الارض ( نستغل هذي المشكله بعمل بيسمنت ) لان راح نوفر بهذي العمليه قيمه الدفان ويصبح البيسمنت اقل تكلفه ونستفيد مساحه اظافيه

2- اذا كانت الارض صغيره نستغل صغر الحجم بعمل البيسمنت ( بدل الملاحق )
حتى يكون عندنا مساحه للحوش والحديقه
اما اذا كانت الارض كبيره ومساحتها زينه ونقدر نعمل ملاحق ويزيد عندنا مساحه كافيه بالحوش ومنسوب الارض طبيعي مع الشارع يكون قرار البيسمنت قرار ليس في محله وليس بالقرار الحكيم

لذلك ظروف الارض تحتم علينا اتخاذ القرار


اتمنى هذا المعلومات تفيدك في اتخاذ قرار البيسمنت

والله يوفق الجميع

,

,


اخوك



شموخ دائم
al-sahia
22-10-2010, 07:18 PM
تسلم اخوي عالتوضيح بس
مساحة الارض عندنا 1225 متر واحنا اسرتنا تتكون من 5 ابناء وانا زوجي وخدامتين وسواقين اثنين وتصميم البيت راح يكون كالتالي البسمينت باركن للسيارات وبركة سباحه وغرفة العاب ومقعد العايله ومطبخ والدور الارضي يتكون من صالات ومجلس ومطعم مع المغاسل ومطبخ تحضيري وغرفة نوم ب( حمام وغرفة ملابس) ومن ضمن التصميم اللفت (اصنصير) والدور الثاني يتكون من اربع غرف نوم كل غرفه بحمام وغرفة ملابس بالاضافه لغرفة النوم الماستر وصاله صغيره والبنت هاوس يتكون من غرفة للخادمات و(لاندري) غرفة غسيل وكوي

بس يوم قلتوا ان المطخ راح يطلع ريحه في البيت راخليه برع البيت واكنسل البنت هاوس واخلي غرفة الخادمات واللاندري تحت
بالنسبه للتهويه في البيسمنت عملنا من التصميم شبابيك بالاضافه الى حديقه صغيره مفتوحه عالبيسمنت

بس انا اقصد تكلفة البيسمنت نفس تكلغة الادوار الثانيه (الارضي والاول ) او اعلى واذا تقدر اخوي تعطيني تكلفة تقديريه للبيسمنت
ابو علاوي
22-10-2010, 07:48 PM
الصراحة الاخ شموخ دائم ماقصر
ودايما يجيب على مثل هالاسئلة بكل رحابة صدر
بس انا حبيت اضيف شي ان البيسمنت يكلف اكثر من البناء بنسبة 30% تقريبا
طبعا التكلفة تكون بالحفر وترحيل الدفان والحوائط رح تكون كونكريت او طابوق معزول 100% منعا لتسرب المياه الجوفية او حتى الرطوبة
اما عن الحمامات اذا انوجدت بالبسمنت بيتركب لها مكاين رفع للماي مثل مايسوون بالابراج وهاي المكاين شغالة تمام 100% مامنها خوف
اما عن النوافذ منشان التهوية والاضاءة فيمكن انها تصير بس رح تكون صغيرة لان سطح البيسمنت رح يكون مرتفع اعلى من مستوى الارض حوالي 100 سم وافضل شي يكون ارتفاعها قليل وطولها كبير
اما عن المطابخ في البيسمنت فاشوف انها بتصير بعيدة عن متناول اليد حتى مع وجود الاسنسير
انا حسب خبرتي ماشفت احد مسوي في قطر بيسمنت الا المظطر له
اما اهل الكويت كل بيت لازم فيه بيسمنت
وشكرا
وسمي2016
22-10-2010, 08:07 PM
تسلم اخوي عالتوضيح بس
مساحة الارض عندنا 1225 متر واحنا اسرتنا تتكون من 5 ابناء وانا زوجي وخدامتين وسواقين اثنين وتصميم البيت راح يكون كالتالي البسمينت باركن للسيارات وبركة سباحه وغرفة العاب ومقعد العايله ومطبخ والدور الارضي يتكون من صالات ومجلس ومطعم مع المغاسل ومطبخ تحضيري وغرفة نوم ب( حمام وغرفة ملابس) ومن ضمن التصميم اللفت (اصنصير) والدور الثاني يتكون من اربع غرف نوم كل غرفه بحمام وغرفة ملابس بالاضافه لغرفة النوم الماستر وصاله صغيره والبنت هاوس يتكون من غرفة للخادمات و(لاندري) غرفة غسيل وكوي

بس يوم قلتوا ان المطخ راح يطلع ريحه في البيت راخليه برع البيت واكنسل البنت هاوس واخلي غرفة الخادمات واللاندري تحت
بالنسبه للتهويه في البيسمنت عملنا من التصميم شبابيك بالاضافه الى حديقه صغيره مفتوحه عالبيسمنت

بس انا اقصد تكلفة البيسمنت نفس تكلغة الادوار الثانيه (الارضي والاول ) او اعلى واذا تقدر اخوي تعطيني تكلفة تقديريه للبيسمنت



اذا شلتي المواقف "للسيارات و بركة السباحه " فالتكلفه لا يجب ان تزيد
عن 40% من تكلفة بناء الطابق الارضي,,,,

اضافة بركة سباحه بالبيسمنت تضيف كثيرا للتكلفه و كذلك عمل باركنج للسيارات
يتطلب "منطقه مناوره ومدخل منحى من الحوش والشارع وهذي بحد ذاته بيصغر
الاستفاده من الحوش ,,,,,,,,,,,,ولازم مراجعة منسوب المياه السطحيه بالمنطقه التي
تنوون البناء بها ,,,,,,لان مشكلة المياه السطحيه عويصه في كثير من مناطق الدوحه
و ضواحيها,,,,,,,,,,

بالتوفيق,,,,,,,وعساكم على القوه,,,,,,
شموخ دائم
22-10-2010, 08:19 PM
,

,

مرحبا

شكرا على التوضيح

والله يجعله منزل مبروك ويسعدكم فيه يارب

انا وضحت كل شي وركزت على السلبيات وعلى التكلفه لانها نقاط مهمه بكل مشروع

من الواضح انك دارسه المشروع زين والافكار منظمه عندك وكل دور

حطيتي احتياجاتك وستغليني كل المساحات ما بين الفائده والترفيه

والتكلفه واضحه جدا عندك

فكره المطبخ بالخارج والخدم تحت هي فكره طيبه جدا اعجبتني والاصنصير معمول حسابه

ان شاء الله كذا ما عندك مشكله

التلكفه راح تكون في الحفر للبيسمنت و ( صبيات ) الحوائط والعوازل وعاده تكون كونكريت معظمها

حتى يتحمل الضغط الناتج على الاجناب من التربه وهي بحدود ال 30 % الى 40% تكلفه اضافيه

مثل ما تفضل الاخوان الي قبلي

اتوقع هذا البيت بيكون من البيوت الجميله ان شاء الله


والله يسعدكم يارب وبعد سنه نشوفه من البيوت المميزه بالمنطقه



,


اخوك


شموخ دائم
al-sahia
25-10-2010, 10:43 AM
تسلمون اخواني ابو علاوي وalmowafaq عالتوضيح والمعلومات
اخوي شموخ دائم تسلم ماقصرت وبصراحه نبهتني لاشياء كثيره واهم شي الصرف الصحي لاني راح ارتب لها في التصميم وقبل لا نبتدي نبي انشالله علشان نتفادى هالمشاكل

الله يعطيكم الف عافيه معساكم عالقوه انشالله :thumbup: