خياط يعتدي على زبونة؟؟؟فاعتبروا يااولي الالباب؟؟؟

[بوحمد2]

خياط يعتدي على زبونة
في سوق الخميس والجمعة
دخلت سيدة مع ابنتها ذات الثلاث سنوات محلاً لحياكة
العباءات النسائية بسوق الخميس والجمعة لإصلاح عباءة،
وعندما تجولت في المحل استحسنت عباءة بتفصيل جذاب،
فطلبت من الخياط حياكة نفس التصميم لها.
طلب الخياط أن يأخذ مقاسها إلا أنها رفضت، ثم طلب رقم
هاتفها واسمها فرفضت أيضاً، وطلبت منه أن يسجل الفاتورة
باسم أم فلانة.
وأرجأت إحضار مقاس عباءة تخصها لليوم التالي وجاءت في
اليوم التالي برفقة زوجها الذي كان ينتظر في سيارته لحين
عودة زوجته.
لحظات.. تركض الطفلة صوب باب المحل فالتفتت إليها والدتها
تنهرها بعدم الخروج محاولة جذبها نحوها، فما كان من
الآسيوي إلا أن ترك طاولته الخشبية وقام بشد قدم الزبونة من
أسفل عباءتها.
صرخت السيدة وضربته بأكياس تحملها في يدها وهرعت
لتخرج من باب المحل وطرقته بقوة، وعندما سألها زوجها عن
سبب ما حدث أخبرته أنّ الخياط حاول إمساك قدمها من أسفل
عباءتها، فنزل إليه وضربه وأبلغ الشرطة.
طلب الآسيوي من الزوج العفو وأنه لن يكرر فعلته مرة أخرى إلا
أنّ سلوكه أودى به تحت طائلة القانون.
أمام الدائرة الأولى بمحكمة الجنايات تمّ سؤال المتهم عن راتبه
الشهري فقال إنه " 700 " ريال، ولن يستطيع توكيل محام،
فانتدبت له محامياً للدفاع عنه وأعطته أجلاً للإطلاع على أوراق
الدعوى. كلمه مني الحين لوكان الزوج الجحش معاها في الخياط هل كان بيتجراء الخياط بكلمه واحده؟؟؟وهل كان بيتجراء ويطلبها مقاسها؟؟؟وهل كان بيطلبها رقمها؟؟؟اذا السبب مش من الخياط وحده والزوج بعد مشترك في الجريمه وذالك عن طريق اهماله بانه ترك مرته معا رجال داخل محل مغلق ونتج عنه مانتج,,,فتحياتي لكل زوج يترك شريكت عملره عرضه للذئاب ويبسط في موتره يسمع اغاني وداق المكيف وزوجته عرضه للذئاب؟؟؟:nice:

[ودي أكون]

احس السالفه فيها لخبطه .. والله أعلم

[Doha Sun]

ماعدت اصدق سوالف الجرايد

[بوحارب]

هذي المرأة اهون من غيرها على الأقل زوجها برع ينتظرها ومعاها طفلة

البلا كله في اللي تروح للخيايط وتخلي هذا الأجنبي يفرفرها مثل ما يبي وهي عادي الوضع عندها لاخوف من الله ولا شي

يستاهل الأسيوي ما جاه وياريت لو يسجن ويبعد من البلاد حتى يكون عبره لغيره

والمفروض التمساح اللي في الموتر ينزل مع زوجتة من البداية مب يقعد في الموتر مثل الهندية :(

والله يهدي بنات المسلمين ونشوفهم ما يطلعون الا بمحرم << مافيه امل هههههههه

[بوحمد2]

للعلم منقول من الشرق القطريه27-10

[شبح الصمت]

ياخي الموضوع فيه أنا ,,

اشدعوة شلي وداه صوب رجلها

هههههههههههههههههههههههاي

يمكن كان يبي يبوق الجوتي !!

احــم أحـم

:shy:

[ام شوشي]

الله يستر على الجميع

[nadeemy]

اول الغيث قطر ثم ينهمر
اذا استمرت سياسه جلب الايدي العامله الماهره والغير ماهره بدون ضوابط كما هو حاصل الان مما يؤدي الى تضاعف عدد الوافدين وكلهم من الرجال ومن فئة الشباب , اذا استمرت هذه السياسه سياتي يوم يكون فيه خروج المراه من بيتها بدون محرم يشكل خطر عليها

[العقل المدمر]

الموضوع غريب وفيه تفاصيل مذكوره مالها داعي
عموما الاسم والرقم دايما يطلبونه فمحلات العبي ماشوف فيه شي غريب
هي تعطي اسم زوجها ورقمه عادي :)

[شبح الصمت]

هي كلامهم يوم يوصلون المركز

بابا انا في تعبان

عشرة سنة داخل دوخه واجد مشكل هزا مكان

واجد مشكل بونيه يجي على توول انا يشوف اخضر احمر اصفر

سوي زيق ملابس سوي خسر انا شنو يسوي

بليز بابا بليز بابا بوهارب ما يصوي تسفير داخل بلاد مال انا

استغفر الله العظيم ينلامون ينلامون

انا اقول كل وحده تفصل ملابس نفس خلق الله

وسيعـه وتستر على نفسها مب مخصره تقول كانها لابسه استرش

[الكونت]

ما انقول الا حسبي الله ونعم الوكيل....نسأل الله العفو والعافيه ويستر على نساءنا ونساء المسلمين

[QtrGate]

ياخي الموضوع فيه أنا ,,

اشدعوة شلي وداه صوب رجلها

هههههههههههههههههههههههاي

يمكن كان يبي يبوق الجوتي !!

احــم أحـم

:shy:

جوتي سندرلا هههههههههههههه


عجبني العليق


شباب المشكله مب في الاسيوي او زوجها

المشكله ان مافي قانون فوقهم يعني لو في قانون يمنع دخول الرجل او عمل الرجل في المحلات النسائية جان مافيسوالف ولا خوف ولا شي في المحلات

سلملم

[الامتياز]

الله المستعان

[qatari 111]

الله يهدي ارجااجيل اللي مخلي حريمهم فحالهم فالاسواق

[القطو السمين]

قريت القصة في الجريدة اذكرسمعت القصة من زمان الظاهر الجريدة خلصت مواضيعها تموا يدورون قصص قديمة ويحطونها

[MaRuKoO]

لاتخرعوناااا زياده :(

[متسلف وفي الاخير]

الشهري فقال إنه " 700 " ريال، ولن يستطيع توكيل محام،
فانتدبت له محامياً للدفاع عنه وأعطته أجلاً للإطلاع على أوراق


وماخفي اعظم

[OTOsan]

هي كلامهم يوم يوصلون المركز

بابا انا في تعبان

عشرة سنة داخل دوخه واجد مشكل هزا مكان

واجد مشكل بونيه يجي على توول انا يشوف اخضر احمر اصفر

سوي زيق ملابس سوي خسر انا شنو يسوي

بليز بابا بليز بابا بوهارب ما يصوي تسفير داخل بلاد مال انا

استغفر الله العظيم ينلامون ينلامون

انا اقول كل وحده تفصل ملابس نفس خلق الله

وسيعـه وتستر على نفسها مب مخصره تقول كانها لابسه استرش



اخوي شبح ...

الخبر ماجاب طاري عباية ضيقة :)

بالعكس الخبر وضح ان المرأة كانت محتشمة جدا .. جدا ..وبالتالي ففعل هذا الاسيوي يدل على دنائته ..بغض النظر عن اي مبررات واهيه قد يقولها ،،

[شبح الصمت]

اخوي شبح ...

الخبر ماجاب طاري عباية ضيقة :)

بالعكس الخبر وضح ان المرأة كانت محتشمة جدا .. جدا ..وبالتالي ففعل هذا الاسيوي يدل على دنائته ..بغض النظر عن اي مبررات واهيه قد يقولها ،،



ياخوك انا بسألك لو لاحظت اهو طلب منها رقم تلفونها كان عطته رقم رجالها ليش كل الرفض كان موجود !!!

ياخي الموضوع فيه آن

والموضوع كله يدور حول الخيايط

كاه احنا لو نبي نفصل لاهالينا نروح معاهم ويعطونهم قياس الدفة الي يبونها ياخذ القياس ويرجعها نجيبها بالخريطة بس نختار التشكيلة !!!

اسمح لي الموضوع فيه لغز

الله يستر على اهالينا وعلى الجميع

وعن موضوع دناة اليد العاملة ياخي هذه خياط واتوقع وايد بنات يمرون عليه فاليوم وليش هذه بالذات !!!

[سهم متردد]

خياط
الدعوى. كلمه مني الحين لوكان الزوج الجحش :nice:

نعم الجحش يبقى جحش وياكثرهم في البلاد
لا والمشكلة انه راح وضرب الخياط يعني مايطلع رجولته الا على الخياط

[رجل مثالي]

أخي أنا ذكرت في موضوعي السابق على أن عدد المقيمين أكثر بكثير من عدد المواطنين وهذا التجرىء الي حصل من قبل الهندي الخياط على الزبونه لان ظهره قوي بأن أعداد الهنود عندنا كثيره ويمكن يكون المرأه زوجها مسافر وهي مضطره للذهاب للخياط وما عندها أحد وشكرا

[وهم قطر]

ماله داعي يوخر من الطاوله ويطب رويسي على الرجل وشيبي برجلها ويخلي الجسم

يترجاها لاتروحين مثلا...

انا اشوف أن المره مابذر منها اي اغراء ماعطته رقمها ولا يقايس عليها الخياط مايتجرأ على وحده بهالطريقه وهذا اسلوبها

الخياط عنده زباين ويعرف المحتشمه والغير محتشمه منهم .

[" روح قطر "]

الله يستر على بناتنا

[رجل مثالي]

للعلم منقول من الشرق القطريه27-10


يا أخي شهيد الامه جعل العراق والامه في داهيه وفي ظلمات الله يعلم الى متى

[الموضوعي]

لا بعض البنات الحين هم اللي يتحشرون في الخياطين علشان يسوي لهم خصم

[رجل مثالي]

اول الغيث قطر ثم ينهمر
اذا استمرت سياسه جلب الايدي العامله الماهره والغير ماهره بدون ضوابط كما هو حاصل الان مما يؤدي الى تضاعف عدد الوافدين وكلهم من الرجال ومن فئة الشباب , اذا استمرت هذه السياسه سياتي يوم يكون فيه خروج المراه من بيتها بدون محرم يشكل خطر عليها


أحنا تكلمنا كثير عن ظاهرة تزايد أعداد الوافدين دون ضوابط وهذا يشكل طبعآ خطوره كثيره على المجتمع في المستقبل وبعدين ما ينفع الندم وشكرا

[رجل مثالي]

ماله داعي يوخر من الطاوله ويطب رويسي على الرجل وشيبي برجلها ويخلي الجسم

يترجاها لاتروحين مثلا...

انا اشوف أن المره مابذر منها اي اغراء ماعطته رقمها ولا يقايس عليها الخياط مايتجرأ على وحده بهالطريقه وهذا اسلوبها

الخياط عنده زباين ويعرف المحتشمه والغير محتشمه منهم .

معظم الهنود متجرئين علينا لانه لاتوجد رقابه شديده ولا رادع قوي يخوفهم وشكرا

[شبح الصمت]

معظم الهنود متجرئين علينا لانه لاتوجد رقابه شديده ولا رادع قوي يخوفهم وشكرا



اشلون متجرئين والله محد يتجرأ دامه حاشم عمره ومعطه العين الحمره

محد كفو يقرب ويتكلم

عاد الي شخصيته مهزوزه هذا شيء ثاني

[dream~qa]

الملاحظ أن الخياييط اللي يتجرؤون بهالطريقة هم من خييايط مناطق معينة في قطر إذا باذكرها بتجيني ردود أنا في غنى عنها .

عموما الموضوع في حلقة ناقصة .

[شبح الصمت]

الملاحظ أن الخياييط اللي يتجرؤون بهالطريقة هم من خييايط مناطق معينة في قطر إذا باذكرها بتجيني ردود أنا في غنى عنها .

عموما الموضوع في حلقة ناقصة .



يعني تشوفين الشيء وساكته عنه !!!

أنزين الله لا يهينج اتصلي على جهة الامن الوقائي وبلغي على حركاتهم وخلي يسوون لهم كمين !!!

وتكونين بريتي ذمتج

بس تدرين احنا شنو طبعنا انا ماجاني شي مالي خص الباقي خلهم يولون يحترقون

ذكريهم عشان العالم تحاسب اذا واثقه من كلامج اختي

وارحم الله والديج

[ام شوشي]

لا بعض البنات الحين هم اللي يتحشرون في الخياطين علشان يسوي لهم خصم


من صجكم ها الكلام حرام عليكم اتكلمون في اعراض الناس اليوم انت تدين وبكرة تدان

حسبي الله ونعم الوكيل

[بصمة قطرية]

مسألة طلب الاسم والرقم هالشي لازم عشان ينكتب في الفاتورة ..!!
كلنا نفصل عبي ونعرف هالشغلات ..
وبالنسبة لتجرأ الآسيوي عليها لو كان رجلها معاها كان محد تجرأ وتطاول عليها حتى لو بنظرة ..

وفي بنات الله يهديهم تدخل هالمحلات وغيرها وهي بكامل زينتها عباية ضيقة وملونة
ومكياج وشعر طالع ..
طبعاً انا ما اتكلم عن صاحبة القصة لا حشا ولا احط في ذمتي بس اتكلم عن اشياء شفتها بعيني ..

الله يهدي الجميع ..

[بصمة قطرية]

اشلون متجرئين والله محد يتجرأ دامه حاشم عمره ومعطه العين الحمره

محد كفو يقرب ويتكلم

عاد الي شخصيته مهزوزه هذا شيء ثاني

صح لسانك أخوي ..
بالضبط اللي تحشم عمرها محد بيتجرأ عليها ..

لكن اللي بتقط الميانه جنها تسولف مع اخوها مش خياط ..
ضحك وغشمرة ولا وتفاصله بطريقة سخييييييييفة ..
هي اللي تسببت على عمرها ..
وسمحت له يتطاول عليها ويتمادى ..
لما اشوف هالشي ضغطي يرتفع بصراحة ..
اتنرفز من هالنوعية ..

[ميمي 88]

الحمدلله !


طاح قلبي !

ع بالي اعتدى فعلا عليها امام طفلتها
بس دام مسك ريلها :secret: وزوجها برا الحمدلله تدارك الامر

بس فعلا ليش مسك ريلها ؟؟؟ احس السالفه خربطيشن من خرابيط الجرايد

[toomi9]

شلون استجرأ على قطريه وهو يدري بتسوي له بلبله ؟؟؟
مافكر بالي بيصير له ولا يحسب القطريه بتعطيه ويه ؟؟
الموضوع فيه ان

[درب السعادة]

الكلام كله هذا ماله معنى ...... هاي حالة استثنائية ولا يوجد ما يبرر حصول او تكرار مثل ها الموقف في محلات الخياطه ....

وكون الرجل خياط هذا شي ما يعيب ولا فيه غلط ..... المشكله في اخذ القياس فقط لا غير .... والكثير من الحريم في الوقت الحالي يأخذون قياسات جاهزة ويودونها للخياط ويسوي نفس المقاس

لا تصعبون الامور وتعقدونها

وأذا على الاسم ورقم التلفون ..... أسمي ورقم تلفوني عند خياطي .... لو في شي اتصل عليه ويتصل علي أيش القضية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟


بس تبون تروعون الحريم وبس ؟؟؟ في مواقف نعم يجب الحذر فيها وأماكن معينه لا تتواجد فيها المرأة بمفردها وفي اوقات معينه ... أما الاسواق والامكان العامه والخياطين ، الامر عادي وأكثر من عادي يا جماعة والله

طول عمرنا نروح ونجي ونسوق سيايرنا ولاحد اعترضنا ولا سوى لنا شي وربي شاهد

خلصونا من الافكار المرعبة اللي يحاول البعض يزرعها @@

تحياتي

[حقيقه]

تخلف والسبب الرجال
اللي يؤدي. أهله للسوق ومايدش المحل معاهم أو الخياط

أذكر واحد مخيس النفس ومخلي حريمه بالمحل
مع الهنود اللي هم رجال طبعا
ويوم أدخلو كذا رجال مع حريمهم دش وعصب عليهم
يقول اطلعو وخلو الحريم بروحهم

غبي خاف على حريمه من الرجال اللي مع أهلهم
وماخاف عليهم من الهنود الشغالين بالمحل

[بنت شيوخ]

الغلط من الرجال وزوجته عطو مجال للعامل

الله يستر على المسلمين

[درب السعادة]

تخلف والسبب الرجال
اللي يؤدي. أهله للسوق ومايدش المحل معاهم أو الخياط

أذكر واحد مخيس النفس ومخلي حريمه بالمحل
مع الهنود اللي هم رجال طبعا
ويوم أدخلو كذا رجال مع حريمهم دش وعصب عليهم
يقول اطلعو وخلو الحريم بروحهم

غبي خاف على حريمه من الرجال اللي مع أهلهم
وماخاف عليهم من الهنود الشغالين بالمحل

لا حبيبتي الرجال اللي في المحل هاي شغلتهم مثلهم مثل الطبيب واستاذ الجامعه والمدير .. يعني لازم الرجال يكون مع زوجته في المحاضرة والا في المكتب عند مديرها ؟؟ ترى تفكيركم فيه مبالغه فاقت الحدود وتصرف الرجل سليم ، الحريم داخلين مع بعض عند الخياط يدخل معاهم رجال ليه وفي غيرهم نسوان في المحل ؟ علشان يخز الحريم اللي داخل ؟

حشم نفسه وتم برا أكيد تصرف سليم واللي دخلوا مع حريمهم مالهم حق يدخلون اذا في حريم في المحل من الاصل

أما عليكم سوالف وافكار تشيب الراس @@:anger1:

[qatari 111]

تخلف والسبب الرجال
اللي يؤدي. أهله للسوق ومايدش المحل معاهم أو الخياط

أذكر واحد مخيس النفس ومخلي حريمه بالمحل
مع الهنود اللي هم رجال طبعا
ويوم أدخلو كذا رجال مع حريمهم دش وعصب عليهم
يقول اطلعو وخلو الحريم بروحهم

غبي خاف على حريمه من الرجال اللي مع أهلهم
وماخاف عليهم من الهنود الشغالين بالمحل

مب غبي الا ثوور

[الخفي]

لا حبيبتي الرجال اللي في المحل هاي شغلتهم مثلهم مثل الطبيب واستاذ الجامعه والمدير .. يعني لازم الرجال يكون مع زوجته في المحاضرة والا في المكتب عند مديرها ؟؟ ترى تفكيركم فيه مبالغه فاقت الحدود وتصرف الرجل سليم ، الحريم داخلين مع بعض عند الخياط يدخل معاهم رجال ليه وفي غيرهم نسوان في المحل ؟ علشان يخز الحريم اللي داخل ؟
حشم نفسه وتم برا أكيد تصرف سليم واللي دخلوا مع حريمهم مالهم حق يدخلون اذا في حريم في المحل من الاصل

أما عليكم سوالف وافكار تشيب الراس @@:anger1:




(( طيب لو سلمنا ان الرجال المفروض مايدش عشان مايغز الحريم

والخياط موب رجال يغز الحريم ولا شرايك ))

[yesno]

الحمدلله !


طاح قلبي !

ع بالي اعتدى فعلا عليها امام طفلتها
بس دام مسك ريلها :secret: وزوجها برا الحمدلله تدارك الامر

بس فعلا ليش مسك ريلها ؟؟؟ احس السالفه خربطيشن من خرابيط الجرايد


اكيدالهندي شافها مره كبيره مع بناتها فحب يسلم عليها باحترام. تدري الهنود في الأفلام يسلمون على ارجول الشخص كبير السن:nice:

[العـوا]

ممكن المصدر لو سمحت

[نورالهدى]

يمكن سوالها حركه مب زينه
وتندم ويبغي يعتذر منها
فنزل على رجولها يستسمحها
وهي استحت اتقول
وتسترت على عمرها
الله يستر علينا جميعا

[basma222]

الحين كل المحلات لين شريت او تطلب تصميم خياطه يطلب الاسم والرقم

و مو لازم تعطيه رقمها واسمها

تعطيه اسم الزوج ورقمه علشان اذا الانتهاء من الخياطه يتصل عليهم

[ضوى]

كثر ماخيطنا عبي ماتذكر احد من الخياطين تجرا علينا ، هذا اشلون تجرا ووصل معاها لهالمرحلة ، استغفر الله العظيم ، حسبي الله عليه لا ذمة ولا شرف عندهم

[doha2012]

لا اله الا الله محمد رسول الله

خبر يغث ويمرض ,,,, والمفروض مانتكلم في الرجل واحنا مو عارفين تفاصيل الخبر الصحيح

لا ليه مانزل معها ... واللي صار صار

واتمنى ان احنا يانسوان نعتبر من الللي صار ان شاء الله



تقبل حضوري المتواضع وتحياتي واحترامي

[Super Cool]

الموضوع فيه ثغرات كثيرة....و علامات "التأليف" واااااااااااضحة وضوخ الشمس

[MAZEN37]

لا حول ولا قوه الا بالله

[الصريحه]

حسبي الله عليه
تجرؤاااااااااااااااااااااااااااااااااااااااااااااا ااااااااااااااااااا

[دلة الرسلان]

شيبغي في رجلها يعني بيسحب المرة من تحت الطاولة !!

ولا طاري عليه بيلمسها بدون ما تحس !!

ولا زلق تحت الطاولة قضاء وقدر !!

زين ليش ما دار ورا الطاولة شمعنا من تحتها !!

يا الموضوع فيه لبس او طريقة النقل فيها خطأ .

[التيما]

حسبي الله على هالزوج اللي قاعد في السيارة .. طيب دامك وصلتها يالدعلة دش معاها .. والمشكلة بعض الحريم تقعد تتضحك وتتغشمر وتطيح الميانة .. أذكر مرة ويا اختي ووزعوا علينا حلوى هندي حق واحد منهم جاه ولد فسألنا الريال حق العبي من وين نشتري الحلوى في محل قريب .. يقول اي روحوا رابع محل المهم رحنا مافي محل عادي حق عسل و و و رجعنا له مافي يقول انتوا مو يبي حلوى حق جسم ؟؟ أنا قال جذي ! كفرت فيه الحيوان .. يستهبل الوصخ هزئته لابوه لابوهم كلهم ..
ماينلامون من المصخرة اللي يشوفونها من بعض الحريم .. لان الريال لو يودي مرته كل مره بيشوف العجب من الحريم اللي يجون من غير رياييلهم ..

[فلتة زمانها]

عادي يطلب الاسم والرقم عادي الكل يطلبه فالمحلات والخياييط
ماشفنا شي عاد يجرها من ريولها عسى ماشر مب داشه مخي
ههههههههههههههه

[بدون]

الله يستر من هالعمالة اللي ما تخاف من ربها و النسوان اللي يعودونهم على الغشمرة و الضحك
يعني ينحط البنزين جنب الشرر
النتيجة دماااار

[ميمي 88]

<< مافيه امل هههههههه

هههههههههههههههههههههههههههه
ضحكتني هههههههههه
اي والله مافي امل هم يفضوون لنا عشان انحصل محرم ههههههههههههههههههههههههه

[ولد المنصور]

اكيد كانت متبرجه ولا مايتطاول على وحدة مستترة وتكلم عدل والله يستحي صدقني

[ولد المنصور]

وبعض الحريم لا شافت قطري تغطت واسيوي عادي تكشفله ووووتضحك ليششششششششش

[وهم قطر]

تخلف والسبب الرجال
اللي يؤدي. أهله للسوق ومايدش المحل معاهم أو الخياط

أذكر واحد مخيس النفس ومخلي حريمه بالمحل
مع الهنود اللي هم رجال طبعا
ويوم أدخلو كذا رجال مع حريمهم دش وعصب عليهم
يقول اطلعو وخلو الحريم بروحهم

غبي خاف على حريمه من الرجال اللي مع أهلهم
وماخاف عليهم من الهنود الشغالين بالمحل

يعني حريمه مب وحده عين اصواب الي سواه الرجل

العامل الي في المحل طبعا شغلته والرجال الي دخلو وش شغلتهم مادام حريم واجد في المحل ولا خوف في ذلك

ماتشوفين وجود الرجل يضايق الحريم لايقدرون يتكلمون ولا يسألون العامل من مسافه يعني يرفعون صوتهم شوي للاستفسار عن السعر

أما العامل كلكم تعرفون شخصيته اذا بائع يلتزم لان لسمعه المحل .

أما اذا المحل فاضي والبائع رجل وانا متاكد من خلوه من الحريم لا والله الا بدخل وبكون غلطان أذا مادخلت

اما اتبع المره من ستاند لاستاند على يمينك ملابس داخليه وش قاعد تطالع انت :omen2:

[وهم قطر]

انا متاكد انها مب قطريه اكيد نفس جنسيته وكان يعرفها قبل لاتزوج وخانته وتزوجت الرجل الي كان برا

ويوم انسدح من تحت الطاوله وهو ممتغط وماد يده كان يترجاها ويتأسف لها

يوم ماعطته مجال قال لازم اخذ شي تذكار منها وهو السلسال الذهبي الي في رجلها

[فتى الجود]

أمام الدائرة الأولى بمحكمة الجنايات تمّ سؤال المتهم عن راتبه
الشهري فقال إنه " 700 " ريال، ولن يستطيع توكيل محام،
فانتدبت له محامياً للدفاع عنه وأعطته أجلاً للإطلاع على أوراق
الدعوى.

كلمه مني الحين لوكان الزوج الجحش معاها في الخياط هل كان بيتجراء الخياط بكلمه واحده؟؟؟
وهل كان بيتجراء ويطلبها مقاسها؟؟؟
وهل كان بيطلبها رقمها؟؟؟
اذا السبب مش من الخياط وحده
والزوج بعد مشترك في الجريمه وذالك عن طريق اهماله بانه ترك مرته معا رجال داخل محل
مغلق ونتج عنه مانتج
فتحياتي لكل زوج يترك شريكت عمره عرضه للذئاب
ويبسط في موتره يسمع اغاني وداق المكيف
وزوجته عرضه للذئاب؟؟؟

من المصدر في الخبر ؟؟



اولاً

تشكر قضاة دولة قطر لتطبيقها القانون حيث انتدبت للمتهم محامى !!!!!!!!!!



ثانياً : اخى كاتب الموضوع
مافى داعى تسب الرجال ، الرجال لو مافيه خير ماكان نزل وظرب الهندى
وانت ياخوى لازم يكون عندك نوع من تقدير احوال الناس
يعنى ممكن الزوج مريض او تعبان اوفيه مشكله صحية
لاتفكر عشان انت الله انعم علييك ثوب الصحه والعافيه
تشوف كل الناس صاحيين

وبعدين اللى يشتغل في هالبلاد لازم يحترم قوانينها

يعنى خلك واقعى انت

توقف مع زوجتك او امك او اختك
عند كل محل ؟؟


احنا بلادنا نمشي فيها والجميع يحترم نفسه من الأجاب واللى مب عاجبه يرجع بلاده

[مسافر77]

الله يعافينا
ليش تروح عند خياط؟
ليش الخياط مهما كان مو لازم إلا خياطة للحريم.؟
الخياط للرجال أو للتفصيل الجاهز فقط.
هذا خياط مو طبيب.
محرمات أستهان بها الناس.
المبدء والعقيدة واضحة.
واللي بخالف يتحمل.

[بومبارك505]

الاصول محلات الخياطه النسائيه يشتغلون فيها نساء والشرهه على ادارة العمل

[ALRAYYAN]

ياجماعه يمكن زوجها كان مشغول ومب قادر ينزل من السياره
اتوقع كان عنده برود كاست مهم او متبع سالفة النمر وقال حق زوجته انزلي وخلصي وتعالي لايفوتني شي على البيبي

استغفر الله العظيم على الصبح

[captin]

سواء الخبر صحيح أو غير صحيح
هذا الشيء متوقع من رجل أعزب
آسيوي لايردعه دين ولانخوة ولاشهامة
ويتعامل مع عشرات النساء يوميا من مختلف الأشكال

المهم في الأمر ليش ربعنا في البلدية أو الرخص التجارية
ماينظمون مثل هاذي الأنشطة وخصوصا محلات الخياطة النسائية

بحيث يكون هناك استقبال
للقياس والتفصيل يكون التعامل فيه مع نساء سواء آسيوية
او عربية أو من أي جنسية كانت
والمعمل او الورشة يعمل به الرجال في خلف المحل بمكان
منعزل او حتى في مكان آخر بعيد.

[فــلان]

ياخي الموضوع فيه أنا ,,

اشدعوة شلي وداه صوب رجلها

هههههههههههههههههههههههاي

يمكن كان يبي يبوق الجوتي !!

احــم أحـم

:shy:


أنا قلت هالشكل بعد

[حقيقه]

يعني حريمه مب وحده عين اصواب الي سواه الرجل

العامل الي في المحل طبعا شغلته والرجال الي دخلو وش شغلتهم مادام حريم واجد في المحل ولا خوف في ذلك

ماتشوفين وجود الرجل يضايق الحريم لايقدرون يتكلمون ولا يسألون العامل من مسافه يعني يرفعون صوتهم شوي للاستفسار عن السعر

أما العامل كلكم تعرفون شخصيته اذا بائع يلتزم لان لسمعه المحل .

أما اذا المحل فاضي والبائع رجل وانا متاكد من خلوه من الحريم لا والله الا بدخل وبكون غلطان أذا مادخلت

اما اتبع المره من ستاند لاستاند على يمينك ملابس داخليه وش قاعد تطالع انت :omen2:


أنا بتكلم لك عن الموقف اللي صار قدامي
المحل كان فيه أربع يشتغلون

وحريمه 3 يعني حتى لو بروحهن وعادي بما انهم مجموعه يخليهم

لاياحبيبتي الرجال رجال ان كان واحد أو عشر

وأنا بنت وفاهمه شكتب وشنو اللي أقصده من انه الرجال لازم يكون مع حريمه

بس للأسف فيه حريم غصب عنهن يروحن بدون رجال لأنه ماعندهن وإبرك الساعات لأنه قليل الرجال في هالزمن<< ههههههههههههههه طلعت برئ الموضوع

[dream~qa]

يعني تشوفين الشيء وساكته عنه !!!

أنزين الله لا يهينج اتصلي على جهة الامن الوقائي وبلغي على حركاتهم وخلي يسوون لهم كمين !!!

وتكونين بريتي ذمتج

بس تدرين احنا شنو طبعنا انا ماجاني شي مالي خص الباقي خلهم يولون يحترقون

ذكريهم عشان العالم تحاسب اذا واثقه من كلامج اختي

وارحم الله والديج

ليش اشدخل الأمن الوقائي ؟؟؟؟ إذا الزبونات يقايسون برضاهم .

[شموخ العز]

والله راحت النخوه والغيره( البعض منهم) من الرجال تدش زوجته محل وفيه اسيوي وهو قاعد في السياره

وزوجته لو فيها خير ما دخلت بدون زوجها