شل حل مع ريحة المكيف (كنه ريحة مجاري اعزكم الله)

[بوبندر]

الموتر فكسار 2009 بين مره ومره تجي ريحه في المكيف كنه ريحة مجاري اعزكم الله...لين افتح الهواء الخارجي تروح شوي.....

[بوجاسم566]

ودة غسيل فلتر

او اوتو ماجيـك عندهم تعقيم للمكيف باجهزة جديده

[طارق خير]

تلاقي عند درج الطبلون اللي قدام الراكب الامامي تفتحه وتلاقي تحته مكان لفلتر المكيف ما عليك الا تنظفه وتغسله . والله اعلم

[ابوبيادر]

والله ياخوي انا شريت جي اكس 2001 جديد من الوكاله اول ماشغل المكيف تجي رحيه اكرمكم الله مثل ريحة المجاري وبعد شهر تقريبا توقفت الريحه

فانت لاتستعجل الاوانت متاكد لان مافيه احد متاكد من شي

الله يوفقك ويوفق الجميع

[falemadi]

الله اعلم .. يقولون اتشغل الدفاية لمدة 10 دقايق .... و تروح الريحه

شكراً

[Rider]

هاي مشكلة في التيوتا بشكل عام وفي بعض السيارات الامريكية
تطلع الريحه اذا ضغط مره وحده بس عادي بتروح ومثل ماقالوا الربع بطل الفلتر الي في الدرج ونظفه ورش عليه شوي عطر وامورك سهالات

[بن رومي]

افتح الجامة .....



الله يعينك

مثل ما قالو الربع

[ولد-قطر]

بدل فلتر المكيف وركب واحد جديد هذي الريحه تصير غالبا من الرطوبة

[Index Signal]

الموتر ٢٠٠٩ يعني ما أعتقد الفلتر وسخ لهالدرجه إللي تخليك تشم ريحة مجاري ..!!

أكيد المشكله في شي ثاني .. يمكن إنت ضاغط زر الهوا الخارجي و دخلت عليك الريحه ..

جرب تسكر الهوا الخارجي و لا تفتحه نهائيا كم يوم و إذا راحت الريحه يعني هذا هو السبب .

[sout qatar]

السلام عليكم

مره واحد ربعي نفس الشي تجي من المكيف ريحة مجاري يوم شيك عليه طلع قطو ميت صوب المكينه فوداه التيسير وطلعوه وغسلو مكانه

والله يعينك

[captana]

الشيخ الموضوع صار معاي من قبل, وهالشي شايع عندنا لأن احنا دوم نشغل المكيف و مانفتح الهوا الخارجي الا نادرا, فمثل ما تفضل اخوي ولد قطر الرطوبة تتجمع في الفلتر و تصير بيئة خصبة للبكتريا اللي تسبب الريحه.
الطريقة اللي جربتها و نفعت معاي, جرب وانت راجع بالليل تبند المكيف و تفتح الهوا الخارجي للمكيف و تمشي لك مشوار ابو نص ساعة, يومين بالكثير و تروح الريحة باذن الله.

[ريال قطري]

اخوي عادي

الخلل في الثلاجه لازم تودي الموتر يخسلون الثلاجه حق المكيف
وتبدل الفلتر وبتروح الريحه كل انا مجرب في موتري الفلتر لو تبدله مافيه
فايده الا لازم تغسل الثلاجه وشكرا

[فاضي عمل]

الله يعينك والله انا شكيت في نفسي ذااك اليووم اشم الريحه اقوول بل شصااير فيني قلت يمكن واقف فووق بالووعه الله يعزكم في الاخير طلع اخوو الكلب المكيف خووون

لاكن ماعليك خل المكيف مسكر ولاتشغله ساعه واموورك طيبه لاغسيل ولاهم يحزنوون

[oqbah]

الحل
تنظف باستمرار
او تشيل الفلتر نهائيا
واؤييد الاولى

[EMS_QTR]

اخوي يمكن ماغيرت الفلتر من زمان انا صارت لي كنت اذا اشغل المكيف تطلع ريحه نفس الغاز لين تدمع عيوني لدرجه انتي ماقدر اسوق بس راحت الريحه من نفسها وديتها المغسله وخليته ينفخ هوا تحت الفلتر
واليوم انا كنت في شركه التيوتا فرع الاند مارك سالته عن الماده مالت تنظيف المكيف قالي انشالله بتوصل عقب اسبوع تنظف لك المكيف والهوزات وكل شي قالي ب 300 ريال انا خليت رقمي عندهم قاالو بيتصلون فيني اول مايوصل روح وحط رقمك وخل يتصلون فيك

[بازار]

بسم الله والصلاة والسلام على رسول الله ..

اخواني الاكارم ..

المشكلة ترى بسيطة جدا .. لكن حنا نعلق الاجابات على اشياء غير صحيحه وماتستند على اي دليل قاطع

( لحد يعصب انتظرو اشوي )

باقول الاجابة في آخر التعليق بس عندي مقدمه لابد كل من يبغي يشتري سيارة

جديدة يعرفها

لكل شركة سيارات سياسة تجارية تتبعها مع عملائها فعلى سبيل المثال لا الحصر

الـــ bmw تدفع مبلغ كبير + مبلغ اضافي على السيارة مقابل خدمة صيانة السيارات مجانية لمدة زمنية ممتازة جدا .. والحين الـ gmc بدت بنفس السياسة من سنة تقريبا ..

اما السياسة المقابلة اللي منها التويوتا سياستها او لعبتها في قطع الغيار فــ السعر قليلمقابل قطع الغيار مرتفعة نسبيا ً وليست غالية .. ( الا قطر .. ليش اسالو الشركة )

فالمشكلة الي تواجها اخوي الكريم مشكلة مدرووووووووووووووووسه

وانا اتحمل كلامي هذا ..

لو تقرا الكتاب اللي في الدرج ( الجزء المكتوب عن المكيف باللغة الانجليزية ) راح تلقى

ان الفلتر له عمر افتراضي ( يـــجــــب ) استبداله بعد انتهاء تلك الفترة

ما تشوف الله يسلمك ( قوة دفع المكيف ) تقل مع الوقت .. وتتغير الى الافضل اول ما تركب الفلتر الجديد

ومش الفلتر فقط .. قطع كثيرة في السيارة يذكرها الكتاب ( طبعا باللغة الانجليزية )

اللهم اني بلغت اللهم فاشهد ..

[Index Signal]

بسم الله والصلاة والسلام على رسول الله ..

اخواني الاكارم ..

المشكلة ترى بسيطة جدا .. لكن حنا نعلق الاجابات على اشياء غير صحيحه وماتستند على اي دليل قاطع

( لحد يعصب انتظرو اشوي )

باقول الاجابة في آخر التعليق بس عندي مقدمه لابد كل من يبغي يشتري سيارة

جديدة يعرفها

لكل شركة سيارات سياسة تجارية تتبعها مع عملائها فعلى سبيل المثال لا الحصر

الـــ bmw تدفع مبلغ كبير + مبلغ اضافي على السيارة مقابل خدمة صيانة السيارات مجانية لمدة زمنية ممتازة جدا .. والحين الـ gmc بدت بنفس السياسة من سنة تقريبا ..

اما السياسة المقابلة اللي منها التويوتا سياستها او لعبتها في قطع الغيار فــ السعر قليلمقابل قطع الغيار مرتفعة نسبيا ً وليست غالية .. ( الا قطر .. ليش اسالو الشركة )

فالمشكلة الي تواجها اخوي الكريم مشكلة مدرووووووووووووووووسه

وانا اتحمل كلامي هذا ..

لو تقرا الكتاب اللي في الدرج ( الجزء المكتوب عن المكيف باللغة الانجليزية ) راح تلقى

ان الفلتر له عمر افتراضي ( يـــجــــب ) استبداله بعد انتهاء تلك الفترة

ما تشوف الله يسلمك ( قوة دفع المكيف ) تقل مع الوقت .. وتتغير الى الافضل اول ما تركب الفلتر الجديد

ومش الفلتر فقط .. قطع كثيرة في السيارة يذكرها الكتاب ( طبعا باللغة الانجليزية )

اللهم اني بلغت اللهم فاشهد ..




مهما تقول و تعيد و تزيد .. بيشترون تويوتا يعني بيشترون تويوتا ..!!

مافي أمل للتغيير .

[البجادي]

السلام عليكم

مره واحد ربعي نفس الشي تجي من المكيف ريحة مجاري يوم شيك عليه طلع قطو ميت صوب المكينه فوداه التيسير وطلعوه وغسلو مكانه :tease:

والله يعينك

:nice::nice:

[gouda2000]

اخي الريحة السيئة من فلتر المكيف الداخلي انا غيرته 4 مرات خلال اقل من سنتين
جربت تنظيفة ولكن النتيجه بتكون غير مقبوله من ناحية الرائحه و قوه اندفاع المكيف
و في بعض المنتديات السعوديه بينصحوا انك تعطر الفلتر الجديد قبل ما تركبه بالسيارة

[بوبندر]

مشكورين على الردود للعلم تم فتح الفلتر وتنظيفه من قبل ونفس الشي ....وتم تعطير الفلتر من قبل ونفس الشي....:anger1:

[toghma]

اخوي بوبندر ، مافي إلا انك تدور على القطو الميت في أي صوب من المكينة
:)
انا جربت حطيت مبخرة في السيارة وخليت الميكيفين شغالين فترة طويلة
الحين كلما اشغل المكيف تطلع ريحة العود ـ انصحك فيها
واذا ما انحلت المشكلة ـ ـ ـ ـ مافي إلا انك تبييييييييييييع .