سؤال للاخ شموخ ولباقي الاعضاء المميزين

[حياة]

السلام عليكم ورحمه الله
سؤال للاخ شموخ ولباقي الاعضاء المميزين
ادري ازعجتكم وشكثر بالاسئله بس وش اسوي ماعندي حد اسئله غيركم؟؟؟؟
ويشهد الله اني استفدت من هالقسم وخصوصا من الاخ شموخ دائم الله يبارك له يارب
بالنسبه لي بيتنا على وشك يخلص (عظم)وببتدي تشطيب باذن الله هالايام
بس طلعت لي مشكله كبيره من المصصم اللي صمم بيتنا وسوى لنا الخرايط وتو المقاول يكتشف الغلط
والغلط هو انا فيه حمام اعزكم الله في الدور الثاني في وحده من الغرف ظهر الحمام مواجه لوجه الفيله يعني تقريبا فوق مجالس الحريم اللي تحت بس المشكله ان التمديدات ماله المواسير بتاخذ لفه كبيره وهذي مشكله لانه لازم يتركب مضخه لانه احتمال ينسد من اللفه الطويله او ينزل المقاول المواسير دايركت على المجلس وبيضربها بلاستر وبتصير مع الطوفه وانا ماابي هالحل لان يمكن مع الوقت يخترب ويطلع ريحه
او يكنسل الحمام والحمام ضروري وانا فكرت اخلي المواسير تنزل على برا واسوي جي ار سي على شكل ديزاين معين بس في نفس الوقت بيخترب ديزاين البيت الخارجي لاني مسويه تراثي
ياليت اللي مر بنفس المشكله يقول وشون تفاداها واللي عنده حل ياليت يقول لي وبسرعه..
السؤال الثاني
بالنسبه للنوافذ الحمامات ايش الافضل تكون المروحه في نفس النافذه او تكون المروحه لحالها والدريشه لحالها ...لاني مااعرف والمقاول سواها منفصله وانا ودي تكون مع بعض يعني فتحتها وحده
ايش رايكم ..ولاتحرموني من ارائكم المميزه
وجزااااااااااااكم الله مليون خير

[شموخ دائم]

,

,


مرحبا

السلام عليكم ورحمه الله


اخوي الله يعطيك العافيه

والله تحرجوني لما تحطون اسمي

بدون اسماء ان شاء الله احنا متواصلين معاكم

دائما ننصح بالفيلا ان الحمامات تكون تحت بعض فوق حمام وتحته حمام

حتى نتجنب الكثير من المشاكل وسهوله التمديدات والصيانه

لكن كل تصميم فيلا وله امور تفرض نفسها امام الاستشاري

عموما

داخل الجدار لا الحل هذا مو عملي

الحل اذا يناسبك نعمل ( دكت ) داخلي وهو عباره عن حائط على شكل خزانه بالطابوق

ونخبي المواسير داخله ونعمله عريض وبارز الى دخل الحمام بحيث يصبح ديكور ممكن نخلي له بلاط لونه مختلف

ويمتد هذا الدكت الى الدور السفلي وايضا من الطابوق وكل ما كان عريض راح يكون اجمل للديكور ممكن نستفيد من وجوده لعمل مدخنه او حائط نكسيه حجر الديكور ... الخ

او يكون الدكت ( خارجي ) من الطابوق يكون عريض وبارز ويمشي مع ديكور المنزل ومحد يعرف ان داخله تمديدات لانه جزء من المبنى

وما يكون جسم غريب دخل على التصميم لو استخدمنا المنيوم او جي ار سي

المروحه

لا تعملها بنفس الشباك راح تطلع صوت وتهز الشباك وتدخل غبار وشكلها مو حلو هذا نظام قديم جدا ما عاد حد يسويه

المراوح الان في وسط السقف كذا

http://up.arabseyes.com/upfiles/BdX60554.jpg

عمليه وشكلها مرتب وما تدخل غبار بالحمام ولا لها صوت

او تكون مروحه عاديه لوحدها من النوع الزين

اعزمني والاعضاء على العشاء لين جهز البيت

:)

بالتوفيق لك


,

,


اخوك


شموخ دائم

[ahmed jasim]

إذا الحمام فوق المدخل عندى حل

ممكن ترسل إسم الأستشاري على الخاص