قهررررررر والله ................. اتمنى الجميع الدخول...

[عالم المحيطات]

السلام عليكم ............

بختصار قهر الي قاعد يصير يعني من بدال مايخففون المهور علينا ..نسمع البنات يبون يتزوجون اجانب.. انا اعتبر الموضوع كارثة .. والله انتو يابنات سبب مشاكل شباب قطر بعقليتكم الصغيرة.... :anger1::anger1::anger1::anger1:

والدولة ماتعطينا الا 15 الف وبعد مووووووووت .. ليش مايكون هناك تسهيلات او حتى زواج جماعي!!!!!!!

احنا اهم من تنظيم البطولات والمؤتمرات...

انا صار لي سنتين وانا اجمع فلوس .. واخر شي كل بنت تبي شي خيالي يكسر الظهر ولين صارت لي ديون ..تقول انت ماتصرف علي..

خافوا ربكم والله..:weeping::weeping:


للاسف وهاذي حقيقة انا طلقت والحين اعاني من هذا الشي..

اخوكم / عالم المحيطات

[العقل المدمر]

البنت اللي شروطها تعجيزيه خلها تعنس :nice:
انا مايقهرني الا لو الاهل اضغطوا عالبنت وقالوا لا يبون اكثر
اذا البنت قنوعه انتوا شعليكم ؟؟ :eek5:
خصوصا لا قالوا لا بنتنا غاليه مانسلمها اي حد :rolleyes2:
يعني بتبيعونها انتوا الحين ؟؟ :omen2:
سووا اضراب عننا اغلبنا ما ينعطون ويه :shy:

[الـقـاسـي]

والله ياخوي ماتنلام اذا قلت هالكلام .. مساعدة الزواج حتى في ايام عزها ماتسوي شي ..
والدولة رغم غلاء الاسعار الجنوني اللي ماتبي توضع له حد وقلة صالات الافراح المتعمد لرفع اسعارها ومثل ماتعرفون قله السكان هذا كلها ماخلاها ترفع مساعدة الزواج على الاقل 18 مليون ثانيه نفس مالت فلم كاس العالم يحطونها ميزانيه حق مساعدات الزواج وتصير بدال 15 الف 150 الف مش خسارة في القطري والله الكورة صارت اهم منا

[الـقـاسـي]

البنت اللي شروطها تعجيزيه خلها تعنس :nice:
انا مايقهرني الا لو الاهل اضغطوا عالبنت وقالوا لا يبون اكثر
اذا البنت قنوعه انتوا شعليكم ؟؟ :eek5:
خصوصا لا قالوا لا بنتنا غاليه مانسلمها اي حد :rolleyes2:
يعني بتبيعونها انتوا الحين ؟؟ :omen2:
سووا اضراب عننا اغلبنا ما ينعطون ويه :shy:

هههههههههه :nice:

بس المشكلة مانقدر نسوي اضرااب

[علي1]

ردي على الموضوع بهاذا الكلام الطيب



بسم الله الرحمن الرحيم


ما أقل المهر ؟ وكم مهور أمهات المؤمنين بالعملة الحالية ؟







الحمد لله
جاء تبيين أقل المهر فيما رواه مسلم في الصحيح رقم (1425) عن سهل بن سعد الساعدي قال جاءت امرأة إلى رسول الله صلى الله عليه وسلم فقالت يا رسول الله جئت أهب لك نفسي فنظر إليها رسول الله صلى الله عليه وسلم فصعّد النظر فيها وصوّبه ثم طأطأ رسول الله صلى الله عليه وسلم فلما رأت المرأة أنه لم يقض فيها شيئاً جلست فقام رجل من الصحابة فقال : يا رسول إن لم يكن لك بها حاجة فزوجنيها فقال : فهل عند من شيء. فقال : لا والله يا رسول فقال اذهب إلى أهلك فانظر هل تجد شيئا فذهب ثم رجع فقال : لا والله ما وجدت شيئاً ثم رجع . فقال رسول الله صلى الله عليه وسلم انظر ولو خاتما من حديد فهب ثم رجع فقال : لا والله يا رسول الله ولا خاتماً من حديد ولكن هذا إزاري فلها نصفه فقال رسول الله صلى الله عليه وسلم ما تصنع بإزارك إن لبسته لم يكن عليها منه شيء فجلس الرجل حتى إذا طال مجلسه قام فرآه رسول الله صلى الله عليه وسلم موليً فأمر به فدعي فلما جاء قال ماذا معك من القرآن . قال : معي سورة كذا وسورة وكذا فقال تقرؤهن عن ظهر قلبك قال : نعم قال اذهب فقد ملكتها بما معك من القرآن .
وفي هذا الحديث أنه يجوز أن يكون الصداق قليلاً وكثيراً مما يُتمول إذا تراضى به الزوجان لأن خاتم الحديد في نهايةٍ من القلة ، وهذا مذهب الشافعي وهذا مذهب جماهير العلماء من السلف والخلف وبه قال ربيعة وأبو الزناد وابن أبي ذئب ويحي بن سعيد والليث بن سعد والثوري والأوزاعي ومسلم بن خالد وابن أبي ليلي وداود وفقهاء أهل الحديث وابن وهب من أصحاب مالك . وهو مذهب كافة الحجازيين والبصريين الكوفيين والشاميين وغيرهم أنه يجوز ما تراضى به الزوجان من قليل وكثير كالسوط والنعل وخاتم الحديد ونحوه .
وأما بالنسبة للسؤال عن مهور أمهات المؤمنين .
فقد روى مسلم في "الصحيح " رقم (1426)عن أبي سلمة بن عبد الرحمن أنه قال : سألت عائشة زوج النبي صلى الله عليه وسلم كما كان صداق رسول الله صلى الله عليه وسلم . قالت : كان صداق لأزواجه ثنتي عشرة أوقية ونشّاً . قال أتدري ما النَّشُّ . قال قلت لا قالت : نصف أوقية : فتلك خمس مائة درهم فهذا صداق رسول الله صلى الله عليه وسلم لأزواجه .
قال العلامة ابن خلدون :
فاعلم أن الإجماع منعقد منذ صدر الإسلام وعهد الصحابة والتابعين : أن الدرهم الشرعي هو الذي تزن العشرة منه سبعة مثاقيل من الذهب ، والأوقيَّة منه : أربعين درهماً ، وهو على هذا سبعة أعشار الدينار .. .. وهذه المقادير كلها ثابتة بالإجماع .
" مقدمة ابن خلدون " ( ص 263 ) .


والسلام عليكم ورحمة الله وبركاته

[علي1]

بعدين ياخواني الي تكلمو عن15 الف متى تجيك اذا قدمت عليها هل تجي في شهر او شهرين ولا بعد سنتين

انا والله ماجاتني لين صار علي ولد وعمره سنه جاتني ال 15 الف
؟؟؟؟؟؟؟؟

[رجل الجزيرة]

يا جماعة الخير الكلام غير والفعل غير.

[العقل المدمر]

هههههههههه :nice:

بس المشكلة مانقدر نسوي اضرااب


عيل دور عدل فيه ناس يبون الستر اكيد :shy:
والله حرام فلوس ودنيا وعرس لا صار ولا استوى
اخرتها مشاكل وهم ويمكن توصل طلاق بعد :(

[اخر العنقود]

اللي اعرفه الناس السنعه يشترون رجال بافعاله مب بجيبه وعيب يشرطون

الله يوفقكم ويعينكم

[الوان]

ياليت العروس بعد تستثمر الفلوس ... الا تلعب فيها

والله اللي تقدر الريال بفلوسه ما تستاهل تكون زوجه

[الأصيلة]

بعدين ياخواني الي تكلمو عن15 الف متى تجيك اذا قدمت عليها هل تجي في شهر او شهرين ولا بعد سنتين

انا والله ماجاتني لين صار علي ولد وعمره سنه جاتني ال 15 الف
؟؟؟؟؟؟؟؟

تلقاها 50 ألف
واللي وصلوها لك أخذوا الباقي...

الله المستعان...

[الخير كله]

في بنات يبون بس ريل ...
دور وبتحصل

[eqahtani]

المشكله الوحده اذا خطبها قطري تقول له ابي مهر بس 50 الف , يستانس الريال وبعدها تقوله ابي كوشه ب 100 والعرس في الشيراتون و ابي المطرب الفلاني يعني لو قالتله المهر 200 الف كان ارحم
وذا جاها اجنبي تاخذ منه 20 الف بس والعرس في مطعم فينيسيا

والله قهررررررررر

[maruuma]

اللي يدري يدري

واللي مايدري يقول كف عدس


والله المستعان

[wadha-qa]

ياليت العروس بعد تستثمر الفلوس ... الا تلعب فيها

ليش انتو تحسبون المهر للاستثمار ؟ اصلا المهر للبنت تجهز نفسها بهالفلوس يعني تصرفها و تشتري بها ما تحطها في تجوري و تعدها كل يوم !!!

بعدين اللي يطالبون بالزواج من اجنبي قله و ما يمثلون الكل !! و حلاه الثوب رقعته منه و فيه ^_*

[عزتي سمو ذاتي]

والله على حسب البنت .. نعرف بنات كثيرة تبي بس الستر وتشتري الرجال لدرجة حتى حفلة الزواج تستغني عنها

ومساكين هالفئة قاعدة ماتزوجت ونعرف بنات كثيرة تطلب شي وشويات وهم اللي تزوجوا وفي الأخير كل شي بالنصيب


دور أخوي وبتحصل البنات اللي يشترون الرجال كثيرة وموجودة .. والله يرزقك باللي تسعدك وتهنيك يارب


بس انها تتزوج من أجنبي هذا اللي موعدله مااظن الوحدة بتعيش مرتاحه إلا إذا خذت ولد بلادها منها وفيها

[الصريحه]

اخوي الله يعينك وييسر لك امرك
بس ماتلاحظ الدوله كلها فيها تضخم يعني لما تاخذ البنيه المهر _باي مبلغ_ماعاد يسوي شيء لان كل شيء عليها واوقات الكوشه والطقاقات عليها
الكوشه اقل كوشه عدله صارت 10000ريال واي اقل طقاقه 12000ريال
غير الضيافه والحلويات والعصاير والفطاير تكون اوقات من جيب الوحده
حتى فستانها اقل فستان عدل مايقل عن 10000ريال والاطقم الالماس روح شوف سوق الذهب ورد علي اقل ساعه الالماس عدله 7000 او 8000ريال
ومكياجها وتسريحتها بس لذيك الليله 3000 او 4000ريال
وعليك الحسبه
غير فستان الهديه وباقي اغراض العروس المهمه
يعني انا معاك انها تقلل بالمعقول لكن في ظل التضخم اللي حاصل ماتقدر تقلل وايد
انا مااتكلم عن اللي اسرفوا وافجروا اللي فستانها 30000 او 50000 او 70000 ريال
ولااللي اختاروا اغلى صاله واغلى طاولات تقديم وبهذا تكون كلفت فوق 300000 او اكثر
اتكلم اقل شيء هذا اليوم في رايي 100000 او 150000 مناسبه
وياليت الدوله تحد حد لطمع التجار علشان كل شيء يسير سهالات وتقدر تتزوج انت وغيرك
مثال بعض الدول الخليجيه الاخرى تكون قيمه المهور اقل لان كل شيء عندهم ارخص مننا بكثير يعني الوحده تقدر تاخذ مقاضيها من برا علشان تخفف التكلفه
لكن تبقى بعض الامور اللي لابد من البلد مثل الكوشه والطقاقات والحلويات والعطور والدهونات ليوم العرس
والكوشه بروحها كسره ظهر بسبه الغلاء
الله يعينك ويغنيك بحلاله عن حرامه
ومادامك تبي الستر الله بيسر لك بس تحمل من الدين
وترى بعض الاسر تتطلب اقل وتمشي الامور اهم شيء يكون الولد يستاهل
وماقد سمعت قطريه ماخذ اجنبي الا منك

[Doha Sun]

ادفع المهر واذا زاد قول لهم فلوسي عندي وبنتكم عندكم .. ( والله بيتوبون )
واللي خلقها خلق غيرها وفي ناس تبي الستر وتشتري رجال ..

[MAZEN37]

الله يعينك

[( أكاديمية )]

من ناحية قهر فأنا معاك :(
يعني خفوا عالريال من طلباتكم ياالبنات وخلكم من المظاهر الخداعة ........!
"إذا أتاكم من ترضون دينه وخلقه فزوجوه، وإلا تكن فتنة في الأرض وفساد كبير"،

[كازانوفا]

دور واكيد بتلاقي اللى تناسبك ان شالله
موفق باذن الله

[بازار]

الله المستعان ..

[منصوربن حمد]

ياناس تركبون سيارات ب350000 سوى كاش اودين وتستكثرون المهر وتعتمدون على 15000 مساعدة الزواج والتكاليف لاتقل عن 500000 اي نص مليون يعني الدين فيكم فيكم والحل خلوها تعنس مثل خلوها تصدي

[Doha Sun]

ياناس تركبون سيارات ب350000 سوى كاش اودين وتستكثرون المهر وتعتمدون على 15000 مساعدة الزواج والتكاليف لاتقل عن 500000 اي نص مليون يعني الدين فيكم فيكم والحل خلوها تعنس مثل خلوها تصدي


:nice::nice::nice::nice::nice:
جعلك تسلم

[قطر دزاين]

لا يقول البنت والبنت
اللي يطلب مهور عاليه هم الاهل وليس البنت
بعض الاهل اذا بناته يشتغلون ما يزوجهم خايفين ينقطع عليهم راتب البنت فا يبالغ في المهر

البنات ليس عليهم لوم وانما على الاب والام فقط هم من لومهم وليس البنت

[قطريه ماتهاب]

اخوي الله يعينك وييسر لك امرك
بس ماتلاحظ الدوله كلها فيها تضخم يعني لما تاخذ البنيه المهر _باي مبلغ_ماعاد يسوي شيء لان كل شيء عليها واوقات الكوشه والطقاقات عليها
الكوشه اقل كوشه عدله صارت 10000ريال واي اقل طقاقه 12000ريال
غير الضيافه والحلويات والعصاير والفطاير تكون اوقات من جيب الوحده
حتى فستانها اقل فستان عدل مايقل عن 10000ريال والاطقم الالماس روح شوف سوق الذهب ورد علي اقل ساعه الالماس عدله 7000 او 8000ريال
ومكياجها وتسريحتها بس لذيك الليله 3000 او 4000ريال
وعليك الحسبه
غير فستان الهديه وباقي اغراض العروس المهمه
يعني انا معاك انها تقلل بالمعقول لكن في ظل التضخم اللي حاصل ماتقدر تقلل وايد
انا مااتكلم عن اللي اسرفوا وافجروا اللي فستانها 30000 او 50000 او 70000 ريال
ولااللي اختاروا اغلى صاله واغلى طاولات تقديم وبهذا تكون كلفت فوق 300000 او اكثر
اتكلم اقل شيء هذا اليوم في رايي 100000 او 150000 مناسبه
وياليت الدوله تحد حد لطمع التجار علشان كل شيء يسير سهالات وتقدر تتزوج انت وغيرك
مثال بعض الدول الخليجيه الاخرى تكون قيمه المهور اقل لان كل شيء عندهم ارخص مننا بكثير يعني الوحده تقدر تاخذ مقاضيها من برا علشان تخفف التكلفه
لكن تبقى بعض الامور اللي لابد من البلد مثل الكوشه والطقاقات والحلويات والعطور والدهونات ليوم العرس
والكوشه بروحها كسره ظهر بسبه الغلاء
الله يعينك ويغنيك بحلاله عن حرامه
ومادامك تبي الستر الله بيسر لك بس تحمل من الدين
وترى بعض الاسر تتطلب اقل وتمشي الامور اهم شيء يكون الولد يستاهل
وماقد سمعت قطريه ماخذ اجنبي الا منك

صادقه فديتج

[بنت ابوها 19]

خلوها تخيس ببيت اهلها

بتعنس وبطيح بجبود اهاليها


وعقبهابيقولون : يليت الي جرا ماكان

انتو ريايل مايعيبكم شي

بنات الحلال واجد والي يبون الستر

[بوخالد911]

موضوع قُتل بحثا وتداولا

الله يعييين الكل

[تهامي باشا]

مهــر البنت 150 آلف
عرس البنت 100 ألف
عرس الرجال 50 ألف
حفلة خطوبة + شبكة + هدايا + نثريات 50 ألف
شهر العسل 50 ألف
أثاث 50 ألف (إذا افترضنا إن الرجال ما راح يبني ملحق)

المجموع 450 ألف في أضعف الأحوال والمشكلة كلها في مصاريف البنت مثل ما إنتو شايفين في الحسبة فوق
مصاريف الرجال كلها 50 ألف أما البنت 300 ألف .. هذا غير شهر العسل والأثاث لأنها مصاريف مشتركة
مثل ما قال أحد المذيعين المشكلة إن رجال الأول ما عاد في منهم ألحين وصارو الحريم هم اللي يتفقون ويخيطون ويبيضون ويحددون الأسعار والمهور وهو السبب الرئيسي في الغلاء الحاصل ولا الدولة مالها أي علاقة (طبعاً عدا ما يخص احتكار قاعات الأفراح)

وجهة نظر

[بنت الدوسري]

ترى بنات الناس مايتطلبون وانا اقولها بصراااااااحة بنات الناس مايتطلون من بطلنا عينا على وجه الارض واحنا نسمع شيبانا يقولون اخذها بدفتها احنا نشتري رجال ولاتكلف على نفسك مد اللي انت تقدر عليه عمري ماسمعت ان حد يتشرط ويتطلب الحمدلله والرجال اللي فيه خير مايطلب فلوس ويساوم على بنته .... ارجوكم احسنوااااااااااااااااااااااااااااااااااااااا الاختياااااااااااااااااااااااااااااااااااااااااااا اار احسنوااااااااااااااااااااااااااااااااااااا الاختياااااااااااااااااااااااااااااااااااااااااااا اااار

[بنت الدوسري]

صادقه فديتج

كلامج عدل ميه في الميه بس اذا كانت الوحده موظفة ليش ماتجهز روحها حتى لو عطاها 100 وماكفتها باقي الاشياء تجهز فيها روحها شالمشكله انها اتجهز من راتبها وشالمشكله اذا ساعدها ابوها وامها واخوانها وخواتها علشان تمشي البنت ولا اتعسر

[Rider]

الله يعينك اخوي لكن فيه بنات يبغون الستر لكن للاسف الاهل هم الي يبالغون في الطلبات ابغي اعرف ليش الخساير اخر شي كلها للفنادق والكوش وغيرها من الاشياء الي لا تسمن ولا تغني من جوع

[عالم المحيطات]

بارك الله فيكم ولي عودة بالرد والمناقشة...

[هبوب الكوس]

http://img387.imageshack.us/img387/6785/98152716vd0.gif

[الراقيه سبشل]

شاللي حادك تاخذ وحدة بتكسر ظهرك من الديون

شكثرهم البنات ياحظي:nice:

[عبدالله الحميدي]

الله المســــــــــــــتعااااااااان

[الصريحه]

كلامج عدل ميه في الميه بس اذا كانت الوحده موظفة ليش ماتجهز روحها حتى لو عطاها 100 وماكفتها باقي الاشياء تجهز فيها روحها شالمشكله انها اتجهز من راتبها وشالمشكله اذا ساعدها ابوها وامها واخوانها وخواتها علشان تمشي البنت ولا اتعسر

والله اختي الكثير من بنات هاليومين الموظفات والله يكملون من راتبهم والكل يساعدهم
بس اعيد وازيد التضخم لاعب دور
اقل شيء العرس نبيه وسط لاهو متكلف ولاشيء لكن في حدود المعقول اللي وضحته
100000 او 150000 ريال هذا الوسط في رايي
للاسباب اللي ذكرتها
وكذلك مايمانع ان فيه بنات يرضون بالقليل القليل حتى زواحهم في البيت او خيام لكن بعد له صرفه اقل شيء 70000ريال
انا مع الاقتصاد والتيسيير لكن ماباليد حيله مع التضخم
لان الكل صاده الطمع واول مايدرون ان اي شيء بيتسوى للعروس حتى قص شعر او حناء على طول تدبل السعر 3 اضعاف
العيب في التجار واللي نفوسهم رديئه
ولا الكل شايف خير والكل يبي العرس يكون يبيض الوجه لا من صوب اهل المعرس او من اهل العريس
والله يوفق كل طالب حلال

[الصريحه]

http://img387.imageshack.us/img387/6785/98152716vd0.gif

كل واحد بياخذ نصيبه
وكل قدر له ملاس اخوي
واذا صدت هي بكره اختك وبنتك بعد بيصدون
انتبه للي تقوله

[xxqataryxx]

الكلام ببلاش
في وايد يدورن الستر
بس وين للي ناوي يتزوج
للي ناوي الله يجيب له رزقه وفتح له باب الرزق كم كل مكان

[هبوب الكوس]

كل واحد بياخذ نصيبه
وكل قدر له ملاس اخوي
واذا صدت هي بكره اختك وبنتك بعد بيصدون
انتبه للي تقوله

قصدي اختي الي يبالغون في المهور والشروط التعجيزيه

وعن رسول الله صلى الله عليه وسلم (أقلهن مهراً أكثرهن بركة)

تحياتي لج :)

[العقل المدمر]

ياناس تركبون سيارات ب350000 سوى كاش اودين وتستكثرون المهر وتعتمدون على 15000 مساعدة الزواج والتكاليف لاتقل عن 500000 اي نص مليون يعني الدين فيكم فيكم والحل خلوها تعنس مثل خلوها تصدي


تشبيه فغير محله
السياره بتتم وبتعيش سنين وبيطلع قيمتها
بس هالفلوس اللي يقطها ع هالعروس بتستخدمها ساعتين وبعدين ؟؟
كل شي بيروح وبيخلص فليله وحده
والله حرام جنه قاط فلوسه فالزباله
لو هي بتحطها فشي عدل مثل بيت اثاث ثياب تلبسها دوم معليه
لكن في فستان ما ينلبس الا مره وفكوشه وفقاعه ثاني يوم كل شي بيروح وفاشيا تافهه مالها داعي
اكيد السياره ابرك بمليون مره
العرس هاي جنه ماجر سياره بهالمبلغ ورادها وانتهى كل شي مب شاريها وتعيش عنده ويستخدمها دايما

[هند88]

والله انتوا يالشباب ماينعرف لكم

الحين عادي تاخذون ديون عشان سيارة فول اوبشن وخرابيط وغيره ..ولين يات على المهر قلتوا وايد وتشكيتوا:omen2:

مش معقوله كل البنات والاهالي تفكر هالتفكير
صج في بنات يبون كماليات بس وايد اعرفهم هالكماليات ابوها يدفع لها ..

المهر والعرس حق من حقوق المرأه وطبعا بالمعقول

بس انتوا الصراحه الريايل مادري اشلون شكلم عادي تضيعون الفلوس على السياير واللبس الماركة والسفرات الي كل يوم والثاني بس عند المهر تقولون كسروا ظهورنا:omen2:

[هند88]

تشبيه فغير محله
السياره بتتم وبتعيش سنين وبيطلع قيمتها
بس هالفلوس اللي يقطها ع هالعروس بتستخدمها ساعتين وبعدين ؟؟
كل شي بيروح وبيخلص فليله وحده
والله حرام جنه قاط فلوسه فالزباله
لو هي بتحطها فشي عدل مثل بيت اثاث ثياب تلبسها دوم معليه
لكن في فستان ما ينلبس الا مره وفكوشه وفقاعه ثاني يوم كل شي بيروح وفاشيا تافهه مالها داعي
اكيد السياره ابرك بمليون مره
العرس هاي جنه ماجر سياره بهالمبلغ ورادها وانتهى كل شي مب شاريها وتعيش عنده ويستخدمها دايما

وممكن بعد السيارة ثاني يوم تندعم وتتكنسل :omen2:

[همر]

حبيبي اذا رحت تخطب لا تستحي من العروس او ابوها .. عطهم اياها بوز اذا هم بيعطونك اياها دبل كيك عقب .. انا جاي اخطب بنتكم وبعطيها كيت و كيت وكيت فقط لاغير وحط تحتها خط نفس الشيكات يوم توقعها .. عاد هم بيقولون لك بنفكر .. اذا وافقوا فيهم الخير .. واذا رفضوا .. اللي بعدووووووووووووو ..

مشكلتنا العالم تستحي .. يروح يخطب ونتظر الموافقه اول بعدين يبتدي يتكلم بالتفاصيل :shy: .. بعد شنوووو يا بابا خلااااص الفاس طاحت في الراس .. وبعد الموافقه بيبتدون هم يتشرطون عليك نبي ونبي ونبي ... :anger1:

بس عاد لو انت اشقر واسمك مهند .. هوبا نينا ننااااااا ... بتجيك البنت وتحط في مخباك 250 الف من ورى اهلها وتقولك تعاال اخطبني وهذي مصاريفي :shy: ومستعده تسوي المستحييييييل لأنك غير .. مميز .. يعني كأنها شاريه رقم سياره ثلاثي مثلا ..

ولا انت يا الاجلح الاملح على شنو ؟!! الله مكثركم .. ما تدري ان التركيبه السكانيه مخلله في قطر وعدد الذكور اكثر من الاناث ؟!! :eek5: يعني ان مابغيت اقضب الباب .. في غيرك وايد ..

يعني بالعربي اذيتونا بهالمواضيع .. اخطب وحده وثنتين وثلاث .. ماضبطت وياك .. تذكره الله لايهينك لسوريا ولا المغرب وتزوج اللي على كيف كيفك اللي لا قالوا جمال صج جمال اللي لو وحده بنص جمالها هنيه بتطلب منك مهر مليون !! على شنوووووووو ؟!!

[همر]

والله انتوا يالشباب ماينعرف لكم

الحين عادي تاخذون ديون عشان سيارة فول اوبشن وخرابيط وغيره ..ولين يات على المهر قلتوا وايد وتشكيتوا:omen2:




عندج لي عروس اخذها عن طريق البنك ؟!!

جاوبي على هالسؤال بعدين قارني بين الاثنين ولا بلا مقارنات عقيمه..





وممكن بعد السيارة ثاني يوم تندعم وتتكنسل :omen2:

وممكن العروس ثاني يوم تموت !!

[ام ريان]

الموضوع حمااس

اذا البنت عندكم تطالب بالزواج من اجنبي الحين اختصروا على روحكم وسوو نفس الشي وتزوجو من اجنبيات وخل العنوسه عنوان لهم
ترى الناس تدور الستر وتشتري رجال باخلاقها وسمعتها مش بجيبه وماملك
زواج الاجنبيات مايكلفك اكثر من 60 لين 80 الف مع المهر والشبكه والعرس والبيت وتعيش مرتاح ومتهني

[الراقيه سبشل]

حبيبي اذا رحت تخطب لا تستحي من العروس او ابوها .. عطهم اياها بوز اذا هم بيعطونك اياها دبل كيك عقب .. انا جاي اخطب بنتكم وبعطيها كيت و كيت وكيت فقط لاغير وحط تحتها خط نفس الشيكات يوم توقعها .. عاد هم بيقولون لك بنفكر .. اذا وافقوا فيهم الخير .. واذا رفضوا .. اللي بعدووووووووووووو ..

مشكلتنا العالم تستحي .. يروح يخطب ونتظر الموافقه اول بعدين يبتدي يتكلم بالتفاصيل :shy: .. بعد شنوووو يا بابا خلااااص الفاس طاحت في الراس .. وبعد الموافقه بيبتدون هم يتشرطون عليك نبي ونبي ونبي ... :anger1:

بس عاد لو انت اشقر واسمك مهند .. هوبا نينا ننااااااا ... بتجيك البنت وتحط في مخباك 250 الف من ورى اهلها وتقولك تعاال اخطبني وهذي مصاريفي :shy: ومستعده تسوي المستحييييييل لأنك غير .. مميز .. يعني كأنها شاريه رقم سياره ثلاثي مثلا ..

ولا انت يا الاجلح الاملح على شنو ؟!! الله مكثركم .. ما تدري ان التركيبه السكانيه مخلله في قطر وعدد الذكور اكثر من الاناث ؟!! :eek5: يعني ان مابغيت اقضب الباب .. في غيرك وايد ..

يعني بالعربي اذيتونا بهالمواضيع .. اخطب وحده وثنتين وثلاث .. ماضبطت وياك .. تذكره الله لايهينك لسوريا ولا المغرب وتزوج اللي على كيف كيفك اللي لا قالوا جمال صج جمال اللي لو وحده بنص جمالها هنيه بتطلب منك مهر مليون !! على شنوووووووو ؟!!



ياسلام .. الحين قيمة المهر على الجمال:funny: حبيت الفكرة :funny:

[BeN QaTaR]

سؤآل لكل شآب

ليش تستخسر إنك تدفع هآلمبآلغ للي بتكون إم إعيآلك

وعلى سيآرة مآتستخسرهآ

يآرجآل 100 آلف ترآآهآآ مآآتسوي شي

لآ إتحطون على آلآهل

آلحين صآر آقل مهر 100 في قطر

آلوآحد وشو يقول

لآآتنسى إنه آلآسعآر كل مآلهآآ وإتزيد وشي طبيعي يزيد آلمهر

بس آلي آنآآ مستغربه ليش لمآ يقولون لنآآ آلسيآرة آلفلآنيه بهآلمبلغ مآآنستكثره

لكن على وحده بتحملنآ وبتشآركنآ حيآتنآآ وبتعطينآآ من عمرهآآ وبتطلع من بيتهآ وبتخلي آهلهآآ وبتجي عندي في بيتي

آستكثرهآآ

وآلله حرآآم

[الصريحه]

حبيبي اذا رحت تخطب لا تستحي من العروس او ابوها .. عطهم اياها بوز اذا هم بيعطونك اياها دبل كيك عقب .. انا جاي اخطب بنتكم وبعطيها كيت و كيت وكيت فقط لاغير وحط تحتها خط نفس الشيكات يوم توقعها .. عاد هم بيقولون لك بنفكر .. اذا وافقوا فيهم الخير .. واذا رفضوا .. اللي بعدووووووووووووو ..

مشكلتنا العالم تستحي .. يروح يخطب ونتظر الموافقه اول بعدين يبتدي يتكلم بالتفاصيل :shy: .. بعد شنوووو يا بابا خلااااص الفاس طاحت في الراس .. وبعد الموافقه بيبتدون هم يتشرطون عليك نبي ونبي ونبي ... :anger1:

بس عاد لو انت اشقر واسمك مهند .. هوبا نينا ننااااااا ... بتجيك البنت وتحط في مخباك 250 الف من ورى اهلها وتقولك تعاال اخطبني وهذي مصاريفي :shy: ومستعده تسوي المستحييييييل لأنك غير .. مميز .. يعني كأنها شاريه رقم سياره ثلاثي مثلا ..

ولا انت يا الاجلح الاملح على شنو ؟!! الله مكثركم .. ما تدري ان التركيبه السكانيه مخلله في قطر وعدد الذكور اكثر من الاناث ؟!! :eek5: يعني ان مابغيت اقضب الباب .. في غيرك وايد ..

يعني بالعربي اذيتونا بهالمواضيع .. اخطب وحده وثنتين وثلاث .. ماضبطت وياك .. تذكره الله لايهينك لسوريا ولا المغرب وتزوج اللي على كيف كيفك اللي لا قالوا جمال صج جمال اللي لو وحده بنص جمالها هنيه بتطلب منك مهر مليون !! على شنوووووووو ؟!!



اخوي الناس مقامات وانساب واصول
واللي يبي الرخيص يروح له ومرده بيندم قد شعر راسه من البلاوي اللي بتسوي له حالات نفسيه مالها علاج
اعرف واحد قطري خير ومنصب ولد ناس تزوج فرنسيه اسلمت وجاب منها بنت وبعدين تهاوش معاها وطلبت الطلاق مالها صبر على الغربه
وبنته سافرت وهي صغيره مع امها اليوم البنت تعدت 28 سنه تزوره وياها ولدها من صديقها لانها ماتزوجت وللاسف ماقدرت تعيش هنا مع العز اللي هي فيه وسافرتو ردت لخرابيطهم
اما اللي بيقول روح لدول العربيه
بعد اعرف واحد اخذ مصريه ونفس الموال وجابت امها وابوها وعيشهم في خير وبنعمه وتاليها اركبته _الله يعزك ويعز اللي يقرا_بدال ماتشكره
وطلقها وعندها عيال منه
ومن قال الجمال الشامي او المغربي احلى من الخليجي
اخوي غلطااااااااااااااااااااااااااااااااااااااااااااااا ااااااااااااااااان
احلى جمال في العالم الخليجيات عندهم العيون السود الوساع والشعر اللي مثل الليل والجسم الحنطي او الافتح منه وفيه البيض بياض حلو ...................
مب البياض اللي كانه بهاق او صفااااااار وناهيك عن العادات والتقاليد وانتشار البدع والسحر وقوه وسلاطه المراه عندهم مايردها لااخ ولااب

وفي النهايه كل خيل لها سومها
واعيد انا مع تقليل المهور

[Mishari]

اقوول ماا عااد فيها بناات يتحملوووون امهات ازواجهم وين تبوونى نتزوج وأول شرووطه تبي الفكه من أم المعرس وثاااني ترى بنات الأردن يمدحوون عليهم قبايل أصل وفصل من تميم الى بنى خالد الى بنى صخر الى بنى عبس وبنى قيس والمراه عندهم عن عشر رجاال اسأل مجرب ولا تسأل طيب خلووو بناات الخليج على غرورهم الي مدري وش عليها شاافين رووحهم ال كووشه بملغ وقدر الا شبكه من محل معين الا العرس محل معين ولا البوووفيه حدث ولا حرج ولا تعاال قاااموو يعاارونا بالسياره 350 ألف يا شباب أولاً نصيحه منى لكم أولا بداايتك لا تقعد تسوووي فيها ولد شيوووخ وانت مديوون ولا تشترى سياره 350 ألف ويجيك وااحد ما يسووى وماايخااف الله يعطبك بووحده انا ااقوول التووسط زين ونصيحه أجمع كثر ما تقدر وانتبه تقووول حك أي مخلووق من حوواء عن رصيدك البنكي

وآسفين على الاطااله

[الصريحه]

الموضوع حمااس

اذا البنت عندكم تطالب بالزواج من اجنبي الحين اختصروا على روحكم وسوو نفس الشي وتزوجو من اجنبيات وخل العنوسه عنوان لهم
ترى الناس تدور الستر وتشتري رجال باخلاقها وسمعتها مش بجيبه وماملك
زواج الاجنبيات مايكلفك اكثر من 60 لين 80 الف مع المهر والشبكه والعرس والبيت وتعيش مرتاح ومتهني

اسفه اختي اكيد انك مب قطريه مبين من ردك
وماالومك القطريين صاروا مطمع لكم لاسباب لاتخفى على احد
لكن حلاه الثوب رقعته منه وفيه
وهيك خلها لهيك
وزي كده خليها لزي كده

[العقل المدمر]

وممكن بعد السيارة ثاني يوم تندعم وتتكنسل :omen2:


الـ (يمكن) والقضاء والقدر شي
وان اقط كل هالفلوس بارادتي وبكامل قواي العقليه فمكان مايقعدون فيه الناس الا جم ساعه واخرتها بعد يذمون ويطلعون شي ثاني
هالفلوس باجر ينسالون عنها اثنينهم حرام فيه ناس ماتلقى اكل حق يومها وهذول فلوسهم رايحه ع اشيا تافهه الا ديكورات الا اغاني الا اكل ثلاث ارباعه فالزباله

[الصريحه]

اقوول ماا عااد فيها بناات يتحملوووون امهات ازواجهم وين تبوونى نتزوج وأول شرووطه تبي الفكه من أم المعرس وثاااني ترى بنات الأردن يمدحوون عليهم قبايل أصل وفصل من تميم الى بنى خالد الى بنى صخر الى بنى عبس وبنى قيس والمراه عندهم عن عشر رجاال اسأل مجرب ولا تسأل طيب خلووو بناات الخليج على غرورهم الي مدري وش عليها شاافين رووحهم ال كووشه بملغ وقدر الا شبكه من محل معين الا العرس محل معين ولا البوووفيه حدث ولا حرج ولا تعاال قاااموو يعاارونا بالسياره 350 ألف يا شباب أولاً نصيحه منى لكم أولا بداايتك لا تقعد تسوووي فيها ولد شيوووخ وانت مديوون ولا تشترى سياره 350 ألف ويجيك وااحد ما يسووى وماايخااف الله يعطبك بووحده انا ااقوول التووسط زين ونصيحه أجمع كثر ما تقدر وانتبه تقووول حك أي مخلووق من حوواء عن رصيدك البنكي

وآسفين على الاطااله

والله مثل ماتشتكون من العرب المقيمين واطباعهم النجسه حريمهم مثلهم والعن
والله اعرف اردنيه مب متحمله مرت ولد زوجها وكله مشاكل واخرتها تضاربوا
وتبي تطلع
المراه مراه في كل الاحوال
بس في الخليج تفرق فيه عيب وحشيمه وذرابه
لكن هم ماعندهم

واحسن الاختيار لان العرق دساس

[Rider]

المشكلة مب في المهر أكيد الي بتكون أم عيالي تستاهل لكن المشكلة في الاشياء الاخرى الي مالها داعي مثل الكوش الغالية القاعات الراقيه ليش ما يتم اختصار العرس

[همر]

ياسلام .. الحين قيمة المهر على الجمال:funny: حبيت الفكرة :funny:

عمري ما سمعت عن شينه تزوجت بنص مليون !!!

:)

[قلب قطر..!]

والله بنات الناس الاصيلات اللي فيهم خير وااااااايد

بس أنتو تبون فلان الفلاني واسمه خلاص استحملو عيل

اخذو الناس اللي على قدكم وانتو بتستانسون وهم بعد

ولا اذا رحتوا وشفتوهم يتشرطون خلوهم ودوروو غيرهم بنات قطر وايد
بس أنتو تصرون علئ اللي تطلب

واللي ماتطلب تخلونهاا

كل شي بالمقلوب

[هند88]

عندج لي عروس اخذها عن طريق البنك ؟!!

جاوبي على هالسؤال بعدين قارني بين الاثنين ولا بلا مقارنات عقيمه..




وممكن العروس ثاني يوم تموت !!


مو العروس الي بتاخذها عن طريق البنك بس مثل ماخذت سلفه عشان السيارة الفول اوشن تقدر تاخذ سالفه عشان العرس..


انا ماقاعده اايد الصرف الزياده على العرس ولا المهر الغير معقول..
بس الشباب سايرن حتى لو المهر 50 الف قالوا وايد :omen2:

مافيها شي لين راح يخطب ابوه والا امه يقولون والا ظروف ولدنا جذيه وجذية وماعتقد كل الناس تطلب مهور بزيادة والا طلبات عرس ماينقدر عليها

[maruuma]

عمري ما سمعت عن شينه تزوجت بنص مليون !!!

:)


أبشرك تزوجت بنص مليون

بسبة انها بنت فلان العلاني


والله المستعان

[هند88]

الـ (يمكن) والقضاء والقدر شي
وان اقط كل هالفلوس بارادتي وبكامل قواي العقليه فمكان مايقعدون فيه الناس الا جم ساعه واخرتها بعد يذمون ويطلعون شي ثاني
هالفلوس باجر ينسالون عنها اثنينهم حرام فيه ناس ماتلقى اكل حق يومها وهذول فلوسهم رايحه ع اشيا تافهه الا ديكورات الا اغاني الا اكل ثلاث ارباعه فالزباله

والي ماعنده فلوس وياخذ سيارة بذيك القيمة مو تبذير نفس الشي..

المشلكه اغلب الي يتشكون تلاقينهم مخلصين راتبهم من قبل لايتزوجون على السياير والسفر

[همر]

اخوي الناس مقامات وانساب واصول
واللي يبي الرخيص يروح له


يكفيني من كلامج هذي الزبده .. يعني معنى كلامج ان المقامات والانساب والاصول تكلف ومش رخيصه ؟!!

كلام سليم.. مع انكم تناقضون نفسكم على فكره :rolleyes2:

زين اذا ولد الاصول رجال ما عنده يدفع ؟!!..

يسوي له صومعه يتعبد فيها ويزهد في الدنيا ؟!!






ومن قال الجمال الشامي او المغربي احلى من الخليجي
اخوي غلطااااااااااااااااااااااااااااااااااااااااااااااا ااااااااااااااااان
احلى جمال في العالم الخليجيات عندهم العيون السود الوساع والشعر اللي مثل الليل والجسم الحنطي او الافتح منه وفيه البيض بياض حلو ...................
مب البياض اللي كانه بهاق او صفااااااار


في العااااااااالم عاد ؟!! وسيعه شوي :shy:

على العموم الناس اذواق.. ومقياس الجمال فردي.. ولا ما كان تغيرت ملكة جمال العالم كل سنه .. دام انها اجمل وحده في العالم :nice:

[الراقيه سبشل]

عمري ما سمعت عن شينه تزوجت بنص مليون !!!

:)

ترى مافي وحدة شينة .. كل بنت لها جمالها

والجمال بيروح وبيتم القلب :nice: ولا شرايك

وبصراحة .. اشوفها عبط مني ارفع مهري عشان جمالي :shy:

[همر]

مو العروس الي بتاخذها عن طريق البنك بس مثل ماخذت سلفه عشان السيارة الفول اوشن تقدر تاخذ سالفه عشان العرس..




انا ما اخذ سلفيات ربويه :shy: انا مصرف قطر الاسلامي يشتري لي السياره واقصطها عليه .. بس ما يعطي فلوس كاش ..

[BeN QaTaR]

يقولك آلموتر بآلشي آلفلآني

وآلجيب مآفيه إريآآل

يخي آنآآ آعرف إنه آلشبآب إتحب آلمظآهر ويحبون إنه آلكل يتكلم عن سيآرته وكشخته ولبسه

يخي إرحموآ من في آلآرض يرحمكم من في آلسمآء

وآلله بصرآحه آنآ آضم صوتي مع آلبنآت

وإذآ آلبنت تستآهل ليش لآآ مآآستخسر عليهآ شي

وإذآ آلآهل شروآ آلرجآل مآبيتطلبون عليه وآجد وبيرآعون ظروفه

إختآر وين إطق آلبآب بآلآول

وآنآآ عن نفسي آطآآلب آلدوله إنهآآ إتزيد آلمسآعدآت لأنه آلآسعآر كل مآلهآآ وتغلى

ويستآهل آلموآطن آلقطري

[هند88]

انا عن نفسي اذا انشالله بنتي كبرت وخطبها ريال ماعليه كلام بطلب المهر المعقول حتى لو عنده خير واذا بنتي في خاطرها كماليات انا وابوها بنزيدها

[قلب قطر..!]

بعدين بنات العرب اهلهم مايطلبون مهر

هذا هو سلكنا اللي نعرفه

الا اذا هالشي تغير @@

[هند88]

انا ما اخذ سلفيات ربويه :shy: انا مصرف قطر الاسلامي يشتري لي السياره واقصطها عليه .. بس ما يعطي فلوس كاش ..

ههههههههههههههه
اغلب القطرين في بنوك اسلاميه
بس يجبون شي انهم بيتشرون وعقب ياخذون الفلوس :p

[BeN QaTaR]

انا ما اخذ سلفيات ربويه :shy: انا مصرف قطر الاسلامي يشتري لي السياره واقصطها عليه .. بس ما يعطي فلوس كاش ..

آلمرآآبحه موجوده ههههههههههههههه

إشفيه آلي صآف مع آلبنآت:victory:

[همر]

أبشرك تزوجت بنص مليون

بسبة انها بنت فلان العلاني


والله المستعان

يعني من وراها فايده .. بتورث مثلا .. هذا هو الاستثمار الناجح :nice:

عشان جذيه انا يوم قلت زواج من برع ذكرت الجمال وبس .. لا تطلعين برع الموضوع :anger1:

[BeN QaTaR]

بعدين بنات العرب اهلهم مايطلبون مهر

هذا هو سلكنا اللي نعرفه

الا اذا هالشي تغير @@

لآآ مآآتغير عآآده وآنآآ آخوك

بس لآآزم آلوآآحد يرآآعي آلغلآآء يعني مو عشآنهم مآ يطلبون آستغل آلفرصه وآحط نفسي وآحطهم في موقف محرج هذآآ آلقصد:victory:

[العقل المدمر]

والي ماعنده فلوس وياخذ سيارة بذيك القيمة مو تبذير نفس الشي..

المشلكه اغلب الي يتشكون تلاقينهم مخلصين راتبهم من قبل لايتزوجون على السياير والسفر


اللي كل ثلاث اربع شهور مبدلين سياراتهم ويتسلفون حق السفر يستاهلون
بس احنا نتكلم عن الناس العاقلين الفاهمين :shy:

[همر]

ترى مافي وحدة شينة .. كل بنت لها جمالها

والجمال بيروح وبيتم القلب :nice: ولا شرايك

وبصراحة .. اشوفها عبط مني ارفع مهري عشان جمالي :shy:



ليش ؟!! عووش ام كشه يوم تزوجت بالشي الفلاني احسن منج في وشو يا حظي ؟!!

هذي مقارنات حريمنا.. والسبب المبطن في رفع المهور !!

[BeN QaTaR]

آنآآ آشهد إنه لي شفنآ آلبنت كفو وتستآهل مستعدين ندفع دم قلوبنآآآ لهآ إشتبون بعد

[هند88]

اللي كل ثلاث اربع شهور مبدلين سياراتهم ويتسلفون حق السفر يستاهلون
بس احنا نتكلم عن الناس العاقلين الفاهمين :shy:

والله 90 % من شباب قطر همهم السيارة والمخبا فاضي :p

[الراقيه سبشل]

ليش ؟!! عووش ام كشه يوم تزوجت بالشي الفلاني احسن منج في وشو يا حظي ؟!!

هذي مقارنات حريمنا.. والسبب المبطن في رفع المهور !!


ام كشه لها بكشتها شخصني فيها:funny:

بالنهاية انا الي بعيش حياة حلوة بدون ديون او حياة تعيسة ومراكض ورى سسد الديون :victory:

[همر]

انا عن نفسي اذا انشالله بنتي كبرت وخطبها ريال ماعليه كلام بطلب المهر المعقول حتى لو عنده خير واذا بنتي في خاطرها كماليات انا وابوها بنزيدها


الله يرزقها بولد الحلال ان شاء الله..


بس عاد حزة الحزه لي تغير الحجي لا تستحين تعالي وقولي لنا :tease:

[همر]

آلمرآآبحه موجوده ههههههههههههههه

إشفيه آلي صآف مع آلبنآت:victory:

بن قطر خلك محضر خير :anger1: ولا تسوي نفسك ماتدري شسالفه :court:

اخذ مرابحه ب350 الف والفايده 7% وركب بنت الناس بيكم مثلا ؟!! حتى هي ما ترضى.. الحين هي متزوجه بنص مليون .. شلون تركبها كامري ؟!! بتقولك طلقني .. وتعال سدد يا حسينوووووووه الفوايد ...

:sneaky:

[BeN QaTaR]

بن قطر خلك محضر خير :anger1: ولا تسوي نفسك ماتدري شسالفه :court:

اخذ مرابحه ب350 الف والفايده 7% وركب بنت الناس بيكم مثلا ؟!! حتى هي ما ترضى.. الحين هي متزوجه بنص مليون .. شلون تركبها كامري ؟!! بتقولك طلقني .. وتعال سدد يا حسينوووووووه الفوايد ...

:sneaky:


هههههههههههههههههههههه

يخي شنسوي عندك سلفه آلسيآره ف آلدوآم

وآعبآء آلحيآه خلهم للسيآره وآلمرآبحه للمره

ولآ وش رآيك


مشروع حلو

وتم سدد طول حيآتك:nice:

[همر]

والله 90 % من شباب قطر همهم السيارة والمخبا فاضي :p


الله واكبر عديتيهم ؟!! :omg:

اسمحيلي اقول لج سر من اسرار الشباب .. السياره من ايام المراهقه حلم من احلام الطفوله .. لكن العروس مب من احلام الطفوله .. ولا بيكون الطفل مشكوك في امره !! :eek5:

وشي طبيعي اذا جات السياره فضى المخبا !! يعني انا لو قعدت قدام صحن العيش باترس بطني لين يغمى علي .. نفس الشي لي جيت اشتري سياره ادفع كل اللي في مخباي وماقول بخلي 10 ريال حق البترول !!! دايما الانسان يمد لحافه على قد ريوله مش العكس :shy:

[BeN QaTaR]

الله واكبر عديتيهم ؟!! :omg:

اسمحيلي اقول لج سر من اسرار الشباب .. السياره من ايام المراهقه حلم من احلام الطفوله .. لكن العروس مب من احلام الطفوله .. ولا بيكون الطفل مشكوك في امره !! :eek5:

وشي طبيعي اذا جات السياره فضى المخبا !! يعني انا لو قعدت قدام صحن العيش باترس بطني لين يغمى علي .. نفس الشي لي جيت اشتري سياره ادفع كل اللي في مخباي وماقول بخلي 10 ريال حق البترول !!! دايما الانسان يمد لحافه على قد ريوله مش العكس :shy:


آنآآآ حلم حيآتي آتزوج وحده مثل إمي
:shy:

فديتهآآ وآلله :nice:

[همر]

هههههههههههههههههههههه

يخي شنسوي عندك سلفه آلسيآره ف آلدوآم

وآعبآء آلحيآه خلهم للسيآره وآلمرآبحه للمره

ولآ وش رآيك


مشروع حلو

وتم سدد طول حيآتك:nice:



سلفية الدوام تشتري لك بطبطه هالايام !! لا وما تاخذها الا كل 5 سنين .. وكراتين هالايام .. قصدي سيارات هالايام عقب سنتين تبدا تقرقع..

[ابو عادل]

تشبيه فغير محله
السياره بتتم وبتعيش سنين وبيطلع قيمتها
بس هالفلوس اللي يقطها ع هالعروس بتستخدمها ساعتين وبعدين ؟؟
كل شي بيروح وبيخلص فليله وحده
والله حرام جنه قاط فلوسه فالزباله
لو هي بتحطها فشي عدل مثل بيت اثاث ثياب تلبسها دوم معليه
لكن في فستان ما ينلبس الا مره وفكوشه وفقاعه ثاني يوم كل شي بيروح وفاشيا تافهه مالها داعي
اكيد السياره ابرك بمليون مره
العرس هاي جنه ماجر سياره بهالمبلغ ورادها وانتهى كل شي مب شاريها وتعيش عنده ويستخدمها دايما

ومشاعر البنت مالها قيمة عندك ؟؟
انا معاك العرس يكلف بس البنت كم مرة بتعرس بحياتها ؟؟ وكم مرة بتنزف على الكوشة ؟؟
مو كل شي ينقاس بالفلوس وانا اخوك :victory:

[BeN QaTaR]

سلفية الدوام تشتري لك بطبطه هالايام !! لا وما تاخذها الا كل 5 سنين .. وكراتين هالايام .. قصدي سيارات هالايام عقب سنتين تبدا تقرقع..


يبه دبر نفسك ورتب سلفيآتك آهم شي عندي إنك مآ إتقصر على زوجه آلمستقبل

تستآآهل وآلله:nice:

[العقل المدمر]

والله 90 % من شباب قطر همهم السيارة والمخبا فاضي :p


هههه حرام عليج لا تحطين فذمتج
انا دايما اقول ان وايد من شباب قطر فيهم الخير
لكن ماعندنا حد يسولف لنا عنهم مثل هالفاضيين اللي دوم نشوفهم :shy:

[العقل المدمر]

ومشاعر البنت مالها قيمة عندك ؟؟
انا معاك العرس يكلف بس البنت كم مرة بتعرس بحياتها ؟؟ وكم مرة بتنزف على الكوشة ؟؟
مو كل شي ينقاس بالفلوس وانا اخوك :victory:


احم .. انا بنت ترى
ومن جاب طاري المشاعر :(
يعني ماتفرح البنت الا لما تصرف فلوسها ع اشيا تافهه حق جم ساعه ؟؟
المفروض فرحتها تكون بزوجها اللي اختارها تكون ام حق عياله
مب ع ديكورات ومكياج وتسريحه وماعرف وشو
ترى وايد اشيا فحياتنا ما تتكرر الا مره وحده مثل التخرج بعد
صح مب كل شي بالفلوس بس اكسر ظهري واعيش عمري مديون عشان بنت الناس ما تستانس الا لما تقط فلوسها كل مكان ؟؟ والله المبلغ مب شوي ولا الاشيا اللي تنصرف عليها تستاهل

[um-shahad]

بسم الله الرحمن الرحيم ...

انا عني ضد غلاء المهور ....

ولكن كون الشاب يأتي ليخطب وهو راكب سيارة قيمتها فوق 200 الف ريال قطري
أكيد المهر ما راح يكون اقل من تكلفة سيارته اللي واقفه برع ..

فيه بنات يبون الستر واهاليهم يطلبون أغلى المهور .. وفي العكس ..:shy:

ولكني باقول كلمة حق ... أكثر الشباب المحيطين بي من اخ وابن خال وابن اخ وابن اخت وابن الجار ... يطلب بنت الحسب والنسب .. وما يبيها على قد حالها يبيها بنت خير ونعمه ...

هذول شباب ويبون يعرسون مثل الأخ صاحب الموضوع ولكن طلباتكم ترجع عليكم ..

بنت حسب ونسب وعز وجاه .. وبخمسين الف بس .... اشلون تصيرررر..:omen2:

انا عن نفسي تزوجت ومهري وربي شاهد علي 50 الف ريال لا وراها ولا قدامهاااا ...
لأن الزوج كان على قد الحال .. وبختياري والكل قال لي بتندمين وانا اللي اصريت ... وكوني موظفة حطيت فوق الـ 50 الف يمكن 150 الف مصاريف عرس وتجهيز وتكاليف والله عداها وكان زواجي بالبيت وكان من احلى حفلات الزواج ...
واثثت بيت صغير ملحق ما كلف تأثيثة 25الف ريال .

بتسألوني أشلون حياتج بعد الزواج ...

اقسم بالله ان اخوي كل ما شاف امي سأل عني اشلون عايشة وكان ينتظر طلاقي بأي وقت لأنه فاكر أني ما راح استحمل اعيش مع ريال معاشة بس 3500 ... وانا بنت عز وجاه وسفرات وروحات وجيات ولبس وكشخه .. ومعاشي في جيبي

الحين زوجي معاشة يتعدى 15 الف ريال لأنه ريال وفيه الخير وما خيب ظني فيه وعوضني عن كل اللي صرفته بالمعاملة الزينه والكلمة الطيبة وشايل بيته وعياله..

كلام طالع من قلبي .. لأني أشوف كثير من الشباب متحامل على البنات ..

والله يا شباب بلادي لو كل واحد فيكم عقد النية بالزواج من بنت تستره وتحفظة قدام ربه والناس وتعينه على دنياه لخير أخرته .. ما كنا نشوف حد يقول خطبت بنت افلان وردوني قلت باخد بنت افلان وما صار نصيب .. وقهر وتبجبج وحاله :weeping:

شيل من مخك زوجة جميلة تتمنظر فيها قدام الناس ... شيل من مخك زوجة موظفة على الأقل تشيل نفسها وتفكني من مصاريفها .. شيل من مخك زوجة بنت حسب ونسب تشرفني لين قعدت في المجالس افلان نسيب فلان وامور كثيرة الشباب يفكرون فيها قبل لا يفكر في ذات الدين قبل كل شي ...

شوفوا المولات متروسه بنات صغار من عمر 12 لين عمر 18 يتمشون بروحهم والأشكال حدث ولا حرج وبنات حسب ونسب ومعروفين .. هذي لو امها ذات دين وتخاف الله تترك بنتها تطلع بهذا الشكل ...

خافو الله ولا تسيئون الظن في بنات الناس ترى البنت تطلب وتطلب لأنها عارفة اشلون مصاريف العرس لها كونها بنت لكن في الأخير تبي الستر وتبي رجال يكون على راسها تحتمي فيه حتى من ابوها واخوانها ..

اقول حق اخواني الشباب فكرو في بناتكم بكرة لين صرت أب هالزوجة بتكون راعية صالحة لبناتي واولادي ولا بتهملهم في المولات وقدام الفضائيات عشان تتفرغ لنفسهاااا ...

بنات الحلال اللي يخافون الله ويبون الستر كثار قول بينك وبين نفسك وربك بيسمعك (( ابي بنت ستيره تعيني على الدنيا وتعيني على رضى ربي وتربي عيالي التربية الصالحة )) وشوف اشلون ربك يعدلهااا من عنده ..\

واتمنى اني ما طولت عليكم ..

وســـــــلامــــــــتكـم ..

[OTOsan]

احلى شي في هالمواضيع على كثر ماتتكرر ان الطرفين (البنات والشباب) دايما متفقين على شي واحد .....







انهم كلهم يبون يتزوجون هههههههههههه ..
زين دام في اتفاق في النقطة الاساسية حاول تتغلبون على النقاط الفرعيه !!!!

[هند88]

الله يرزقها بولد الحلال ان شاء الله..


بس عاد حزة الحزه لي تغير الحجي لا تستحين تعالي وقولي لنا :tease:



هههههههههههههههههههه
امين
والله ياخوي الناس الي جايفة خير هي تسوي جذيه سواء الزوج مقتدر او ع قد حاله
وايد ناس اعرفها بهالطريقة:victory:

[qatari 111]

الله يعينك يا صاحب الموضوع ويرزقك ببنت الحلال اللي تقدر زوجها وبيتها وتخاف الله

ويرزق كل شاب وشابه بالحلال ويبعدهم عن الحرام ويسهل امورهم

[Mishari]

والله مثل ماتشتكون من العرب المقيمين واطباعهم النجسه حريمهم مثلهم والعن
والله اعرف اردنيه مب متحمله مرت ولد زوجها وكله مشاكل واخرتها تضاربوا
وتبي تطلع
المراه مراه في كل الاحوال
بس في الخليج تفرق فيه عيب وحشيمه وذرابه
لكن هم ماعندهم

واحسن الاختيار لان العرق دساس


ارد عليج بمقال يتكلم ما بعد الزواج من المرأه الخليجيه والحياه عزيزتي اقرائيه كاملاً

الطفل عبارة عن مخلوق بريء، يولد بعقلٍ ذي ذاكرة خالية تماماً من أي رواسب وذكريات (يعني ماذا سيتذكّر مثلا؟!). فهو بالرغم من أنّه (في زمننا الحاضر) قد يولد مديوناً وعاطلاً.. بل ومظلوماً، فهو بكل تأكيد لا يشعر بهذه الأمور، فتراه لا يولد مهموماً، ولا عصبيّاً ولا حاقداً، ولا عارفاً بالألفاظ النابية، ولا حتّى الألفاظ الحسنة! فهو يولد غير عارفٍ إلاّ لبعض الغرائز الأساسية للعيش، مثل إتقان الرضاعة (الّتي اتضح مؤخّراً أنّه قد يحتاج لإتقانها كبيراً!)، وغريزة البكاء لطلب الشيء، (والتي هي أيضاً غريزة سيحتاجها كبيراً، وأتحدى أيا منكم أن يقول لي لأ). ويبدأ بفقدان براءته بالتدريج، ليس بسبب تقدّمه بالسن، ولكن باكتسابه الخبرات الّتي تَخُطّ بأقلامها الملوّنة على صفحة عقله وذاكرته البيضاء. ومشكلة هذه الصفحة، أنّها تسجّل كل ما يُخَطّ ويُكتب عليها بلا خوفٍ أواستثناء أو خجل أو حياء، تماماً مثل أي ورقة بيضاء تُبدي للناس ما كُتب عليها، ليس إلاّ. فعندما ترى عزيزي الطفل، أنّ لسانك بدأ يلسع الآخرين بألفاظٍ نابية، إعلم أنّك تعلّمتها ممن يعيشون حولك، وعلى رأسهم، والداك اللذان من واجبهما حماية أذنيك وعينيك من سماع ورؤية ما يجعلك قليل أدب عند الآخرين! ولذلك، يا بابا، إن نعتك أحد بأنّك قليل أدب، فقل للماما والبابا أنّهما السبب، وبالتالي، هما ليسا بأفضل منك أدباً.. (والواقع دائماً ما يكون مؤلماً.)وعندما تصل إلى مدرستك متأخّراً بشكل متكرر، أو أن تكون مهملاً لدراستك بشكل واضح، وأنت لا زلت في مرحلتك الابتدائيّة، (أي أنّك لا زلت طفلاً)، فقل للماما والبابا، أنّهما السبب! حيث أنّه ليس من العقل ألاّ يتابعوا مستوى طفلهما الدراسي، وهو لا زال في ذلك السن سهل المراس (مقارنةً بسن المراهقة) أو أن يتركا أطفالهما مع الخادمات ليشرفوا على تنويمهم وتجهيزهم لمدارسهم، بينما يذهب كل منهما لقضاء سهرته، هي مع أهلها أوصاحباتها، وهو مع شلّة الأنس والقهاوي والبلوت! وكأنك عزيزي الطفل جهاز كمبيوتر تم إيصاله في وصلة انترنت لإنزال البرامج اللازمة لتربيته وتنويمه وتجهيزه للمدرسة. بينما أنت في الواقع، مع امرأة تُسمّى تحقيراً بـ «الخادمة»، تصرخ عليها أمّك بالليل، ويهزئها أبوك في النهار، وهي بالتالي تُسقيك سماً زعافاً انتقاماً منهما فيك. فعندما يتهمّك الأستاذ غداً بالإهمال والكسل والتشتت وقلّة الأدب، فقل للبابا والماما أنّهما السبب، وبالتالي، هما ليسا أقل منك إهمالاً وكسلاً، والفرق بينك وبينهما، أنّهما سيحاسَبان على ذلك أمام الله، وأنت طفل غير مكلّف.أطفالنا لا نرى منهم إلاّ ما تم تربيتهم عليه، ودلاءنا لن نجد فيها إلاّ ما ملئت به، ولو جاء أي من المتفلسفين وقال: «ان طفلي تعلّم هذه الصفة السيّئة من الشارع،.. وغيره»، فردّنا عليه أن: عذرك أقبح من ذنبك. أطفالنا يكبرون بسرعة، ويحصّلون من العلم والمعلومات والأخلاق، ما نربّيهم عليه، أو نتركهم ليتربّوا عليه. فالطفل الذي يربو في بيئة تملؤها الأخلاق والرحمة والأدب، يكبُرُ على ذلك الأساس. والطفل الذي يربو على العدائية والإهمال والكذب، يربو على ذلك الأساس أيضاً. وكل ما تقدّم به السن، صعُب الرجوع إلى الخلف، فالحبر على الورق الأبيض، سريعٌ جفافه، ومسح الحبر بعد الكتابة، يترك بقعاً قبيحة، يستحيل مسحها عن بياض الصفحات.
فخذ يا حبيبي هذه المقالة، وضعها بظرفٍ جميل، واكتب عليه من الخارج «نصيحة للبابا والماما»، وأدخلها من تحت فتحة غرفتهما، واذهب أنت ونُم في أحضان الخادمة.

[Bozizoo]

سووووري ياشباب
انتوا اكثر ناس تهايطون وقت الصج
كل واحد يقول والله ماعندي ومن وين اجيب
تشوفك الوحده راكب سياره ب 200 الف وراتبك مايتعدى
9000 ليشز
و وقت الصج انا ماعندي و الاسعار غاليه
ياخي لو انت عايش على قد دخلك ولا حطيت راسك براس
التجار كان ماشكيت الحال و تردون تلومون الحكومه ليش المهمور غاليه
والله ياجماعه اني على قد حالي لاني تاجر ولاني وارث
بس الصج ينقال
تحياتي للجميع

[بصمة قطرية]

اللي يبون لبنتهم الستر ما بيقعدون يتشطرون ويطفشون الرجال ..
يعني البنت العاقلة لو تفكر صح بتعرف ان هالديون اللي بتنحط على ظهر الرجال بسبب تكاليف العرس والمهر وهالشغلات في النهاية هي المتضررة منها ..
يعني بعد الزواج رح تعاني من هالشي بينخصم مبلغ السلفيات من راتب الزوج ..
مافي سفر ومافي تدليع ومافي شغلات كثيرة والسبب الخصومات بسبب سلفيات الزواج ..

يا أولياء أمور اتقوا الله في بناتكم وفي الشباب ..
يسروا لهم سبل الزواج ..

[maruuma]

بسم الله الرحمن الرحيم ...

انا عني ضد غلاء المهور ....

ولكن كون الشاب يأتي ليخطب وهو راكب سيارة قيمتها فوق 200 الف ريال قطري
أكيد المهر ما راح يكون اقل من تكلفة سيارته اللي واقفه برع ..

فيه بنات يبون الستر واهاليهم يطلبون أغلى المهور .. وفي العكس ..:shy:

ولكني باقول كلمة حق ... أكثر الشباب المحيطين بي من اخ وابن خال وابن اخ وابن اخت وابن الجار ... يطلب بنت الحسب والنسب .. وما يبيها على قد حالها يبيها بنت خير ونعمه ...

هذول شباب ويبون يعرسون مثل الأخ صاحب الموضوع ولكن طلباتكم ترجع عليكم ..

بنت حسب ونسب وعز وجاه .. وبخمسين الف بس .... اشلون تصيرررر..:omen2:

انا عن نفسي تزوجت ومهري وربي شاهد علي 50 الف ريال لا وراها ولا قدامهاااا ...
لأن الزوج كان على قد الحال .. وبختياري والكل قال لي بتندمين وانا اللي اصريت ... وكوني موظفة حطيت فوق الـ 50 الف يمكن 150 الف مصاريف عرس وتجهيز وتكاليف والله عداها وكان زواجي بالبيت وكان من احلى حفلات الزواج ...
واثثت بيت صغير ملحق ما كلف تأثيثة 25الف ريال .

بتسألوني أشلون حياتج بعد الزواج ...

اقسم بالله ان اخوي كل ما شاف امي سأل عني اشلون عايشة وكان ينتظر طلاقي بأي وقت لأنه فاكر أني ما راح استحمل اعيش مع ريال معاشة بس 3500 ... وانا بنت عز وجاه وسفرات وروحات وجيات ولبس وكشخه .. ومعاشي في جيبي

الحين زوجي معاشة يتعدى 15 الف ريال لأنه ريال وفيه الخير وما خيب ظني فيه وعوضني عن كل اللي صرفته بالمعاملة الزينه والكلمة الطيبة وشايل بيته وعياله..

كلام طالع من قلبي .. لأني أشوف كثير من الشباب متحامل على البنات ..

والله يا شباب بلادي لو كل واحد فيكم عقد النية بالزواج من بنت تستره وتحفظة قدام ربه والناس وتعينه على دنياه لخير أخرته .. ما كنا نشوف حد يقول خطبت بنت افلان وردوني قلت باخد بنت افلان وما صار نصيب .. وقهر وتبجبج وحاله :weeping:

شيل من مخك زوجة جميلة تتمنظر فيها قدام الناس ... شيل من مخك زوجة موظفة على الأقل تشيل نفسها وتفكني من مصاريفها .. شيل من مخك زوجة بنت حسب ونسب تشرفني لين قعدت في المجالس افلان نسيب فلان وامور كثيرة الشباب يفكرون فيها قبل لا يفكر في ذات الدين قبل كل شي ...

شوفوا المولات متروسه بنات صغار من عمر 12 لين عمر 18 يتمشون بروحهم والأشكال حدث ولا حرج وبنات حسب ونسب ومعروفين .. هذي لو امها ذات دين وتخاف الله تترك بنتها تطلع بهذا الشكل ...

خافو الله ولا تسيئون الظن في بنات الناس ترى البنت تطلب وتطلب لأنها عارفة اشلون مصاريف العرس لها كونها بنت لكن في الأخير تبي الستر وتبي رجال يكون على راسها تحتمي فيه حتى من ابوها واخوانها ..

اقول حق اخواني الشباب فكرو في بناتكم بكرة لين صرت أب هالزوجة بتكون راعية صالحة لبناتي واولادي ولا بتهملهم في المولات وقدام الفضائيات عشان تتفرغ لنفسهاااا ...

بنات الحلال اللي يخافون الله ويبون الستر كثار قول بينك وبين نفسك وربك بيسمعك (( ابي بنت ستيره تعيني على الدنيا وتعيني على رضى ربي وتربي عيالي التربية الصالحة )) وشوف اشلون ربك يعدلهااا من عنده ..\

واتمنى اني ما طولت عليكم ..

وســـــــلامــــــــتكـم ..



كفيتي ووفيتي :nice: :victory: :nice:


والله المستعان

[الصريحه]

ارد عليج بمقال يتكلم ما بعد الزواج من المرأه الخليجيه والحياه عزيزتي اقرائيه كاملاً

الطفل عبارة عن مخلوق بريء، يولد بعقلٍ ذي ذاكرة خالية تماماً من أي رواسب وذكريات (يعني ماذا سيتذكّر مثلا؟!). فهو بالرغم من أنّه (في زمننا الحاضر) قد يولد مديوناً وعاطلاً.. بل ومظلوماً، فهو بكل تأكيد لا يشعر بهذه الأمور، فتراه لا يولد مهموماً، ولا عصبيّاً ولا حاقداً، ولا عارفاً بالألفاظ النابية، ولا حتّى الألفاظ الحسنة! فهو يولد غير عارفٍ إلاّ لبعض الغرائز الأساسية للعيش، مثل إتقان الرضاعة (الّتي اتضح مؤخّراً أنّه قد يحتاج لإتقانها كبيراً!)، وغريزة البكاء لطلب الشيء، (والتي هي أيضاً غريزة سيحتاجها كبيراً، وأتحدى أيا منكم أن يقول لي لأ). ويبدأ بفقدان براءته بالتدريج، ليس بسبب تقدّمه بالسن، ولكن باكتسابه الخبرات الّتي تَخُطّ بأقلامها الملوّنة على صفحة عقله وذاكرته البيضاء. ومشكلة هذه الصفحة، أنّها تسجّل كل ما يُخَطّ ويُكتب عليها بلا خوفٍ أواستثناء أو خجل أو حياء، تماماً مثل أي ورقة بيضاء تُبدي للناس ما كُتب عليها، ليس إلاّ. فعندما ترى عزيزي الطفل، أنّ لسانك بدأ يلسع الآخرين بألفاظٍ نابية، إعلم أنّك تعلّمتها ممن يعيشون حولك، وعلى رأسهم، والداك اللذان من واجبهما حماية أذنيك وعينيك من سماع ورؤية ما يجعلك قليل أدب عند الآخرين! ولذلك، يا بابا، إن نعتك أحد بأنّك قليل أدب، فقل للماما والبابا أنّهما السبب، وبالتالي، هما ليسا بأفضل منك أدباً.. (والواقع دائماً ما يكون مؤلماً.)وعندما تصل إلى مدرستك متأخّراً بشكل متكرر، أو أن تكون مهملاً لدراستك بشكل واضح، وأنت لا زلت في مرحلتك الابتدائيّة، (أي أنّك لا زلت طفلاً)، فقل للماما والبابا، أنّهما السبب! حيث أنّه ليس من العقل ألاّ يتابعوا مستوى طفلهما الدراسي، وهو لا زال في ذلك السن سهل المراس (مقارنةً بسن المراهقة) أو أن يتركا أطفالهما مع الخادمات ليشرفوا على تنويمهم وتجهيزهم لمدارسهم، بينما يذهب كل منهما لقضاء سهرته، هي مع أهلها أوصاحباتها، وهو مع شلّة الأنس والقهاوي والبلوت! وكأنك عزيزي الطفل جهاز كمبيوتر تم إيصاله في وصلة انترنت لإنزال البرامج اللازمة لتربيته وتنويمه وتجهيزه للمدرسة. بينما أنت في الواقع، مع امرأة تُسمّى تحقيراً بـ «الخادمة»، تصرخ عليها أمّك بالليل، ويهزئها أبوك في النهار، وهي بالتالي تُسقيك سماً زعافاً انتقاماً منهما فيك. فعندما يتهمّك الأستاذ غداً بالإهمال والكسل والتشتت وقلّة الأدب، فقل للبابا والماما أنّهما السبب، وبالتالي، هما ليسا أقل منك إهمالاً وكسلاً، والفرق بينك وبينهما، أنّهما سيحاسَبان على ذلك أمام الله، وأنت طفل غير مكلّف.أطفالنا لا نرى منهم إلاّ ما تم تربيتهم عليه، ودلاءنا لن نجد فيها إلاّ ما ملئت به، ولو جاء أي من المتفلسفين وقال: «ان طفلي تعلّم هذه الصفة السيّئة من الشارع،.. وغيره»، فردّنا عليه أن: عذرك أقبح من ذنبك. أطفالنا يكبرون بسرعة، ويحصّلون من العلم والمعلومات والأخلاق، ما نربّيهم عليه، أو نتركهم ليتربّوا عليه. فالطفل الذي يربو في بيئة تملؤها الأخلاق والرحمة والأدب، يكبُرُ على ذلك الأساس. والطفل الذي يربو على العدائية والإهمال والكذب، يربو على ذلك الأساس أيضاً. وكل ما تقدّم به السن، صعُب الرجوع إلى الخلف، فالحبر على الورق الأبيض، سريعٌ جفافه، ومسح الحبر بعد الكتابة، يترك بقعاً قبيحة، يستحيل مسحها عن بياض الصفحات.
فخذ يا حبيبي هذه المقالة، وضعها بظرفٍ جميل، واكتب عليه من الخارج «نصيحة للبابا والماما»، وأدخلها من تحت فتحة غرفتهما، واذهب أنت ونُم في أحضان الخادمة.

اسفه
بس انت متحلم
كلامك مب في محله
لان حتى ابو زلمه ومرته صار عندهم خدم ويسوون العن من بنات الدوحه حتى الاجنبيات
وبعدين مب كل ام مهمله بيتها كم مره قامت وربت عيالها ومافيه سند بعد الله الا هي
_بطلاق او موت الرجل_
الحمد لله
الخليجيات مايحتاجون مدح وخصوصا بنات العوايل المتربيين
لكن كل ممنوع مرغوب علشان كذا الفلبينيه صارت في عين الشباب احلى من امه وخواته ومرته
الله يهديك بس

[maruuma]

اسفه
بس انت متحلم
كلامك مب في محله
لان حتى ابو زلمه ومرته صار عندهم خدم ويسوون العن من بنات الدوحه حتى الاجنبيات
وبعدين مب كل ام مهمله بيتها كم مره قامت وربت عيالها ومافيه سند بعد الله الا هي
_بطلاق او موت الرجل_
الحمد لله
الخليجيات مايحتاجون مدح وخصوصا بنات العوايل المتربيين
لكن كل ممنوع مرغوب علشان كذا الفلبينيه صارت في عين الشباب احلى من امه وخواته ومرته
الله يهديك بس



والله زين فهمتي له يالصريحة

بغيت افجج خطه او افهم اش يقصد .. ابد

علشان كذا الفلبينيه صارت في عين الشباب احلى من امه وخواته ومرته



وانتي :victory:

والله المستعان

[toomi9]

اي والله الشباب الحين عادي يحط فلوسه شوي وشويات عـ السيارات والسفرات والروحات والجيات والخرابيط الي مالها داعي ولي جات على مرته وشريكة حياته قال مانقدر ؟؟؟
رنج روفر والجيب مصووفر

[آخر العشاق]

البنت من حقها تطلب اللي تبي والشاب لو مب عاجبه يقدر يشوف غيرها وين المشكلة ؟ تحتجون وخواتكم نفس الشي يسوون وعلى كلامكم البنات وايد طيب ليش زعلانين ؟ خلوهم يعنسون وانتوا مب لازم تتزوجون بعد دام مب جاهزين للحين دبر عمرك ولا تاخذ على ظهرك ديون وبتتزوج وانت مرتاح بعد .

[STAR]

السلام عليكم ............

بختصار قهر الي قاعد يصير يعني من بدال مايخففون المهور علينا ..نسمع البنات يبون يتزوجون اجانب.. انا اعتبر الموضوع كارثة .. والله انتو يابنات سبب مشاكل شباب قطر بعقليتكم الصغيرة.... :anger1::anger1::anger1::anger1:

والدولة ماتعطينا الا 15 الف وبعد مووووووووت .. ليش مايكون هناك تسهيلات او حتى زواج جماعي!!!!!!!

احنا اهم من تنظيم البطولات والمؤتمرات...

weeping::weeping:



اولا موضوعك مشتت... اووكي؟
ثانيا اشدخل غلاء المهور بتزوج بنات قطر بالاجانب؟؟ واشدخل عقولهم صغيرة؟؟؟!!!

رجاءا عدم التعميم .. لان التعميم لغة الجهلاء...

وشنو يعني احنا سبب مشاكل الشباب؟؟!!!! حلوة هاي...

حتى انتوا شباب مشاكل البنات :omen2:

وثانيا ترى البنات مالهم شغل في سالفة ال15 الف اللي تعطيك الدولة ولا لهم دخل في
سالفة الزواج الجماعي...
المفرووض هنالك هيئة تساعد الشباب في تسهيلات الزواج...

ولا تحط السالفة علينا...


واخيرا اسمح لي اشتطيت لاني حسيت ان الموضوع يهين بنات قطر.....

[بنت قطريه]

الله يعينك يا أخوي ... وللاسف واعتقد اختيارك كان غلط الغريب لما تقولي أن وجه تطلب وتبي وتبي اكثر واكثر ذي ماتستاهل تكون زوجة للاسف في حريم مايفكرون زين لو اخوها مكانه بتسوي فيه جذي أخوي في بنات يطلبون الستر وبالعكس اذا شافتك محتاج بتساعدك مب تنغص عليك حياتك أخوي اذا كنت طلقتها فربي يعوضك بالاحسن منها ...وشوف أخوي انا زوجي لما تقدم لي أبوي الله يطول بعمره قال حق الوالده تقعد معاي وتسالني كم أبغي مهر والله ثم والله هو ماطلب ولاحدد أي شي حتى ماطلب من زوجي لا بيت ولاغيره ولاسأل والله عقب الملجة عرفت اني باسكن في بيت أهل زوجي ورضيت الحمد لله

[♫ احسـاسـ طفلـهـ ♫]

لا حول ولا قوة الا بالله العلي العظيم




ثانيا: زواج القطريات من اجانب حرية شخصية مالكم حق تتعدون عليها اذا القانون سمح لهم بهالشي لان ماشاء الله اشوف بمليون موضوع كل واحد نافخ صدره ويقول انا بتزوج لي افغانية وانا بتزوج شامية وانا بتزوج مغربية ... الخ يعني حلال عليكم وحرام على البنات ؟؟ مع ان الرجل اوفر حظا بمليون مره في الزواج من المراه لان المره المسكينه تنطر من يدق بابها للزواج اما الرجل فهو اللي يتقدم ويخطب على كيف كيفه


الحين هالبنات المساكين المقعدات في البيوت واللي يشتغلون ومضى بهم العمر ويحلمون بالزواج وايد منهم والله ما تقدم لهم حد يسوى حق الزواج وظلوا يحلمون بفارس الاحلام الهمام اللي بياخذهم على الحصان الابيض وطلباتهم حتى قليلة لكن للاسف هالشباب الشجعان ما يفكرون يتقدمون لهالفئة المسكينه الحالمه لكن اغلب توجهاتهم للبنات اللي يطلبون مليون شي وشي ومع ذلك وايد منهم يوافقون على طلباتهم حتى لو كسرت ظهره ديون بس ياخذها ؟؟


والحين يجون يتشكون لنا من غلاء المهور ومن امور كثيرة انزين هالستيرات من ياخذهم ؟؟ ليش عددهم كبير مو بسيط وللحين بدون زواج مع تمنيهم للزواج بشكل كبيرررررررر ؟؟ ليش عيونكم ما تروح صوب هالبنات خاطري اعرف ؟؟


الحين فلوسكم تقطونها قط على المواتر ومستخسرينها على بنت الناس اللي من لحم ودم ومشاعر لا يمكن لموتر من المواتر ان يعطيك ربع هالشعور ؟؟ هذي الزوجه وهذي الام الحنون وهذي شريكة حياتك ؟؟


سبحان الله الفلوس تنقط على حديد عادي بس يوم تنقط على روح صارت غالية وما تسوى تنقط ؟؟



بعض المخوخ محدودة الافق سطحية جدا

[الـعــضــيـد]

الصراحة ردود البنات تثلج الصدر
بيض الله وجهكم
وكفو عليكم كفيتو ووفيتو

:nice:

[عالم المحيطات]

اولا موضوعك مشتت... اووكي؟
ثانيا اشدخل غلاء المهور بتزوج بنات قطر بالاجانب؟؟ واشدخل عقولهم صغيرة؟؟؟!!!

رجاءا عدم التعميم .. لان التعميم لغة الجهلاء...

وشنو يعني احنا سبب مشاكل الشباب؟؟!!!! حلوة هاي...

حتى انتوا شباب مشاكل البنات :omen2:

وثانيا ترى البنات مالهم شغل في سالفة ال15 الف اللي تعطيك الدولة ولا لهم دخل في
سالفة الزواج الجماعي...
المفرووض هنالك هيئة تساعد الشباب في تسهيلات الزواج...

ولا تحط السالفة علينا...


واخيرا اسمح لي اشتطيت لاني حسيت ان الموضوع يهين بنات قطر.....


التعميم من حقي وانا اتكلم بشكل عام وماقصدتج انتي بشخصج..
انتو سباب المشاكل نعم وسبب الديون..
وبخصوص لغة الجهلاء اذا الموضوع ماعجبج مافي داعي تردين..
لانه انتي ردج شاذ من بين الردود..
بخصوص الدولة اذا ماساعدتنا ليش انتو ماتخففون علينا من الطلبات..
انتي الي يخليج تتعصبين اكيد هناك سبب من ضمن الموضوع..
...............

... قليلات عقل ودين...

[بوحارب]

ليش اكثر الزوجات هالأيام مافيهم بركة

بسبب المهور اللي مالها داعي

عيل وحده لا راحت ولا جت تطلب 200 الف

ليش شاري vxr مثلا ههههههه

الله يوفق الشباب اللي ناويين الزواج وييسر لهم بنت الحلال والفلوسسسسسسس

[عالم المحيطات]

لا حول ولا قوة الا بالله العلي العظيم




ثانيا: زواج القطريات من اجانب حرية شخصية مالكم حق تتعدون عليها اذا القانون سمح لهم بهالشي لان ماشاء الله اشوف بمليون موضوع كل واحد نافخ صدره ويقول انا بتزوج لي افغانية وانا بتزوج شامية وانا بتزوج مغربية ... الخ يعني حلال عليكم وحرام على البنات ؟؟ مع ان الرجل اوفر حظا بمليون مره في الزواج من المراه لان المره المسكينه تنطر من يدق بابها للزواج اما الرجل فهو اللي يتقدم ويخطب على كيف كيفه


الحين هالبنات المساكين المقعدات في البيوت واللي يشتغلون ومضى بهم العمر ويحلمون بالزواج وايد منهم والله ما تقدم لهم حد يسوى حق الزواج وظلوا يحلمون بفارس الاحلام الهمام اللي بياخذهم على الحصان الابيض وطلباتهم حتى قليلة لكن للاسف هالشباب الشجعان ما يفكرون يتقدمون لهالفئة المسكينه الحالمه لكن اغلب توجهاتهم للبنات اللي يطلبون مليون شي وشي ومع ذلك وايد منهم يوافقون على طلباتهم حتى لو كسرت ظهره ديون بس ياخذها ؟؟


والحين يجون يتشكون لنا من غلاء المهور ومن امور كثيرة انزين هالستيرات من ياخذهم ؟؟ ليش عددهم كبير مو بسيط وللحين بدون زواج مع تمنيهم للزواج بشكل كبيرررررررر ؟؟ ليش عيونكم ما تروح صوب هالبنات خاطري اعرف ؟؟


الحين فلوسكم تقطونها قط على المواتر ومستخسرينها على بنت الناس اللي من لحم ودم ومشاعر لا يمكن لموتر من المواتر ان يعطيك ربع هالشعور ؟؟ هذي الزوجه وهذي الام الحنون وهذي شريكة حياتك ؟؟


سبحان الله الفلوس تنقط على حديد عادي بس يوم تنقط على روح صارت غالية وما تسوى تنقط ؟؟



بعض المخوخ محدودة الافق سطحية جدا






انا رجال ومايعيبني شي ومن حقي اخذ الي ابي لكن انتو يوم تحبون المظاهر والفشخره الزايدة حق ساعتين وناسه وطول العمر دين وهم ..وبخصوص من حقكم تاخذون اجانب ماتوقع قطرية بنت اصل وفصل تسويها ..:anger1:

[عالم المحيطات]

ليش اكثر الزوجات هالأيام مافيهم بركة

بسبب المهور اللي مالها داعي

عيل وحده لا راحت ولا جت تطلب 200 الف

ليش شاري vxr مثلا ههههههه

الله يوفق الشباب اللي ناويين الزواج وييسر لهم بنت الحلال والفلوسسسسسسس

لا وازيدك من الشعر بيت يابوحارب يبون العرس في قاعة ويوم تجوف العرس تقول كانه في الفضاء مش ف الدنيا.. ماشوف بنات يبون عرس في بيت الكل يحب الفشخره ويخاف من كلام الناس ويدفعون الالاف علشان يتكلمون عليهم الناس كم يوم وينسون..

[عالم المحيطات]

....... اذا تتكلمون انتو البنات على انه الشباب فلوسهم على السيارت.....
انتو اول ماتتوظفون تركبون سيارت مب قادرين على صيانتها بنات لين الحين ماعدو 20 سنه عليهم ديون وهذا من بدال ماتقول بساعد الرجال الي بيتزوجني تقول لا هو الي يصرف علي ..

[بنت قطريه]

أخوي أنا مالومك على ردوك ..... بس جمله ناقصات عقل ودين ؟؟؟؟؟؟؟؟ أنت اعرف معناها ترى هي مب ذم في الحريم لا يا اخوي وهاذي رابط بالموضوع علشان تعرف المعنى
http://www.islamonline.net/servlet/Satellite?pagename=IslamOnline-Arabic-Ask_Scholar/FatwaA/FatwaA&cid=1122528603690
..... ومعليش انت مريت بتجربه قاسيه والاخت ردها شوي كان قاسي بعد بس معليش أخوي خذ الموضوع بصدر رحب وشوف ربي بيعوضك بالاحسن منها صدقني اللي اذا احتجت بتساعدك واذا ضاقت عليك الدنيا بتوقف معاك .... بس لاتصير متشأئم لهدرجة وردودك تكون هجوم ترى والله مافي شي يسوى يعني أخوي الوحده تطلب 200 ألف علشان شنهوووو على شي مايسوى

[ابو مشعل]

في ردود :nice:
وفي ردود :rolleyes2:

تسجيل متابعة :telephone::

[الهمداني]

بالمناسبة على الطاري
اذكر واحد من هل الديرة تدرون وش عرس بنته !! عزم ربعه وجيرانه وقال هذا عرس بنتي عزيمة ما تتعدى خمسة الاف ....
وكذالك واحد من الربع خطب عند ناس أسال الله ان يصلحهم وبنتهم كبيره في الثلاثين خذوا عليه مهر وفوق المهر قالوا العرس ايكون في صالة فخمة قال اما المهر من حقكم وما عندي مشكله اما العرس عرسي وما حد له خص فيه انا الي متزوج بحجز قاعة على قدي قالوا لا لا لا وبعدها هون الرجال .....
ومن الي ماكلها الحين البنت المسيكينة قاعده ووالله اني اعرف الرجال من خيرة شباب الدوحة وما حد يفرط فيه ولكن الله المستعان ....
وواحد من الربع بعد خاطب عند ناس في السعوديه قالوا مهرك 50 ألف وييب ذبيحتين وخذ زوجتك من الحين ما عندهم سوالف حريم هههههه

[فتى الجود]

يبا خلك مع المغاوص احسن لك

ياعالم المحيطات

[إينشتاين]

بالمناسبة على الطاري
اذكر واحد من هل الديرة تدرون وش عرس بنته !! عزم ربعه وجيرانه وقال هذا عرس بنتي عزيمة ما تتعدى خمسة الاف ....



الله يوفقه ويوفقها ،،
والله لو منه لاحطها في عيوني واخلي اهلها مايندمون على اليوم الي شروا فيه رجال وماشروا فلوسه

[bo7mood72]

الله يعينك أخوي

واحد من الربع مهر زوجته 10000 بس
وخيمه للرجال والحريم في البيت

وعليه بنات وعيال ومتهني ومرتاح
لا دين ولاهم يحزنون

[STAR]

التعميم من حقي وانا اتكلم بشكل عام وماقصدتج انتي بشخصج..
انتو سباب المشاكل نعم وسبب الديون..
وبخصوص لغة الجهلاء اذا الموضوع ماعجبج مافي داعي تردين..
لانه انتي ردج شاذ من بين الردود..
بخصوص الدولة اذا ماساعدتنا ليش انتو ماتخففون علينا من الطلبات..
انتي الي يخليج تتعصبين اكيد هناك سبب من ضمن الموضوع..
...............

... قليلات عقل ودين...

والله يالشيخ محد شاذ غير اسلوبك الشاذ....

لا سلامتك مب من حقك التعميم....

عالعموم مب مستعدة اتناقش مع شخص ماعنده اسلوب في الحوار والنقاش ...:)

وياليت اشوي تثقف نفسك في الدين وتفهم معنى الآية يابو عقل ودين كاملين

ومالومك اظااهر تأثير الطلاق اثر عليك:secret:

[♫ احسـاسـ طفلـهـ ♫]

انا رجال ومايعيبني شي ومن حقي اخذ الي ابي لكن انتو يوم تحبون المظاهر والفشخره الزايدة حق ساعتين وناسه وطول العمر دين وهم ..وبخصوص من حقكم تاخذون اجانب ماتوقع قطرية بنت اصل وفصل تسويها ..:anger1:

من قص عليك اخوي وقالك الرجال ما يعيبه شي لو ما يعيبه شي جان ما جيت تصيح في المنتدى وتشكي الحال اخوي يا ليت نكون صادقين مع انفسنا لان البنت لما يتقدم لها الرجل لها الحق ترفضه او تقبله لعدة امور واسباب وعيوب تكون فيه اذن هو في محل انه ينعاب ويُرد ليس بمعصوم خالي من العيوب كما تفضلت اخينا الفاضل :) ..


وثانيا لما قلب الرجل يطاوعه يدفع دم قلبه لموتر وما يطاوعه يصرف على زوجة للعمر كله فالخلل اكيد مئه بالمئه في تفكيره السطحي اللي يفكر لمتعة يومين وثلاث ؟؟ وثالثا ما ابحت البهرجة الزايده ولا الاسراف ودايما انا مع الوسط لكن ان واحد يتزوج وحده ويقول ابي تقلل مهرها لين يصير مثلا شي بسيط جدا ومابي عرس ومن هالامور هذا اجحاف بحق المراة ان كانت تتمنى تستمع بفرحة عمرها وليس من حقه هضم حقها في هالامور الا برضاها اما ان لم ترضى فليس بحقه انه يطالب بانها تتخلى عن اغلب حقوقها في فرحة العمر :) ..


اما بخصوص مافي بنت اصل وفصل تسويها وتاخذ اجنبي مش من حقك تتكلم بهالاسلوب لان عيال اصل وفصل من الرجال خذو غير قطريات ولا حد نقد عليهم والاسلام ساوى في الحقوق بين الرجل والمراه خصوصا في الزواج وماجاتنا فتوى الحمدلله للحين تقول ان اللي تتزوج غير القطري مش بنت اصل وفصل تظل بنت اصل وفصل سواء برضاك او غصبن عنك دامها تستر على نفسها من حقها هي وغيرها دامه بالحلال مثل ما الرجال تسوي النساء تسوي وهذا حق شرعي قبل لا يكون قانوني فلا تفتي بالذي ليس لك بملك اخي الفاضل ولا تجعل العاطفة تلغي مخك تماما عن امور دينك و القوانين المتبعه و ميزان العدل العام ..



للاسف هالموضوع كبير لكن اغلب اللي يتناقشون فيه عقولهم صغيره وما يفكرون بابعد من مستوى الدائرة اللي هم عايشين فيها فنقدر نقول ان النقاش هنا فاشل بكل ما تحمل الكلمة من معنى ..



و انتهى الجدال للابد :telephone:

[مسافر77]

وين رجال الدين يناقشوا حكم المهر المرتفع؟
وين الدين وين الوعي الديني؟
وين المسلمين؟
هل المهر المرتفع مبارك؟
عالعموم العرف والتقاليد صارت شرع؟
هل؟
هل؟
أرجعوا لدينكم الحنيف.
مراكز ومجالس توعية وأرشادية و و و
ما تقدم إلا الكلام والتنظير
وكل واحد يلقى اللي يناسبه.

[QtrGate]

البنات البنات اجمل الكائنات ..,, اذكر يوم احنا صغار كانو البنات اليهال كل يغنونها

مهر البنات وصل مستويات يمكن من اعلى مهور العالم واحتمال بعد كم سنه يحطونه في موسوعة guinness

ومن واقع الحياة اتوقع 50 الف يكفيهم ولاكن كل شي عليك


ترى البنت اليبتدفع فيها بتكون زوجتك وبعد كم سنه ام عيالك ..,, تستاهل ولاتقصر عليها

واذا انت فلست العيب منك ..,, محد قالك تزوج وانت مب قادر

انصح كل الشباب قبل لايتزوجون يجمعون مليون وشوي مصاريف العرس

ولايغير سيارته الا بعد مايجيب له كم بنوتة وكم بيبي وتصير اعمارهم 6 سنين بعدين يفكر يشتري سيارة

ولحد يتزوج وياخذ المهر والمصارف من ابوه ..,,عيب :)

هههه

[وهم قطر]

الصراحة ردود البنات تثلج الصدر
بيض الله وجهكم
وكفو عليكم كفيتو ووفيتو

:nice:

بيني وبينك اخوي

تصدق الشباب ماعندهم عذر كله يلومون غلا المهور والقاعه والكوشه

هم يبون زواج ببلاش مثلا

لا ومشكلته مايفكر بالزواج الا اذا صار مفلس من بعد لعبه العزوبيه

وخاصه اذا شاف ربعه كلهم تزوجو

يعوين البنات بس ماعليك حكروللشباب ماينخاف عليهم

[عنوووود]

أتمنى أقول شي يمكن إنتوا غافلين عنه " بعض البنات مايطلبون ، الأم الله يهديها تقعد مع الحريم وتطلب وتتشرط ، وتطفش الناس من بنتها ،ولاحظ بعض الحالات إذا صارت الملجة ، وتكلمت البنت مع زوجها ، تبدأ تتنازل عن أشياء وايد ، وتدخل في صراع مع خواتها وأمها "

يعني أنصح كل شاب ، خلوا خواتكم يكلمون البنت دايركت ، وتعرف شنو طينتها " إذا وايد رافعها خشمها وبتكسر ظهرك ، عيل هذي اصلا مب عاقلة ولا تنفع من الاساس زوجة ، أما إذا ردها كان طيب وعقلاني توكل على الله وإدخل إنت وزوجة المستقبل معركة حرب المظاهر على الجبهتين أهل المعرس واهل العروس

"ولاجل الورد ينسقي العليق "

هذه مظاهر بعض الفئات الساذجة والسطحية في مجتمعنا <<<<<<<<<<< مدري وين بيوصلنا

[QtrGate]

ياخوان تبون تاخذونهم ببلاش او امسح واربح

لازم لكل بنت مهر

ومايصير كل البنات ياخذون مهر على 100 وزوجتك بتعطيها 10

اذا تم تحديد المهر من وزارة او هيئةاو تم مراعاة الشاب من قبل كل البنات هناك يكون المهر 10او50

الله يساعدكم وكلكم تتزوجون
والي متزوج عقبال الثانية والثالية ...,, هههه

[Mshari]

السلام عليكم

الموضوع خاص باهل قطر لكن بما ان المهور حتى حنا اخوانكم في الخليج نعاني من هالمشكله


قلت بشاركم



حنا عندنا الدوله تعطي المواطن لزواج 45000

طبعا المهور مقاربه لما ذكر فالموضوع من 50 الى 80

اذكر ولد عمي قبل ست اشهر تقريبا دفع مهر 80 الف مع تجهيز العرس طلع عليه تقريبا 200 الف


لكن لقيت شي الصراحه اعجبني واتمنى اشوفه بدول الخليج
هو دور المثقفين وعلماء الدين والقضاه
وهذي تحصل عندنا في المحاكم عند مأذون الانكحه


يسولف لي واحد من الربع


يقول خطبت من واحد من جماعتنا وقالو المهر 80 الف
وانا راغب اخذ منهم والاهل يدرون وافقت وتمت الامور على ان المهر 80 الف

رحنا نملك في المحكمه دخلنا على مؤذون الانكحه
سألنا عن المهر قلت 80 الف

يقول يوم قلت له هالمبلغ وهو يشب على ابو البنت من النصايح مع التهزء ههههههههههههه

خاف ربك ومن هالكلام واحاديث عن غلاء المهور يقول بعد ما خلص المأذون من الكلام
الا ابو البنت يطيح لي 20 الف داخل المحكمه وقدام المأذون شوي الا المأذون يقول له اطلبك المزيد

ههههههههههههههههههههههههههههههههههههههههههههه

يقول يوم قال كذا انا خفت يخرب قلت له يا شيخ انا موافق ع المهر


المراد من سالفتي هذي

ان يكون في دور للمثقفين والمشايخ اهل الدين وامة المساجد في توعية الناس وحثهم على مسألة المهور وتخفيضها

والله عندنا فالسعوديه ناس انا اعرفهم شخصيا ومن عوايل معروفه ولها اسمها فالبلد زوجو بناتهم والمهر ريال واحد وكتبوها فالجرايد

نقول الله يصلح الحال الحين ويهدي المسلمين

[عالم المحيطات]

والله يالشيخ محد شاذ غير اسلوبك الشاذ....

لا سلامتك مب من حقك التعميم....

عالعموم مب مستعدة اتناقش مع شخص ماعنده اسلوب في الحوار والنقاش ...:)

وياليت اشوي تثقف نفسك في الدين وتفهم معنى الآية يابو عقل ودين كاملين

ومالومك اظااهر تأثير الطلاق اثر عليك:secret:

من انتي علشان تحكمين على اسلوبي ...
انتو الحريم مساكين والله لو ايش تسوون ماتوصلون مستوى الرجل في التفكير ..
وانتي والله وانا احلف مثال على المراة المتسلطة وانا احط في ذمتي..
انتهى النقاش معاج..

[عالم المحيطات]

من قص عليك اخوي وقالك الرجال ما يعيبه شي لو ما يعيبه شي جان ما جيت تصيح في المنتدى وتشكي الحال اخوي يا ليت نكون صادقين مع انفسنا لان البنت لما يتقدم لها الرجل لها الحق ترفضه او تقبله لعدة امور واسباب وعيوب تكون فيه اذن هو في محل انه ينعاب ويُرد ليس بمعصوم خالي من العيوب كما تفضلت اخينا الفاضل :) ..


وثانيا لما قلب الرجل يطاوعه يدفع دم قلبه لموتر وما يطاوعه يصرف على زوجة للعمر كله فالخلل اكيد مئه بالمئه في تفكيره السطحي اللي يفكر لمتعة يومين وثلاث ؟؟ وثالثا ما ابحت البهرجة الزايده ولا الاسراف ودايما انا مع الوسط لكن ان واحد يتزوج وحده ويقول ابي تقلل مهرها لين يصير مثلا شي بسيط جدا ومابي عرس ومن هالامور هذا اجحاف بحق المراة ان كانت تتمنى تستمع بفرحة عمرها وليس من حقه هضم حقها في هالامور الا برضاها اما ان لم ترضى فليس بحقه انه يطالب بانها تتخلى عن اغلب حقوقها في فرحة العمر :) ..


اما بخصوص مافي بنت اصل وفصل تسويها وتاخذ اجنبي مش من حقك تتكلم بهالاسلوب لان عيال اصل وفصل من الرجال خذو غير قطريات ولا حد نقد عليهم والاسلام ساوى في الحقوق بين الرجل والمراه خصوصا في الزواج وماجاتنا فتوى الحمدلله للحين تقول ان اللي تتزوج غير القطري مش بنت اصل وفصل تظل بنت اصل وفصل سواء برضاك او غصبن عنك دامها تستر على نفسها من حقها هي وغيرها دامه بالحلال مثل ما الرجال تسوي النساء تسوي وهذا حق شرعي قبل لا يكون قانوني فلا تفتي بالذي ليس لك بملك اخي الفاضل ولا تجعل العاطفة تلغي مخك تماما عن امور دينك و القوانين المتبعه و ميزان العدل العام ..



للاسف هالموضوع كبير لكن اغلب اللي يتناقشون فيه عقولهم صغيره وما يفكرون بابعد من مستوى الدائرة اللي هم عايشين فيها فنقدر نقول ان النقاش هنا فاشل بكل ما تحمل الكلمة من معنى ..



و انتهى الجدال للابد :telephone:


يعني بخصوص اني اصيح ليش جيت صحت عندج مثلا.. انا اكتب عن شي عانيت منه مش اصيح ويالي ماعندج اسلوب للمناقشة.... انتو تبون تبينون انكم نفس السياره وبالاحرى تقارنون نفسكم بالرنج والا الكروزر .. من ناحية الصرف..وبخصوص الشباب الي من اصل وفصل هذول رجال مايعيبهم شي .. ولا حضرتج تبين تتزوجين من الاشقر بوعيون زرق وريحته زيتون وماتاخذين عليه مهر ويمكن انتي تعطينه من جيبج ..

نقاشج مانبيه خلي عندج...

انتهى

[فارس قطر]

السلام عليكم ............

بختصار قهر الي قاعد يصير يعني من بدال مايخففون المهور علينا ..نسمع البنات يبون يتزوجون اجانب.. انا اعتبر الموضوع كارثة .. والله انتو يابنات سبب مشاكل شباب قطر بعقليتكم الصغيرة.... :anger1::anger1::anger1::anger1:

والدولة ماتعطينا الا 15 الف وبعد مووووووووت .. ليش مايكون هناك تسهيلات او حتى زواج جماعي!!!!!!!

احنا اهم من تنظيم البطولات والمؤتمرات...

انا صار لي سنتين وانا اجمع فلوس .. واخر شي كل بنت تبي شي خيالي يكسر الظهر ولين صارت لي ديون ..تقول انت ماتصرف علي..

خافوا ربكم والله..:weeping::weeping:


للاسف وهاذي حقيقة انا طلقت والحين اعاني من هذا الشي..

اخوكم / عالم المحيطات
تعال وياي خل نروح نتزوج سوريات
بس نبي واسطة حق الفيزة

[وهم قطر]

اخوي عالم المحيطات انت قول الي في خاطرك ونحن كلنا اذان صاغيه لك :nice:

ماعليك منهم مايعرفون محترين منك لانك قلت الحقيقه عنهم:victory:

معقوله 200000 الف عرس وش عليه شايفه عمره

اتم عزوبي ابرك ولا شرايك :omen2:

[captin]

اللي يبي يتزوج

ويكون صادق النية ويتوكل على الله

الله بيسهل له وبيتزوج

اهم شي التوكل على الله ويدور بنت الحلال
من خلال اهله وخواته ويسألون عن أم البنت
قبل البنت لأنها هي الأهم هي اللي ربت البنت
على قيم معينه واخلاق وقناعات

ولكل مجتمع ظروفه وعاداته وتقاليده
في موضوع الزواج
وتكاليف الزواج
ومعوقات الزواج

[الصريحه]

تعال وياي خل نروح نتزوج سوريات
بس نبي واسطة حق الفيزة

الله يوفقك وياه
ترى حتى الخدامه والصوماليه والهنديه هم تنفع تكون زوجه لانها رخيصه
اما اللي يبي حسب ونسب وعيله وخوال ينرز فيهم لابد المهر المتوسط اقل شيء

[الصريحه]

بالمناسبة على الطاري
اذكر واحد من هل الديرة تدرون وش عرس بنته !! عزم ربعه وجيرانه وقال هذا عرس بنتي عزيمة ما تتعدى خمسة الاف ....
وكذالك واحد من الربع خطب عند ناس أسال الله ان يصلحهم وبنتهم كبيره في الثلاثين خذوا عليه مهر وفوق المهر قالوا العرس ايكون في صالة فخمة قال اما المهر من حقكم وما عندي مشكله اما العرس عرسي وما حد له خص فيه انا الي متزوج بحجز قاعة على قدي قالوا لا لا لا وبعدها هون الرجال .....
ومن الي ماكلها الحين البنت المسيكينة قاعده ووالله اني اعرف الرجال من خيرة شباب الدوحة وما حد يفرط فيه ولكن الله المستعان ....
وواحد من الربع بعد خاطب عند ناس في السعوديه قالوا مهرك 50 ألف وييب ذبيحتين وخذ زوجتك من الحين ما عندهم سوالف حريم هههههه

والله اعرف واحد زوج بنته من حول 19 سنه بريال وهو من قرايبه الاب فيه خير وقال الولد بيقدرها
والله تقول انه يتشمت عليها ويقول ماخذج بثمن بيبسي ولين الحين عايشه معاه عيشه قهر لانها مب مقدرها ولاعاد قدر ابوها
ابي ردكم

[maruuma]

يقول المثل

شيل ده عند ده

يرتاح ده من ده

اذا ما طابت لك وحدة قطرية أصل وفصل ..بمهر قليل .. خذلك تصريح وتزوج من أجنبية

والبنت بعد اذا ما طاب لها رجال قطري يدفع لها المهر اللي تبيه .. تشوف لها اجنبي وتتزوج

ولا احد يموت من القهر

وخلصنا من هالسالفة


والله المستعان

[أم شيوخ]

لوسمحتوا كل واحد وله ظروفه والي طلق مرته عشان حطت على راسه ديون.....اسمحلي انت الي رضيت وخذت دين جان عطيتها كاش والله ما ماخذ او تتفاهمون بالطيب انه الدين يكسر الظهر وجي ماقولك صج في بنات واااايد يحبون الكشخه الزايده وحتى لو ماعندهم بعد يضغطون على الريال وفيه بعضهم وانا اشهد ماتقول حق ريلها الا تسويلي وتفعلي قدر بروحه بيسوي ماقدر نسوا السالفه ما ازموها.....
بس الي يقول بنتزوج اجنبيه والا الي يقول الخدامه الهنديه والسيلانيه ارخص ليش يبه انتوا تشترون الحريم وتذلونهم والا تاخذونهم وتصونونهم والا اهي ثوب وقت مابغيته لبسته ويوم تمللت منه فصخته....
الاسلام كرم المره وانتوا بصراحه تذلونها بهالكلام شنو يعني رخيصه انتوا قولولي اذا بعض الشباب يقولون عن بنات قطر جي شخلوا حق الغير....
كلمن عنده ظروفه الخاصه والي طلق عشان 15 على ما فهمته تره شنو 15 ولا شي...
والي يقول المره لازم تساعد الريال اقولكم والله في رياييل حتى لو المره شالت وحطت عنه اهو يشيل يده من كللل شي يعني الزبده ما ينعطه ويه وفي رياييل الله بالخير لو المره ساعدته بادنات الدون حطها وشالها فوق راسه....

بعد اسمحولي هالايام بعض الشباب يبون الوحده عشان تكون عندها واهي تصرف وتسوي ولالالا بس ياويلها ان قالتله ابي شي او قاصرني شي يحاااكمها انه ليش خلص معاشج والبعض كله ماعندهم والمره ساكته وصابره ولين طلق طلع فيها الف عيب...

يعني الي يقول يبي وحده رخيصه اسمحلي انت كنك تبي تتزوج بهيمه والا شي وعيالك بعدين شنو يكونون انت بعدين مابترضى احد يقول عن بنتك باخذها لنها رخيصه

اسمحولي على الاطاله

[قطريه ماركه]

اقرأ في الشرق غداً:

قطريات يتزوجن أمريكيين ....:nice:

( ملحق البراحه )

[بنت شيوخ]

مو كل البنات

في بنات يرضون بالقليل ويبون الستر
\
الله يوفقك اخوي

[بنت قطريه]

أخوي عالم المحيطات الله يهديك ويرزقك بنت الحلال وأنا ماييد كلام الخوات الله يهديهم خواتي صدقوني المهر مب مهم عند رجال تعيشين معاه مرتاحة والله العظيم أعرف وحده اللي ماخذها ولد عمها لما خطبها سوى لها خطوبه في قاعه ريجنسي وجاب فرقه انوار من كثر ماهو فرحان وعقب سوى لها حنه بعد في قاعه وجاب لها بدريه تغني في الحنه وطبعا العرس حدث ولا حرج الناس كانت تنتقدمهم في العرس من الي سواه .... حجز لها قاعه الجيوان لانها كبيره على قولته وسوى نص القاعه كوشه وفي الوسط ستيج للرقص زجاج كامل يابلفيت شفاف علشان الاضاءة تبين من تحت الاستيج وجاب بوصبار وخالد فؤاد ومطرب عراقي ماادري شسمه وفرقه خاصه حق زفة العروس وفرقه خاصه حق زفة المعرس ونقوطهم باليورو والله انصدمت في العرس لما شفت الفلوس بالارض والناس تدوس عليها ..... واللي صار من ليله العرس زوجها اللي ولد عمها كرها وكان مايعطيها ريال ومايبي يصرف عليها وماقعد معاها ومايبي يشوف وجهها والله وكيلكم شهر وطلقها يقول اشوفها قرد قدامي وحالوا يجيبون لهم مطوع يقرى عليهم ومافي فايده والحين هي مطلقه يعني نفعتها الفلوس .... خواتي مب امسح واربح بس الفلوس ويوم العرس بيروح وبينسونه الناس اهم شي تشترين رجال يصونج ويعزج يمكن اذا خذتيه ماعنده بس عقب ربي يكرم عليه بالخير وصدقيني ولد الحلال والانسان اللي يخاف الله ربي بيبارك له في بيته وفي نفسه وفي عياله .... وانا مالوم أخوي عالم المحيطات انتوا ماتدرون ايش اللي مر فيه .... يعني بعيد الشر اي واحد متزوج وتصير مشكله صغيره بينه وبين زوجته يتضايق شلون لما يطلق ...... الله يعين ان شاء الله

[كورديليا]

اقوول ماا عااد فيها بناات يتحملوووون امهات ازواجهم وين تبوونى نتزوج وأول شرووطه تبي الفكه من أم المعرس وثاااني ترى بنات الأردن يمدحوون عليهم قبايل أصل وفصل من تميم الى بنى خالد الى بنى صخر الى بنى عبس وبنى قيس والمراه عندهم عن عشر رجاال اسأل مجرب ولا تسأل طيب خلووو بناات الخليج على غرورهم الي مدري وش عليها شاافين رووحهم ال كووشه بملغ وقدر الا شبكه من محل معين الا العرس محل معين ولا البوووفيه حدث ولا حرج ولا تعاال قاااموو يعاارونا بالسياره 350 ألف يا شباب أولاً نصيحه منى لكم أولا بداايتك لا تقعد تسوووي فيها ولد شيوووخ وانت مديوون ولا تشترى سياره 350 ألف ويجيك وااحد ما يسووى وماايخااف الله يعطبك بووحده انا ااقوول التووسط زين ونصيحه أجمع كثر ما تقدر وانتبه تقووول حك أي مخلووق من حوواء عن رصيدك البنكي

وآسفين على الاطااله

:nice::nice::nice::nice:
ياحليلهم بنات الاردن :shy:

[meme~qatar]

:nice::nice::nice::nice:
ياحليلهم بنات الاردن :shy:

اردنية تسوي دعاية لبنات ديرتها
خخخخخخخخخخخخخخخخخخخ:tease:

[ZURICH]

إذا كان ماضيكَ تجربة
اجعل الغَدَ معنى ورؤيا !

[عالم المحيطات]

إذا كان ماضيكَ تجربة
اجعل الغَدَ معنى ورؤيا !





اخوي حوران شكر على مرورك الطيب يالغالي

[بوحارب]

امس جاني عالبي بي

تزوج اجنبيه تدخلها الأسلام

افضل من قطرية تخليك تكفر


هههههههههههههههههههههههههههههههههههههههههههههههههه ههههههههه

[captin]

اقرأ في الشرق غداً:

قطريات يتزوجن أمريكيين ....:nice:

( ملحق البراحه )

بعد الفلبينيات والتايلنديات يوموتون على الامريكيين
ويتزوجون الامريكيين

[الصريحه]

امس جاني عالبي بي

تزوج اجنبيه تدخلها الأسلام

افضل من قطرية تخليك تكفر


هههههههههههههههههههههههههههههههههههههههههههههههههه ههههههههه

اللهم لاتؤاخذنا بما قال السفهاء منا

[الصريحه]

بعد الفلبينيات والتايلنديات يوموتون على الامريكيين
ويتزوجون الامريكيين

وععععععععععععععععععععع
والله انهم قرف
مافيه احلى من القطريين
ولاتصدقون الجرايد
كلها صواريخ ارض جو

[كورديليا]

اردنية تسوي دعاية لبنات ديرتها
خخخخخخخخخخخخخخخخخخخ:tease:

شدخل
ترى مو للبيع:rolleyes2:

[Mishari]

اسفه
بس انت متحلم
كلامك مب في محله
لان حتى ابو زلمه ومرته صار عندهم خدم ويسوون العن من بنات الدوحه حتى الاجنبيات
وبعدين مب كل ام مهمله بيتها كم مره قامت وربت عيالها ومافيه سند بعد الله الا هي
_بطلاق او موت الرجل_
الحمد لله
الخليجيات مايحتاجون مدح وخصوصا بنات العوايل المتربيين
لكن كل ممنوع مرغوب علشان كذا الفلبينيه صارت في عين الشباب احلى من امه وخواته ومرته
الله يهديك بس

انزين سألتي روحج من معلمهم بوزلمه وغيره على هذه الطبايع ؟
الي الوحده منكم ما تمشي بالسوق الا خدمتين وراها علباااله الأميره دنيا وآخر شي الولد يطلع تربيه فلبنيه ولا بعد تلقينه يفهم لغتهم اكثر من امها
ونسب الطلاق الي كل يوم بزيااده هذه شنو تسمينها ؟
واغالب الاسباب تاااااااااااافها

[باسكن روبنز]

من حق كل بنت عرس ومهر بالمعقول ،
يوم فرحتها ولازم تستانس حالها حال غيرها ،


بس آلي بتطلب وتبالغ ،
خلها تعنس في بيت آبوها من صجك معور راسك! ،

[بـن عدوان]

ياخوي انت شد حيلك وان شاءالله بتتسير الأمور

شرط انك تستغني عن بعض الاشياء ...

يعني مايصير تسافر من فترة لين فترة

ولا كل سنة تاخذ لك موتر

ولا، كل ماينزل جوال خذته

ولا، طقّت في راسك تاخذ رقم سيارة او رقم جوال سبشل ..

ولا، كل عيد او مناسبة خذت طقم بــ 5000 او 6000 ريال

أمور كثيرة ..

طبعا انا اتكلم بشكل عام عن الشباب ...

والله يسهل لك ياارب

[مانوحسن]

بالتوفيق للجميع
بوفهد

[toomi9]

من حق كل بنت عرس ومهر بالمعقول ،
يوم فرحتها ولازم تستانس حالها حال غيرها ،


بس آلي بتطلب وتبالغ ،
خلها تعنس في بيت آبوها من صجك معور راسك! ،

ليش تعنس ؟؟؟
على كلام ابوي
الي مب مقدرج قعدي عندي تاكلين تشربين تاكلين تطلعين معززه مكرمه مب مقصرين عليج يا ياخذج بـ المستوى الي انتي عايشه فيه فـ بيت ابوج واعلى اقل مانبي
واذا الريال مب مقدر مرته وام عياله بمهرها ووناستها اسمحوا لي اقول تراه مب من مستواها
والي يقول ديونه كااسره اظهره عشانه بيتزوج تبي تقعني الديون الي عليك بس حق زواج مب حق سياره وخرابيط ثانيه ؟؟؟
والله واايد عزوبيه عليهم ديون الدنيا ليحين ماتزوجوا ،، قولي لي ماخذين سلفيه شحقه بالله عليهم ؟؟؟؟ يصورون معاهم مثلا ؟؟
الريال يبي يقدر مرته يقدرها بمهرهاا
يبدي سيارته ولبسه وعطوراته وطلعاته وسفراته على مرته وشريكة حياته
والي مب عاجبه مهر البنت الاعربيه بنت الاصل ام عيون وساع،، يمدحون ام عيون مغطه
وسلامتكم

[الصريحه]

[QUOTE=Mishari;6528470]انزين سألتي روحج من معلمهم بوزلمه وغيره على هذه الطبايع ؟
الي الوحده منكم ما تمشي بالسوق الا خدمتين وراها علباااله الأميره دنيا وآخر شي الولد يطلع تربيه فلبنيه ولا بعد تلقينه يفهم لغتهم اكثر من امها
ونسب الطلاق الي كل يوم بزيااده هذه شنو تسمينها ؟
واغالب الاسباب تاااااااااااافها
اللي معلمهم الخير اللي حصلوه
بعدين اللي تاخذ خدامتين لها اسبابها تلاقيها موظفه والبيت ماشاء الله قصر والاهل والضيوف والعمه والعم ساكنين معاهم غير المواجيب الاجتماعيه اللي ماتخلص
اليوم الام موظفه وزوجه وام اطفال ومربيه ومساعده لزوجها في الحياه الاجتماعيه والماديه
غير التزاماتها نحو نفسه
اقف بتحيه لكل امراه بنت وربت جيل
كفايه على الام من الحمل والولاده والتربيه
ولذلك كانت الجنه تحت اقدام الامهات وليس الاباء
اما الطلاق لان الجيل الجديد مب قد المسؤوليه ولاقد الواجبات والتحمل
اخوي اعتقد انك من السعوديه
فاهل قطر يرحبون بمشاركاتك من دون تعصب

[Mishari]

[quote=mishari;6528470]انزين سألتي روحج من معلمهم بوزلمه وغيره على هذه الطبايع ؟
الي الوحده منكم ما تمشي بالسوق الا خدمتين وراها علباااله الأميره دنيا وآخر شي الولد يطلع تربيه فلبنيه ولا بعد تلقينه يفهم لغتهم اكثر من امها
ونسب الطلاق الي كل يوم بزيااده هذه شنو تسمينها ؟
واغالب الاسباب تاااااااااااافها
اللي معلمهم الخير اللي حصلوه
بعدين اللي تاخذ خدامتين لها اسبابها تلاقيها موظفه والبيت ماشاء الله قصر والاهل والضيوف والعمه والعم ساكنين معاهم غير المواجيب الاجتماعيه اللي ماتخلص
اليوم الام موظفه وزوجه وام اطفال ومربيه ومساعده لزوجها في الحياه الاجتماعيه والماديه
غير التزاماتها نحو نفسه
اقف بتحيه لكل امراه بنت وربت جيل
كفايه على الام من الحمل والولاده والتربيه
ولذلك كانت الجنه تحت اقدام الامهات وليس الاباء
اما الطلاق لان الجيل الجديد مب قد المسؤوليه ولاقد الواجبات والتحمل
اخوي اعتقد انك من السعوديه
فاهل قطر يرحبون بمشاركاتك من دون تعصب

كما تعتقدين ولاكن جذوري قطريه
واتفق معااج بس انا انتكلم عن الي يفااشروون مو الي تاخذ خدميتن الحمدالله كل الي ذكرتيه عن الاسباب مقنعه بس نحنا هنا نسأل عن الأسباب الي كل يووم والثااني بزيااده .

وانا اقوول من هناا نصيحه للشباب وفر قدر ما تقدر ولاتعلم جنس حواء كم رصيدك خلك دائماً امامها مفلس لكي تظمن عيشه هنيئه لعياالك

[الصريحه]

[quote=الصريحه;6528979]

كما تعتقدين ولاكن جذوري قطريه
واتفق معااج بس انا انتكلم عن الي يفااشروون مو الي تاخذ خدميتن الحمدالله كل الي ذكرتيه عن الاسباب مقنعه بس نحنا هنا نسأل عن الأسباب الي كل يووم والثااني بزيااده .

وانا اقوول من هناا نصيحه للشباب وفر قدر ما تقدر ولاتعلم جنس حواء كم رصيدك خلك دائماً امامها مفلس لكي تظمن عيشه هنيئه لعياالك

اخوي مافيه حد يفوشر
كلن وظروفه
والبيوت اسرار
معاك اقول للشباب حده الحين ماعليه التزامات وماعرس ولاجوا العيال يوفر قدر مايمكن
بعدين نظريه غبيه
زوجي ولله الحمد مبلغني كم راتبه ولااكلفه مايطيق
الحمد لله شايفه خير
وبالعكس التوفير من صالحنا بينفعنا في اشياء كثير مثل سكن بيت جديد او شراء سياره او سكن للعيال اللي بيتزوج او غيره من ضروريات الحياه
الحمد لله الواثق انه مب مقصر على اهله ماله حاجه يخبي راتبه

[Ussop]

السؤال الي يطرح نفسه، هل إذا تخلى الشاب القطري عن السيارة الغالية، راح تتنازل البنت القطرية المصونة عن الفشخرة وترضى بالعرس العادي مثلاً؟ طبعاً لا!

والقضية الأهم الي تحرق دم الشاب القطري، هي ليست دفع المبالغ الكبيرة لزوجة المستقبل، لكن الأمر هو دفع مبالغ طائلة على فقاعات تنتهي في يوم أو يومين، لو راح نصرف هالمبالغ على المهر وتستفيد منه الزوجه لاحقاً ما أعتقد إن الكثير راح يمانعون بك.

ومثل ما قالوا الشباب، عند بدء الخطبة أطرح شروطك وأدخل جامد، إذا وافقوا على طلباتك كان بها، ولو ما وافقوا أطلع من عندهم وقولهم (خل بنتكم تخيس وتصدي)