أسعار الريدي مكس هذه الايـــــــــام

[قطري عصامي]

السلام عليكم ورحمة الله وبركاته،،،


أخواني هل يستطيع أي منكم إخباري ما هي أسعار الريدي مكس هذه الايـــــــــام؟؟



ولكم جزيــــــــل الشـــــــــــــــــــكر،،،

[naklan]

اخوي العزيز قطري عصامي تحياتي لك

اسعار االريدي مكس متفاوته من شركه الى اخرى

الاسبوع الي راح خذت المتر 30 نيوتن قابرو من شركه قطر ريدي مكس

330 ريال وطبعاُ الاسعار تختلف قليلاً من شركه الى اخرى

ومن مكان الى اخر وعلى كل زياده نيوتن سعر اعلى

يعني 20 غير 30 وال 35 وال40 نيوتن

اتمنى اكون افدتك وموفق باذن الله


اخوك/naklan

:)

[ريان]

الاسعار في حدود 300 الى 330 تقريبا لل 30 نيوتن

ومثل ماقال اخوي - naklan تختلف من شركه لاخرى

[Chambray]

شيفرق فيه النيوتن وايش استخداماته ؟؟؟
انا يصبون في بيتي ولا ادري كم نيوتن !!

[naklan]

شيفرق فيه النيوتن وايش استخداماته ؟؟؟
انا يصبون في بيتي ولا ادري كم نيوتن !!


الي يفرق اخوي الصلابه في قوه الخرسانه

20 نيوتن تصلح للصبيه داخل الفلل الي تجي تحت البلاط

وبعد تستخدم في صبيه النضافه تحت القواعد

30 نيوتن هي الصبيه المستخدمه في الفلل العاديه نفس فلتك

للسقوف والعمدان وللقواعد

35 او 40 تستخدم في المباني الكبيره والعماير

لقوتها وملائمتها

تحياتي للجمـــــــــــــــــــــــــــــيع

اخوك/naklan

:)

[قطري عصامي]

اشكر اخواني naklan و ريان ،

اشكركم على ردودكم ، لكن هل هناك مجال للمفاصله في السعر؟؟
واي شركة تنصحوني بالتعامل بها؟؟

[naklan]

حياك الله اخوي قطري عصامي

ولا شكر على واجب يالغالي بخصوص

الاسعار بتحصل ارخص في شركات بس قد تكون

غير موثوقه في النوعيه وغير مضمونه في القياس

يعني تطلب 28 متر ويوصلك 26.5 متر

نصيحه ابعد عن الشر والمشاكل وتعامل مع المضمون

ريدي مكس قطر او شركه خالد او اي شركه

كبيره واترك الشركات الصغيره

الي امكانياتهم متواضعه


تحياتي لك وللجمــــــــــــــــــــــيع

اخوك/naklan

:)

[Chambray]

بيض الله وجهك يا اخوي naklan على المعلومات والله معلومات جديده صراحة :) ومنكم نستفيد

انا مقاول بيتي مايتعامل إلا مع شركة الربــــان
صراحة خرسانتهم نظيفه وممتازة
اخر مرة يوم يصب الطابق الثاني كان يستخدم مع الصبيه ثلج !! واعتقد ان تجي بأوردر خاص
بس الحمد لله بعد ماصب الصبيه ماطلعت شروخ كثيرة نفس ماكنت متوقع لان الصبيه كانت الساعه 8 الصبح وكان الجو شوي حار
تحياتي لك

[naklan]

بيض الله وجهك يا اخوي naklan على المعلومات والله معلومات جديده صراحة :) ومنكم نستفيد

انا مقاول بيتي مايتعامل إلا مع شركة الربــــان
صراحة خرسانتهم نظيفه وممتازة
اخر مرة يوم يصب الطابق الثاني كان يستخدم مع الصبيه ثلج !! واعتقد ان تجي بأوردر خاص
بس الحمد لله بعد ماصب الصبيه ماطلعت شروخ كثيرة نفس ماكنت متوقع لان الصبيه كانت الساعه 8 الصبح وكان الجو شوي حار
تحياتي لك


ووجهك ابيض اخوي Moyen Orient وان شاء الله

منزل مبارك والله يهنيك فيه

مقاولك يعمل بطريقه صحيحه وأول من استخدم طريقه

الثلج اعتقد هم اليابانيين المقاولين وانا اخوك انواع نفس اخلاق

البشر فيهم الي يخاف الله وفيهم الي ثقافته في البنا ضحله

وفيهم الي يغش عينك عينك ليوفر على حساب الجوده

ويجب ان يكون عندنا في البنا ثقافه ذاتيه حتى

نحافض على حلالنا وحتى لو كانت خفيفه تنفع

وتوفر عليك قيمه استشاري ياخذ فلوس وهو جالس

يقرا جرايد وما ينظر حتى لمبناك يجي ويروح

علشان يستلم دفعاته وما يهمه حتى لو يحترق المبنى

صبيه الخرسانه من وجه نظري بعد العصر في اوقات الحر

افضل لانه وراها الليل وتنشف بالراحه

وعليك بالرش والتغريق بالماء لمده 10 ايام بعد الصبيه

ليكون شغلك 100%



تحياتي لك وللجمـــــــــــــــــــــــيع

اخوك/naklan :)

[قطري عصامي]

حياك الله اخوي قطري عصامي

ولا شكر على واجب يالغالي بخصوص

الاسعار بتحصل ارخص في شركات بس قد تكون

غير موثوقه في النوعيه وغير مضمونه في القياس

يعني تطلب 28 متر ويوصلك 26.5 متر

نصيحه ابعد عن الشر والمشاكل وتعامل مع المضمون

ريدي مكس قطر او شركه خالد او اي شركه

كبيره واترك الشركات الصغيره

الي امكانياتهم متواضعه


تحياتي لك وللجمــــــــــــــــــــــيع

اخوك/naklan

:)



اشكرك اخوي naklan


سوف اخذ بنصيحتك :)