سوأل لأخوي( شموخ )وللأخوة الأعضاء؟(بخصوص مكيفات متسوبيشي)

[رياني مدريدي]

يا ليت حد يفيدني ابي اركب مكيفات متسوبيشي اسبيلت حق فيلتي واحترت هناك نوعين من المستوبيشي نوع اسمه متسوبشي اليكترك وكيله شركة اعمال ونوع اخر وكيله التيسير علما

[naklan]

تفضل اخوي رياني مدريدي هاذا الرابط فيه كثير من المعلومات

شوري عليك خذ مكيف كمبريسر امريكي

ولا تاخذ كمبريسر روتاري من واقع تجربه

:)



الرابط الاول

http://www.qatarshares.com/vb/showthread.php?t=316755

الرابط الثاني

http://www.qatarshares.com/vb/showthread.php?t=302862

الرابط الثالث

http://www.qatarshares.com/vb/showthread.php?t=316572

الرابط الرابع


http://www.qatarshares.com/vb/showthread.php?t=333081

الرابط الخامس


http://www.qatarshares.com/vb/showthread.php?t=307477&highlight=%DF%E5%
D1%C8%C7%C1

وسامحنا على القصور

[مالي ومال الناس]

المتسوبيشي بشكل عام ممتاز

فيه الأصلي اللي كلمة متسوبيشي مكتوبه بالاحمر هذا غالي جداً , وفيه اللي مكتوب بأبيض او رصاصي عندنا في الدوام , تبريده مسكت وماعليه كلام , ولاشفنا فيه عيوب

على كل حال النوعين اشوفهم افضل استخداماً من جميع الشركات الأخرى سواء الجنرال او دايكن او غيرهم

لكن سعره اعلى

وعقبال الريان في المقدمة :victory:

[رياني مدريدي]

مشكورين اخواني على الردود بس اخوي naklan بخصوص الكمبريسر تقول اخذ امريكي مثل اي مكيف وبعدين المتسبيشي ابو علامه حمرا نظامه مش روتري يقولون نظام جديد اسمه سكرول يجمع بين البستن القديم والروتري ومكتوب عليه هفي ويتحمل الحراره فوق 45

[شموخ دائم]

,

,


مرحبا


الله يعطيك العافيه

الاخوان ما قصروا جزاهم الله خير

المتسوبيشي من احسن المكيفات الموجوده في قطر طول ال 15 سنه الي فاتت
هو رقم واحد دائما وهو الخيار الاول وسعره دائما فوق الشركات الثانيه
انا اشوف تاخذ النوع الجديد منه لان دائما النوع الجديد يلغي عيوب النوع الي قبله
والله يوفقك

,

,


اخوك


شموخ دائم

[رياني مدريدي]

مشكوووووووور اخوي شموخ على التوضيح

[حياة]

بالنسبه لبيتنا اخذنا من شركه عبدالحميد oجنرال
وغالي بعد موب رخيص بس الكل يمدح فيه والكومبريسر ياباني على مااعتقد والله لايخسر علينا ولا عليكم يارب

[بوعيسى1]

جنرال ما عليه كلام
بس حاسبوا من جنرال كوووول
ترى وايد الناس يغلطون فيه وانا شخصياً خذيت جنرال كووول بالغلط

[shmokh]

هناك نوعان من المتسوبيشي

متسوبيشي دايا وكيله التيسير

ومتسوبيشي الكتريك وكيله المتحده

طبعا لما الناس تتكلم عن متسوبيشي انه من افضل المكيفات فالمقصود هنا متسوبيشي دايا اللي وكيله التيسير

[خليفـة]

للأمانه اخوي
مكيفات ميتسوبيشي .. تعتبر من أفضل المكيفات عالمياً
وللعلم اخوي .. حسب علمي ان هذي المكيفات هي الوحيدة التي لازالت تصنع في اليابان
وهي بكل انواعها ممتازة
ولكني أوصي بشراء مكيفات التيسير
وذلك من واقع تجربه اولاً
ولاني شفتها في أحد المساجد ثانياً

ما اعتقد ان كلامي بيعلى على كلام اخوي الكبير شموخ دائم
ولكن اعتبرها مجرد مداخلة متواضعة

ولا زلت أذكر الجميع : أعطِ الخباز خبزة .. لو أكل نصه
المهم ان الخباز يكون صاحي ومتواجد بينا .. والله لا يحرمنا من خبراته
التي لا تُقدر بثمن
:)