الصحفي القطري هل هو طفل مدلل أم مطرود شر طردة ؟؟

[التيما]

السلام عليكم ورحمة الله وبركاته


بما ان أنا من متابعين ومحبين ولا زلت لقراءة الجرائد اليومية خاصة العرب ومرات الراية منها .. وهو عشق أبدي لهذا الشي لكني أشوف أن هناك سقطات .. :weeping:

واللي باط جبدي لمن تتصل وأنت محروق دمك عليها وعلى هالسقطات يردون عليك إخوانا العرب من جنسية معينة وياكلون بعئلك حلاوة :anger1:

واللي يبط الجبد لمن تقولهم مايصير هالخطأ ( قد يكون في اسم أو صورة شخص أو أو ) يقولوون لي ماهو إحنا ما نعرفش الشخص دا ؟؟ خير إن شاء الله :anger1: ليش واللي سوا اللقاء ماصور الشخص ؟ يضحك :waiting: ليش مادري ؟

يعني بذمتكم لقاء مع مذيع نحط صورة مخرج ؟؟ ولا موضوع عن وكيل وزارة أحط صورة شخص ثاني crazy استهبال هو ولا استهبال ؟؟

مرات أشوف الصفحات ممتازة والف لا .. ولمن بحثت لقيت ان مافي صحفيين قطريين الا بعدد مب أصابع اليد الا ربع صبع :court: لا ومافي تشجيع ..

صحفي قطري مافي تقدير له مو لانه قطري بس .. ولان أغلبية الفنانيين مايرضون يتعاملون الا معاه .. وشفته في برنامج الليوان في أخر حلقه أعتقد وكان القطري الوحيد بين الصحفيين اللي قاعدين .. شحلاته شزينه :nice:

مهرجان تربيكيا - اللي صاير انهم جايبين ستاف من مصر ؟؟؟ :telephone: ليش بالله ؟؟ لان في اختراع اسمه المدير العام عايش له في مب عز ؟؟؟؟؟ الا عزيزاااااااان من ورا هالشي ..

لا والمصيبة في هالراية العلة إنها كثير ما تاخذ معلومات وصور من منتدانا :anger1: والله اني عصبت مرة وكلمت أحد الصحفيين قالي خلي صاحب الموضوع في المنتدى يشتكي وشوفي .. هالقطري يقولي مشكلة القطريين طيبين وماراح يشتكي مب عارفين إن هم بهالطريقة يخلون هالأشباه صحفيين يتمادون غير إنهم بياخذون مبالغ على هالمواضيع :omg: أأأه يا قلبي ..

من اليوم ورايح اللي يحط موضوع في المنتدى وصور خاصة فيه وشافها في جريدة ( السارقة ) .. سوري قصدي الراية يشتكي على حرامي المواضيع ولا تسكتون عليهم :court:
ولا زلت أذكر موضوع سيلين في العيد ثاني يوم شفنا الصور نفسها ؟؟ أعنبوا ايش هالصحفي اللي ما يستحي قص ولصق ؟؟ :threaten:

يا جماعة أنا قلبي على الصحفي القطري :eek3: .. والله حرام ما نشوف الا جنسيات عربية .. صح هم قلة لكن لو لقوا الاهامام والتقدير بيزيدون .. أنا فكرت أشتغل في الصحافة انصدمت وأنا بعدني ما اشتغلت :anger2: ..

صح الجرائد مؤسسات ربحية لكن لين متى ؟ القارئ ينتبه .. وأنا كنت أقرأ الوطن وتركتها للراية وبعدين شفت في الراية مصخرة وأهمال وأخطاء عيب تنحط في جريدة رسمية وتركتها للعرب .. يحليل العرب عجبتني والله .. بس للحين ما قدمت عندهم عشان أشوف استقبالهم للقطري وكيفيه تشجيعه .. :rolleyes: مع اني ما شفت قطريين في العرب الا كتاب العمود ..


الحين هل تعتقدون إن الخطأ من الصحفيين القطريين ولا من من ؟
كيف نقدر نشجع هالمواهب القطرية ؟
هل ترضى إن موضوعك في المنتدى وصورك تنباق عيني عينك وتنسب لغيرك ؟ حتى لا حمد ولا شكور ويكتب الصحفي اسمه وتصويره عليها ؟
والحل ؟؟ :weeping:

[رجل مثالي]

يا أخي أذا أشتغلت في مكان مع صحفيين من المقيمين لا أحد منهم يعلمك حرف واحد الا بالواسطه وهذا في كل الدوائر فيجب عمل دورات تخصصيه للقطريين في أي موقع يكون فيه حتى يتعلم العمل الجيد وشكرا

[البدع]

مشكلة الصحفيين القطريين برايي المتواضع هي الراتب الضعيف

اضف اني لاحظت ان (بعض الكتاب القطريين) للاسف يصدق نفسه ويسوي نفسه معارض للدولة

او معارض لسياسات للصحيفة

واخرتها يدمر نفسه بنفسه

[vtc_4.8]

يا جماعه الي ينزل صور يحط عليها حقوقه واسمه بالخط العريييييض ويخليها شفافه شوي على ماتخفي الصوره

وفي نهاية كل موضوع يمنع النقل واي جريدة تنقله بينج وبينهم المحاكم :d

[التيما]

يا أخي أذا أشتغلت في مكان مع صحفيين من المقيمين لا أحد منهم يعلمك حرف واحد الا بالواسطه وهذا في كل الدوائر فيجب عمل دورات تخصصيه للقطريين في أي موقع يكون فيه حتى يتعلم العمل الجيد وشكرا

ليش انت عبالك هم يدرون عن هواى دار الاعلام أصلا ؟ يا خوي أقولك أخطاء بالهبل مالها أول من تالي .. يا ما صارت وخذوا مواضيع من المنتدى هني وانسبوه لهم .. :anger1:

[التيما]

مشكلة الصحفيين القطريين برايي المتواضع هي الراتب الضعيف

اضف اني لاحظت ان (بعض الكتاب القطريين) للاسف يصدق نفسه ويسوي نفسه معارض للدولة

او معارض لسياسات للصحيفة

واخرتها يدمر نفسه بنفسه



يعني في اعتقادك إنت أن الخطأ هو خطأ الكاتب القطري ؟
وبعدين أخوي حاله صحية وجود معارض ومؤيد لكل شي في الدنيا .. واحنا بلدنا مو مدينة فاضلة .

[التيما]

يا جماعه الي ينزل صور يحط عليها حقوقه واسمه بالخط العريييييض ويخليها شفافه شوي على ماتخفي الصوره

وفي نهاية كل موضوع يمنع النقل واي جريدة تنقله بينج وبينهم المحاكم :d

:nice: تعجبني وكلامك صحيح .. يعني العضو عندنا يروح ويصور حق موضوع وكله عشان المنتدى وببلاش .. وهالصحفي حسبي الله عليه ياخذ راتب ويبوق الموضوع بالصور والمصيبة الأكبر ينسبه لنفسه مب حرام ؟؟

ولازم العضو ما يقبل بهالنقل أصلا وفعلا اللي يشوف موضوعه لازم يروح يشتكي وبيبين من صاحب الحق لان هالأشباه صحفيين مايستاهلون يكتبون ..

واتفق معاك ان كل صاحب موضوع لازم يحط على صورة بالشفاف الخفيف اسم المنتدى ..

[كاشف الغطاء]

خلو روحكم رياضية شنو يعني اذا اقتبسو مواضيع من المنتدى

بعدين ماحصلتو غير الصحافيين الاجانب الفقارة شوفو الزلمات

في الجزيرة كم ياخذون ..

[التيما]

خلو روحكم رياضية شنو يعني اذا اقتبسو مواضيع من المنتدى

بعدين ماحصلتو غير الصحافيين الاجانب الفقارة شوفو الزلمات

في الجزيرة كم ياخذون ..

الموضوع عن الجرايد .. شدخل الجزيرة ؟ :anger1: وبعدين هالفقارى ماعندهم أمانة في نقل المعلومات .. وفلوسهم حرام ..

[رجل مثالي]

أخي العزيز أذا كنا نريد صحفيين قطريين ناجحين فيجب أولا أرسالهم الى دورات داخليه وخارجيه حتى يصبح عندنا صحفيين قطريين أكفاء وشكرا

[التيما]

أخي العزيز أذا كنا نريد صحفيين قطريين ناجحين فيجب أولا أرسالهم الى دورات داخليه وخارجيه حتى يصبح عندنا صحفيين قطريين أكفاء وشكرا

ومن قالك انهم ما يودونهم دورات ؟؟