** افضل مستشفى للولاده في قطر **

[Just Smile]

السلام عليكم يا جماعة الخير ويا أمهات خصوصا :nice:


حبيت اعرف من تجاربكم افضل مستشفى للولاده


شخصيا جربت حمد والاهلي بس ودي اعرف هل تغير مستوى المستشفيين ( للأسوأ او للأحسن ) ؟ :secret:

وهل ترشحون مستشفى الخور للولاده فيه ؟


بانتظاااااار مقترحاتك(ن) :telephone:

[رمــش الغلا]

احسن شي مستشفى حمد للولاده هذا من واقع تجربتي وتجربة الناس

[الصريحه]

حمد على الاقل القدر الله لو صار شيء يتحملون النتيجه
لكن الخاص بيطرشونك لحمد
تربين بالسلامه

[Rider]

حمد زين لكن للاسف الزحمه هي مخربه عليه الاهلي راقي جدا ومستوى الخدمه فوق الممتاز والاهل قد ربو هناك بس الي مايقدر عليه يقول مب شي يعني لازم عندك تامين صحي ولا مخباك دافئ

[ام شوشي]

وانا اضم صوتي لصوت الاخ اللي قال انة مستشفى حمد زين ولكن انا كرهتة بسبب الزحمة وطبعا

من بعد الولادة امسك دور قائمة الانتظارلين ماتلقى غرفة خاصة طبعا انا سبق لي ولدت في الاهلى

مستشفى راقي وهادي ولكن لازم يكون عندك مبلغ من المال او تأمين صحي

[لوردغاليري]

مستشفى الولاده

[بصمة قطرية]

عن تجربة بصراحة غير الولادة مافي ..
والخور بعد ممتاز اهم شي انه مافي زحمة ..

[نجمة في سماه]

من واقع تجربتي .. الصراحه مافي غير مستشفى الولاده أختي ما عليكي من الكلام الي ينقال عن الأهلي انا عندي وحده من الأهل اولدت اهناك بسم الله عليج او عليها بغوا يروحونها ويروحون البيبي الي في بطنها بس الله ستر ...هاذي غير المسكينه الي واعدتها الدكتوره انها بتولدها بس حزة الحزه اختفت الدكتوره؟؟؟؟ خلني ساكته!!! أنا ما اقول هالكلام عشان المال الحمدلله المال والخير موجود مستعده تولد في الخاص بدل المره الف بس خلاص حرمت اتروح اي مستشفى خاص .. لأني انا ولدت بعدها في الولاده فشافت الفرق !!أما بخصوص الزحمه فحياتنا كلها صارت زحمه في زحمه هي بس جات على حمد والولاده حتى الخاص زحمه!!!! هاذي وجهة نظري اتمنى محد يزعل مني!!

[أم غانم]

الأهلي ..

[خزامئ]

الاهلي مافية كلام فوق الزين

[بنت قطريه]

بصراحة مافكر اربي غير بمسشتفى الولاده ..... واختي في وحده معاي بالشغل كانت حامل وهي عندها القلب وبعد سيوله في الدم وراحت مستشفى الاهلي ومن غبائهم اهملوا انها فيها القلب والسيوله وبغت تموت وصادها نزيف الا يقولون حق زوجها اتصل بطوارئ الولاده ياخذونها احنا مانقدر نسوي لها شي وكانت بين الحيا والموت ومحد لحق عليها غير مستشفى الولاده والله ستر ماماتت أو بيبي مات .... أختي الخاص مايتحملون المسئوليه

[بوحارب]

مستشفى الولادة الله يعزكم :(

[meme~qatar]

مستشفى الولادة احسن من ناحية الخدمات الصحية وتوفر الاجهزة والفحوصات من بعد الولادة للام والجنين

اما الاهلي افضل من ناحية الخدمات الفندقية بس يعني انا سويت عندهم ولادة قيصرية تحسفت ماحطوني تحت الملاحظة بعد العملية ودوني الغرفة مباشرة وعقب انواع الدلع

[سويسرا]

الاهلي روووعه راقي وهادي

في الجناح الملكي

[حياة]

مستشفى الولاده افضل من ناحيه الخبره

[C@RaMella]

الولادة
وبعدي عن الخور حتى حليب حق البيبي ماعندهم ولا يهتمون فيج ولا فيه وحده من الاهل ولدت فيه وكان كل شوي ياخدون البيبي وكانت تظن انهم يرضعونه اكتشفت انهم ياخذونه يسحبون منه دم ويرجعونه تم يوم كامل من غير ماترضعه وهو اول ولد لها ورايحه الخور يابلفيت عن الزحمه

والاهلى ماعليج من الفشخره

[ضوى]

غير الولادة مافي

الخاص مايتحملون اي مسؤولية تصير للياهل او الام

[هند88]

كل مستشفى ولها عيوبها :omen2:

مثل مابغوا ناس يموتون في الاهلي في وايد ناس ماتوا في حمد :omen2:

استخيري وربج يكتب الي فيه الخير :victory:

[أم المها]

حمد زين لكن للاسف الزحمه هي مخربه عليه الاهلي راقي جدا ومستوى الخدمه فوق الممتاز والاهل قد ربو هناك بس الي مايقدر عليه يقول مب شي يعني لازم عندك تامين صحي ولا مخباك دافئ

وترى حمد والاهلي واي مستشفى لازم فيهم الزين والشين يعني في ولادتي الاولى كنت بروح فيها وانا البيبي وتخيلوا لين لحظة الولادة خلاص بولد والنيرسات مايسون شي ومخليني عاد في الطابق الاول لولا الله وزوجي كان مت انا والبيبي لان وحليله ماصبر طار فيني من حمد لين الاهلي وربيت فالاهلي ومافي الصراحة اريح منها .. وحمد في ولادتي الثانية بعد المعامله زفت والغرف زحمة وحتى غرفة الانتظار مافي وطبعا اللي تولد قابلة عكس الاهلي تماما وبصراحة انا عني اقول حمد أوكي من ناحية المسؤلية أذا صار في شي في مسؤليتهم والاهلي أوكي من ناحية الراحة لكن من ناحية اذا صار شي لاسمح الله يحولونك حمد

[Rider]

وترى حمد والاهلي واي مستشفى لازم فيهم الزين والشين يعني في ولادتي الاولى كنت بروح فيها وانا البيبي وتخيلوا لين لحظة الولادة خلاص بولد والنيرسات مايسون شي ومخليني عاد في الطابق الاول لولا الله وزوجي كان مت انا والبيبي لان وحليله ماصبر طار فيني من حمد لين الاهلي وربيت فالاهلي ومافي الصراحة اريح منها .. وحمد في ولادتي الثانية بعد المعامله زفت والغرف زحمة وحتى غرفة الانتظار مافي وطبعا اللي تولد قابلة عكس الاهلي تماما وبصراحة انا عني اقول حمد أوكي من ناحية المسؤلية أذا صار في شي في مسؤليتهم والاهلي أوكي من ناحية الراحة لكن من ناحية اذا صار شي لاسمح الله يحولونك حمد

كلام صحيح ومقنع

[Just Smile]

الشكر موصول لكل اللي ردوا في الموضوع

انا كانت لي تجربه سيئه مع الولاده بس بعد ماجربت الاهلي اكتشفت ان المكانين نفس الخدمات الصحيه والرعايه

الله المستعان

[أم غانم]

الله يقومج بالسلامة إن شاء الله ..

[بونو]

ولاتفكرين بالاهلي ابدااااا. حمد وبس. حمد 24 س عندهم حريم يربون فعندهم خبره بما فيه الكفايه. انا ربيت بالاهلي وماقدر اتكلم هني عن الي صارلي ولين يومك انا اعاني امس صارلي بالضبط 5 شهور!! اذا تحبين تعرفين اكلمك عالخاص . ومش بس انا.. مرت حماي قبل 3 اسابيع ربت بالاهلي ولما شافوها اتعبت انصحوها بأبره الظهر تخيلي عطتها الابره غلط ونزفت من ظهرها وألحين ماتحس باصابع ريلها وتعري قالها الدكتور ياتم طول حياتها هالشكل اذا كان العصب ميت او اذا ماكان ميت علاجها ببيطول!!
نصيحه خلك ف حمد ابرك
واخت صديقتي سوو فيها مصيبه اكبر ماتدخل المخ!! تخيلي نسووا بداخلها المشيمه!!! تخيلي!!!
عموما اذا تحبين اكلمك عالجوال او نتراسل عالخاص ماعندي مشكله
وشكرا

[q6ryah]

صراحه افضل الولاده في البيت ولا اروح مستشفى الولاده

الخور ماجربته


اما الاهلي اخرررررررررررررر دلع واهتمام ومستشفى الولاده عقب ميه سنه بيوصل لرقي المعامله للمريض

[M!ss_P!nk]

انا مع الاخت هند كل مستشفى له مساؤه .. اللي ما تعاني من مشاكل صحيه انصحها بالاهلي.. بس انا انصح بالاهلي اهتمام من كل النواحي و الله يسهل عليج ولادتج و تقومين بالسلامه

[Just Smile]

مشكورين حبيباتي على ردودكم

الرعايه الصحيه بشكل عام في قطر تعاااااااني من الضغط الشديد عليها

عزيزتي بونو الحمدلله عالسلامه ماتشوفين شر والله يشافي قريبتج

الاهلي صايرين تجارييين حدهم السنوات الاخيره

الله المستعان