انا والتدخين

[vtc_4.8]

السلام عليكم ورحمة الله وبركاته

http://rsel.files.wordpress.com/2010/09/2008-04-smoking-cigarette1.jpg


ماني عالم ولا دكتور عشان اقولكم اسباب التدخين بالظبط شنهي

بس الي انا حسيته انه نقص في الإنسان او فراغ مادري شلون اوصفه ...


مادري متى بديت بالظبط ...... تقريبا في بدايات المراهقه لحد امتحانات ثالث ثنوي الاخييييرة قطعتها ..

تقريبا 6 سنوات من التدخين الشره نوعاّ ما ...

بدايتي كنا راجعين من المدرسه مع رفيجي صف 6 او اول عدادي عقال على جنب ومشمر يعني حركات صياعه :shy:

رحنا المعصره والا اشوف اخو رفيجي دش المعصره وقاله جيب باكيت مالبورو احمر ! انصدمت لانه اخو رفيجي بعد ماكان عود كان تقريبا اكبر منا بثلاث سنين ... سألت رفيجي قلته شسالفه اخوك يدخن قال اي صارله فتره وابوي صاده وهالكلام .

لين بعد فتره رفيجي نفسه الي كنت معاه اخوي علمه التدخين ورفيجي علمني انا :(

كنا في البدايات نروح في المباني الي قاعد تنبني في الفريج ورا اي بيت مضلم اي مكان بعيد عن الناس كنت ادخن بشكل متقطع لمدة سنه وكنت ادخل هوا (يعني مجرد دخان يدخل الحلج ويطلع مايدخل الصدر)

بعد فتره كانت بدايتي الصج في التدخين وكنت ادخن صدر ولما ابتعدت عن الزقاير احسن اني ابي ادخن ..

تميت فتره ادخن مع الربع وصادني الوالد مرة وزفني وقالي ان شفتك تدخل مرة ثانيه ماتدخل البيت :(

المهم احنا و الربع زادوو وفتحا لنا خيمه وطبعا صج التدخين القاتل كان في الخيمه في اول ثنوي اذكر انا ورفيجي الي كنا دوم مع بعض ندخن في البداية باكيت كامل مع بعض بعدين تطورت الاوضاع ايام الويكند باكيت انا وباكيت هو وصج صج كنت اتم واايد في الخيمه وكله زقاير لين ماكتشفت لي مخابئ في البيت اخش فيها الزقاير كنت ادخن فوق السطح وفي الحوش ودايما اتمنى البيت يفضى عشان اخذ راحتي وكله كنت اقعد في البيت عشان اقعد ادخن يعني مازور الاهل كلش الا نادر ...

المهم انا لما بديت التدخين كنت ادري انه هالشي غلط وحرام وفيه اظرار وايد بس بعد كنت ادخن .. جاتني بعض الظروف انقطعت عن الربع وحسيت نفسي صرت ادخن اقل من 12 حبه في اليوم تقريبا الى 4-8 حبات وهكذا .
بديت اكره نفسي لي متى اشرد عن الناس عشان ادخن واشرد منهم عشان لحد يشم ريحت الزقاير ... وكنت في المدرسه اسمع محاظرات لمدير شؤون الطلاب ايامها (كان اسمه محمد الانصاري) رجال والنعم فيه -الله يحفظه- كان يتكلم عن اظرار الزقاير وينصح وسبحان الله كلامه مقنع جدا

وبديت افكر في كلامه ...
كنت دايما اشوف هالستكرات في وايد اماكن

http://balsheha.com/wordpress/wp-content/uploads/2008/03/no-smoking.jpg

http://www.mo3alem.com/vb/imgcache/14605.imgcache.jpg


لين ماالحمد لله اني قدرت اقطع الزقاير بسبب الشيخ محمد الانصاري والظروف المحيطه ودايما كنت اشوف مقاطع في يوتيوب واستفدت من هالموقع وايد
وربعي صرت ماروح لهم وايد بس بينا اتصالات يعني

المهم بقولكم كذا نصيحه واسمحولي عالموضوع الممل شوي

1- صحبة السوء من اهم الاسباب ومافيها كلام دايما ولي الامر لازم يسأل عن ربع ولده
2- حركات المدخن الشاب واضحه يبتعد عن جمعّة الاهل خاصة لو كان توه واصل من برع يبتعد عن الناس ويسلم من بعيد طبعا عشان الريحه
3- واتوقع هاي دور الام اكثر لانها اقرب من الولد تسأله شسويت في مصروفك ؟ و شنو شريت ؟ وشي مهم جدا بعد انه ماتزيد الفلوس في يده ابدا لانه هاي من الاسباب الي يخلي الولد يشتري الزقاير (وللأسف الحين مصروف جيب الياهل مبلغ وقدره :( )
4- بعد دور الام لما تشوفه يروح اماكن مشبوهه مثلا فوق السطح او في الفريج يطلع بروحه تسـأله وين كنت ؟ وشتسوي ؟ وتصك عليه صكة قوية ..هالشي بعد وايد له دور
5- انه لازم المدخن تكون عنده قناعه تامه انه هذا الشي محرم ومظر جدا وانه ناوي يتخلص من التدخين في اقرب وقت وكثر مايقدر يتجاهل وجودها في حياته ويبتعد عن ربعه المدخنين
6- يختار ربعه الخيرين ويبتعد عن رفقة السوء ويجالس اهل الخير كثيرا سواء في المسجد او محاظرة في مدرسة

هاي الاشياء الي اتذكرها واشوفها اساسية الحمد لله قطعت التدخين وكل ربعي يتحدوني انه مستحيل اقطعها لاني كنت مدمن حدي
وفي فتاوى واضحه بتحريمها ! هل قطعة ورق داخلها شوي سموم تخليك تتحدى و تعصي ربك وتظر نفسك ؟؟؟

http://www.masrawy.com/Ketabat/Images//5-8-2010-3-32-3426.jpeg

الله يبعد عنكم والمسلمين هالآفه الخطيرة واهم شي اولياء الامور يهتمون بأولادهم والله يحفظكم

[بصمة قطرية]

اللهم آمين ..
الله يفكك ياخوي من هالسم ولاترجع له ان شاء الله ..
والله انه خطر ..
بلاوي وامراض ومصايب وروائح مقرفة ..!!!


يــاااارب تحفظ عيالي وتبعد عنهم رفقة الســوء ..

موضوعك رائع أخوي ..
حدثتنا عن تجربة عشتها ..
ونتيجة وصلتلها باصرارك وارادتك ..
الله يوفقك ..

[اخر العنقود]

الحمدالله انك تخلصت من هالسم وعقبال المدخنين اللي فالمنتدى

الحمدالله على سلامتك ويعطيك العافيه

[عشق الشمال]

انا كنت ادخن 3 علب باليوم يعني 60 زقارة
والحمد لله استطعت ان انتصر عليها وتعاطيتها اكثر من 15 سنة
وكان عمري 16 سنة عندما بدأت اتعاطي هذه الملعونة

ارجو من كل متعاطي ان يحاول فقط . . . والله ثم والله انها اسهل من شرب الماي

[vtc_4.8]

اسعدني مروركم ... ونفس ماقال اخونا عشق الشمال والله انها بسيطه

بس انت توكل على الله واتركها لوجه الله .

[captin]

الحمدلله

الله فكك من هالشر ومن هالسم القاتل

أحل الله الطيبات وحرم الخبائث
والتدخين يعتبر من الخبائث

انا تركت التدخين منذ اكثر من سبع سنوات
بعد ان كنت ادخن السجائر والشيشة معا

وتبين لي فعلا أن التدخين
غضب للرب وإضاعة للصحة والمال والوقت
وفي النهاية مجرد اوهام بأن المدخن ذو شخصية
مميزة ويحصل على نشوة من جراء التدخين

[MAZEN37]

تستاهل الخير يا الفتك

والحمدلله الي ما مت على معصيه

بعد خبره اجزم ومتاكد انه الرفجه السوء والمحيط هم سبب هالبلوى .

[i.qatar]

الفال لنا

[ضيف الدولة]

رحمة الله عليك وفضله أن عافاك من هذه المصيبة

والله من أكبر المصائب في الدنيا أن يكون الإنسان مدخنا

ومن أكبر النعم في الدنيا أن يعافيك الله من الدخان

فمبارك عليك أخوي ترك الدخان وثبتك الله ، وعقبال لكل مدخن مسكين ما يدري بأنه يحفر لحتفه بيده

[vtc_4.8]

تسلم وعقبال جميع الاعضاء

[باسكن روبنز]

http://rsel.files.wordpress.com/2010/09/2008-04-smoking-cigarette1.jpg



وآلي مايعرف يعدل مزاجه الأ بهذي ،:weeping:

[الصريحه]

الفال لنا

تقدر اخوي خل همتك مثل باقي الاعضاء وان شاء الله بتقدر
بعدين الحين فيه في الصيدليه شغلات واجد تعينك على الاقلاع
بالتوفيق للجميع بترك التدخين

[العقل المدمر]

ما شا الله النصايحه جايه من خبره :shy:
الحمد لله افتكيت منها
وعقبال المدخنين
تصدق حتى انا البنت ايام الثنوي كنت ابي ادخن :(
فعلا احسه ما يجي الا من شعور بالنقص فالبدايه
يعطيك العافيه

[vtc_4.8]

الله يعافيكم
وانا اخترت هالمنتدى بالذات لانه دريت انه فيه وايد اعضاء ومنهم اولياء امور عشان يحاسبون على عيالهم لانه للأسـف وايد انتشرت بين طلاب الاعداديه والثنوية

ودور المدرسه كبير جداا

[شيط ويط]

تجربة رائعة وسرد ولا اروع

الحمدلله اللي فكك من هالبلا

[بوخالد911]

هلا بكم

كنت بماليزيا

وهناك توجد صور بشعة ومقززة على علب السيجارة
كنوع من التخويف والتذكير بآن واحد


وليش عندنا للحيين ما شفنا مثل هالصورر
؟؟؟!؟!؟!؟!؟!؟

[wadha-qa]

اخوي امي صادته يدخن فوق السطح و طقيناه طق عشان ما يعيدها بس هالايام اشم فيه ريحه خايسه

السبب ولد الجيران ادري به اسود ويه دايما نشوفه يدخن فالشارع

الله يهديكم صراحه مادري شتحبون فيها ريحتها تخنق وانتو تشفطون في هالدخان وووع @_@

عطنا حل شنسوي وياه هو ب3 ثانوي حاليا و ملاحظه انه يقعد بروحه فالمجلس و ما يطلع ويانا اذا بروح اي مكان يعني اكيد رجع للتدخين

[الرويـس]

اتمنى لو يتم فتح استثناء لاستنساخ الاستاذ الحبيب / محمد الانصاري
اذا كان هو الاستاذ محمد اللي كان يدرس تربية اسلامية

ياجماعة مهما تكلمت عن هذا الشخص فلن ولن أوفيه حقه في الكلام
رجل يدخل في قلب كل شخص مهما اختلفت بذوره الموجودة بداخلـــــه
استاذ فاضل بما تحمله الكلمة من معنى .. واتمنى ان يبلـّــغ تحياتــــي
لان رقمه ضاع من عندي

[Qatarianes]

انا ابتلشت بالشيشه بديت ادمنها من سنه ونص
ومرات اشيش مرتين باليوم
مع العلم ماعمري دخنت زقاره
ماعرف شالحل شلون اترك ادمانها
كل ماتركتها ثلاث ايام رجعت لها بكل قوه

[ضيف الدولة]

تقدر اخوي خل همتك مثل باقي الاعضاء وان شاء الله بتقدر
بعدين الحين فيه في الصيدليه شغلات واجد تعينك على الاقلاع
بالتوفيق للجميع بترك التدخين

أختي الصريحة مثل ما قلتِ الأمر أولا وأخير بعد توفيق الله هو الهمة والعزم

وأنا أحكي للأخ قصة حصلت معنا نحن وليست من نسج الخيال ولا سمعنا عنها سمع

والحكاية هي مع والدي عليه رحمة الله

والدي رحمه الله كان يدخن خمسين سنة منذ ان كان عمره 15 سنة إلى أن بلغ 65 سنة وتدخين بشراهة طبعا وتعبنا معه وبينا له راي الطب وراي الشرع وهو مقتنع بضرر التدخين وبحرمته بعد ، ومرض بسببه فكان أحيانا في الثلاثة ايام ما ياكل وجبه واحدة كاملة وقرحة استمرت معه قريبا من 30 سنة وشرق وغرب للعلاج

ولما اراد الله هدايته ذهب للحج في العام 96 ونزل هو جدة قادما من بلادنا وانا نزلت جدة من ابو ظبي والتقينا هناك لكن لم نلتقِ الا بعد ان أحرم هو بثماني ساعات

وبمجرد أن سلم عليّ اخبرني بخبر كالحلم عندي ماذا قال لي ؟؟؟ قال لي أنا منذ أن أحرمت ما دخنت!!! طبعا نحن ما كنا نطمع ان يترك التدخين تمانية دقائق فكيف بثماني ساعات

ثم كان ماذا ؟؟؟؟؟؟

جلسنا في مكة وتعب تعبا شديدا حتى كدنا ان نقول له ارجع للتدخين مع كرهنا الشديد لذلك وفرحنا الاشد بتركه له ولكنه ثبت وصبر وقاوم التعب واولا واخيرا وفقه الله

وبفضل الله جلس عشر سنوات لم يعاود الدخان ولم يفكر فيه بل صار يكره رائحته وتغيرت احواله وزادت صحته وصار ياكل كل انواع الاطعمة والتي حرم منها ردحا من الزمن

وبعد قصة الوالد فانا لا اصدق انسان يقول لي ما استطيع أن اترك التدخين!!!! فالمسالة مسالة عزم وقوة ارادة ، خاصة أن القائل ما له في التدخين الا سنتين أو ثلاثة وحتى لو كانت عشرة فالوالد خمسون سنة !!!!!!!

فنحن مثلا نترك الطعام والشراب الذي حياتنا فيه وهذا في الصيام ، لماذا نفعل ذلك؟؟ لاننا نعزم ونقوي ارادتنا ، ونعلم ان في تركنا له خيري الدنيا والأخره ، فكيف بالتدخين الذي لا طعمه لذيذ ولا رائحته طيبة ولا هو نافع ، بلا ضار ؟؟؟!!!!!!!!!!!

[خزامئ]

اللة ايثبتك ويبعد عنك اخوان السوئ

[rashid11]

بالتوفيق انشالله

[الراقيه سبشل]

الله يحبك لانه هداك وتركت التدخين

والله فرق كبير من كل النواحي بين المدخن والشخص العادي <<شحلوهم الي مايدخنون:shy:

الفال للشباب الباقيين الي يدخنون يتركون هالعادة السيئة:nice:

[ابوعلي]

الحمدلله اخوي الله فكك من التدخين والله يجزيك كل خير على الموضوع الطيب ومن تجربة شخصية لك

وان شاء الله باوصل الموضوع للأستاذ / محمد الأنصاري

[Doha Sun]

انا كنت ادخن 3 علب باليوم يعني 60 زقارة
والحمد لله استطعت ان انتصر عليها وتعاطيتها اكثر من 15 سنة
وكان عمري 16 سنة عندما بدأت اتعاطي هذه الملعونة

ارجو من كل متعاطي ان يحاول فقط . . . والله ثم والله انها اسهل من شرب الماي


احييك على الارادة القوية ..:victory:

[طالب]

تسلم على الموضوع







http://www.mo3alem.com/vb/imgcache/14605.imgcache.jpg



أحس أنه إذا أي مدخن شاف هالإعلان،، ممكن يتوقف عن التدخين بدون رجعة

الله يهديهم ويهدينا جميعاً..

[vtc_4.8]

اتمنى لو يتم فتح استثناء لاستنساخ الاستاذ الحبيب / محمد الانصاري
اذا كان هو الاستاذ محمد اللي كان يدرس تربية اسلامية

ياجماعة مهما تكلمت عن هذا الشخص فلن ولن أوفيه حقه في الكلام
رجل يدخل في قلب كل شخص مهما اختلفت بذوره الموجودة بداخلـــــه
استاذ فاضل بما تحمله الكلمة من معنى .. واتمنى ان يبلـّــغ تحياتــــي
لان رقمه ضاع من عندي


جبتها عالعوق هو مدرس التربيه الإسلاميه السابق والله لو اني اشوفه احبه على راسه واشكره لانه فادني جدا جدا وحتى من الناحيه الايمانيه بصراحه قبل ماكنت اهتم وايد في امور الإسلام عامة بس بعد محاظرته حسيت نفسي مب عايش .. اسمحولي طلعت عن الموضوع بس والله هالرجال يستاهل كل خير والله ينفع به شباب قطر الطيبين

[vtc_4.8]

اخوي امي صادته يدخن فوق السطح و طقيناه طق عشان ما يعيدها بس هالايام اشم فيه ريحه خايسه

السبب ولد الجيران ادري به اسود ويه دايما نشوفه يدخن فالشارع

الله يهديكم صراحه مادري شتحبون فيها ريحتها تخنق وانتو تشفطون في هالدخان وووع @_@

عطنا حل شنسوي وياه هو ب3 ثانوي حاليا و ملاحظه انه يقعد بروحه فالمجلس و ما يطلع ويانا اذا بروح اي مكان يعني اكيد رجع للتدخين

والله اختي ودي افيدج والله يهديه

مفروض من نفسه يقتنع ويترك هالسم

اهم شي تصكون عليه لاياخذ راحته .. اول شي بيكره من يبعده عن التدخين والي يحكرون له سواء اخواته او والدينه بعدين والله يحمد ربه نفس ما انا كنت هالشكل

بس هو فثالث ثنوي يعني شوي صعبه تنقصون من المصروف الحل في نظري انه الام والابو يصارحونه ويحتااج شوي توعيه ولو الواحد يهتم في الجانب الايماني نور على نور

الله يحفظه

[vtc_4.8]

والدعاء بصدق في السجود وترجو الله انه يبعدك عنها لوجهه الكريم
والله له اثر كبير

[كاشف الغطاء]

الله يجزاك خير ويوفقك وفعلا هالجيل مشكلة في التدخين يمكن اعطيكم احصائية 60% من شباب هالجيل مدخنين والله يفك الجميع منه

والحمدلله على سلامتك

[vtc_4.8]

الله يجزاك خير ويوفقك وفعلا هالجيل مشكلة في التدخين يمكن اعطيكم احصائية 60% من شباب هالجيل مدخنين والله يفك الجميع منه

والحمدلله على سلامتك


نقس ماذكرت قبل اصدقاء السوء هم السبب

تخيل ايام الثنوية 22 طالب تقريبا كنا 2 الي مايدخنون تقريبا والحين في الجامعه كل طلاب الصف يدخنون الا انا

الله يهديهم بس

[فيزيائية]

موضوع ممتاز وغير ممل اخوي

الانسان العاقل يستطيع ان يقلع عن أي أمر أو عادة أو سلوك يضره ....

فقط لو أراد ...

[بوصالح 92]

الله يوفقك لطريق الخير ويبعد الدخان عن جميع المسلمين

[بنت صقار]

الله يثبتك..ويهدي..كل مدخن..الى طريق الاقلاع..عنه..

[كأس2022العالم]

انا مدخن من سنه 1993وماطاحت السيجاره من يدي الا من 6 شهورالحمدالله .... والله والله مادري شاقول لكم وشلون الفرق الي احسه الحين بعد ماتركتها ... كنت موهوووم وعايش في وهم والله وصحيت منه توني أه أه حرااام والله السنين الي راحت من عمري وانا اشفط فيها كل دقيقه وكل ساعه وكل يوم اخاف اقول وتقولون كذاااب وتبالغ في كلامك .... مايمديه 6 شهور بس ويقول ها الكلام... ترى الرغبه في التدخين ماتستمر اكثر من دقيقتين الى خمس دقايق فقط فقط فقط وبعدين تنساها فتره وترجعلك بعد ساعه او ساعتين وهنيه قوتك وعزمك يلعب دور مهم في رغبتك في الأقلاع عن التدخين خلال الخمس دقايق ... ومن الأشياء الي تغيرت في حياتي مثل أفتحت شهيتي للأكل سرت اشوي (دب) ... أتسلم ودق خشم و أنت واثق بنفسك ... ريحت موترك يغدي ريحت خله من اروايح الزينه ... غير طبعآ الصحه و انشاط الي بتحس فيه بعد مرور أسبوع من تركها .... يله الله كريم ويعطيكم العزم ان شاءالله بس لازم تنوي نيه صادقه قبل كل شي ... وخل السنه الجديده 2011 بدايه الترك السيجاره ....وبتوفيق للجميع انشاءالله *

[قطرية بعيون]

انا اخوي كان غاثنا بالسجاير يوم دش دورة الصاعقه العنوا شكله ومن عقب الدوره كنسل مادري ليش فنصيحه تبي تكنسل دش الصاعقه ههههههههههه

[مريومة]

الحمدالله ربك فكك منه

بالمرة نضيف قصة قصيرة عن التدخين

ابو رفيجتي كان مدخن شره .. وعصبي

مرة كان رايح صلاة الجمعة .. وهو واقف في الصف .. الا اللي جمبه رجع ورا

سأله ابو رفيجتي ليش رجعت .. قال له الرجال: ريحتك سيجاير

عقبها ابوها قطع التدخين .. ولا قربه مرة ثانية

يعني السالفة سهلة .. تحتاج فقط قرار وتصميم

والله يثبتك

وانا :shy: بنت عقاب

[قــ502ـطرالعز]

الصراحه تترك الزقاره يبيلها شخص صامل مب يتركها سنه ولاا ست شهور ويرجع لها اعبر من قبل شالفايده
موفق اخوي في اختيار الموضوع .. والله يثبتك على تركها

[نوفا91]

الحمدالله اللي افتكيت من هالسم ..وتحمل ترجع له مره ثانيه والله يوفقك ويثبتك ان شاء الله ..

[كأس2022العالم]

..............……..........

[jeep-srt8]

انا متسمم :(

وادور خطط للأقلاع ..ادعووولي

[Xx QATARI xX]

والد واحد من الربع ،، امنعوه عياله من التدخين لانه كبير في السن وخافو عليه
تعب عليهم في البيت ،، ودوه المستشفى واكشفو عليه والدكاتره من كل التخصصات
اكشفو عليه واحتارو في امره

في اخر شي واخر دكتور قعد معاهم قالهم احنا تعبنا معا ابوكم ، ماندري شفيه
سئلهم ،، هو يدخــــــــــــــــــــــــــــــــن

قالو له : ايه يدخن واحنا مانعينه
قالهم : خلوه يدخن وبيصحى :nice:

دعواتكم ياجماعه لي وللمدخنين كلهم
لانه لاينفع ضرب ولا هواش
تحيــــاتي

[غرفاوي قطري]

موضوع‘ في قمة الرووعه‘ ..
وطرح‘ ج‘ـميل ..

الحمدلله الله فكك منهآ ..

ونقول : رفع‘ للمدخنين .. :) ؛

[abdo222]

:) يعطيك العافيه والله يقويك ،،

بالنسبه لي بديت سجاير من 2003 ، والشيشه بعد ،،
والحمدلله :) لي سنه و 3 اشهر موقف السجاير ولا سجاره ،،
طريقه توقفي :
جربت علج النوكيتين ما نفع ،، جربت اللزقات ما نفع ،، جربت اوقف فجآ او تدريجيا ما نفع ،،
لين سافرت البلد اوروبا دراسه وبعد شهر خلصوا السجاير الي جايبهم وياي ،، قلت جا الوقت ووقفت شهر اكتوبر 2009،، وبديت بالشيشه لين شهر 5 سنه 2009 وللحين الحمدلله لا هذا ولا ذاك :)

الواحد يعرف انه مضر و كلام الصحه والفلوس والكلام كله حق المحاظرات بس مب هذا الشيء الي يخلي الواحد يوقف تدخين،،

ايام الاسياد واحد قالي جمله مافهمتها وقتها ،، كنا ندخن وطلب مني ولاعه ولما ولع قالي "الرجال الي عنده عقل الصراحه ما يدخن ولا يخلي شيء يسيطر عليه" مع انه اهو يدخن بس سبحان الله ،،

اذكر رمضان 2008 خليت دعائي سنتها انه ما يي رمضان الجاي الا وانا موقف،،
الحين الصداع راح الحمدلله والمزاج المتقلب ،

الحمد والشكر لله ،،

[كأس2022العالم]

...... ننتظر المزيد من المقلعين عن التدخين وشعورهم بعد الأقلاع عن هذه السموم الله يجزاهم خير والكل يستفيد ان شاءالله .

[كأس2022العالم]

...،،.........،،،،،......،،،،،......

[The MooN]

:nice::nice::nice: مبروك والله يعطيك الصحة والعافية بعيدا عن هالسمّ :nice::nice::nice:

وعقبال كل المدخنين يا رب

[vtc_4.8]

جزاكم الله خير عالردود الحلوة



والد واحد من الربع ،، امنعوه عياله من التدخين لانه كبير في السن وخافو عليه
تعب عليهم في البيت ،، ودوه المستشفى واكشفو عليه والدكاتره من كل التخصصات
اكشفو عليه واحتارو في امره

في اخر شي واخر دكتور قعد معاهم قالهم احنا تعبنا معا ابوكم ، ماندري شفيه
سئلهم ،، هو يدخــــــــــــــــــــــــــــــــن

قالو له : ايه يدخن واحنا مانعينه
قالهم : خلوه يدخن وبيصحى :nice:

دعواتكم ياجماعه لي وللمدخنين كلهم
لانه لاينفع ضرب ولا هواش
تحيــــاتي

هالحاله اخوي للأسف تكون خلاص رئته انتهت يعني حول ال40 سنه يدخن :(

هني اظن الترك من عدمه مافي فايده