صوغـــــة الحجاج [الأرشيف] - منتديات شبكة الأسهم القطرية

رمــش الغلا

24-10-2010, 01:04 PM

السلام عليكم

شخباركم

انا ان شاء الله باروح الحج السنه :) طبعا أول مره

وأبي احد ايوفر لي هدايا حق اللي بيجون لي ايباركون لي بالحج

يعني 50 هديه

اللي تخبر مكان او وحده اتسوي لي باكون لكم شاكره
ويزاكم الله خير حبايبي

حياة

24-10-2010, 01:44 PM

الله يوفقج يارب وحج مقبول
اختي روحي سوق واقف واخذي كم قطعه على كم ملفع على كم سجاده وبتلاقين اسعارهم زينه واحسن من هني كله اشياء غاليه في المنتدى
ومن مكه اخذي تمر اللي في علب وماي زمزم اللي في ابريق صغير
وتروحين وتردين بالسلامه يارب

مهل

24-10-2010, 01:48 PM

الحين تروحين الحج و تشترين صوغه من الدوحه ؟ شلون ؟ مايصير تروحين الحج و تقصين على الناص بالصوغه :nice:

تروحين و تردين بحج مبرور و ذمب مغفور .

لوردغاليري

24-10-2010, 01:49 PM

اقدر اوفرلج بالسعر الي تبين شي فخم ومميز

latty

25-10-2010, 12:16 AM

فيه محل قماش في سوق واقف تشترين منه قطع وتقولين له غلف كل قطعه بروحها وتاخذين كم جلال مشجر وبعد تغلفينهم وتاخذين سجادات العدد اللي تبين ومسابيح وان بغيتي قحافي العدد اللي تبين وفيه محل بسوق واقف يبيع اكياس حلوه نايلون كبيره عليها صوره ورده وكلمة هديه يدلج عليها اللي يبيع السجادات

هذا من قطر تكيسينهم وتجهزينهم

من الحج اشتري ايات قرانيه مر علج لبان بعض المسابيح النسائيه ماء زمزم تمر وهدايا للناس القريبين وبعض الاكسسوارات للبنوتات وبعض الهداياللاولاد مثل العازفه او كيمرا

ولما تردين تحطين بكل كيس ضافات من مكه وماتنسين تكتبين على كل كيس بوسط ورقه لاصقه بيضاء اسم المهدى لها حتى لما يزورونك ما تتلخبطين وكل جماعه ضعي هداياهم على جنب مثل الاخوات مع بعض العمات مع بعض لانهم يجون ماشاء الله جماعات

وتروحين وتردين بالسلامه

الصراحه الشراء من قطر يريح كثير فهو يعطيك وقت كثير للعباده وما تشيلين هم اغراض كثيره بالشحن ولا ترتيب وغيره انصحك تشترين اذكار وملصقات دينيه واشرطه حتى لو تاخذينها من ابن القيم او اي مكتبه

اتمنى اني افدتك

ريفان

25-10-2010, 01:25 AM

ما عندي شي بس حبيت اقولج حج مبرور وذنب مغفور

رمــش الغلا

25-10-2010, 08:15 AM

مشكورين ماقصرتوا

يعطيكم العافيه

:)

ان شاء الله بروح سوق واقف بشوف

لورد غاليري راويني الاشياء اللي اتسوينها

دمي قطري

25-10-2010, 08:29 AM

فديتج توني انا شارية صووغ من سووق وااقف

روحي محلات الشمال للقماش القطع رووعه المتر عل 9 ريال 10 ريال ويغلفهم لج بس يبيلة مكاسر

واخت الملافع على 8 ريال والبعض على 7

والسجادات على 15 بس انا نصج تشترين سجادات الجيب رخيصة في المنتدى يبعونها على 2 ريال ولا 3 ريال

ولين رحتي مكة خذي ماي زمزم المغلف وبس

رمــش الغلا

25-10-2010, 08:56 AM

شيزكيك

25-10-2010, 04:54 PM

الله ذكرتيني شريت القطع من سوق العلي كانه 4 امتار ب20 ريال ييون مقصصين وجاهزين وشيل البيت الملونه وجلابيات البيت وطبعا حق خواتي من هني وهناك وخذت الكاميرات ما نستغنى عنهاذكريات وماي زمزم وتمور ومسابيح ومساويك من هناك وحطيتهم في اكياس من الرونق وعليهم كروت اسمي وبعد اضطريت اشتري غيرهم

حياة

25-10-2010, 06:12 PM

سجاده الجيب في الرونق بريالين انا ماخذم منهم

رمــش الغلا

26-10-2010, 07:12 AM

مشكورين

جزاكم الله خير