الوره شترتيبهـا ؟ [الأرشيف] - منتديات شبكة الأسهم القطرية

QatarProv

26-10-2010, 03:19 AM

السلام عليكم ورحمة الله وبركاتة
اشحالكم يالربع اربكم بخير ,,

بغيت استفسر عن الورة ,,

عندي موترين باص وجي أكس أر .
ابي ادخلهم شلون وهل فيها مشاكل وشغلات المرور هل تكون علي ؟
بغيت استفسار كلي عن الموضوع ,,

الباص 40 راكب

الباص موديل 2009
والجي اكس ار 2009 بعد ,,

captin

26-10-2010, 11:52 PM

مرحبتين

بالنسبة لتسجيل السيارات في الورة يكون من خلال مكتب منظمة سيارات الأجرة
واعتقد اذا ما غيروا مكانهم لهم مكتب في منطقة الأسواق قريب من سوق العسيري
عموما تقدر تتصل فيهم وتعرف الموقع

وتقدر تسجل سياراتك عندهم وتمسك الدور واول ما يصير طلب على سيارتك بيتصلون
فيك وبيقولون لك جهز السيارة وغالبا المستأجر جهة حكومية.

والدولة مشكورة دعمت الأهالي بتخصيص نسبة 30% من عدد السيارات المستأجرة في الوزارات الحكومية تكون من خلال مكتب المنظمة .

وأكثر الأنواع اللي تنطلب هي السيارات الصالون نوع كامري او كورولا لاستخدام المراسلين
ولكن أيضا تنطلب سيارات الدفع الرباعي مثل اللاندكروزر وغيرها لاستخدام موظفي البيئة والتفتيش والمهندسين لزيارة المواقع , وايضا سيارات النقل الكبيرة والصغيرة والباصات لكن بنسبة أقل.

بالنسبة للخدمة والصيانة عقب ما تستأجر جهة من الجهات سيارتك بيعطونك رقم السايق اللي شغال عليها او قسم الخدمات بالجهة الحكومية وبتكون مسئولية تغيير الزيت والصيانة الدورية وتصليح أي عطل عليك ومطلوب منك في حالة الحوادث لاسمح الله احلال سيارة بديلة مؤقتا حتى يتم تصليح العطل وفي هاذي الحالة الأفضل يكون تأمينك شامل تحسبا لأي طارئ غير متوقع.

ونصيحة أخيرة سجل السيارات بإسم الوالدة او الوالد وودها لهم لأن هناك أولوية لكبار السن خصوصا المتقاعدين والذين لايعملون ومحدودي الدخل والأرامل
موفق وان شاء الله يجيك الدور بسرعة