قصة ابو خماس وام خماس عندما كانو حباري من روسيا الى الخليج عبر ايران!!!

[التركي]

الحياة في وسط روسيا وايد حلوة:ok:!، الروض خضر ،وانهار ،وحنا يا معشر الحباري مرتاحين مستانسين، اه يا البشر في روسيا وايد طببين، اليكس ،وجون ،وهذه مؤسسة لحمايتنا و طيور البراري ،جا موعد الاشتا القارص هنا في روسيا ،استعدينا احنا والربع عشان نشرد اضطراري من البرد والثلج الى الجو الدافئ، يعني بعضنا بروح إيران والبعض العراق، ويمكن نعمل لفة تمشية صوب الخليج، وبرزنا الاشناط وطرنا انا وام خماس وبعض الربع الى ايران، وصلنا ايران،الجو هنا في ايران هادي وسياحي ،وبعض الربع قالو خلينا نغير جو ونروح صوب الخليج، وطرنا صوب الخليج ،واحنا فوق الخليج نشوف شعلة كبيرة والبحر تحتنا وايد حلو ،وصلنا يمكن الساعة اثنتين بالليل تعبانين ومرهقين، واول ما وصلنا ووقعنا بعد ساعة نشوف سيارات تدور حولنا، تونا واصلين عشنا رعب وخوف :omg:من السيارات كلهم حولنا ،احنا قريب من الشاطئ أقول حق ام خماس هذول عندهم مناورا:confused:ت ؟ تقول لي ام خماس ما ادري!، والليتات فوق رووسنا ،وطلع الفجر ،بـــــــاااال! عشرين سيارة واقفة على راسنا ،وكل سيارة فيها طيرين ،لا وشكلهم لا عشوهم ولا غدوهم، وانا وام خماس صادتنا الرقالة وقمنا نصيح ونقول رحنا فيها ،قام واحد راكب جي استاندرد وجهه ضاربته الشمس ! ابي اعرف ليش ما يحط كريم واقي ، يمكن عيب ، المهم طلع طير عشان يهده علينا:vampire:، قمت صرخت في ابو خماس ، قال لي ابو خماس : ام خماس حطي البحر في عيونك وطيري طيرة الشردة ،حطيت انا وام خماس عيونا في البحر وطرنا شاردين ،والشاهين الكلوب ورانا واحنا حاطين على عمرنا في الشردة ،وهو ورانا ،المهم جا عقاب فوقنا والخواف الشاهين رجع ،وشردنا انا وحبيبي ابو خماس ورجعنا في ايران ،
ما رايكم في المبالغ الضخمة التي تصرف على المقناص من تكسير سيارات وأسعار مبالغ فيها في الحرار والشاهين واشغال الناس فيها ؟

[قطر دزاين]

اول شي القصه غير صالحه

ثاني شي المقناص هوايه مثل الكوره وغيرها وهي رياضه اهم من الكوره التي تصرف عليها مليرات
وهي هوايه الاجداد ولا تبي بعد تقضي عليها

[التركي]

زد صدودك لك اسمى الاحترام


وجهة نظر .

[BeN QaTaR]

اول شي القصه غير صالحه

ثاني شي المقناص هوايه مثل الكوره وغيرها وهي رياضه اهم من الكوره التي تصرف عليها مليرات
وهي هوايه الاجداد ولا تبي بعد تقضي عليها

:nice:

[التركي]

بن قطر لك اسمى الاحترام


وجهة نظر

[التركي]

من الجميل ، ان يكون النقد بناء

حتى يستفيد الجميع

[عابر سبيل]

الحياة في وسط روسيا وايد حلوة:ok:!، الروض خضر ،وانهار ،وحنا يا معشر الحباري مرتاحين مستانسين، اه يا البشر في روسيا وايد طببين، اليكس ،وجون ،وهذه مؤسسة لحمايتنا و طيور البراري ،جا موعد الاشتا القارص هنا في روسيا ،استعدينا احنا والربع عشان نشرد اضطراري من البرد والثلج الى الجو الدافئ، يعني بعضنا بروح إيران والبعض العراق، ويمكن نعمل لفة تمشية صوب الخليج، وبرزنا الاشناط وطرنا انا وام خماس وبعض الربع الى ايران، وصلنا ايران،الجو هنا في ايران هادي وسياحي ،وبعض الربع قالو خلينا نغير جو ونروح صوب الخليج، وطرنا صوب الخليج ،واحنا فوق الخليج نشوف شعلة كبيرة والبحر تحتنا وايد حلو ،وصلنا يمكن الساعة اثنتين بالليل تعبانين ومرهقين، واول ما وصلنا ووقعنا بعد ساعة نشوف سيارات تدور حولنا، تونا واصلين عشنا رعب وخوف :omg:من السيارات كلهم حولنا ،احنا قريب من الشاطئ أقول حق ام خماس هذول عندهم مناورا:confused:ت ؟ تقول لي ام خماس ما ادري!، والليتات فوق رووسنا ،وطلع الفجر ،بـــــــاااال! عشرين سيارة واقفة على راسنا ،وكل سيارة فيها طيرين ،لا وشكلهم لا عشوهم ولا غدوهم، وانا وام خماس صادتنا الرقالة وقمنا نصيح ونقول رحنا فيها ،قام واحد راكب جي استاندرد وجهه ضاربته الشمس ! ابي اعرف ليش ما يحط كريم واقي ، يمكن عيب ، المهم طلع طير عشان يهده علينا:vampire:، قمت صرخت في ابو خماس ، قال لي ابو خماس : ام خماس حطي البحر في عيونك وطيري طيرة الشردة ،حطيت انا وام خماس عيونا في البحر وطرنا شاردين ،والشاهين الكلوب ورانا واحنا حاطين على عمرنا في الشردة ،وهو ورانا ،المهم جا عقاب فوقنا والخواف الشاهين رجع ،وشردنا انا وحبيبي ابو خماس ورجعنا في ايران ،
ما رايكم في المبالغ الضخمة التي تصرف على المقناص من تكسير سيارات وأسعار مبالغ فيها في الحرار والشاهين واشغال الناس فيها ؟


انا اول مرة اشوف ام خماس
بمخ (بدائي) و لا عندها تكتيك "تجاري"..

شوف..انا اشوفها متأثرة بكثيرين من ربعنا..
قمتوا تتكلمون مثلنا ...
"وقعّنا" و "رقـّالة":omen2:

شوف احمد ربك انكم ما طولتوا..
تراها لواقعدت لين (القايلة)
كان قالتلك..(تعبت) من الجو و الغبار
في هالديره
ابيك تجيبلي (شغالة)..خلها مدقي و لا "فقاقه"
و لو كانت "ورقى" ..و بالمرة جيب معاهم
صـبي "خضيري" مدري "صقرقع"
على حسب روايات بعض المناطق!

*
*
،،
المهم..انت الحين تبي تخفف تكاليف المقناص
و تبي الشباب يحطون كريم (اساس):omg:

اقصد كريمات مانعة لاشعة الشمس!

ليش يا خوي..الناس (تقنص)
في اشتا موب في (القيظ)!


ما يهمنا..
الحين..قول حق ام خماس..
اشرايها يعني..
تستغل الامال اللي قاعدة تنحرق
في الشعلة اللي في البحر..

و اتسوي مشروع (حباري) مثلجة!

لول يا التركي..
كنا ما نعرف لا حليب مراعي و لا (رينبو)
حتى..كنا بس ع (النيدو) وبعدين خرب عليه
(كليم) لانه "طعموا اطيب":)

و صار الحين..ما عندنا حليب "بقر"
و هل المطايا خلوها (للريس)..
و حتى الغنم..
تسرح و ما بينها (تيس):secret:

و صرنا على قولت ابهاتنا (رحمة الله عليهم)
دجاج كانتين...
ما نستحمل الحر!

فمن ههنا..و بقراءة لسياق تطورنا (الاتكالي)..
ليش ما نفكر انا و اياك و ام خماس..
بمشروع (قطري) روسي..

نستورد فيه الحباري
و نسويها في المطاعم..
اكله مفضلة تتفوق على (الجمباري)!

لااا تقولي تفكيري تفكير
"جمبازي"

عرض و جالك..
تبي اتسوي ديل..
خلنا نتقابل في "البتيل":nice:

[شبح الصمت]

ياخوك هذه هواية من القدم من الازل المقناص

ويا زين المقناص

ترى القنص بركاده في ناس تقنص وتصرف وكلا واستطاعته

ولو انك راعي مقناص ما كنت راح تقول هالكلام

المقناص هوية توراثها الاباء والاجداد

خلهم يصرفون ويكسرون دام الخير موجود عليهم بالعافيه يا التركي

وقول حق ام خماس وبو خماس يحسبوون من الحر الطلع ان شافهم ما راح يهدهم لو راحو بحر والا جو ما راح يخليهم الا وهم عشاءه

لا هنت

http://up.souqaldoha.com/get-2-2010-1piijtmp.jpg

[barod]

في سبيل القنص والحباري كل شي يهون

[التركي]

حبيبي بارود لك اسمى الاحترام

تامل محترفي المقناص , منهم من يريد فقط قتل الوقت , ومنهم من يريد العلو والكلام , ومنهم من يتمتع

بالمال .

[شيط ويط]

اتفق وياك يالتركي

[vtc_4.8]

تسلم يالتركي

موضوع حلو معني مافهمت معناة القصه بس السؤال حلو

بنقول قبل المقناص يمكن كان قوت الشخص وعلى حيوانات وبنادق

الحين الي يصير انه سيارة يندفع فيها 300 الف لمجرد تجهيزات المقناص

مادري اذا هالشي غلط او صح ,,, بس تبقى تراث وفي دم الكثير من الشعب القطري

[التركي]

هل ااغلب اهل قطر كانوا يقنصون في الزمان الماضي , او انه يذكر في العائلة الافلانية رجل يملك طير , بسب

الفقر , وقلة رمق الحياة , وقلة الامكانية , اما الان اصبحت غرور وتفاخر ,والهدف منه قتل للوقت ؟