اللي متأملين خـير في كلية المجتمع في قـطر...حـيآ’كـم..

[ممنوع اللمس]

السلآ’م عليكم ورحمة الله وبركآته..

انا من الموظفين اللي سجلو في كلية المجتمع في قطر وجاني ايميل اني من قائمة الانتظار شهر 2
قلت حلو .... الحمد لله بكمل درآستي

طبعا مثل ما عرفنا وسمعنا ان هالكليه للي نسبهم ضعيفه واللي ما يعرفون انجليزي يخليهم ياخذون توفل او ايلز يعني متساهلين فيها معانا...

المهم اختبرت اختبار تحديد مستوى على كلامهم ... بس طلع كذبه .. هذا طلع اختبار قــبول ...

الاختبار تتحدد فيه اربع مستويات
1 2 3 4 طبعا الاقوى 4
فبداية كلامهم قالو اللي جايبين لفل 1 نخليهم يدرسون سنه تأسيسي يقوون الانجليزي
الحبايب تغير كلامهم الحين قالو لفل 1 يعتبر راسب؟ ما ينقبل فالكليه لازم يعيد الاختبار ويجيب اعلى والحين بيلغون لفل 1 ولفل 2 يعني يبونك 3 و 4
طبعا ما يجيبهم الا شخص فاهم فالانجليزي .. كل كلامهم لنا تغير

قلت لهم انتم قلتو لنا هذا اختبار تحديد مستوى ومب اختبار قبول؟ قالو لا اهم شي تجيب مستوى عالي؟ قلت لهم اكثر الناس سجلو ومايعرفون انجليزي يعني مفروظ تتساهلون معانا
مع الاسف هالكليه من عرفتها وكل يوم كلام بكلام وانا من شفت المجلس الاعلى للتعليم تدخل فيها وانا غــســلــت أيـــدي بتيزآب

اللي يعرف واسطه فالدآخليه يقولي ابي اكمل درآستي ولازم واسطه علشان احصل اجازه دراسيه.... لو بقعد انتظر كلية المجتمع في قطر والله ما بدرس طول عمري

واللي قالو له كلام من قبل شهر يروح بكره يتأكد بيحصل كل شي قالوه تغير 100%


كتب بوآسطة : المقـهور ممنوع اللـمس

[رهج السنابك]

؛

لا تأسفن على حال التعليم الجامعي

؛

وتبي شوري لا تقعد تتكلم مع موظفين القبول خلك " أبضاي" ودش على العميد مباشرة وكلمه بشكل لطيف وودي وبيمشي امورك ؛ اما لو تقعد تقول انتو قلتوا وانتو صرحتوا والخ ماينفع معهم

؛

صح مايحق لهم يصرحون بشيء ولما تجونهم يغيرون كلامهم لكن اش تقول دامه تبع المجلس الاعلى اغسل يدك عفسوا كل شي ماوقفت على دبلوم كلية مجتمع

؛

[هام السحاب]

ليش ماتكمل دراستك في جامعه القاهره
نص عساكر قطر يدرسون هناك و الاجازه من الوزير مباشره

[MaRuKoO]

حسبي الله ونعم الوكيل عاد هاذي املي الاخير فتكميل دراستي :weeping:

والله عاد مالي شغل انا ناويه اروح اسجل فيها ولين حجت حجايجها والله بدش على اكبرها راس فيها اسجل يعن ياسجل ادرس يعني ادرس كلااام فاااضي :anger1:







escape

عاد لا والله حرام عليكم لاتكسرون مياديفنا :weeping:

[ممنوع اللمس]

الله يعطيكم الف عافيه عالردود واللي قالو ادخل عالعميد
والله اني دخلت عالعميد ... مع ابتسآمه وبيتين شعر وحذفة عقال ... قال يا ولــدي (انا قلت بس الرجال وافق) ارفع كتاب من مركزك ويوقع عليه مسؤلك بعدها ارفعه لمركز الفلاني ويوقع عليه الضابط بعدها يرفعه للمركز الفلاني من غير ذكر اسامي ويوقع عليه الضابط ويرسله لنا ويوقع عليه الضابط الفــلاني وبعدها يرسله لي وانا بدخله لك ونسيت اقولك الشروط:
1 عطاني شرط يشيب شعر الرآس
2 مقدور عليه
3 قلت له تامرني على شي وطلعت والله

وانا ادري لو وقع كان الامور كلها تتسهل بس لازم تعقيييييييييييد يعني بالعربي مب موافقين
والقهر يقولون احنا نختار لك التخصص وانت ادرس على حسابك؟ يعني حتى التخصص اهم يحددونه ياخي راضي بس وافقو اني ادرس والله زهقت

واللي قالي من الوزير مباشره على ايدك قولي وين اروح وانا بكره الصبح هنآك مع بيتين شعر وحذفة عقال ومعاي عصى يعني اللي يشوفني يتعور قلبه :(

[رهج السنابك]

ههههه

؛ ضحكتني دمك خفيف وايد ،، عسى بس يوم حذفت العقال ماجلدت العميد نعرفك متهور هههه

والله ان قلوبنا تعورنا على طلاب قطر الطموحين اللي ودهم يكملون دراسة والدولة مقفلة كل شي في وجيهم

تدري احسن حل سوي مثل باقي العساكر وادرس انتساب وعساهم ماقبلوا الشهادة اطلع واشتغل بمكان ثاني
طيب والترشيح مايقبلون؟؟
في جامعات في بريطانيا تخليك تدرس وانت بمكانك لمدة سنتين وتعطيك بكالوريوس اشرايك فيها؟؟

؛

[تحداني]

معاك حق
لماذا اختبار تحديد المستوى ... وان كان المستوى دون المطلوب فلماذا لا يضعوه شرط من شروطهم التوفل والايلز .. وماذا يعني لفل 3 او لفل 4 هل هو انجليزي متقدم ؟؟؟
او مستوى عادي .. ام يوازي مستوى الايلز بدرجه 5 او 5ونص


الجميع يعرف ان كليه المجتمع هي فرع من كليه المجتمع في هيوستن
والكادر اجنبي .. والامر محتاج اعداد لغه انجليزيه .. ان كان الامر فيه اعداد فليدخل من كان دون المستوى في البرنامج التأسيسي مهما كان مستواه


................................

ان كنت في الداخليه الكلام صحيح معظم الضباط يدرسون في مصر
ويتخصصات مسبقه وعلى حساب الشخص او الضابط نفسه .. تقدم الداخليه
فرصه اعطائهم للاجازات الدراسيه .. ويتم معادله شهاداتهم جميعها .. بشرط الذهاب لجامعات معترف بها .. والعدد الموجود هناك كبير بموافقه مسبقه .. والكثير منهم في الكليه البحريه ما اعرف تكنلوجيا العلوم البحريه شئ من هذا القبيل


حاول اخي الفاضل ايش ما كان التخصص ان كانت لك رغبه
شئ افضل من لاشئ على الاقل تحسين وضع مادي ووظيفي


الله يوفقكم يارب
ويجملكم برضى الرحمن

[ممنوع اللمس]

الله يعطيكم العافيه عالردود
اموت واعرف ليش الانتساب ممنوع؟ لأنه يسهل على الناس الدراسه يعني؟

اما الانتساب ادرس 4 سنين اخرتها ما يقبلون شهادتي

والله قهـــر

[الراقيه سبشل]

لازم يفتحون (جامعة) حكومية وسنعه ومافيها(توفل) او شروط تعجيزيه

وبعد يبون ناس جامعيين ومتعلمين

شلون الشباب والبنات بيكونون جامعيين اذا الجامعة ترفضهم بسكات:anger1:

مع اني جبت الايلز والحمدلله .. لكن اعرف ناس صارلهم سنين وبنين وماجابوه وهم ودهم يكملون الجامعة ..صج الله يعينهم حاسه فيهم :weeping:

شلون بنطلع علماء ومخترعين ومثقفين .. وينرفع اسم الدولة بالعلم بدل الرياضة:omen2:

[رهج السنابك]

؛

لا بيقبلونها ابشرك وماعليك من الكلام

ساعة الحزة تقدم كتاب للوزير - والوزير - رجال اجودي مايقصر الناس تدش عليه في مجلسه وبيمشي موضوعك

انت بس عزم وادرس ترا اللي يدرسون انتساب كثر شعر راسك

واعرف شخصيا ناس درسوا رغم كل المحبطين ويقولون لهم مابيقبلونها والخ

ويوم تخرجوا وجابوا الشهادة حطوها على مكتب الوزير ومشى الموضوع

توكل بس

؛

والانتساب ممنوع في قطر لان الجماعه راقدين لين الحين ماحطوا قانون يضبط الموضوع خلف الله عليهم - اليابان تصنع روبوتات وروسيا قنابل نوويه وقطر لين الحين تنظر لموضوع الانتساب والدراسة عن بعد بأنها مواضيع صعبة البت فيها!

؛

[أجمل أنسانة]

انا بكرة بروح الكلية وبشوف ..
انا مثلك ارسلوا لي ايميل انه اقبلوني بس بالانتظار لشهر 2 .. بس انا مو موظفة ..
والله من قالوا بتفتح هالكلية وانا متامله اني بدخلها وبدخل التخصص اللي ابيه ..
ومن عقب ايميلهم استانست وقلت هذي بدايتي الجديده بالدراسه عقب جامعه قطر : ( ..
ان شاء الله بكرة يقولون لي شي زين ومايكون كلامهم تغير وبياخذوني شهر 2 ..
اتخيل يقولون لي اعيد الامتحان ..!! ولا ماقبلوني : ( شكلي بسوى حفله هناك :( ..!!
الله كريم :) ..

[ممنوع اللمس]

الله يعطيكم الف عافيه عالردود

وانتظروني قريبا بحآول اقابل الوزير وان شاء الله خير :(


والله تحطيم بتحطيم بتحطيم

[enjood]

هونها وتهون اخوي ,

قوم صل ركعتين واطلب ربك يسهلها عليك وتهون كل امورك ,

ترا الي خلق هالكليه خلق غيرها , عندك جامعه القاهره من الي سمعته انها احسن جامعه لحد الحين بديرتنا , , لاتوقف مستقبلك على هالكليه ترا فيه غيرها مليون

الله يوفقك ويسهل عليك وبشرنا عقب وان شاء الله يقبلونك بس خلك متفائل , ,

[toomi9]

لازم يفتحون (جامعة) حكومية وسنعه ومافيها(توفل) او شروط تعجيزيه

وبعد يبون ناس جامعيين ومتعلمين

شلون الشباب والبنات بيكونون جامعيين اذا الجامعة ترفضهم بسكات:anger1:

مع اني جبت الايلز والحمدلله .. لكن اعرف ناس صارلهم سنين وبنين وماجابوه وهم ودهم يكملون الجامعة ..صج الله يعينهم حاسه فيهم :weeping:

شلون بنطلع علماء ومخترعين ومثقفين .. وينرفع اسم الدولة بالعلم بدل الرياضة:omen2:
عيل جامعة قطر ايش؟؟
ترا فـ قطر من ناحية التعليم كل شي مسكر
ودام هي خاربه خاربه خلني اقهركم زياده وابط جبدكم

من كم يوم جاتنا وحده من المسؤلين تشرح لنا شلون قبول الجامعات بعد المجتمع
جامعات امريكا تقبل على طول سنه ثالثه بدون شروط قلنا حلو
سالنا عن جامعة قطر ؟؟ معااي عن جااامعة قططر
قلنا شنهي شروطهم ؟؟؟
قالوا معدل الجي بي ايه يكون ٣.٥ وحتمااال كبيييير يبون الايليز والتوفل
سكتنا انا مانقهرت ليحين
بسس الييي قهررني من جاامعة قطر لما سالتهم عن المدينه التعليميه قلت لها شنهي شروطهم
قالو المدينه بتقبلكم على طول بدون شروط سنه ثالثه :secret:
انا انصدمت سالت السؤال كذا مره واكدت لي
قلت عيل جامعة قطر ليش حاطين شروط والمدينه والي جامعاتهم فرع ومعروفه على مستوى العالم مب حاطين شروط ونكمل سنه ثالثه ؟ واالله انقهررت هاذي الجامعه تحط شروط والمدينه ماتحط لايكون عادين نفسهم انترناشونال يونفيرسيتي ؟؟؟؟

[ممنوع اللمس]

الله يعطيكم العافيه عالردود والله يعــين اللي يبون يكملون دراسه

[الصريحه]

الله يعينكم زين اني خلصت الجامعه من زمان ولاكنت معاك العب شطرنج

[عبـد الله]

ياخوك لاتوجع راسك


سجل في جامعة القاهره وفك نفسك

[الراقيه سبشل]

عيل جامعة قطر ايش؟؟
ترا فـ قطر من ناحية التعليم كل شي مسكر
ودام هي خاربه خاربه خلني اقهركم زياده وابط جبدكم

من كم يوم جاتنا وحده من المسؤلين تشرح لنا شلون قبول الجامعات بعد المجتمع
جامعات امريكا تقبل على طول سنه ثالثه بدون شروط قلنا حلو
سالنا عن جامعة قطر ؟؟ معااي عن جااامعة قططر
قلنا شنهي شروطهم ؟؟؟
قالوا معدل الجي بي ايه يكون ٣.٥ وحتمااال كبيييير يبون الايليز والتوفل
سكتنا انا مانقهرت ليحين
بسس الييي قهررني من جاامعة قطر لما سالتهم عن المدينه التعليميه قلت لها شنهي شروطهم
قالو المدينه بتقبلكم على طول بدون شروط سنه ثالثه :secret:
انا انصدمت سالت السؤال كذا مره واكدت لي
قلت عيل جامعة قطر ليش حاطين شروط والمدينه والي جامعاتهم فرع ومعروفه على مستوى العالم مب حاطين شروط ونكمل سنه ثالثه ؟ واالله انقهررت هاذي الجامعه تحط شروط والمدينه ماتحط لايكون عادين نفسهم انترناشونال يونفيرسيتي ؟؟؟؟



من صجهم؟:eek5:
على شنو حاطين شروط مثل ويههم:anger1:
بصراحة لو انا اعطي تقييم لها بتكون الـ1000 تحت الصفر
وحرام المعدل يكون 3,5 .. طلاب الجامعة نفسهم يحاربون عشان هالمعدل شلون هم:anger1:
خلص انا ببني جامعة حكوميه وتكون موافقة لمصلحة الشعب .. مين بيدخل شريك وياي؟:nice:

[بوخالد911]

الله ووياكم

[latty]

بلا احباطات الله يخليكم هذي الامل لكثير من الموظفين حتى يعدلون من مستواياتهم التعليميه

[الكونجرس]

مقهوووووور من طريقة تعامل مجلس الوزراء من سياسة التعليم في قطر
المسؤولين جزاهم الله خير يجرون الشباب لادنى مستويات التعليم ،شغلهم الشاغل كيف يمنعون المواطن القطري من الحصول على شهادة جامعية تفيد البلد
مجلس الوزراء ومجلس الشورى في صوب وكلام سمو الامير في صوب
لو الامير يتدخل شخصيا ويلغي قرارات المجلس الاعلى بشخطة قلم كان الشعب القطري بخير

[SmartMan]

سبحان الله مدينة تعليمة وجامعات وكليات امريكية ومايدشها إلا فئات معينة والمواطن برى الحسبة ! ! !

سمو الشيخة موزه حفظها الله بنت مدينة تعلمية متكاملة ويضرب فيها المثل وضمت جامعات على أعلى المستويات لكي تنهض بالحركة التعلمية وتذلل الصعوبات اللي تواجه المواطن القطري علشان يتعلم ويستفيد ، لكن أنا مادري من الذي يضع العراقيل والعقبات التي تواجه المواطن وتثبط عزائمه ؟؟؟! ! !
ومن أمثلة العقبات اللي تواجه المواطن القطري شروط اللالتحاق وهي :

1- أجتياز الأليز أو التوفل (طبعاً معروف وليس بغريب عليهم أن شببانا مستوى اللغة الإنجليزية محدود يعني عارفين البير وغطاه .

2- نسبة التحصيل العلمي في الثانوية (يعني من كثر شببانا اللي يحصلون على أعلى النسب والله لو أحنا في الصين ماطلبوا عليهم !

3- جهات العمل يمكن جهات معينه اللي هي قطاعات الغاز والبترول اللي تدعم الموظف وتشجعة للدراسة.

لا أحد يعلم إلى متى سوف تستمر هذه المهزلة ...ضاع عمر شببابنا ولا حياة لمن تنادي ! ! !

الله المستعان

[ممنوع اللمس]

قسم بالله اني انقهر لو شفت مدن تعليميه
والله العظيم قهر مدن تعليميه والشباب برا الحسبه دائما

او لازم شروط تعجيزيه
قالو هذي مساعده للي نسبهم ضعيفه واللي ما قدرو يتجزاون التوفل والايلز وفالاخير يقولون اهم شي عندنا الانجليزي علشان كل الكادر اللي عندنا اجنبي
ولازم تكون في لفل 3 او 4 يعني التوفل ارحم والله عالاقل التوفل يا تصيب يا تخيب اما الاخوان يبونك 100% تعرف انجليزي لفل 4 او 3 يبيله واحد فاهم

والله العظيم من تدخل المجلس الاعلى وانا غسلت ايدي وقلت والله والله ضاعت الكليه

[MaRuKoO]

الله يعطيكم الف عافيه عالردود واللي قالو ادخل عالعميد
والله اني دخلت عالعميد ... مع ابتسآمه وبيتين شعر وحذفة عقال ... قال يا ولــدي (انا قلت بس الرجال وافق) ارفع كتاب من مركزك ويوقع عليه مسؤلك بعدها ارفعه لمركز الفلاني ويوقع عليه الضابط بعدها يرفعه للمركز الفلاني من غير ذكر اسامي ويوقع عليه الضابط ويرسله لنا ويوقع عليه الضابط الفــلاني وبعدها يرسله لي وانا بدخله لك ونسيت اقولك الشروط:
1 عطاني شرط يشيب شعر الرآس
2 مقدور عليه
3 قلت له تامرني على شي وطلعت والله

وانا ادري لو وقع كان الامور كلها تتسهل بس لازم تعقيييييييييييد يعني بالعربي مب موافقين
والقهر يقولون احنا نختار لك التخصص وانت ادرس على حسابك؟ يعني حتى التخصص اهم يحددونه ياخي راضي بس وافقو اني ادرس والله زهقت

واللي قالي من الوزير مباشره على ايدك قولي وين اروح وانا بكره الصبح هنآك مع بيتين شعر وحذفة عقال ومعاي عصى يعني اللي يشوفني يتعور قلبه :(




ياليييلللللللللللللللل ابو لمبه بس :rolleyes2:

والله سالفه ليش كل هالتعقيدات والتواقيع يقولون لك ما بندخلك وخلاص لازم يلفون راسك وبعدين يقولون لا


يااارب اعدي اختبارهم ويقبلوني ياااااااااااااارب :weeping:

[ممنوع اللمس]

الله يعين بس احلمو الحلم زين ترا