ليش التدخين!!!

[Rider]

ياجماعه اذا قلنا التدخين حرام واذا قلنا التدخين مظر بالصحة هذا شي معروف
بس ابغي اعرف ليش بعض الاباء وللاسف الشديد يدخن جدام عياله وزوجته على الاقل خاف عليهم من أضرار التدخين ولا هي علي وعلى إعدائي والله اليوم الصباح وانا جاي الدوام اشوف واحد يوصل عياله للمدارس وماسك الزقاره في يده ويدخن جدام عياله والعيال يشوفونه يعني بكره لو الولد دخن شنو موقف الاب عادي عنده ولا بيضرب ولده
اتمنى الاباء يتقون الله في أبناهم

سؤال اذا كنت مدخن هل سوف تدخن امام أبنائك؟واذا سألك ولدك عن هذا الشي الذي تدخنه ماسوف تقول له ؟

اسال الله ان يبعد التدخين عن أوفواه المسلمين وأسال الله اذا كان هناك أخ مدخن أو اخت من أعضاء هذا المنتدى أن يهينه الله على تركه

[اسير الاوهام]

مع الأسف التدخين صار إدمان عند البعض

انا أعرف واحد من الربع يدخن جدام عياله الصغار .. ولا على باله

والمشكلة في القهاوي .. اللي يجيب ولده ولا بنته الصغيره داخل القهوة .. وحكرة الدخان

يعني مايخاف عليهم من أضرار الدخان ..

الله يهديهم ويصلحهم .. وجزاك الله خير على الموضوع

[Rider]

مع الأسف التدخين صار إدمان عند البعض

انا أعرف واحد من الربع يدخن جدام عياله الصغار .. ولا على باله

والمشكلة في القهاوي .. اللي يجيب ولده ولا بنته الصغيره داخل القهوة .. وحكرة الدخان

يعني مايخاف عليهم من أضرار الدخان ..

الله يهديهم ويصلحهم .. وجزاك الله خير على الموضوع

تسلم اخوي اسير على المرور
قسما بالله اني أزعل اذا اشوف واحد يدخن اقول فخاطري ليش شنو مستفيد من التدخين خسارة فلوس وخسارة صحة غير انك تأذي اعز الناس عندك

[Rider]

اتمنى ياخوان المشاركة وعدم الاكتفاء بالمشاهده حتى لو كنت مدخن شاركنا بارك الله فيك

[مناحي السادس عشر]

مع انه كان في شعار اخبره زماااااااااااان
قطر خاليه من التدخين سنة 2000
اتوقع سبب كثرة المدخنين هو عدم وجود توعيه صحيه
مثلا البوسترات ماشوفها الا بالمراكز الصحيه وقديمه جدا تقريبا حفظناها
مفروض تكون حمله قويه وتبين انه سبب للسرطانات والموت
وين دور قناة الكاس بحكم لها عدد كبير من المتابعين ليش ماتسوي افلام توعويه لمدة خمس او عشر دقايق
تبين فيه هالمخاطر
ياخي استغرب اذا ارتفع سعر اي سلعه بالسوق الكل قام يتكلم ويشتكي مثل الطماط من فتره
بس الدخان وصل سعر العلبه الوحده الى ثمان ريال من ثلاث ريال ونص اخبره قبل ولا حد قال شي
بعض الدول تحط صور مقززه على علب الزقاير بس عندنا اشوف انها عادي
هو الهدف شوي توعيه اعلاميه وبتقل هالنسبه ان شاء الله
شاكر لك طرحك يا كبتن

[تحداني]

التدخين ابتلاء من رب العالمين .. ونسأل الله عز وجل ان يخلص كل من اصاب به
نفس السؤال كنت اسأل الوالد زمان قبل تركه للتدخين ..
يبه ليه إدخن ؟؟ وكان الرد ما اعرف
ومتى راح تترك الدخان ؟؟ ما أعرف

وهل تشعر بلذه ؟؟ وكان الرد اشعر باللهفه .. والحاجه له ..
او يمكن يكون هروب من واقع عشته ..


سبحان الله

واليوم المرض هو من كان اقوى من الدخان
فتركه مجبرا.. والى اليوم يتذكر السيجاره ويبحث عنها بين الحين والحين
لكن خوف العوده لاسره المرض يمنعه من ذلك ..



الله يحفظ شبابنا يارب .. ويبعد عنهم هذا الداء الخطير




جملك الله برضى الرحمن

[بوحارب]

ولــعــت فــيــك الــنــار يـــاذا الـــزقــــاره
وانــــتــــي عــلاك الـــــهـــــم تـــــكـــــويــــنـــه بـنــار
انــــــتـــــي دوى المــــهــــــــوم وانـــتــــي دمـــــــاره
وانــــــتـــي هــوى الــمــشــتـــاق لاضـــــاق واحــتــار

:(

الله يهدي جميع المدخنين يارب والله انه بلاء ما بعده بلا :(

[MAZEN37]

شوف التدخين بلاء وعمل من اعمال الشيطان والي يدخل في هالسوالف يغيب عقله ويصير اناني
واناني بشده بحيث انه اهم شيء انه يدوخ سيجارته حتى امام ابوه لو قدر وانا شفت اكثر من موقف
اب وابن يدخنون
انا متاكد انه حياه المدخنيين تختلف تماما عن غير المدخنيين
وبعدين واحد يضر نفسه وصحته بتكون صحه الي حواليه تهمه
شكرا على الموضوع والله يشفي الجميع

[Rider]

تسلمون يالغالين على المرور المميز

[العقل المدمر]

عيل شتقول عن شيبه عياله كلهم حساسيه انف والا حساسيه صدرو وعنده احفاد صغار سنتين وتحت ومستحيل يهد السجاير فوجودهم :(

[Rider]

عيل شتقول عن شيبه عياله كلهم حساسيه انف والا حساسيه صدرو وعنده احفاد صغار سنتين وتحت ومستحيل يهد السجاير فوجودهم :(

الله المستعان اخوي
يعني الواحد مايفكر في عياله أهم شي نفسه

[QAQA]

الله يجنبنا الشر يارب

[QAQA]

والتدخين في السيارة والاواد معاك بعد مشكلة