تقرير : جـــزر المالديف... بعدسة HADi

[HADi]

السلام عليكم ..

حبيت انقل لكم تجربتي في سفرتي الاخيرة .. الى جزر المالديف .. وأعذروني على بعض

الصور لاني مافكرت اسوي تقرير الا في نص السفره .. وبديت اجمع الصور الى كانت من اكثر من كاميرا

وفي الحقيقة جزر المالديف من الاماكن الي كنت اتمنى ازورها من زمان .. ولكن ماسمحت لي الفرصه ..

المهم لما قررت ازور الجزيره هالمره وعزمت ..

وطبعاً كنت استشير الشباب ..

وياكثر الاراء السلبيه .. مثل

غاااااااااااليه .. http://www.pic4ever.com/images/126fs422682.gif

بتملل
http://www.pic4ever.com/images/s134.gif

لا تحسب المالديف مثل الصور البحر صافي والسما زرقه


http://www.pic4ever.com/images/4fvgdaq_th.gif


بس قلت انا خلاص عزمت على الروحه وخاصه الي انتقدوا ماعمرهم راحوا ولا جربوا

توكلت على الله وبديت ابحث في النت عن الفنادق والجزر ومعلومات عن المالديف


http://www.pic4ever.com/images/computer3.gif


عرفت ان المالديف دولة اسلامية وهي عباره عن مجموعة جزر تقريبا 1190 جزيرة

عاصمتها مالي


بعض الجزر يسكنها سكان المالديف والبعض منها عليها فنادق وهي الاماكن السياحية

وفي الغالب كل فندق حاجز له جزيره


وخططت على 8 ليالي لشخصين

4 ليالي في فندق الفور سيزون

و4 ليالي في فندق الدبليوو

وحجزت كل شي وتوكلت على الله :victory: في تاريخ 3 /10 /2010

توجهت للمطار وانا بشوق للوصول لجزر المالديف

مدة الرحلة 4 ساعات تقريباً


تعشيت في الطياره

http://www.hadiblog.com/ff/m1.jpg

ورقدت لاني كنت مرهق وابي اوصل بسرعه وكون نشيط

:strong3:

فتحت عيني الكل نايم
http://www.hadiblog.com/ff/m2.jpg

بس اشعة الشمس طلعت وطار النوم ابي اطل وشوف شلون الجوو :)


طليت وشفت الجوو والغيوم يالله طار النوم صح


http://www.hadiblog.com/ff/m3.jpg




وشوي بدت تبين الجزر

http://www.hadiblog.com/ff/mm4.JPG


واعلن بدء النزول التدريجي :nice:


والحمدالله وصلنا بسلام الى مطار مالي


http://www.hadiblog.com/ff/m5.jpg


انزل من الطياره وروح مشي للمطار المسافه خطوات :)


صورة من داخل المطار

http://www.hadiblog.com/ff/m6.jpg



المهم خلصنا الجوازات واول ماطلعنا حصلت شخص في يده لافته مكتوب عليها

HADi

توجهت له وكان من فندق الفور سيزون رحب فينا واستلم الشنط

وقال حياكم معاي .. لحد ماوصلنا للقارب السريع الي بينقلنا لجزيرة الفندق


http://www.hadiblog.com/ff/m7.jpg

ركبنا وقدموا لنا عصير وماي ورحبو فينا طاقم الطراد وقالوا لنا ان الطريق يحتاج نص ساعة



وفي الطريق كنت اشوف مناظر جميله وجزر كثيره لحد ماقال وصلنااا ..


http://www.hadiblog.com/ff/m27.jpg



http://www.hadiblog.com/ff/m8.jpg


اسقبلنا واحد واهدانا باقة ورد .. وتوجهنا للوبي


http://www.hadiblog.com/ff/m9.jpg


خلصنا معاهم وقالوا لنا بنعطيكم عرض والي اهو اب قريت على الواتر فيلا مقابل كل ليلة 300 ريال

وانا حجزي كان

Sunrise Beach Bungalow with Pool

الي اهي جناح على الشاطىء مع بركة خاصة .. على منظر الشروق

قلت له بفكر .. وقلت في بالي بقعد يومين وبغير

المهم وصلوني للفيلا الي كنت حاجزها وهذي صوره من الخارج


http://www.hadiblog.com/ff/m10.jpg



وهذي صورة للغرفة

http://www.hadiblog.com/room/2.jpg



وهذي للبانيو وللمغاسل

http://www.hadiblog.com/room/3.jpg



http://www.hadiblog.com/room/4.jpg


في هذي الصورة موضح مكان الشور الخارجي

http://www.hadiblog.com/room/7.jpg




وهذي صوره من الغرفة على المنظر الخارجي وبركة السباحة

http://www.hadiblog.com/room/5.jpg




http://www.hadiblog.com/room/6.jpg


http://www.hadiblog.com/room/5675.jpg



صورة للغرفة في الليل :)


http://www.hadiblog.com/room/DSC_0402.jpg




وهذي بعض الصور العامه للجزيره




http://www.hadiblog.com/ff/m11.jpg



http://www.hadiblog.com/ff/m12.jpg



http://www.hadiblog.com/ff/m13.jpg


http://www.hadiblog.com/ff/m14.jpg


http://www.hadiblog.com/ff/m15.jpg



هذي الفلل الي على البحر .. والي مثل ماقلت لكم عطوني عرض عليها بس مانويت اسكنها

لان الفيلا الي انا فيها شفتها افضل ... قريبه من المطاعم وفي نفس الوقت السيف عاجبني


http://www.hadiblog.com/ff/m16.jpg



http://www.hadiblog.com/ff/m17.jpg


http://www.hadiblog.com/ff/m18.jpg



http://www.hadiblog.com/ff/mm19.jpg



بركة السباحة العامه

http://www.hadiblog.com/ff/m20.jpg


هذي صوره التقطتها وقت الشروق



http://www.hadiblog.com/ff/m21.jpg




وهذي من الجزيره


http://www.hadiblog.com/ff/m22.jpg


http://www.hadiblog.com/ff/m23.jpg



هذي الصوره عباره عن زجاجة مشروب عنب .. كانوا حاطينه لنا هديه في الغرفة مع كيكه


في البداية ضنيت انه خمر بس طلع مجرد عصير .. بعد ماخلصته :) صورت هالصوره



http://www.hadiblog.com/ff/m24.jpg







وهذي وقت الشروق من الشاطىء امام الفيلا


http://www.hadiblog.com/ff/m25.jpg



وهذي احد الانشطه على الجزيره

http://www.hadiblog.com/ff/m26.jpg


بحثت عن المزيد من الانشطه والفعاليات

قالوا في جزيره قريبه يسكنها السكان المحلين .. قلت حلوو لازم ازورها

ورتبت مع الفندق وجهزوا لنا الطراد و مرشد سياحي


http://www.hadiblog.com/ff/m28.jpg


وتقريباً تبعد 10 دقائق من موقعنا اسمها اذا ماخب ضني Buda Huraa


وصلنا الجزيره وكانت جزيره صغيرة عدد سكانها مايتعدون 900 شخص وطبعاً كلهم مسلمين

لما يشوفونا يسلمون ويبتسمون



صور من الجزيره



http://www.hadiblog.com/budahura/DSC_9680.jpg




من احياء الجزيره

http://www.hadiblog.com/budahura/DSC_9766.jpg



http://www.hadiblog.com/budahura/Untitled-1.jpg


http://www.hadiblog.com/budahura/1.jpg


http://www.hadiblog.com/budahura/76546534.jpg

http://www.hadiblog.com/budahura/65345643.jpg

http://www.hadiblog.com/budahura/42111111.jpg


http://www.hadiblog.com/budahura/76475.jpg


http://www.hadiblog.com/budahura/DSC_9709.jpg

http://www.hadiblog.com/budahura/DSC_9782.jpg

هذي صورة لبير حافرينه للوضوء واهو امام مسجد

http://www.hadiblog.com/budahura/7654542.jpg



http://www.hadiblog.com/budahura/76534.jpg

انتهت الجوله في الجزيره الي استغرقت تقريباً ساعة


بعدها رجعنا للفندق

http://www.hadiblog.com/budahura/12345.jpg



وخلصت الاربع ليالي وكنها يوم واحد

خدمة الفندق كانت ممتازه .. وكانوا حاطين لنا سجادات لصلاه و اوقات الصلاه

وبعد سوو لنا عشى على البحر وقت الغروب كاهديه منهم

تقيمي للفندق 10 على 10 :nice:



والحين جا دور الفندق الثاني والي اهو W

وكان لازم ارجع للمطار حتى انتقل لجزيرة فندق الدبليوو

طلعت من الجزيره وهذي صورة الوداع


http://www.hadiblog.com/ff/m29.jpg


وصلنا المطار وحصلنا وحده تنتظرنا من فندق W خذت منا الشنط على شان تدخلهم الشحن

لان الجزيره بعيده وتحتاج الى ركوب الطائره المائيه ..

وخذتنا الى غرفة الانتظار الخاصة بالفندق



http://www.hadiblog.com/whot/ww/1.jpg

وهذي صورة قاعة الانتظار من الخارج

http://www.hadiblog.com/whot/ww/2.jpg



القاعه من الداخل مرتبه وفيها بوفيه صغير وانترنت جلسنا ننطر لحد ماقالوا لنا يالله الطياره جاهزه وكانوا في ناس معانا


http://www.hadiblog.com/whot/ww/3.jpg




وركبنا الطياره والصراحه كنت احاتي هالموقف :secret:

http://www.hadiblog.com/whot/ww/4.jpg



ثم الاقلاع

http://www.hadiblog.com/whot/ww/5.jpg


http://www.hadiblog.com/whot/ww/6.jpg



تقريباً خذينا نص ساعه والصراحه كانت ممتعه منظر الجزر من فوق شي خيالي


وهذي جزيرة W بينت وقربنا منها

http://www.hadiblog.com/whot/ww/7.jpg


طاقم الفندق ينتظرنا ويرحب فينا قبل الوصول


http://www.hadiblog.com/whot/ww/8.jpg


وصلنا

http://www.hadiblog.com/whot/ww/9.jpg



وقام طاقم الفندق بإستقبال القادمين .. قدموا لنا عصير وبعدها ركبنا سياره صغيره خذوا فينا لفه على الجزيره وعرفونا على مرافقها

http://www.hadiblog.com/whot/ww/10.jpg



وهذي الصوره عباره عن كشك صغير يحتوي على بعض المشروبات البارده والايسكريم

وهو مجاناً لنزلاء الفندق .. عدد الكشكات 6 موزعه على الجزيره .... طحت فيها :victory:



http://www.hadiblog.com/whot/ww/11.jpg


بعد ماخلصنا الجوله قالوا لنا الجك ان الساعه 2 ..والحين الساعه 12 تمشوا في الجزيره لحد ماتجهز غرفتكم

كان عندنا عدة خيارات اما الانتظار في الوبي او التمشي واستكشاف الجزيره اكثر

او الذهاب الى مكتبة الجزيره فيها انترنت وبليارد ..الخ

رحنا نتمشى


http://www.hadiblog.com/whot/ww/12.jpg



http://www.hadiblog.com/whot/ww/13.jpg



بعد تقريباً ساعه .. وحده من الفندق كانت تدورنا في الجزيره .. ولما حصلتنا قالت غرفتكم جاهزه..:)

ركبنا معاها متجهين للواتر فيلااا ..:nice:


http://www.hadiblog.com/whot/ww/15.jpg


http://www.hadiblog.com/whot/ww/16.jpg


وهذي صور الفيلا من الداخل ..

http://www.hadiblog.com/whot/ww/17.jpg

http://www.hadiblog.com/whot/ww/18.jpg

المنظر الخارجي من غرفة النوم

http://www.hadiblog.com/whot/ww/19.jpg

جانب آخر من الغرفة

http://www.hadiblog.com/whot/ww/20.jpg

وهذا من امام الفيلا في بركة السباحة الخاصة المزوده بنظام الجاكوزي :thumbup:

http://www.hadiblog.com/whot/ww/21.jpg

http://www.hadiblog.com/whot/ww/22.jpg

هذا المنظر وقت الغروب والاضاءه في البركة

http://www.hadiblog.com/whot/ww/23.jpg

http://www.hadiblog.com/whot/ww/24.jpg

لقطات آخرى للجزيرة

http://www.hadiblog.com/whot/ww/25.jpg

http://www.hadiblog.com/whot/ww/DSC_2418.jpg

http://www.hadiblog.com/whot/ww/DSC_2423.jpg




لو تدققون في هذي الصوره .. راح تشوفون جزيره تبعد 10 دقاق في الطراد

http://www.hadiblog.com/whot/ww/21.jpg


هذي الجزيره قالو لنا تقدرون تاجرونها مدة 4 ساعات او 8 ساعات ..

نتركم فيها بروحكم او اذا تحبون ..

اممممممم الصراحه حسيت انها تستحق التجربه .. رتبنا لها وحجزنا على ثاني يوم مدة 4 ساعات من الظهر الى المغرب وطلبنا يحطون لنا خضروات مع سندوشات

اتصلوا فينا وقالوا يالله الطراد ينطركم على شان ينقلكم لجزيرتكم الخاصه


http://www.hadiblog.com/whot/n5.jpg

ركبنا الطراد وكلها كم دقيقه حتى وصلنا للجزيره


http://www.hadiblog.com/whot/n7.jpg



http://www.hadiblog.com/whot/2.jpg


:omen2:

http://www.hadiblog.com/whot/3.jpg


نزلونا وعطونا جوال قالو لنا اي وقت تبون شي اتصلوا بنجيكم على طول .. :telephone:

قلت لهم شكراً .. ويالله باااي بااي ..

ابي اتفقد الجزيره :)

الجزيره مساحتها متوسطه مثل ما شفتوا في الصوره .. وفيها عدد من انواع الاشجار

ونخيل جوز الهند .. الي طحت فيه في البدايه




http://www.hadiblog.com/whot/4.jpg





http://www.hadiblog.com/whot/5.jpg


عدة المغاوص

http://www.hadiblog.com/whot/nh1.jpg

والعده فري من الفندق طول وقت الاقامه



والحين وقت السباحه ..

http://www.pic4ever.com/images/shrk.gif



والصراحه فرق كبير بين بحرنا وبحرهم حسيت نفسي اسبح في حوض سمك من كثر السمك

والشعب المرجانيه



http://www.hadiblog.com/whot/fish/DSC00651.jpg




http://www.hadiblog.com/whot/fish/DSC00690.jpg



http://www.hadiblog.com/whot/fish/DSC00885.jpg



http://www.hadiblog.com/whot/fish/hjg.jpg


http://www.hadiblog.com/whot/fish/DSC00910.jpg


http://www.hadiblog.com/whot/fish/DSC00919.jpg

http://www.hadiblog.com/whot/fd/1.jpg


http://www.hadiblog.com/whot/fd/2.jpg


http://www.hadiblog.com/whot/33.JPG


http://www.hadiblog.com/whot/44.JPG

http://www.hadiblog.com/whot/fd/5.jpg








حتى قبقبهم غير :spider:



http://www.hadiblog.com/whot/8.jpg


بعد السباحه الاكل :)


http://www.hadiblog.com/whot/DSC_1984.jpg


http://www.hadiblog.com/whot/room2/n/3.jpg



وخلص الوقت كانه فقط ساعه


رجعنا للجزيره مع الغروب


http://www.hadiblog.com/whot/room2/n/4.jpg



http://www.hadiblog.com/whot/room2/n/1.jpg


بعدها على حجزي كنت حاجز اخر يومين على فيلا على البحر كا نوع من التغير

وهذي صورها


http://www.hadiblog.com/whot/room2/11.jpg


صورة الفيلا

http://www.hadiblog.com/whot/room2/2.jpg


http://www.hadiblog.com/whot/room2/4.jpg

امام الفيلا .. بركه خاصه مع جاكوزي

http://www.hadiblog.com/whot/room2/3.jpg

الفيلا عباره عن طابقين

http://www.hadiblog.com/whot/room2/5.jpg

في الطابق العلوي عباره عن جلسه مرتفعه على شكل مرجيحه

http://www.hadiblog.com/whot/room2/6.jpg

المنظر من الطابق العلوي

http://www.hadiblog.com/whot/room2/7.jpg


وهذا امام الفيلا على السيف

http://www.hadiblog.com/whot/room2/8.jpg


http://www.hadiblog.com/whot/room2/n/5.jpg



http://www.hadiblog.com/whot/room2/n/6.jpg


http://www.hadiblog.com/whot/room2/n/2.jpg


http://www.hadiblog.com/whot/room2/n/8.jpg


في صباح اليوم الخامس من ليالي جزيرة W

وصلت الطياره الي راح تنقلنا الى المطار :weeping:


http://www.hadiblog.com/whot/room2/n/7.jpg



وبااااي بااااي يالمالديف


http://www.hadiblog.com/whot/room2/n/9.jpg



اتمنى ان التقرير نال على اعجابكم .. والعذر منكم على قلة الصور .. لان ماكان في بالي اسوي تقرير

[قطر دزاين]

تقرير جميل وحلو البلد الصراحة من راحها مدحها

[تحداني]

تقرير راااااااااااائع .. ومكان في غايه الجمال
تحفه ربانيه .. وطبيعه خلابه .. واجواء رومانسيه هادئه .. وخلوه متفرده
هنيئا لك .. وهنيئا للوقت الذي مر معك وانت بين هذه الجزر الرائعه




ما شاء الله تبارك الرحمن ولا اله الا الله
وما جعل للمالديف شكل آخر " عدسه اخونا المبدع .. هادي " بتقنيه تصويره المميزه والزوايه الجدا جميله



واخيرا حل المالديف ضيف جميل على قسم السفر والسياحه

سلمت يداك يارب
والحمد لله على السلامه
ونتمنى لك دائما رحله سعيده وموفقه واختيارات مميزه


جملك الله برضى الرحمن

[سهم سهم]

الحمد لله على سلامتك

الصراحه تقرير اكثر من رائع

تسلم يمناك

:)

[لـبـيـه]

يعطيك الف عافيه وسلامة الاسفار

[هدهد سليمان]

الله عليك يا هادي تقرير رائع وصور قمه في الروعه .. والجزيره بالفعل تستاهل :)

[A.L.I]

الحمد لله على سلامة اخوي

[الـقـاسـي]

والله ياخوي هادي احنا احترنا الحين مااندري هل المكان حلو ولا تصويرك كالعاده هو اللي محلي المكاان ..

بصراحة مناظر ولا اروع شي خياااالي انا من زمان ناوي اروح المالديف بس في نقطه بسيطه ياليتك عطيتنا فكرة عنها الاسعار اسعار الفنادق والجزيرة اللي استاجرتوها يعين اذا ماكان في مانع كم التكلفه الاجمالية لشخصين من الى

[فزعـــــ قطر ـــــة]

http://www.w6w.net/album/35/w6w20050413135150664f9f403.gif
ماشاء الله تبارك الله الخالق البديع ..مناظر روعه وتصوير اروع بصراحه حببتنا في البلده ..
يعطيك العافيه اخي الكريم
http://www.w6w.net/album/35/w6w20050413135150664f9f403.gif

[simsim1963]

ياسلالالالالالام عيشتنا الجو صراحه . مشكوووووور على التقرير الحلو والله يزيد ويبارك

[سارونه]

ما شاء الله - الرحلة حلووووووووووه - الجو رائع يازينه :)

تقرير ممتاااااااااااااااااز - بارك الله فيك :)

[صمتي حزن]

لوتكرمت عطني اسعار الفندق وكم يبيلك مصروف 9 ليالي
كم يكفيني وانا مبسوط امشى واروح جزر واكل احلى اكل

[fhd4]

مشاء الله تبارك الله ... الصراحة انت دايما متميز في التصوير ...


وبعدين تعال ايش عرفك اني رايح المالديف بعد اسبوعين ومحتاج أشوف صور عنها ...:ok:

[Abdullah_89]

أبي اعرف التكاليف لو ممكن :secret:

[فارس قطر333]

الصراحه تقرير رائع

ويعطيك العافيه

[GAS]

الله

والله روعه روعه برافوا عليك اخوي هادي

تقرير موفق جدا

الى الامام بارك الله فيك




http://farm5.static.flickr.com/4152/5111122431_bb228d04ef_m.jpg

[بوخالد911]

والله صج روووعة

يواليييك 1000 عااافية

وهالصورة شدتني

http://www.hadiblog.com/whot/8.jpg
وشكل القبقب له قرنين
صح؟


مووفق

[قطريه ماركه]

http://www.hadiblog.com/ff/m21.jpg

تصويرك الرااااااااااائع ... هو اللي جمل التقرير ...

الحمدلله ع السلامه ...

عساك ع القوة ...

[BURBERRY]

تصوير ممتاز ما شاء الله و المالديف تستحق الزياره ..ان شاء الله ازروها قريب :)

يعطيك العافيه و بيض الله وجهك اخوي هادي

[@north_star@]

يعطيك العافيه على التقرير الاكثر من رائع والتصوير اللى ما شاء الله ما عليه كلام والحمد لله على السلامة

[أسير الاسهم]

تقريرك حلوو صراحه يا هادي .. فعلا حلوه المالديف

[صمت شفايف]

تقريرك رووعه

شجعتني ازورهاا

[A bin M]

حمد لله على السلامه أخووي

ما شاء الله خوش تقرير عن المالديف

صور في غايه الروعه بصراحه

ابدعت في تقرير


تسلم الايادي على اللقطات


وربي يعطيك العافية



اجمل تحيه

[GAS]

والله صج روووعة

يواليييك 1000 عااافية

وهالصورة شدتني

http://www.hadiblog.com/whot/8.jpg
وشكل القبقب له قرنين
صح؟


مووفق



اخوي بوخالد والله الصوره تجنن تصوير اخوي هادي رائع

بس شكلك عمرك ما شفت الشربيانه


اذن شوف القبقب

http://members.lycos.co.uk/aziziy/up/pic/ws3.jpg

[بـن عدوان]

أبدااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااع

يعطيك الف عافية على الصور العجيبة

والحمدلله على سلامتك

[ملسونه]

مادري ليش يوم شفت الصور حسيت انه خاطري اكل باونتي :(

[عاشق الشهادة]

وعليكم السلام


يـ سلام هذه الجزر الي تفتح النفس والحمد لله على السلامه اخوي هادي ولاهنت على الصور الرائعه :nice:

[شويهينــه]

المالديف مكان هادي

ومع تصويرك ياهادي

صارت شي مو عادي

الصراحه قمت اشعر من حلاه التقرير:shy:

[القطرية1]

ياريت تكتب لنا الاسعار
وعلى حسب ظني المالديف ما تنفع الا لشهر العسل
يعني مو للعيال
ايضا مافيها لا سوق ولا مقاهي
يعني مالك الا فندقك وحجرتك
ايش رايك بعد التجربة .. ما مدى صحة فكرتي

[Searchon]

الحمدلله ع السلامه ..
تقرير حلوو والصور احلى ..

يعطيك العافيه ..

[PoBox]

*
*
مبدع كعادتك اخوي HADi

ويعطيك الف عافية على الصور الاكثر من رائعة

[HADi]

قواكم الله جميعاً على ردودكم الطيبه ..

التقرير اغلب الصور توثيقيه لرحله ويمكن ضفت عدد بسيط من الاعمال الفنيه فقط لاضافة لمسة على التقرير

والصور الفنيه بعرضها بعد مانتهي منها ان شاء الله ... توني واصل من كم يوم :)



ورد على بعض الاستفسارات ..

الدوله حلوه ..وانا عن نفسي استانست فيها وتمنيت اني طولت المده او زرت عدد اكثر من الجزر

ولكن ممكن ماتعجب غيري وخاصه الي يحبون الزحمه وجو المدن

المكان هادىء وفيه خصوصيه كبيره ماحصلتها في مكان ثاني ..واغلب الموجودين يكونون زوج وزوجته

يعني لا اطفااال ولا شباب مراهقين ولا ضجه

حجز الطيران كان على القطريه عن طريق النت .. كلفت 12 الف للبزنس

جربت عروض السفريات والقطريه والامارتيه لحجز السكن بس كلهم كانوا غالين

فاراسلت الفنادق عن طريق النت ورتبت معاهم حجزي

الفور سيزون تقريباً 12 الف

وفندق الدبليوو تقريباً 16 الف

شامله الافطار ..و المواصلات الي اهو القارب السريع والطائره المائيه


ومثل ماقلت لكم الجزر هناك حلوه بس لازم بعد الواحد يعرف شلون يستمتع ويعيش اجوائها


وان شاء الله الي له خاطر يزورها الله يكتب له ويستانس فيهاا

واي استفسار بكون سعيد برد عليه على حسب المعلومات الي عندي

[بنت قطريه]

ماشاء الله تبارك الرحمن ...... أخوي تقرير رااااائع كفيت ووفيت وبصراحة شكلي باقول حق بعلي يوديني نغير جوووووووووووووووووووووو ..... الله الله الله المالديف تجنن .... أخوي تناسب عوايل ولا لا يعني تناسبنا احنا يالحريم مع بوالعيال ولا لا وأخوي اذا ممكن كم التكلفه شامله وشلون اخذت الحجزوات ورتبت حق كل شي ..... والله يعيطك العافيه .......

[Bin Hood]

تقريرك ما شاء الله 10 نجوم

اخوي سؤال عن المالديف

شنو الاكلات هناك ؟ اعتقد ان البحري
وبالنسبة لليل شنو البرامج الي ممكن تسويها ؟
وهل فيه جسكي ؟
وسؤال غريب شوي هل ممكن تشوف الجزيرة الرياضية هناك او قنوات عريبة

وجزاك الله خير

[diplomat]

اكثر من رائع

[الخطاب]

ياسلااااااااااام شوقتني اروح شهر العسل

[bo7mood72]

الصراحه رووووعه

تسلم أيدينك

[بازار]

الله يعطيك العافية على التقرير الحلو ..

ودي اسالك

هل توجد هناك نوع من الخصوصية .. والا الكل كاش الثاني

[قطراوي للأبد]

الله يعطيك العافية على التقرير الحلو ..

ودي اسالك

هل توجد هناك نوع من الخصوصية .. والا الكل كاش الثاني

نفففففففففففففسسس السؤال !!!

والله الواحد وده يودي الأهل ولا المدام ولا شي !!! ويخاف يروح .. ومافي إلا هو والبحر !!!! ومايقدر يسبح ولا شي بسبه ان العالم مب مخلينه ياخذ راحته .. يعني ابي اسالك !!! تسبح وتروح ورجع بكيفك ؟ .. والفلل خصوصيه تااااااااااامه !!! مع السيف وهالشكل ! ولا كل من هب ودب طل فـ حظنك ؟

وتستاهل السلامه ياخوووي ..

[موضي قطر]

ماشاء الله روووعة .. وتصويرك كالعادة يضفي الجمال على الصور

يبي لها ابلتنا روز رحلة استجمام بعد جلسة الجلد قصدي ( كرسي الاعتراف )!!

[Bluetooth]

مبدع اخوي هادي صراحة عشت الجو مع الصور

يعطيك العافية وننتظر منك المزيد تحياتي لك

[مـــحـــمــد]

يعطيك العافيه أخوي

وماقصرت على هالتقرير الحلوو 10/10

[zeknon]

حمدلله على السلامة
خلنا نشوفك

[هند88]

قد ماجفت تقارير ..
الصراحه ماجفت تقرير مثل تقريرك
روعه روعه روعه روعه
مشاءالله
صج دش بخاطري اروح

واهنيك على اختيارك الموفق للفندقين
كل فندق يقول الزود عندي

يعطيك العافيه اخوي

[سوق الريان]

تقرير جميل يعطيك العافية

[شموخ دائم]

,


,



ما شاء الله


من أجمل الصور التي تابعتها لهذه الجزيره

هو تصويرك وعدستك المميزه

ما شاء الله زوايا وعدسات وتنسيق بغايه الجمال

مبدع بحق من فوق البحر وداخل البحر

:)

اوقات سعيده

,

,


اخوك


شموخ دائم

[sara jsm]

10\10
ماشاءالله تقرير روووووعه ,,
وصور خيالية ,, حبيت المكان واااايد ,,
واول مرة ادري انها دولة مسلمة :)
عدستك حلت الصور اخوي هادي ,, :victory:
الحمدلله عالسلامة وعساك التوفيق يارب ,,

[الدوحه 2007]

يعطيك العافيه على التقرير الاكثر من رائع :nice::nice::nice:

والتصوير ما شاء الله ما عليه كلام :victory:

والحمد لله على السلامة

[العامرري]

رووووعه

ممكن اعرف من اي سفريات حجزت

[الرحال]

ما شاء الله

[vip_qa]

سافرت وجيت مع التقرير الله يهنيكم يااااارب

عقبال مانروح لها ان اشاء الله انا وزوجي

[مزعله النساء]

w قمه في الروعه والفخامه

الله يهنيك بهالرحله

[عيون Qatar]

http://www.hadiblog.com/whot/room2/n/5.jpg


ماشاء الله تبارك الله ماشاء الله لاقوة الا بالله

غاية في الجمال والإحلام ،،
تقرير اقل ما يقال عنه روعه وإبداع . ...
تسلم يدك ياهادي

[Locale]

رووووعه

[flower-qa]

رووووووووووووووووووووعه التقرير ما شاء الله

اخوي في كم استفسار في بالي لأنه احتمال كبير اني ارووح المالديف قريب ان شاء الله

هل هي غاليه واايد مثل مايقولوون ؟

وبخصووص البحر يعني تقدر اتتقوول انه في مجال للخصووصيه اني ممكن اتسبح ف البحر بحيث انه المكاان ماراح يكون كاشف؟

شتنصحني اسكن ف الدبليو ولا الفور سيزون ومن ارخص؟

والجزيره الي اجرتوها 4 ساعاات كم كلفتكم وفيهاا خصووصيه يعني مضموونه اتسبح واغووص ع راحتي ومحد بيجوف؟؟

[فتى الجود]

حلم

مشاء الله وديتنى عالم حلو وهو عالم البحر
اللى مافي احلى منه

مشكور التقرير الروعه وياليت تفيدنا بالأسعار اذ في مجال

والله يهنيكم ولا يغير علييكم الا بالزين

[بومحمود]

تقرير جميل يعطيك العافية

[العامرري]

اللي اعرفه ان كل جزيره لها اسم

مادري شلون حجزت انت ولا بس حددت الفنادق اللي تبيها؟

وابي اعرف الاسعار وشنو الاحلى الفورسيزون او دبليو

[^امـ نواري^]

تقرير رااائع
وصور خياليه
لمكان قمة في الرومانسية والجمال

نفس السؤال هل هناك خصوصية ؟

[ماجد]

تقرير مميز واصور ولا أروع

خليتني احن حق المالديف

يعطيك العافية

[HADi]

السلام عليكم

الله يعطيكم الف عافيه على هالردود الطيبه .. مره اخرى

وصدقوني احس اني قصرت في التقرير لان الصور الي عندي كثيره بس صور فنيه

يعني ماكنت مركز على اني اسوي تقرير بحيث اصور كل مرفقات الجزر والفندق

وفي نفس الوقت حاولت اسوي تقرير يكون شامل ويعطي صوره واضحه


بالنسبه للي يستفسرون عن الاسعار

انا ذكرت الاسعار التقريبيه في هذي الصفحه

http://www.qatarshares.com/vb/showthread.php?t=410163&page=4

اما الي يستفسرون عن الخصوصيه فا مثل ماقلت المكان فيه خصوصيه ماشفتها في مكان اخر

+

اغلب الموجودين عباره عن ناس توهم متزوجين يعني كلن في حاله

كنت اقووم من الفجر وردقد بدري بعد الغروب بساعات

لاني احس ان المكان احلى اوقاته في الفتره هذي

وكنت طبعاً اختار الوقت المناسب لسباحه وفي الغالب الفجر وبداية الشروق ماحد كلش موجود فاكنت ماخذ راحتي


والي استفسر عن قنوات التلفزيون اذا موجوده القنوات الرياضيه :)

الصراحه ماشفت التلفزيون هناك .. والي بيروح هناك ماضن بيضيع وقته مع التلفزيون ومشاهدة المباريات :)

[فراشة ناعمة]

رحلة ممتعة

عيشتنا الجو

فعلا المالديف جمييييييلة وممتعة

وطبيعتها شي ثااااااني

إن شاء الله اروح لها عن قريب

يعطيك العافية على التقرير

[شمعة الدوحه]

تقرير رائع من شخص مبدع

وكفيت ووفيت

ودايما تتحفنا بصور جميله

بصراحه مكان ماينتفوت وعقبال مااروح لان احب هالمناظر :weeping:

ويعطيك الف عافيه هادي :victory:

[باسكن روبنز]

ماشالله ماشالله ماشالله أبدعـــت حيل ياهادي وحمدلله على السلامه،
بس بصراحه حلاتها زحمه وتشوف الناس ،



آخوك للحين عزوبي وماتعود على جو الخصوصيه ،:secret:
يعطيك العافيــه ولاتحرمنا جديدك ،:victory:

[أم عبدالرحمن]

روووووووووووووووووووووووووعه

أنا خاطري من زمان اروووح المالديف بس ان شاء الله اذا تزوجت اروحها في شهر العسل

لانه المكان روووعه وخيالي ...

يعطيك ألف عافيه أخووي على هالتقرير

[ريحة العود]

جونااااااااااااااااااااااااااااااان ماشاااء الله

بس خيووو من بعد اذنك لو تسمح لي اسرق كم صوره

مناااااااااااااااااااااظر تشرح الصدر ماشاء الله

عسااااك عالقوة ياربي

تقببلي تواجدي

سلملم

[ibr]

شكرا على هذه الصور الرائعة في الحقيقة ويعطيك الف عافية

[عذب الكلام 1]

ابدعت كا العاده صور محترفين

[حمد911]

مشاء الله تقرير بمنتهى الروعة ياهادي وتستاهل السلامة

بصراحة المالديف بلد بمنتهى الجمال وانا زرتها من قبل وناوي اروح ان شاء الله على شهر 2 القادم

في فندق عندهم فخم وحلوووووو جدا ودايما اسكنة اذا رحت وانا انصحك فية اذا ناوي تروح مرة ثانية اسمة شنجريلا وخذ لك فيلا تري هاوس مع بركة سباحة خاصة

فورسيزون حلو بس عيبة ان الجزيرة صغيرة هاذا عيبة الوحيد

w ماعلية كلام وماسكنتة من قبل بس انا شفتة في النت ولي اصدقاء راحو لة ويمدحونة

انا سكنت في الفل مون وشنجريلا مع وجبة عشاء وفطور بكج كامل يعني وهاذا اوفر بكثير

بس على فكرة شنجريلا بعيد ويحتاج طيران داخلي مش طيران مائي وفية مطار عندهم قريب من منتجع شنجريلا

[ذيب سرحان]

ياسلام على التصوير يعطيك العافية

[مخطط قطري]

اخوي هادي مرحبا فيك وشكرا على الابداع بصراحه انا ابي اسافر المالديف وانشالله لما بقرر بكلمك على الخاص عشان تقولي بتفصبل عن رحلتك وبصراحه لي محلي المالديف وجودك ويا بختهم فيك :)

[شاهيناز]

من اجمل التقارير

روعه الصور كانها من كتاب سياحي
وشوقتني لسفر للمالديف

[ابوعلي]

دايما مبدع اخوي الهادي

تقرير عجيييييييييييييييب

وشوقتنا للمالديف

[Qa6ar]

جزر المالديف كنت شالها من بالي

لكن بعد الصور قررت اجيها

بيض الله وجهك

[جرح الزمان]

ما شاء الله .. سبحان الله

مناظر من ابداع الخالق سبحانه وتعالى

نقلها لنا اخونا هادي بعدسته المميزه ...

فخلتنا متشوقين لزيارة جزر المالديف

الهدوء واضح انه السمه المميزه لهذه الجزر

أبدعت يا أستاذ هادي والحمد لله على سلامتك

[الرحال]

مجهود رائع تشكر عليه ...وكم كلفت الرحلة وهل تنصح بزيارتها عائليا

[ibr]

مشكوررررر ويعطيك العافية

[وخروا عن طريقها]

المكان في غاية الجمال يصلح حق شهر عسل

الطبيعة حلوة و شاطىء البحر والرمال رووووووعة تحس فعلا باجواء طبيعية فريش

والاحلى كما ذكرت تتوفر فيه الخصوصية

تسلم على التقرير و ابداعك في التصوير

[FULL]

ماشاء الله

تصوير في غاااية الروعة اخوي HADi ، يعطيك العافية على هالموضوع الرائع

عيشتنا معاك في جو ثاني ، وفي معلومات جديدة ماعرفتها والله الا من موضوعك

بلد جميل ... وطبيعه خلابه
سبحان الله

[N O V I A]

آآآه ذكرتنا ياخوي بروعة المكان وجمال طبيعته

بصراحه ابدعت في اختيار الزوايا >> وفقت بها


تسلم عدستك

[فرحة الكواري]

ابدااااع وتميز

الحمدالله على السلامة

ولاهنت على التقرير الجميل

[khalid-qtr]

دايما مبدع Hadi

بصراحة صور عجيبة والله اندمجت اكيد الجو روعة

تصلح لشهر عسل والله بتكون ذكريات حلوة في مثل هذا المكان الحلو

والحمدلله على السلامة اخوي

[الماريّة]

اخوي هادي

يعطيك العافية ع التقرير الروعه

:)

واصوركم اتجنن واحترافية

[مضارب مستثمر]

الصراحه تقرير اكثر من رائع

[HAMAD9030]

روعة والله

[عذب الكلام 1]

رحله ترتيب والله يبارك لك في الذريه الصالحه

[الاسطوره**]

ماشاءالله الجزر تجنن

شوقتني اروح لها

وتصويرك تبارك الرحمن روووووعه

استفسار لو سمحت:كم كلفتك السفره؟؟

[HADi]

السلام عليكم .. شكراً للجميع

واسمحولي على عدم الرد في الايام الي فاتت لاني مادخل النت بكثره هالايام ..

وان شاء الله ارد على جميع الاستفسارات ..

بخصوص الاسعار تم الرد في هذي الصفحة

http://www.qatarshares.com/vb/showthread.php?t=410163&page=4

[ROCK]

مشااللله ابداااااع بلا حدود
يعطيك العافية مصورنا على الجهود الكبيرة ;)

[ساحر برشلونة]

تقرير راااااااااااائع

[أللووولي]

ماشاءالله ماشاءالله ماشاءالله

التصوووووير عطى التقرير حلاوه فوق حلاوة التقرير نفسه
^_____^
يعطيك الف الف الف عافيه اخوي هادي
والحمد الله على السلامه
السنه وكل سنه اتروح سفره حلوه جي واتصور لنا وترجع
والله يعطيني واسافر واصور لكم
بس مارااح اوصل لدرجة تصويرك
^_^

[KABOOM]

جنة الله في ارضه..


بس بخصوص
الطياره الصغيره
اهديك اغنيه
آآآآه ياقوو قلبك ..
لووووول

ماظنيت اركبها

[المعرس]

يعطيك العافيه

[HiTec]

التقرير رائع ووافي ومكفي اخوي

بس اخوي ما تطرقت للتكاليف ..
خصوصاً ان ماشاء الله تقريرك شامل ..
فجداً تفيدنا بذكر التكاليف

[طــمــوحــة]

ما شاء الله تصويرك جدااا رائع
وايد حلووه المالديف بس بما انه كلها شواطئ وسياح هل فيها مناظر مزعجه
يعني السؤال بصيغه ثانيه تنصح بزيارتها زياره عائليه؟؟

تحياتي لك

[سحايب شوق]

ماشاء الله عليك اخوي تصويرك أكثر من راائع

والتقرير متعوب عليه الله يعطيك العافيه

[a777a]

مبدع بالتصوير يعطيك العافيه

[sepasteyn]

مراحب - انصحك تشتغل في المجال الاعلامي لانك صورت وعلقت بابداااع .

[HADi]

قواكم الله جميعاً على ردودكم الطيبه ..

التقرير اغلب الصور توثيقيه لرحله ويمكن ضفت عدد بسيط من الاعمال الفنيه فقط لاضافة لمسة على التقرير

والصور الفنيه بعرضها بعد مانتهي منها ان شاء الله ... توني واصل من كم يوم :)



ورد على بعض الاستفسارات ..

الدوله حلوه ..وانا عن نفسي استانست فيها وتمنيت اني طولت المده او زرت عدد اكثر من الجزر

ولكن ممكن ماتعجب غيري وخاصه الي يحبون الزحمه وجو المدن

المكان هادىء وفيه خصوصيه كبيره ماحصلتها في مكان ثاني ..واغلب الموجودين يكونون زوج وزوجته

يعني لا اطفااال ولا شباب مراهقين ولا ضجه

حجز الطيران كان على القطريه عن طريق النت .. كلفت 12 الف للبزنس

جربت عروض السفريات والقطريه والامارتيه لحجز السكن بس كلهم كانوا غالين

فاراسلت الفنادق عن طريق النت ورتبت معاهم حجزي

الفور سيزون تقريباً 12 الف

وفندق الدبليوو تقريباً 16 الف

شامله الافطار ..و المواصلات الي اهو القارب السريع والطائره المائيه


ومثل ماقلت لكم الجزر هناك حلوه بس لازم بعد الواحد يعرف شلون يستمتع ويعيش اجوائها


وان شاء الله الي له خاطر يزورها الله يكتب له ويستانس فيهاا

واي استفسار بكون سعيد برد عليه على حسب المعلومات الي عندي


مازلت استقبل استفسارات عن الأسعار.. تم التطرق للأ سعار في هذا الرد


واتمنى من الاعضاء انهم يعذروني.... اذا قصرت في الرد في الايام السابقه وذالك لنشغالي

اما الي ما زال في خاطره سؤال او استفسار بكون سعيد بالاجابه عنه ..

[الدعسوقة]

يفوق الخيال والتصوير غاية فالروعه

[nouar]

تقرير روعه وصور اروع

[RAbbaSH]

قوووواك الله هادي.... ياخي مالك حس ...مختفي وانا ادور عليك... انا رايح شهر 4 هناك... ابيك تضبطني

[عزيوي]

واو روبورت خطيررر

[HADi]

يفوق الخيال والتصوير غاية فالروعه

شكراً واسعدني ان التقرير نال على اعجابكم




تقرير روعه وصور اروع


الاروع هو تواصلكم وردودكم

شكرا ً


قوووواك الله هادي.... ياخي مالك حس ...مختفي وانا ادور عليك... انا رايح شهر 4 هناك... ابيك تضبطني

الله يقويك اخوي ..

حاضرين يالغالي .. اي شي محتاجه طرش لي على الخاص او من خلال هذا الموضوع

وان شاء الله اساعدك




واو روبورت خطيررر

شكراً اخوي عزيوي ..

:)

[jaf111]

الحمد لله على السلامة

تقرير ممتاز

[abu ali1]

ماشاء الله عليك..
تقرير بسيط وجميل في نفس الوقت...
ما قلت لنا: رايح بروحك والا حد وياك؟
وايش نوع الكاميرا المستخدمة...؟

[مونديال]

عجيبه الصور
الله يعطيك العافية

[ساكن قطر]

سبــحان الله

الله يكتب لنا سفره للمالديف *_^

تسلم تغطيه ولا احسن

[HADi]

الحمد لله على السلامة

تقرير ممتاز

الله يسلمك .. شكراً لك اخوي ...





ماشاء الله عليك..
تقرير بسيط وجميل في نفس الوقت...
ما قلت لنا: رايح بروحك والا حد وياك؟
وايش نوع الكاميرا المستخدمة...؟

مرحبا اخوي بوعلي
تسلم يالغالي

شكلك ماقريت التقرير عدل مذكور فيه عدد الاشخاص

على العموم الرحلة لشخصين والكاميرا نيكون d3




عجيبه الصور
الله يعطيك العافية

الله يعافيك وشكراً على الرد




سبــحان الله

الله يكتب لنا سفره للمالديف *_^

تسلم تغطيه ولا احسن

اللهم امين .. ان شاء الله

والله يسلمك اخوي من كل شر

[Coco Chanel]

الله يحفظكم ان شالله ويهنيكم .. التقرير روووعه ماشالله ...
ارشحلك فندق الكونراد بعد .. وايد حلو والغير فيه انهم رابطين جزيرتين ببعض بينهم جسر تنوع فالماطعم والسبا والاكتفيتيز .. عكس الفورسيزن 4 مطاعم والجزيره صغيره ...
والدبليو ماعليه كلاام يجنن وتجربه جديده :)

[ALA1574]

ما شاء الله تقرير ولا اروع اخوي
مبدع

[حمد بن سعد]

مشاء الله تبارك الرحمن مكان روووعه والله في خاطري رووحه بس البلا في الطياره احم احم

الله يوفقنا وياكم

[kakashi]

ماشاء الله من اروع التقارير اللي شفتها

وكلمة فنان شوي عليك

تصوير روعه الصراحه

وشكلي معزم على المالديف دخلتها في بالي بالقوووووو

الله يعطيك الف عافيه

وواصل ابداعك واتحفنا بالمزيد

دمت بحفظ الرحمن

[لافوشيا]

مالي خص ابي اروح المالديف
:weeping::weeping::weeping:

[الاوركيدا]

بصصراحه رووووووووووووووووووووووعه صار عندي فضول اعرف كم كلفت الرحله ما اتوقع اقل من 100 الف

[بنت الريان]

روووعه ماشااء الله،،

[سونيتا]

بصصراحه رووووووووووووووووووووووعه صار عندي فضول اعرف كم كلفت الرحله ما اتوقع اقل من 100 الف


لا ابشرك ارخص وبكثير بعد انا حاجزه للمالديف وعن طريق القطريه للعطلات بفندق الفورسيزون كودا هورا والتذاكر بيزنس والتوصيل من المطار للفندق بالبوت طلع على بـــ 53 الف ريال ....لمده خمس ايام وبالفطور ...ونصيحه اخذو حجوزات سفراتكم من القطريه للعطلات طلعت رخيصه كثير عن مكاتب السفريات الثانيه ...وعن تجربه شخصيه...

[احمد بن علي]

الصراحه تقرير ولا اروع والمكان سبحان الخالق صج روعه

[abu]

ما شاء الله تبارك الله

المكان جميل جدا والتصوير ممتاز

[بنـت الغالـي]

فعلا تقرير رائع

يعطيييك الف عافيه اخوووووووووووي

=))

[ملاك 2]

ماشاءالله رووووعه

[مختصة]

ابي اروووووووووووووووح
شجتني وايد
مع اني رحت
بس صار في خاطري اروح لها مره ثانيه
بالتوفيق يارب
وتسلم على ذوقك العالي وتصويرك الرائع
وتقريرك الاروع

[ابو دانة-مكة]

الحمد لله على سلامتك

الصراحه تقرير اكثر من رائع

تسلم يمناك

[عاشق قطر2]

الصراحه روع والله انك ابدعت مشاء الله عليك

[المهاجر]

تقرير وافي وصور روعه اخوي هادي

استمتعت واحس المكان رومانسي وهادي

خصوصا المساء :victory:

يعني اللي يبي يروح شهر العسل :shy:

تنصحه بالمالديف:telephone:

تسلم وما قصرت

[ممنوع اللمس]

والله هالتقرير 10 على 10 قمه على قمه
تسلم يمينك والله عيشتنا لحظه بلحظه
بصراحه شكرا جزيلا يا شيخ على هالتقرير اللي من اجمل التقارير اللي شفتها

وياليت نعرف التكلفه كافه كم تقريبا

[ع بن حمد]

ماشاءالله تصوير روعة
الله يعطيك العافيه

[..الاميرة..]

ما شاء الله تبارك الرحمن المكان وتصويرك قمه في الروعه ياهادي ..

بصراح ابدعت .. :victory:

وايد عجبني فندق الدبليوو ابيييييي اروووووووح .. :eek3:

[سارهـ ~]

ماشاء الله عليك تبارك الرحمن

المكان وايد حلو انا حلمي اروح هناك

تسلم ايدك ع التصوير الفنتكه :)

[..الاميرة..]

اخوي هادي ممكن ابوق بعض من صورك .. :sneaky:

ابي احطهم خلفيات عندي واقعد اتمقل فيهم على أمل ازور هالمكان .. :D

[Bu-Khalid]

i can't say any thing

just waaaaw

really amazing and pretty landscape

i'm planning to visit this place in the future

if u mind could u till me what's the type of your lens

because it showen u captured by profissional camera

thousand of thanks Bro for ur reported post

[QATAR505]

الصراحه روعه يعطيك العافيه

[HADi]

الله يعطيكم العافيه .. تسلمون على تواصلكم

والاسعار ذكرتها في اكثر من رد

[إرجوانة قطر]

مشكوووور على هالتقرير اللي اكثر من يهبل روووووووووووووعه حسستني كاني هناك انشاالله الله يكتبلي واروح واستانس مشكوووو اخوي مره ثانية والمالديف ماعليهااااااااااااا كلام :victory:

[ميك أب]

السلام عليكم
لو سمحت اخوي الصور ماتطلع عندي ليش

[HADi]

تسلمون جميعاً على مروركم الطيب


بخصوص الصور كانت عندي مشكلة في الاستضافة والحين انحلت

[عتيج الصوف]

تقرير ولا اروع ماشاء الله,,,,صراحة عيشتنا الجو بكل معانيه مع الصور الحلوة ,واعتقد من يحب البحر والهدوء مابيلاقي احلى من هالمكان

[الخيالة]

واااااااااااااو روووووووووووووووعه سبحان الله وحلو الصور يعطيك العافيه

[خشوف]

روعه التقرير بس باقي الصور ما اطلعت

الحمدلله على السلامة

[AL HAJRI]

السلام عليكم اخوي هادي ..
وقواك الله على التقرير والله يعطيك العافيه ..
انت جزاك الله خير غيرت جميع افكاري لأني كنت ناوي برحله اوروبيه على تركيا او شرق آسيوية ... ولكن عقب تقريرك خلاص عزمت اروح المالديف 3 او 4 ايام ..ولي نيه اطلع من هناك على ماليزيا اسبوع تقريبا ..

فــ ما ادري بصراحه ..
هل هناك نظام الفنادق كل فندق في جزيرة ؟
وهل كل يومين اكون في فندق على سبيل المثال (من مبدأ التغيير) ؟
والجزر اللي ذكرت ان تتأجر كيف نظامها !؟ يعني انا وزوجتي فقط !؟

اسماء الفنادق اللي تنصحني اروح او اسكن فيها
علما بأنني اذا شفت الجو والمكان عجبني ممكن امدد لي كم يوم بعد مافي مشكله ..

في النهاية ابي نصيحتك بحكم انك جربت ورحت اهناك قبل ماروح ..
والسموحه ادري طولت عليك وشاكر لك اخوي ..


للعلم انا حاولت ارسل رساله خاصه لك وبريدك متروس رسايل تحياتي ..

[hanabd]

سبحان الله وبحمده

[TheM16]

سبحااااااااااااااااان الله وبحمده