المساعد الشخصي الرقمي

مشاهدة النسخة كاملة : ابي اشتري


على قد حالها
03-04-2006, 02:09 PM
:looking: :) السلام عليكم يااخوان :)
اتمنى انكم تساعدوني انا ادور طوارق او لكزس ار اكس330 طبعا موديل 2004 وفوق واللون لازم يكون من الفواتح وبحالة ممتازه ومافيها ريحة التدخين..
طلب اخر افكر اشتري مورانو من الوكاله بس حبيت اعرف رايكم فيها خاصه وقت البيع هل سعرها يطيح واااااااااايد ??? :con2:
اتمنى الرد السريع
BURBERRY
03-04-2006, 05:24 PM
:looking: :) السلام عليكم يااخوان :)
اتمنى انكم تساعدوني انا ادور طوارق او لكزس ار اكس330 طبعا موديل 2004 وفوق واللون لازم يكون من الفواتح وبحالة ممتازه ومافيها ريحة التدخين..
طلب اخر افكر اشتري مورانو من الوكاله بس حبيت اعرف رايكم فيها خاصه وقت البيع هل سعرها يطيح واااااااااايد ??? :con2:
اتمنى الرد السريع

ما اعرف حد عنده طوارق ولا لكزس للبيع ..

المورانو حلوه .. لكن الانفينتي احلى منها
انسان حساسي
03-04-2006, 06:43 PM
المورارنو ب140 والانفنتي توصل 180 ...


بس انا اشوف ان الانفنتي تر وااااااااااااااايد احسن لك من المورانو
الغـــيور
03-04-2006, 11:45 PM
يالحبيب انا اشوف انك تم على رايك الأول ابرك من المورانو الموتر حلو وماعليه

كلام لكن في بلادك مايمشي لاجيت تبيعه

ومع انك ما حطيت الإنفنتي بين الخيارات بس اقول والله مووووووووتر

الله يوفقك دمت بود
الوحيد
04-04-2006, 08:22 AM
على ما اظن اني شفت طوارق للبيع في معرض النسور اللي جنب دوار الفوكس اللي كان قبل معرض لاحمد الخليفي
مواصفات السيارة:
اللون : ابيض
مخمل بدون شاشة
حساسات + رنجات الوكالة ( مراوح )
رويتر
04-04-2006, 09:00 AM
لكزس وبس . . . .
البنز
04-04-2006, 09:10 AM
لكزس وبس . . . .


صح لسـانكـ ..
على قد حالها
04-04-2006, 01:14 PM
مشكورين اخواني عالمرور...اكيييييد اللكزس وبس..انا كان عندي وبعته صرااااحه روعه وماعليه كلام..
كنت امس عند عبدالغني قسم السيايير المستعمله وليقيت لكزس بريحة الوكاله من كثر ماهو يديد وماماشي شي وانا اتكلم مع الريال في نفس اللحظه انحجز!!!!!!!!!
الانفينيتي حلوه بس ضييييييييييييييييقه من ورا وانا ماحب جي المورانو اوسع منها والاوبشن اللي فيها تمااااام...
لمت داون111
05-04-2006, 12:25 AM
السلام عليكم

انا انصحك في اللكزس وبس لانه تقدرين تغيرين قطع غياره بأي داعوس وسعره يتم فيه وبنفس الوقت كشخه
الطوارق والمورانو اسعارهم تطب ومالج الا الوكاله للصيانه وقطع غيارهم نار وفوق ذي خراباتهم كثيره
الانفيتي كشخه ورزه بس مشكلتها حزت البيع لانه الطلب عليها نادر جدا وقطع غيارها غاليه شوي بس بصراحه تستاهل لكن حزه البيع بتوهقين وبتخسرين كثير في بيعتها !

يعني مالج الا اللكزس بس دام كان عندج وتبين تغيرين انا انصحج تاخذين اكس فايف مستعمل من موديل 2002 لين 2004 تحديدا وبتحصلين النظيف باسعار ماتتعدي ال160 الف وسعره مايطيح ذاك الزود وعن نفسي ماشوفه هالايام يناسب الرجال بس للحريم مناسب جدا بنظري ولاتاخذين الاكس 3 لانها ماتصلح كلش !
والاكس فايف قطع غياره غاليه شوي بس اذا بتحافظين عليه بيعيش عندج ولا بيشتكي واحلى شي فيه فرع لصيانه الفردان في محطه بترول مدينه خليفه ومايحتاي تودين الموتر الصناعيه نفس قبل والسفايف والتواير والايل تشترينهم باسعار اضعاف اللكزس بثلاث مرات تقريبا ولكن جوده قطع غيار البي ام احسن وتعيش اكثر
بعطيج مثال علي هذي وهو انه آيل وفلتر اللكزس تشترينهم بمبلغ لايتعدي الـ140 ريال ويمشون معاج 4 الاف كيلو ولكن بالنسبه للاكس فايف تشترين الآيل والفلتر بـ550 ريال ولكن يتمون معاج 25 ألف كيلو ! وهذا الفرق الوحيد الي يميز البي ام
بس علي فكره علي ماظن الاكس فايف بينزلون بدي جديد السنه الجايه او الي بعدها بالكثير وهالكلام من موظفين شركه الفردان
بس بصراحه مع ذلك انا اقولج عليج باللكزس الار اكس ابرك لج وبالاخير القرار راجع لج
والسموحه علي الاطاله
لمت داون111
05-04-2006, 12:28 AM
ونسيت اقولج انه لو فكرتي تشترين اكس فايف او شي تسألين عنه الضمان وكم باقي عليه لانه المواتر الالمانيه عيبها انها بدون ضمان ماتسوي شي كلشش ! وهالشي بالذات مايفرق عند الياباني لانه بضمان وبدون ضمان الياباني يعيش !
وحتي لو حصلتي بي ام نظيفه بس ضمانها منتهي تقدرين تشترين لها ضمان سنتين من البحرين بـ5 الاف ريال وهالضمان بيكون دولي او خليجي علي ماظن ! المهم مهما كان نوع الضمان راح يشمل الخليج بالتأكيد ومنه الفردان طبعا !

وبالتوفيق اختي والله يحفظج من شوارعنا التعبانه
على قد حالها
06-04-2006, 12:05 AM
اشكركم جميعا واخص بالذكر اخوي لمت داون والله ماقصرت وبيض الله ويهك!انا فعلا مازلت اميل حق اللكزس لانه جدا مريح وكشخه ...وشكلي يمكن ارد اخذه مره ثانيه بس موديل 2006 ...لكن الطااااااامه ان مافي سيايير وانا تعبت من الاجار الحين خامس شهر لي !!افتقرت..
لمت داون111
06-04-2006, 02:34 AM
العفو اختي :) والحمدلله اني قدرت افيدج ولو بالقليل من خبرتي بس شقصدج انه مافيه سياير ؟ يعني اللكزس مخلصين في الوكاله ؟ اذا صحيح عيل خلي الوكاله وروحي شوفي التضامن ولا الطارق الي علي خط سلوي وتقدرين تعطينهم شيك ب5 الاف ريال بدون توقيعج علي اساس انه كدفعه اولي للحجز ولو غيرتي رأيج تقدرين تأخذين شيكج في اي وقت تبين حتي لو السياره اوصلت
واذا انتي فعلا مصممه ومعزمه علي اللكزس الار اكس وناويه فعلا تاخذينها طرشيلي مواصفات السياره الي بخاطرج علي الخاص وانا بجيب لج خصم من فوق غير الخصم الي يعطونج اياه تحت ب4 او 5 الاف ( يعتمد علي سعر السياره ) والله يعينج علي الاجار وبالتوفيق ان شاء الله اختي
على قد حالها
06-04-2006, 02:13 PM
هلا اخوي لمت داون ...اي انا قصدي الوكاله مافيها سيايير ولازم انطر 3 شهور ...بالنسبة للطارق رحته وماكان عنده الا ابيض وانا ماحب هاللون ....اليوم انشالله بروح العصر للتضامن وبجوف ....واذا مالقيت بتفاهم معاك على المواصفات والخصم .....اخاف انت المدير وانا مادري !!!!!:)
BURBERRY
06-04-2006, 03:32 PM
السلام عليكم

الانفيتي كشخه ورزه بس مشكلتها حزت البيع لانه الطلب عليها نادر جدا وقطع غيارها غاليه شوي بس بصراحه تستاهل لكن حزه البيع بتوهقين وبتخسرين كثير في بيعتها !


بالعكس عليها طلب .. شرأيك ان شايف واحد شرى انفينتي 8 سلندر موديل 2005 بـ 195 الف مستعمل في الشركة الي عند دوار التلفزيون .. شرأيك هو طالع جاله عرض بـ 210 الف و ثاني يوم جاله عرض 220 الف ..
غشيم121
06-04-2006, 04:05 PM
متي شريتي سياره خبريني
اوكي
لمت داون111
06-04-2006, 06:35 PM
هلا اخوي لمت داون ...اي انا قصدي الوكاله مافيها سيايير ولازم انطر 3 شهور ...بالنسبة للطارق رحته وماكان عنده الا ابيض وانا ماحب هاللون ....اليوم انشالله بروح العصر للتضامن وبجوف ....واذا مالقيت بتفاهم معاك على المواصفات والخصم .....اخاف انت المدير وانا مادري !!!!!:)
وليش مستغربه ؟ ;) جربييني وشوفي :)
لمت داون111
06-04-2006, 06:38 PM
بالعكس عليها طلب .. شرأيك ان شايف واحد شرى انفينتي 8 سلندر موديل 2005 بـ 195 الف مستعمل في الشركة الي عند دوار التلفزيون .. شرأيك هو طالع جاله عرض بـ 210 الف و ثاني يوم جاله عرض 220 الف ..
اخوي الي شراها رفيجك مواصفات خاصه فقط نزلت في موديلات 2004 و2005 وهي النوع الوحيد الي مطلوب نظرا لمواصفاته الرهيبه ( مانزلت منها في الوكاله الا كم سياره بس ) والي حالفه الحظ وشرا منهم صعب يبيع وحتي لو يبيع سعره بيطيح طبعا بس مب وايد لكن النوع الثاني الي قلت لك عنه سواء كان 6 او 8 سلندر حاله حال النيسان السفاري ! ويمكن اسوء !

شكرا علي مداخلتك :)
الراهب
08-04-2006, 11:37 AM
وحدة على قد حالها وتدور لكزس او انفنتي عجل ميسورة الحال شتدور بورش .....
اللهم لك الحمد اشهد ان الله عز قطر وأهلها بو مشعل الله يحفظه
بويوسف
08-04-2006, 12:42 PM
:looking: :) السلام عليكم يااخوان :)
اتمنى انكم تساعدوني انا ادور طوارق او لكزس ار اكس330 طبعا موديل 2004 وفوق واللون لازم يكون من الفواتح وبحالة ممتازه ومافيها ريحة التدخين..
طلب اخر افكر اشتري مورانو من الوكاله بس حبيت اعرف رايكم فيها خاصه وقت البيع هل سعرها يطيح واااااااااايد ??? :con2:
اتمنى الرد السريع

اختي بكم تسومين اللكزس موديل 2005 rx330 بحالة ممتازة
على قد حالها
08-04-2006, 10:32 PM
اخوي بويوسف انا رديت لك جيك على الايميل...
اخوي غشيم انت طلبت اخبرك اذا خذت سياره...انا اليوم رحت حجزت لي جي اكس ار 2006 خلال اسبوع ان شالله بيوصل!
على قد حالها
08-04-2006, 10:35 PM
الراهب
وحدة على قد حالها وتدور لكزس او انفنتي عجل ميسورة الحال شتدور بورش .....
اللهم لك الحمد اشهد ان الله عز قطر وأهلها بو مشعل الله يحفظه
هلا اخوي الراهب ....اشكرك عالمرور وعلى الاقل انا لين خذت اي من ذول اسمي قطريه ...وحلا علي العز لكن شتقول عنننننن.........اللي ماخذين احسن السيايير!! :anger1: :anger2: عجبي :mad:
الراهب
08-04-2006, 11:05 PM
تستاهلين العز يابنت قطر اقصد على قد حالها.................. انا امزح والله يرزقج احسن و احلى